كتب الكاتب الفاتح جبرا المتوفرة بمعرض الدوحة
|
|
 اذا كانت الحكومة تدعم الجنجويد. فمن يدعم متمردي دارفور...!!!؟؟؟
|
كثر الحديث هنا وهناك حول دور الجنجويد ازمة دارفور وعنم دعم الحكومة لهذه الملشيات لمحاربة التمرد او الثورة ما بتفرق هنا تحديدا لكن السوال الذي لم يتبادر للازهانهم وهم ينتقدوا مسلك الحكومة في دعم هذه الملشيات هو من الذي يدعم متمردي دافور؟؟ ويوفر لهم الاسلاحة والمعدات الحربية والعربات وهواتف الثريا التي يدفع استهلاكها مقدما بالدولار؟؟
الا تعتقدوا ان هذا السوال اهم من البحث حول دعم الحكومة للجنجويد نعم الحكومة دعمت الجنجويد واخطات الحكومة في هذا والان تدفع ثمن هذا الخطاء والغرض كان واضحا هو القضاء علي التمرد دون تكليف الخزينة العامه ميزانية حرب جديده
ولكن من الذي يدعم المتمردين؟؟ ولماذا يدعمهم؟؟ وما هو مقابل هذا الدعم؟؟
اتمني الا يكون هذا السوال من ضمن اسئله ليست للاجابة
|
|
 
|
|
|
|
|
|
|
 Re: اذا كانت الحكومة تدعم الجنجويد. فمن يدعم متمردي دارفور...!!!؟؟؟ (Re: 7abib_alkul)
|
يا 7abib_alkul ما قالوا ليك كلنا عارفين بس خايفين والخواف ربى عياله وما ناقصين اتهامات وطرد وتوقيف ...
كفاية أنه د. علي الحاج معاهم ...
واسرائيل بتأيد وتتعاطف علنا وما خفي أعظم ...
وأمريكا بتضغط حتى الأروبيين ؟؟؟
وفي النهاية ما في حاجة ببلاش ....
والحكاية كلها لا قضية ولا تهميش ولا أقل نمواً ولا دياولو ...
بس نحنا في الشمالية ما لاقيين زول يدعمنا ساكت ...
وكمان البحر السنة دي ما طلع الجروف والجزر والتمر شيله تعبان وسعر الشوال من عاماً أول ما نزل وحتى القضارف ما جاها مطر وشوال العيش السنة دي راح يطير في السما وناس الحيكومة ما فاضيين لينا من دفن السلاح ونبشه وكمان لي هدوم العساكر ملوها واطه ساكت ...
عيييييييييييييك يا 7abib_alkul أظني سرحت ومرقت من موضوع السؤال بس برضه صحح لي الإجابة أصله كان حتى جيت الأول ما ني داخل قبول عام ما سجم الرماد الشهادة عربية وما بتاكل عيس مع المجذوب الله يقلع سنونه ويزيده شنا فوق شناته ودولاراتنا البندفعه لي ولادنا تدخل عليه بالساحق والماحق هو والمعاه،، تعرف جالون البنزين بقى بي 6 ألف وربع ....
وعشه القشه جارتنا ديك بقت تبرشت عشان تطلع حق الملاح وتشتري الجمره الخبيثة ،،، ويوم داك وحات سيدي علي لقيت ليك عسكري الحركة شايل موبايل بندا أبو كاميرا أظنو صرفوه ليه عشان يصور العربات البتشرد وما تدفع المعلوم ،،،
يا زول والله أنا ودرت الموضوع كله كله وهسي ما قادر أجمع أي شي وكدي خليني أروح لي ولادي وتقعد عافية وكان جيت تاني لي بوستك الشوم القاعد يطير العقل ما تدخلني ...
الشايقي الأصلي
أصله الشوايقه كتروا في البكان ده وأظنه فيهم ناسا ما هم شايقية أصليين
عيييييييييييييك رحت فيها يا ابو السناجك
...
| |
|
|
|
|
|
|
| |
7abib_alkul
عزيز
المكاشفي الخضر الطاهر
Al-Shaygi
فيس بوك
تويتر
انستقرام
يوتيوب
بنتيريست