كتب الكاتب الفاتح جبرا المتوفرة بمعرض الدوحة
|
|
 كان يكنس بالطمبور احزان السواقي...يس عبد العظيم في ذكرى رحيله 17/10/1987
|
(انها سبعة عشر عام من الحنين المؤجل
رحل يس كعادة الراحلين دون ان يطفئ شمعة اوقدها ليحرس منام العاشقين الاشقياء ..قبل ان يكمل اغنيته الاخيرة.. في العاشرة حزنا بتوقيت سواقي (العفاض) المهجورة..
لكني كنت اصادفه دائما وهو يخطو سريعا لان البلاد كانت تسرق الحانه لذا كان يمشي سريعا..
كان يمشي سريعا ..
كان ..
ْْْْْْْأيوجعك الموت يا يس..؟
امازلت تشذب اوتار طنابيرك لحالة شجن مفاجئ..؟
لا نغنيك ولكنا ..
لانغنيك , .....)
اكتبوا عنه
احيوا ذكراه قبل ان يدفننا الغبار
|
|
 
|
|
|
|
|
|
|
|
Re: كان يكنس بالطمبور احزان السواقي...يس عبد العظيم في ذكرى رحيله 17/10/198 (Re: atif anees)
|
ضمنى يا ليل الغلابة وضمنى
لفنى وابلعنى فى جوفك هناك ولمنى
بسالك بالفيك مسك قلبو وشهق
بالبيبكى ودار تشقوا العبرة طق
بالكتم سر حبو لا با لا نطق
قولى مخلوق حظى منك ولا من حظى اتخلق ؟
انتظر طاوعنى لا تعجل تفوت
يبقى ما تلقانى بكرة وراك اموت
ودا ان حصل البس سوادك وحدنى
مالك اتحيرت يا ليل فى الكلام
ماك شايف الدنيا فى عينى ظلام
والقليب عميان يفتش فى الزحام
لى قلوبا طيبة ما عرفت خصام
فى زمننا الطيبة راحت وما اتلقت
فى دروبا جريت والكرعين حفت
والبقول يمسح دموع عينى يزيدا يتمنى
الا رحم الله يس بقدر ما قدم
ولا املك الا ان اردد قول صديقه ورفيقه فى الانسانيه والابداع
ابراهيم ابنعوف
يس جاك غريب اغفرلو يا مولاى
| |
|
|
|
|
|
|
|
|
|
|
Re: كان يكنس بالطمبور احزان السواقي...يس عبد العظيم في ذكرى رحيله 17/10/198 (Re: atif anees)
|
Quote: ........................... المرض القاتل يمسك بتلابيبه... يمنعه الغناء ... يمنعه الحياة ... يمنعه أن نتعانق ذات مساءٍ دافئ ونحن نحلم بصبحٍ أكثر دفئاً ... يمنعه أن يتسرّب لوجدان محبيّه أغنيةً أغنية وهو يعدُّ الألحان لحياةٍ طويلةٍ قادمة ... يمنعنا فقط أن نمنع الدمع ونحن نتحادث عبر التلفون وأن نمنع الشجن الأثيري من قتل حلم اللقاء ... يمنعه أن يربط حريرته على جبينه ويتناقل على الكتوف وعروسه تذوب في خفرها على الكرسي وهو الذي أوقد أفراح الجموع ... يترنم في ذاكرته ويمضي ليردد الصدى ..
كيفن تسافر
تاخد قليبي معاك
وندمن نحن النزيف وسطوة الذاكرة ونبكي ..
لا خلّى عنوان للبعاد
لا حتى وصّى على البلد
يا حليلو سافر وابتعد
واحلامنا في ليل الضياع تاهت مع التذكار وعَد
خمّت أياديها الرماد شوّش قماريها الرعد
ونبلل الحلوق بالدمع ... وتستبدله الذاكرة بالدم يرسم خرائط الوجد والفقد |
مقال للأستاذ أسامة معاوية الطيب "بتصرف قليل"
عن الراحل الفنان سيف الأراك
زميل الأستاذ يس عبد العظيم في الفن
وضحية المرض العضال أيضاً
لهما الرحمة
| |
|
|
|
|
|
|
|
|
|
Re: كان يكنس بالطمبور احزان السواقي...يس عبد العظيم في ذكرى رحيله 17/10/198 (Re: atif anees)
|
الاعزاء ...
عادل عثمان ,سيف الدين جبريل , علاء , اوسلي2 , yasiko
لم التق (يس) ..وهو ما يوجعني اكثر
عرفته عبر الكاسيت فاصاب في ما اصاب ...كان ذلك في العام 1989 وعندمااستفزني اكثر سألت عنه , فعرفت انه رحل قبل عامين...
قبل نهرين ..قبل ما تنزل مصيبة!!!!!! فمن رحل قبل الآخر ...؟
كنت اسمعه في ليالي الشتاء الموحشة ..وحين يستبد الليل والبرد والذاكرة والدم بشهوة الدفء , كنت لا اميز بين انين صوته وانين الريح خلف الباب المتهالك ...وربما كنت اشم في صوته هجين روائح شتى
بعضها مرّّّّّّّّّّّّّ بي كالتبلدي , رائحة المسافرين , الزوادة , عروق النيم, الرواكيب في الدغش بعد ليلة ماطرة.., وبعضها مازلت اتمني حتى الان ان اعرفها .........
| |
|
|
|
|
|
|
|
|
|
Re: كان يكنس بالطمبور احزان السواقي...يس عبد العظيم في ذكرى رحيله 17/10/198 (Re: Kostawi)
|
يس عليه رحمه الله كان متفرد فى الحانه واداءه وكلمات اغانيه كان يختارها بعناية وابدع فى تقديم اعمال الشاعر الضخم حميد
معي الآن المبدع عثمان عبد العظيم شقيق الراحل وهو يستعد لتوثيق كل اعمال الراحل وسيقوم بتسجيلها للاذاعة السودانية خلال ايام وعثمان يسير على درب الراحل من حيث اختياره للكلمات وهو الآن يجري في بروفات لالبومة الجديد الذى يتضمن عدد من الاغاني التى صاغها حميد
اتمني ان يحيي نادي الطنبور ذكري الراحل يس
| |
|
|
|
|
|
|
|
|
|
Re: كان يكنس بالطمبور احزان السواقي...يس عبد العظيم في ذكرى رحيله 17/10/198 (Re: أبو ساندرا)
|
يس عبدالعظيم
سمعته فعلم ذائقتي الفنية طرق دروب الأغنية القضية، فكان مصطفى والموصلي وآخرين،
إفتقدته كما فقدته الأغنية المناضلة، والذي أعتقد أنه ومصطفى سيد أحمد أباؤها، وإشتركا في الرحيل المبكر وما زال بوتر كل منهما بقية من لحن، ونص تحيط به خطوط وشخبطات.
فلنحي ذكرى هذا الراحل الجميل....
بركات راجع إرشيف صاحبك محمد الحسن وستجد عنده نسخة من شريط قديم للراحل يس عبدالعظيم، كنت قد حصلت نسخة منه قبل سنوات تتجاوز الخمسة.
أبو يسرا مليون سلام، وتوقع حضوري في العيد بإذن الله....ويا ريت أجد عندك مجموعة لهذا المبدع الجميل
وشكرا أخي عاطف أنيس، وقد سمعت عنك الكثير، وأتمنى أن أسمعك.
| |
|
|
|
|
|
|
|
|
|
Re: كان يكنس بالطمبور احزان السواقي...يس عبد العظيم في ذكرى رحيله 17/10/198 (Re: أبو ساندرا)
|
الصديق بركات
كيفنك
للاسف الشديد لا يوجد كاسيت (بمواصفات الانتاج الفني التجاري ) ل(يس عبد العظيم) الا كاسيت واحد فقط اسمه (ليل الغلابة ) انتجته (شركة الروماني للانتاج الفني) ....اما بقية الاشرطة التي كانت متداولة فهى تسجيلات تمت بالشكل التقليدي اما من الحفلات او القعدات وغالبا ما تكون بالمسجل العادي ....والذي اعرفه جيدا ان بالاذاعة السودانية تسجيل لحلقة كاملة ل(يس عبد العظيم) يحوي اكثر من 10 اغنيات تقريبا
بما فيها (ليل الغلابة), حمتو , يا غيم بلا كلفة , اعز انسان,حبال الذكرى,بت العرب النوبية واخريات.....
نادوس
شكرا على المداخلة اللطيفة واتمني ان نلتقي
| |
|
|
|
|
|
|
|
|
|
Re: كان يكنس بالطمبور احزان السواقي...يس عبد العظيم في ذكرى رحيله 17/10/198 (Re: atif anees)
|
عاطف
كيفنك ، وغادة ، شكرآ على المعلومات ومن هنا لغاية العيد الكبير سوف أحصل على جميع أعماله حتى العشرة المحبوسة في الإذاعة . حنست عمر خليل وليمياء بت الكلاكلة صاحبة الصوت السماوي أن يسجلو لي عشرة مقاطع للحياة ، وعدوني ، ومازلت أنتظر وأنت تعرف كسل عمر ،لذلك يا ريت تفعل مع غادة واتي أجزنا صوتها معك في { عايز اكون زولآ ليهو قيمة }
نادوس
شكرآ ،اليوم مع أبو آلاء ، وبالنسبة لعاطف لدي عشر شرائط مسجلة تسجيل جيد وواضح ، كنت سجلت منها لمصطفى عثمان ، أبحث في سحارته ، فهو يذكرني بحبوبتي تحتفظ بالأشياء الجميلة وتغتنيها لكن لا تستفيد منها ،
| |
|
|
|
|
|
|
|
|
|
Re: كان يكنس بالطمبور احزان السواقي...يس عبد العظيم في ذكرى رحيله 17/10/198 (Re: ابو يسرا)
|
رمضان كريم
عاطف انيس تعرف اني افتقدك جدا صاح؟
من العنوان تذكرت حين غنيت على الهوا ادن اولاد الحرام الكرابيج والامارة .... وميضنة جامعنا تنقز ما تصل كتف العمارة ... اذكر جيدا مساهمتك الغالية في ( رفدي ) من الاذاعة لاحقا ... حين تسجيل رنة طنبور في صالة فنون بالعود وكان يحلق بيننا يس عبدالعظيم ... كان يحلق فينا وبيننا ... ويمكن اقول انو يس عندو كم اغنية مسجلة في الاذاعة وهن بالضبط المسجلات في شريطو ليل الغلابة بس تاني في ( العيد مبارك والمراد ينتم حبيبي ) لابراهيم ابنعوف اعتقد انها مافي الشريط واللا في ما متذكر
ابوساندرا اكيد في العيد حا نحكي عن يس كتيييييييييييييير وحا اطبع الشرايط العندك كلها
عاطف انيس امونة كمال حسن محمد تخص الراحل الذي يحفر في اعصابي سيف الاراك امونة ماني غريب الا البلد غربة زي شافعا مع الايام في حضنك اتربى كيف تسلب الاعوام ماضيهو من شبّ
هذا السيف الذي يمزق صفحات الذاكرة ويعود لغمده - كبدي ... بيني وبين يس عبدالعظيم كلام كتير ساكتبه قريبا لكم جميعا
هل يقرأ الفنان مستقبلنا الممزق هذا فيرحل (يفوت قنعان من خيرا فينا ؟)
| |
|
|
|
|
|
|
|
|
|
Re: كان يكنس بالطمبور احزان السواقي...يس عبد العظيم في ذكرى رحيله 17/10/198 (Re: atif anees)
|
بركات
تسلم ياخي وعيد سعيد مقدما طالما حتكون في السودان وحنحاول نسجل ليك الاغنية..........
خضر ..خالد الطيب...samo
شكرا على المرور الجميل...............
صفاء فقيري..
يحتفي هذا البوست بمداخلتك وشكرا علي الاهتمام...
الصديق اسامة معاوية..
وييييييييييييييييييييييييييييييييييييييييييييييينك
اعدتني الي ايام عييييييييييييييييييييييييك....!
الاذاعة..نادي الطمبور ...جامعة السودان..والبركة فيك يا صديق..
وبعدين ما تبقيني سبب في رفدك من الاذاعة اصلو امورك كلها كانت بايظة ..!!!
ابو يسرى
شكرا علي اهتمامك بالبوست وسلامي لعثمان وكمال واكيد حاتصل بيهم
| |
|
|
|
|
|
|
|
|
|
Re: كان يكنس بالطمبور احزان السواقي...يس عبد العظيم في ذكرى رحيله 17/10/198 (Re: atif anees)
|
عاطف انيس
انه السلام
الدنيا كانت زى مغارب.. فى سنه من سنين الفقد ,واللوعه ..مشينا بيت فى المسح الاجتماعى.. أمبده ...بيت سمير العازف الفنان. ياربى؟ ...كان فى ناس....ويسن عبد العظيم
بغنى ...صوت طالع من عصب الروح.....والغنيه حزينه...حزينه كانت ...والكلمات تتوجع...بعدها بى شويه شويه شديد.......جانا الصايح....ومات يسن
بعدها ..سمعت الشريط عندك.....وسمعت غناه منك
وها انت فى ذكرى الرحيل...تنوح وتبشر بالكلمات.... وتذكرنا........يا للوفاء
لك منى وله الرحمه
مالو لو سوينا شى؟ نزرع تمره باسمه ....تذكار......طابعة بريد....لوحه...اى شى
مالو....لو
تسلم
| |
|
|
|
|
|
|
|
|
|
Re: كان يكنس بالطمبور احزان السواقي...يس عبد العظيم في ذكرى رحيله 17/10/198 (Re: فجراوى)
|
الفاضلابي
لا حول ولا قوة.............
ازيك يا زول ونلعك طيب .؟
زمن طويل لم التقيك لكني اقرؤ ما تيسر من كتاباتك في هذا البورد
اشكرك على مرورك البهي .....
ولك ما تشاء
فجراوي
يا عمر ود ادريس ود قمر الدين
هكذا هو يس عبد العظيم يجبرك على تذكره حتى لو سمعت صوته لثانيتين فقط ... عميق ومسالم ... لكنه جارح في الحانه لحد ان تشعر ب(أكولة) في الروح...
اينك الان من زمن المسح الاجتماعي .؟
الآن (الدنيا كلها حلتك)
| |
|
|
|
|
|
|
|
|
|
Re: كان يكنس بالطمبور احزان السواقي...يس عبد العظيم في ذكرى رحيله 17/10/198 (Re: atif anees)
|
الاخ فجراوي سلام
رحم الله الملحن محمد الحسن سمير وشكراً لليمني الذى اشرف على بناء منزل لاولاده
المسح الاجتماعى حليل زمنه الآن اصبح كندا او استراليا مجموعة من مختلف قبائل افريقيا وامتد ووصل الي جبال غرب امدرمان
والله زمن يازمان
ياريت ترتبواجلسة فى البالتولك مع اخونا عثمان عبد العظيم والشاعر كمال حسن وانا مستعد لترتيب الامر من هنا عليكم تحديد الوقت المناسب وسنكون معكم
| |
|
|
|
|
|
|
|
|
|
Re: كان يكنس بالطمبور احزان السواقي...يس عبد العظيم في ذكرى رحيله 17/10/198 (Re: فجراوى)
|
مرحب قريبي فجراوي
تعرف ابو الكبار سكن تحت جبل المرخيات مباشرة وقدر ماحاولنا نجيبوا معانا فى الرابعة رفض وقال عايز هواء نقي وهو بيركب 3مواصلات من امدرمان عشان يوصل وبالمناسبة هو تخازل فى منتصف الطريق وتزوج!!!!!!قبل اسبوعين كنت استرق السمع لمهاتفة اخونا مارد له من امريكا وسمعته يجهر بانة سيعود لتمردة الاول ولا شي يستطيع ان يحد من حرياته وربنا يكضب الشينة
الرحمة للفقيد يس في هذا الشهر الكريم
| |
|
|
|
|
|
|
|
|
|
Re: كان يكنس بالطمبور احزان السواقي...يس عبد العظيم في ذكرى رحيله 17/10/198 (Re: atif anees)
|
سلام لكل المتداخلين ..
من هذا البوست فقط..تأكدت بأن الشريط الذي كان يملأ "تايتي المبشتنة" دي ..غنا وطنبور ..تأكدت انه يس عبد العظيم عليه رحمة الله ..بعدين لانو الشريط "أمره" ما عليهو اسم ..
لم أكن اعلم ذلك من قبل ..كنت اتعامل معه كمغني طنبور ..
ربما لانه اجاد "كيفن اصبر قليبي..كيفن اعمل حسابي .. ما دام عشمي في نظرة والعندو النظرة مابي .."..إحدى الاغنيات التي اعزها عند اهل الطنبور وتذكرني بوجه صديق عزيز من جيهة المناصير ..
أيضاً ما لاحظته في عزف يس " الله يرحمو" اي من خلال شريطو الفيهو ليل الغلابة دا .. رنة الطمبور عنده ما زالت تحتفظ بي الرنة الحنينة .."تونة" معينة كدي ..ما بعرف بسموها شنو ناس الموسيقى ..
وطريقة العزف عندو تقرّب تبقى "Fingering"..يعني حس "النفاية" او الحاجة البيعزف بيها دي ..ما بتسمع ليها "كشتة"..زي بعض المرات بتسمع طمبور لاكين النفاية بتكون فرطاقة ..بتغيّب حس الرنات الاسلاك الفوق ديك ..بعداك الغنا عندو متمهل شوية ( شفتا يا اسامة معاوية؟؟ مش مرة قتا ليك كلام في الجيهة دي؟؟ والله ماك طاري؟؟).. عموما انا غايتو دا سمعي للشريط ..
ألف رحمة ومغفرة على يس ..
والف تحية للبوست الذي منه عرفت انني احد الذين سمعوا يس ..
اقعدوا عافية
| |
|
|
|
|
|
|
|
| |
atif anees
osly2
Saifeldin Gibreel
yasiko
علاء الدين يوسف علي محمد
Adil Osman
Kostawi
ابو يسرا
أبو ساندرا
nadus2000
خضر حسين خليل
Khalid Eltayeb
Safa Fagiri
أسامة معاوية الطيب
samo
mohammed alfadla
gessan
فيس بوك
تويتر
انستقرام
يوتيوب
بنتيريست