كتب الكاتب الفاتح جبرا المتوفرة بمعرض الدوحة
|
خدشة حزن
|
خدشة حزن
خط الوقوف كان حد الزمن رمية حجر بيني والظروف الأبت ترجع تطاوعني كنت بدثر كلام الشوق والحزن ابكي افراح عشق السنين لو ما اللوعة لاحقاني كنت بكتب للسطور دم القيوم النازفه من عصب الوجع النازله من أحزاني وأكتب برضي ليك رمل الفريق آخر خواطر الشوق دموع الليل المجابداني واحكي عنك يا شجن واحكي عنك يا ظنون يا بلد دون البلاد مالكاني أجبد غطى الزمن القبيل غطاك واتكمسد معاك لحظة حلم رغم عنك يا زماني القاك القى ريحتك عز الصباح القاك في كل لحظة في كل خطوة حنين سايقاني أهمس يا روحي أحبك مالانهايه نتماسك نرجع تاني نتجابد وأجبدك زي ما كنت جابداني مالظروف البيني وحجرة وقوفك * أقوى من الظروف البيني وبين حجرة مكاني اقوى من التناجي الكان زمان بيني وبين أجمل حبيب ذي القمر في أحضاني بيني وبين أجمل حبيب ذي القمر في أحضاني
* الحجرة اقصد القيف وهو شاطئ النهر
طارق ع الأحمدي
|
|
|
|
|
|
|
|
Re: خدشة حزن (Re: Tarig Sidahmed)
|
Quote: دم القيوم النازفه من عصب الوجع النازله من أحزاني وأكتب برضي ليك رمل الفريق آخر خواطر الشوق دموع الليل المجابداني واحكي عنك يا شجن واحكي عنك يا ظنون يا بلد دون البلاد مالكاني
|
كان قلت ليك خنقتني عبرة صدقني وأي تعليق بفسد جمال القصيدة فقط
لك كل الشكر على امتاعنا
| |
|
|
|
|
|
|
Re: خدشة حزن (Re: Tarig Sidahmed)
|
مصدقك يا عزيزي يا ود الشيخ لآنه رهافة الحس ما شي يقدر يمتلك الأنسان السيطرة عليه فالشخص الزيك يا سيدي عندو إفراط في التذوق وممكن يحصل منو أي شي - كلك زوق - شكرا علي الطلة وعلي التذوق الراقي
طارق ع الأحمدي
| |
|
|
|
|
|
|
Re: خدشة حزن (Re: Tarig Sidahmed)
|
الابن الحبيب : طارق
أنها دمعة صادقة عند قدم الوطن الجريح لا .. بل أنها صرخة داوية من تلاوين زمن الضياع المر ..
يديك الف عافية .
خضر عطا المنان
| |
|
|
|
|
|
|
Re: خدشة حزن (Re: Tarig Sidahmed)
|
شكرا يا عزيزي علي هذا المرور وعلي هذه الطله
ويديك لينا إنت ألف عافية
شكرا جميلا أيها المميز - المميز في كل شي
شهادتك وشهادة ود الشيخ سيظلان أكليل أزين به راسي
شكرا لكما
طارق ع الأحمدي
| |
|
|
|
|
|
|
Re: خدشة حزن (Re: Tarig Sidahmed)
|
طارق العزيز.. خدشة حزن.. تعبير خرافى.فتشته ليهو كل التعابير.. مالقيت اصدق من خدشة حزن.. واحيانا كلام زى خدشه داير زمن عشان ينزل بى امعان.. فقط خربشه للبوست وخدشه كمان وكمان.. يااااااااااه..
| |
|
|
|
|
|
|
Re: خدشة حزن (Re: معتز تروتسكى)
|
شكرا عزيزي معتز تروتسكى علي المرور
فعلا يصعب التعبير - لأول مرة أقف عاجز - أحاول أن استعيد بعض منى لكي أفي هذا المرور حقة ولكن هيهات - فكل الخدشات الخربشات هنا لا تكفي - الشي الوحيد الذي استطيع قوله هو شكرا
شكرا بكل الخربشات القادمات
طارق ع الأحمدي
| |
|
|
|
|
|
|
|