|
الفـاتح من same مـنـبـر !!!
|
بالله يا اخواننا ده كلام ده
على لسان أمين الموقع الجديد(عادل عبد العاطي)
قوانين وضوابط المنتدي السوداني للحوار (ذه حزمة من القوانين والضوابط اقترحها لتعلن في يوم 1 سبتمبر 2004 ؛ وتكون سارية منذ ذلك التاريخ وحتي انعقاد الجمعية العمومية..)
علي كل عضو الالتزام بها بما يتعارض مع حريات الآخرين
تتم المحاسبة وتوقيع الجزاءات حسب منطوق تلك اللائحة.
1. يمنع منعا قاطعا3. يمنع بتاتا استخدام4. يمنع منعا قاطعا. 5. يمنع اعادة نشر 6. يمنع اعادة نشر 7. تمنع السرقة الادبية. 8. يتم الاشارة9. يمنع منعا باتا.10. يمنع منعا باتا . 11. يمنع منعا باتا 12. يمنع الدعاية 13. يمنع بتاتا ممارسة 14. يمنع منعا كاملا 15. يمنع منعا باتا التوقيع عادل عبدالعاطي أمين الموقع المكلف
والله يا جماعة انا غلبني استوعب الموضع ده لائحة وقوانين جديدة للممنبر من خمستاشر نقطة كلها ( يمنع بتاتا يمنع بتاتا يمنع بتاتأ) وراجعو بوست (أمين الموقع المكلف) ياربي القصة هي في المنع وللا في الموافقة
تانيا قال الموضع ده حيبدا في 1 سبتمبر 2004 يعين القصة ثورة تصحيحية ونحن يا دوب مرقنا من ثورة مايو ودخلنا في ثورة تانية ولسه قاعدين فيها وبصراحة كده نحن ما ناقصين ثورات كفاية شوفو الثورات في امدرمان امتدت ووصلت دنقلا في الشمالية وبعدين الفاتح من سبتمبر ده عندو كتاب اخضر وليهو خمسة وثلاثين سنة والحال ياهو نفس الحال
يا بكري ويا عادل
بالله خلونا من الثورات دي ونظام القمع الثوري والمنع بالقوانين وخلافه ده ما بيصحح ديقراطية وطننا الافتراضي البيلمنا ده
وبعدين لو الموضوع بقا لجان يادوب الموضوع حيتطور وتبقى هيصه وجوطة وبعيدن اي زول بيكتب في المنبر ده معناهو راشد وعاقل وبيعرف يستخدم الكمبيوتر حتى لو اتعلم الكمبيوتر على كبر وغايتو في راي الشخصي الضعيف الحل بيكون كاالتالي
زول واحد فقط يمسك الموقع ده ولا يوري الناس القوانين ولا حاجة ولا يعرفهو الناس اسمو منو (سموهو الرقيب) طبعا كشخصية اعتبارية ويكون معروف طبعا لصاحب الموقع فقط (معروف لدى بكري) والزول ده هو عندو عنوان ايميل واي واحد عندو شكوي يشكي ليهو من اي بوست وهو يقرر واحد من اربعة اشياء (في حالة صدق الشكوى) 1- يمسح البوست 2- ينذر الكاتب/الكاتبة 3- الفصل المؤقت 4- الفصل النهائي (بدون عودة)
وحقيقة كل الممنوعات دي في القوانين الجديدة الناس عارفاها وماجديده علينا بس نحن ما لسه طلبة في مدرسة الديمقراطية ولمن نمشي تانيةوتالتة ونخش جامعة الديمقراطية حنقدر نعرف قيمة هذا الوطن الافتراضي وتصبح كلمة ممنوع من النشر في طي النسيان
وتسلم يا بكري ويا عبد العاطي
والتحية لكل البورداب
وليصبح شعار البورد ( أنا سوداني وأنا بوردابي ))
جمال السنوسي
|
|
|
|
|
|