|
مادار فى أجتماع مجلس الوزراء الطارئ قبل قرارات مجلس الامن
|
مادار فى أجتماع مجلس الوزراء الطارئ حول أزمة دارفور قبل قرارات مجلس الامن
أجندة الاجتماع (أستراتيجية الكضب )
البشير (الرئيس) : شوفوا ياجماعة أنا ما عندى ليكم كلام كتير غير نقول ليهم عديل كده يموصوها ويشربوا مويتها. على عثمان: صامتا. عبدالرحيم حسين وزير الداخلية (ومندوب الرئيس لدارفور) : نكضب ياجماعة اصلوا غير الكضب مافى شئ بيحلنا من الورطة دى(وضحكة عالية). البشير: يموصوها ويشربوا مويتها. على عثمان: لازال صامتا. نافع على نافع : نحاول نعتقل السفير الامريكى وندخلوا بيت الاشباح . الجميع: ينظرون إليه بأشمئزاز . البشير: يموصوها ويشربوا مويتها.
على عثمان (وبدت عليه ملامح الغضب): يا أخوى هوى أنت ماعندك غير يموصوها دى كرهتنا العيشة ده شنو المتخلف ده يا خى. وزير الخاجية: يا جماعة بالله مافى داعى للمهاترات خلونا فى الموضوع، طبعا انا كولن ده صاحبى وقال لى عوجة واحدة بتجينا مافى (الكل ينظر له غير مصدق)، وكان للكضب ده بصراحة يعنى وكده أنا أحسن واحد فيكم الموضوع ده خلوه لى .
البشير(مقاطعا ويخبط يده فى طاولة الاجتماعات): يموصوها ويشربوا مويتها والعاجبوا عاجبوا والماعجبوا يحلق حواجبوا!!!!!!!!!!!!!!!!!!!!!!!!!!!!. وزير الخارجية (مواصلا): وبعدين الارقام دى خلوها لى، المرة الفاتت لمن منظماتهم التعبانة دى قالت عدد الذين ماتوا 10 الف انا قلت 484 فقط ودى خلتهم يرجفوا ، المرة التانية قالوا 30 الف انا والله لو ما البشير القاعد قدامكم ده حلف على بالطلاق كنت عايز أقول 999 لكن عملتها الف، الاسترتيجية كالاتى ذادوا نزيد نقصوا ننقص والحشاش يملى شبكتوا. وزير الداخلية: يا مصطفى هوى انت قايل نفسك بتكضب أحسن منى ولاشنو، يعنى التصريحات با الارقام دى يالبشير خليها لى عليك الله. البشير: (صامت وزعلان). على عثمان: (خرج من صمته) شوفوا يا جماعة أنا موافق على مبدأ الكضب كما تعلمون (ها ...ها....ضحكة ترابية وابتسامة)، لكن مافى كضبة تطلع من أى واحد فيكم مالم يتم مراجعتها بواسطة مكتبى وخصوصا أنت يا عبدالرحيم لأنك يا أخوى فضحتنا كما مرة فى السابق. نحن لازم نكضب كضب متسق وغير متناقض (الجميع يهز روؤسهم) بعدين ده مجلس الامن يعنى مش الشعب السودانى الساذج ، ولا مبارك المهدى المغفل، ديل ناس عندهم ستلايت، وأجهزة تصنت ، ده خليك من الصحفيين بتاعنهم الثقيلين وأسئلتهم السخيفة والمحرجة. أعملوا حسابكم. البشير طبعا هو رأس الدولة ,احسن حاجة مايتورط فى كضب وكده أنا ماعندى مشكلة يواصل فى استراتجية يموصوها ويشربوا مويتها رغم تحفظى علي ترديدها فى الاجتماعات أكثر من مرة، يعنى أنا زعلنى التكرار مش الكلمة واسف وامسح لى فى وشى.......................................................................... وشكرا. البشير (يقف هاتفا): الله اكبر ......الله اكبر..... على بالطلاق عافى منك.
أنتهى الاجتماع
|
|
|
|
|
|