|
|
|
 Re: انسحاب الكيزان من المنبر الحر (Re: Deng)
|
نعم هنالك انسحاب منظم غير معلن وطبعاً السبب "الأساسي" في تقديري هو هروب من المواجهة. كما أن هنالك سبب آخر هو انشغالهم بما يحصل في السودان بعد المحاولة الأخيرة وانشقاق محمد الأمين
بس في حاجة أنا محيراني
لم نستطع حتى الآن تصنيف كيزان البورد حسب المؤتمرين
فحقو يصنفوا لينا نفسهم من اسي.
| |
 
|
|
|
|
|
|
|
|
Re: انسحاب الكيزان من المنبر الحر (Re: shammashi)
|
طيب ياشباب
قلنا سمع ما بتسمعو لو جينا للفهم قلنا الفهم قسم
حتى الشوف الشكية لله ما شايفين
انا بصنقر فى البورد دا من صباح الرحمن الى مغيب الشمس لا قاعد اطلع ولا حاجة
وين ييمشو الكيزان...لو مشو دينق دا تانى يسوى شنو يبيع كريم لانه عتلالة ما بعرفها
مو حنكوش..زوما ظنيت بنسحب بقرب...الا اجر معاى الكوم...تعرف الكوم دى ولا اشرحها..ما هو نحن الايام دى شغالين معلمين شرح ساكت..من يوم الهكر دخل علينا
لكن كل الطلاب عنقالة...اها عنقالة دى اسالو منها الخال ودقاسم
كلمة جزيرية وكدا
اها ايه رايكم
اجيب ليكم الكيزان الجد..نخلى البورد يضلم
.كدى خلونا فى المهم
اسمعو النكة دى افتكر الشبكة جاءت ممكن السمع يكون كويس محمد الحسن الامين كوز كان مختوت فى سبيل الحى( يعنى شعبى) قامت امس ايدو انكسرت رموه من السبيل ....قام لقاه واحد
مؤتمرجى....وداه اللحام اسى بقى شغال فى سبيل المؤتمر اسى الزول دا ما كان معاندة...اها ناس الضاد او الدال .. بقبلوه...لو ماعرفت يادنق الدال والضاد تعال لى راجع
عشان اديك درس العصر.....
امانى مشت توضع اختها....
جمال هوب فل...بعمل فى اشتراك adsl 512 جايكم ماتخافو
اساسى شايف بعض ما الناس تضامنت معاه جرو واطى
عشان التلفونات اشتغلت..والملامة حصلت...وفى ناس جو راجعين يبرروا فى كلامهم
اسى انا شايف انا الوحيد الراجل....لليلة ما كتبت كلام اتراجعت عنه لانى بكتب فى ساعة
دوام بكون فيها ماسك ال cashe eng , والكى بورد ومرات بتكلم مع الزبون
اها ودعتكم الله ...السرفر حقنا جاب ليه انوار غريبة زى عيون السمك قبل كدا ما شفتها
ولقدام
كوز معولم _فى ساعة الدوام
| |
|
|
|
|
|
|
|
|
|
Re: انسحاب الكيزان من المنبر الحر (Re: abuguta)
|
يا جوماعة ..
والله انا تشابه علي البقر ..
واحدين يقولوا لي انت كوز ..
وواحدين يقولوا .. انا هكر ..
وواحدين .. قالوا انا طيرة ساي ..
ولحدي ما يثبت ليك .. واحدة من الفارغة اعلاه ..
بقولوا ليكم ..
كان طلعت .. كوز .. انا قاااااااااااااعد ...
من باب الاحتياط .. وكدي ..
فوتكم .. بعافية ..
| |
|
|
|
|
|
|
|
|
|
Re: انسحاب الكيزان من المنبر الحر (Re: humida)
|
الاح حميدة
الحمد لله لم يتشابه عليك الماعز , فلو نظرت للماعز من وجهه تجده متشابها فى الذقون والقرون , واذا نظرت اليه من الخلف تجده وكأن وجهه مقلوب اعلى اسفل .
وفى انتظار ان تثبت لنا انك واحدة من الاربعة الفارغة.
يديك العافية........
| |
|
|
|
|
|
|
|
|
|
Re: انسحاب الكيزان من المنبر الحر (Re: abuguta)
|
الاخ ابوقوته
Quote: قلنا سمع ما بتسمعو لو جينا للفهم قلنا الفهم قسم
حتى الشوف الشكية لله ما شايفين |
نعمل شنو دى قسمتنا , لكين شايف الكيزان ليهم نصيب كبير ,شايفهم سماعيين وفهمنجية من الدرجة الاولى وكمان شوافين لدرجة قف
| Quote: من يوم الهكر دخل علينا |
لكين انا سمعت تحت تحت كده انو الهكر ده واحد مجاهد فى سبيل الله قال انو الجهاد الالكترونى يقوم مقام جهاد النفس
| Quote: لكن كل الطلاب عنقالة |
العنقالة موش ده الاسم الحركى بتاع الكيزان
| Quote: جمال هوب فل...بعمل فى اشتراك adsl 512 جايكم ماتخافو |
الليلة يا بكرى
| Quote: اساسى شايف بعض ما الناس تضامنت معاه جرو واطى |
ما قال داير الاذن من رودا , ورودا اتحدته وادته الاذن , مالو نطه ؟
| Quote: اسى انا شايف انا الوحيد الراجل |
هيع اب زرد ,الشافوه خلوه , لكين خلوه ليـــــــــــه؟
| Quote: لليلة ما كتبت كلام اتراجعت عنه |
غايتو انا ما قريت ليك يوم غلط شخصى فى زول
الله معاك
| |
|
|
|
|
|
|
|
|
|
Re: انسحاب الكيزان من المنبر الحر (Re: shammashi)
|
الاخ شماشى
| Quote: وطبعاً السبب "الأساسي" في تقديري هو هروب من المواجهة |
دى صدقت فيها
| Quote: انشغالهم بما يحصل في السودان بعد المحاولة الأخيرة |
دى لا , احتمال يكونوا مشغولين بجمع الغنائم قبل انفضاض السامر
| Quote: وانشقاق محمد الأمين |
انتهى الدور المرسوم له بداخل الشعبى عند هذه المرحلة , والان الى حظه من الدنيا
Quote: لم نستطع حتى الآن تصنيف كيزان البورد حسب المؤتمرين
فحقو يصنفوا لينا نفسهم من اسي. |
دى ما اظنها تفرق كتير
| |
|
|
|
|
|
|
|
|
|
Re: انسحاب الكيزان من المنبر الحر (Re: humida)
|
الاخ عصام الدين
ذو الفهم الرصين
والسمع والاضنين
والشوف بدون قزاز
على العين...
شايفك وقفت فى كل كلمة انا قلتها ياخوى انا ما الزول المهم بالدرجة دى عشان تتعب كدا
لكن من كلامى حبيت اوضح ليك الكيزان اسم عريض وفهم بختلف من زول لاخر...اسى انا ضد الحكومة واى زول ضدها بسموه (معارضة- معاردة - معاندة) كل من له حزب ومعارض بفهم وايدلوجية يدخل مع الضاد...وكل من سكن ارتريا يدخل مع الدال_ اما كل مثلى ومثل شبهى يدخلون فى دائرة معاندة
عشان كدا انا حبيت اهون عليك...اسى لو زول سب الله او الرسول 90 % من الناس ديل وانت اولهم بقيفو ضدهوالباقى كم 9.8% بفضل الصمت اها طبعا حتسالنى عن 2.% ديل منو واحد بكون السابى والتانىة مؤيدة..والعكس....اها 10% ديل جعجعة منافى ساكت لو عندهم عمار ما كان تركو البلد
اما 90% ديل هم ناس البورد ياخوى وهم بمثلو الوطن السيبرى بكل مفهومه القديم والحديث...
انا زمان كنت قايل اساسى دا دقنه جاره بالواطه..لكن لما قابلته فى المطار القديم لقيته ما بستاهل هذه الهيلمانة غير انه موضوعى وذو لسان لاسع وفهم زيك كدا, بس هو قاعد يميل بالبورد
اما هوب فل دا ولد مشاغب وبكرى ما بخاف منه عارف ليه...انت اظنك زول جديد او قديم وكنت غائب ما حاضر الاحداث الاخيرة...فياخوى كلنا معاندة زيك كدا لانى وعلى حسب فهمى ما شايف معارضة ولا معاردة كلهم معاندة...لكن ما تبارى لى دينق دا بكرة يزوق منك ويخليك حيران زى كدا ..اول ما السلام يتم والكعكة يقسموها دنيق بلحق شيخه وببقى كوز لكن نوع تانى كوز مسيحى حصل مر عليك هذا النسق والجسق المنتقى...دى ثقافة ممكن تجدها فى كتاب الدرر المقوتة للمعاند ابقوتة.الكتاب دا موجود فى مكتبة مانقزا الحلاوين..عشان كدا ياخوى حقو
نسولف ساكت ...الدنيا دى زى ضل الضحى تنجمع وتخليك...او زى الدلوكة راس مالها عرضة....اسى انا جيت البورد دا مثقف شديد لكن فى ناس زادونى فهم وناس زادونى بلادة لكن برضو بشكرهم عشان دماغى يرتاح شوية واحمد الله انا عندى نعمة مدسوسة....
اخى عصام اذاقمت تانى على جنك وظللت كلامى دا بحرد منك وما بدخل بوستاتك تانى..مش الحرد موجود وساعتها بكلفك بورد كامل عشان اجيك راجع ..مش انا زبون بوستك..حتبيع وين تانى..لان خسارة زبون واحد ف علم ال sales ..بخسرك 65 زيون_ مش تخصصى لكن شلاقة ساكت
لانى بتكلم من الدوام.. وكلام نجر ساى زى قصائدى لو شفتها طبعا حتقول لى انت كمان بتكتب شعر
ما شفتك فى التفزيون ولا سمعتك فى الرادى...طبعا انا مش مشهور .مش الشهرة بتجى بان الزول يبقى معارضة ومعاندة ويكتب شعر ويلحنها ويغنها مغنى مشهور فى المنافى..بعد كم سنة تعصره الغربة.يقوم يرجع الوطن .وستضيفه التلفزيون وفى ليلة سمر او صحة وعافية او اسماء فى حياتنا او كل الالوان او ايقاع الصباح او فى الواجهة...وبدل ان يحكى عن تجربته المعاراضتية يهدم كل البناه زمان ويقول انا طلعت عشان انشر الاغنية السودانية وهوتراه ساكن فى منفوحة وبالليل قاعد فى مقهى الكرنيش فى الدوحة...او ساكن الشرفية زى هشام يازول ..اسى انا دخلت هشام ليه هو زول صاحبى وقال عازمنى عشا بس بعد الدافورى ياهشام...خلاص
عصام السرفر حقنا دا ولع
ودعتك الله
انا ياخوى معاندة..انا ودينف ما بنركب فى سرج واحد الا يخلى الحنكشة حقتو دى..طيب انت اللماك معاه شنو برضو حنكوش.....لووووووووووووووووو
ابقوتة_ فى اول الدوام
| |
|
|
|
|
|
|
|
|
|
Re: انسحاب الكيزان من المنبر الحر (Re: abuguta)
|
الاخ ابوقوتة
دى جيتى من الشغل , وقلت كدى قبل ما اغير هدومى امشى اكفر ليكم جية حرامى ام درمان فوق حلتكم وبركة الجمعتو فى القريشات وحلالن ظاهر ما بغبوه , اها طلعت من عندكم قلت امشى اخد لى كاسين مع الاعشى وشاو وشلشل فى الانداية قصدى البوست بتاع ابوجهينة , اها دى الطلعة من هناك خطوة قدام واتنين وراء , اها قلت كدى النشوف الكيزان ديل فى نادى البرش قاعدين ولا فرتقوا ,اها جيت لقيتك وحدك , وانا الشئ الدخلتو فى راسى من انداية اقصد بوست ابوجهينة متقل لى راسى ليى هسع , كده النمشى ناخد لى غمدة صغيرونة , علا خليك قاعد بجيك راجع آ.
| |
|
|
|
|
|
|
|
|
|
Re: انسحاب الكيزان من المنبر الحر (Re: Esameldin Abdelrahman)
|
اخوى ابوقوتة
جيتك راجع بعد ما فكت منى سكرة انداية قصدى بوست ابو جهينة.
تعرف الكيزان ديل صحى اسم عريض وكبير خلاص , فيهم العوير الصدق الحكاية وقال انا ماشى الجنوب اعرس لى بت حور ولسه تربتو خضرة الجماعة قالوا ديل ماتوا فطايس ساى ,وفيهم تاجر السكر والعيش من زمان وديل جهادهم فى البنوك بس , وفى نوع خطير وعندو راس بتاع زعيم عصابة اها ده بكون لابد ساكت لكن الشارز عنده هو بعرف يشحن كل جماعتو متين وكيف وبشنو , وفى ناس قريعتى راحت وديل بسموهم كيزان م.ن وديل كتار خلاص , وفى نوع تانى سمعوهم حكاية من خدعنا باسم الدين انخدعنا له قاموا طوالى سدارى مع الكورجة .
انا سب الله العظيم والرسول الكريم ما برضى كلو كلو وممكن اقاتل فيه عديل كده , عشان كده لو لقيت الكوز فى راس الزير بجدعوا وبشرب بى علبة ساى , هو فى سب لى الله والرسول اكتر من عمايل الكيزان دى؟.
اهلنا زمان قالوا المتغطى بى توب الحكومة عريان والملك ده شيتا من الله ويوم اليقول كن تلقى الكيزان مجدعيين مافى زول سائل فيهم الا الحدادين .
لو كانوا الكيزان ديل بقعدوا ويشختوا الكلام مع الناس فى الواطة براحة كده ما كان فى زول بشتغل بيهم مش الواحد فيهم تعاين ليه ساى كدة يحدر فيك ويقول الزول ده بحمر ليه ويبدا فيك نبذ ولما ينبذوه يقوم جارى ويعمل ليهو بوست بتاع شكوى ويرقعوا زى جلابية الدراويش بكلمات مقطعة من محلات كتيرة ويقول ليك الزول ده سب الله والرسول وسبانى معاهم , التقول براهم بعرفوا الله والرسول والبسووا فيه ده نفر كل الناس منهم ومافى زول بقيف معاهم حتى لو كلامهم مرات صاح, علا خايف يجووا يقولوا لى انت شرعت فى سب الله والرسول مش قاعدين يقولوا فى حاجة اسمها شروع فى الزنا , ودى لى هسع انا ما فاهمة بتكون كيف , ولا يقولوا ليك العقوبة بالسجن والجلد والغرامة , كده ورونا مما جاء الاسلام فى زول طبق عقوبة زى دى غيرهم , و زى ما النار بتعقب الرماد والفكى بلدى ذنوبوا , اهو كمان غلطات الحكام بتعقب الكيزان.
لكين قولى يا خوى يا ابوقوتة انت مالك شايلها مع دينق قرض كده ؟ انت حارى ليك منو جزية ما حولها ليك ؟ وانت قايلنى انا ببارى لى زول زى مبارات الكيزان لأميرهم ؟ علا كلامى البقولوا بتلاقى مرات مع كلامو , اها ح نمشى سوا لحدى ما نشوف كيف بعد تقرير المصير . و عليك الله كان دينق ولا اهلو ولا البشبهوه بعرفوا الحنكشة كان قدروا يحاربوا دولة من سنة 55 لحدى هسع ؟ولا بيقوموا على بنادقهم ؟ ناس الحنكشة ديل ما ظاهرين ماسكين ومكنكشين ولاصقين فيها برشام فى حكومة البلد السجموها ورمدوها بعمايلهم وحركاتهم .
وانت مالك ومال المعارضة والمعاردة والمعاندة ؟ ادوك جواز كندى ولا شنو ؟ كدى النمشى نقعد فى اقاصى الدنيا واحرس الجواز وبعدين النمشى نعارض من الداخل , آخ يابوقوتة يا اخوى زيت المواطن هو البطلع..
فتك بعافية
| |
|
|
|
|
|
|
|
|
|
Re: انسحاب الكيزان من المنبر الحر (Re: اسامة الخاتم)
|
اسامة الخاتم
تعرف الناس ديل بعانوا من حاجة اسمها انقلابوفوبيا , زمان اتلحوا ناس حزب الامة قالوا عايزين يفجروا العاصمة وبدأوا يدخلوا ويطلعوا فيهم من السجن زى خبيز العيد , هسى كمان اتلحوا ليك الشعبى وما حيفكوه الا يقطعوا نفسوا , والمواطنين ختوهم جوة كيس ووقعوا فيه تدوير بسرعة شديدة وما فكوه الا بعد ما داخ خلاص , تانى مافى حاجة خايفين منها الا قليعات عيون بوش الايام دى , والجماعة ما عارفين الفلم ده بنتهى كيف , خايفنوا يبقى زى فلم صدام وبعدين يقعوا فيهم تلقيط ويطير منهم الجواز الاميركى ولا الكندى ولا الاوروبى , اها قالوا النعمل حمد لبد شوية كده لحدى ما نعرفها ماشة على وين.
مع الود
| |
|
|
|
|
|
|
|
|
 Re: انسحاب الكيزان من المنبر الحر (Re: المكاشفي الخضر الطاهر)
|
أبقوته ود أمى ازيك ، نعل ما فى عوجه ، هو انت صاحبى وود أمى قايلنك كوز الجماعة ديل ولا شنو؟؟؟؟ 
جاى العشاء ولا ما جاى؟ ، عشان نصلح ليك فول بنى مالك وكبدة ابل معتبرة من مطعم الخرطوم ، وشية من مطعم السودة ، وعصير الفاو وممكن نصلحو ليك بى دجاج مندى وطلب طلبين البيك ، وأبشرك كمان المره جات وجابت معاها (فسيخ) النوع التاكل وراهو صوابعك ، وشربوت معتبر من شارع المكرونه عشان يهضم ليك
بعدين موضوع الكيزان ده الجماعة لخصوه فى | Quote: وطبعاً السبب "الأساسي" |
صاحبك الماعندو دقن
وشكرا يا ابقوته على الهترشة ، ذكرتنا شيرى
| |
|
|
|
|
|
|
|
|
|
Re: انسحاب الكيزان من المنبر الحر (Re: يازولyazoalيازول)
|
Quote:
لكن ما تبارى لى دينق دا بكرة يزوق منك ويخليك حيران زى كدا ..اول ما السلام يتم والكعكة يقسموها دنيق بلحق شيخه وببقى كوز لكن نوع تانى كوز مسيحى
|
حمد لله على سلامة الجماعة يا هشام
- نصلح ليك فول بنى مالك (( ما ضروري ))
وكبدة ابل معتبرة من مطعم الخرطوم ((شلط شلط سلووووووورب ))
وشية من مطعم السودة (( مسيت مسيت شلااااط ))
وعصير الفاو وممكن نصلحو ليك بى دجاج مندى (( جلووووب جلوووب ))
وطلب طلبين البيك (( .. من البيك دا ))
وأبشرك كمان المره جات وجابت معاها (فسيخ) النوع التاكل وراهو صوابعك (( خصمتك كان ما قسمتا لي حقي )) وما تنسى الدكوة دي اهم حاجة بعدين كرتونة الابري اوعا تكون نستا ؟؟ رجعا طوالي اها وتحت الكرتونة/ات المنقليس والنبق والعرديب وووو لووووول غايتو الا نجيب فار توكول ابوقوته ولا توما
وشربوت معتبر من شارع المكرونه عشان يهضم ليك (( ليهو كم يوم يا زول
والله الموضوع دا عاوز تفكير جادي بس ما حددت متين
| |
|
|
|
|
|
|
|
|
|
Re: انسحاب الكيزان من المنبر الحر (Re: محمد حسن العمدة)
|
Quote: وتحت الكرتونة/ات المنقليس والنبق والعرديب وووو لووووول غايتو الا نجيب فار توكول ابوقوته ولا توما
|
والله كلامك صاح يا ود العمدة، جابت معاها جنس (عواليق) بس (لذيذه)
تعرف يا ود العمده انا وانت التقينا فى حاجات كتيره ، يعنى مثلا:
حزب الأمة ، الغربة فى السعودية ، حب (الجمال) ، حب كبدة الإبل ، حب (الشطه) ، حب الشربوت ، حب رشاوالوافر ، الأناقة فى الملبس والمظهر، مخالفةالكيزان ، حب الوطن ، لون بشرتنا زى بعض ، كلامنا واضح ومخارج حروفنا سمحة ، حب المنتديات ، والأمثلة كثيرة
بس اختلفنا فى حاجات بسيطة ويمكن تعديلها زى مثلا:
موقفك من روضة ودينق ، ودى بشوية (نقه) منى بقنعك فيها
واختلفنا فى حاجة تانية ويمكن تجاوزها، فارق السن ، ودى بسيطة يعنى برضو أصحاب أصحاب ، بس انت تعال جده والحاجات المشتهيها كلها موجودة وجيب معاك أبقوته
| |
|
|
|
|
|
|
|
|
|
Re: انسحاب الكيزان من المنبر الحر (Re: يازولyazoalيازول)
|
الاخ زول يازول
حباب الطلة
انت ابوقوتة ده وقت ما كوز مالو بلاوى ملاواة الكيزان , وعلى اليمين اكان ما كلامك ده انا قلت ابوقوتة حنكو حنك كيزان وفى الكيزان بتاعت الطلس الكبيرة ديك ومطرقعة ومفرقعة .
وشنو حكاية القفف الجاية من السودان وعزايم العشاء , احسبونا ان شاء الله كاجر مناولة , حسع كان ما بوستى ده كان تلقى وين عشان تعزمو العشاء وهو ساكى حرامية ام درمان الهجموهم فى الحلة , مساكين ناس ابوقوتة يفوتوا منهم ناس النهب المسلح بتاعين الزكاة يجوهم بتاعين المحلية , بعدهم يجوهم ناس تلب بالليل عشان يقشوا النسوه ناس الحكومة , غايتو ليهم الله وعيشة الخدار .
مع ودى
| |
|
|
|
|
|
|
|
|
|
Re: انسحاب الكيزان من المنبر الحر (Re: المكاشفي الخضر الطاهر)
|
اخوى يا المكاشفى
اسمك ,ووزنتو , ورنتو , يخلى الواحد يرجف قدام الكيبورد طوالى يجى ناطى فى راسى المكاشفى طه الكباشى .
انبرش
اتكرش
ودع اناسو وهرش
اتفرش
من البنك اتعبأ لمن طرش
خرش
ثم اتخرش
الحروف شربكها واتربش
**********************
اتلوم
فى دارفور اتبلم
من الجنوب ما اتعلم
كاس وراء كاس شرب الدم
سكر بزيت البترول والدولار والسجم
طريق الشعب خلاهو بعد ضهابو ندم
**************
جاييكم بعده
| |
|
|
|
|
|
|
| |
Deng
osly2
abuguta
humida
اسامة الخاتم
المكاشفي الخضر الطاهر
يازولyazoalيازول
فيس بوك
تويتر
انستقرام
يوتيوب
بنتيريست