عادل عبد العاطى يقترح البورد ده نقفلو ونرشو بالفليت و طارد الناموس بعدين نصلح القفل بتاعو ونعمل شيرينغ نجيب طبلة جديدة اسمها PHP اقتراحاتى للاخ بكرى ابوبكرو العضوية لحل ازمة المنبر الماثلة
وطبعا السبب فى ده كلو بنات العباسى اللى قالن انو فى سوس قاعد يقرض فى عمدان البيت و لو ما عملنا شى حيتهد فوق راسنا كلنا اها ودعناكن الله استقالة من(( المنبر الحر)) .. (3)
و كوستاوى هناك يلقط فى توقيعاته بالعربى و الانجليزى عشان ناس دارفور يعنى عامل( اضان جلد) من الشمارات الحايمة غايتو الزول ده ساكى موضوع دارفور لحدى ما يجيب اجل الحكومة تضامنا مع اهلنا فى دارفور ... أضف اسمك
فى هذه الاثناء تاج السر قال احسن الناس ديل نروق دمهم بشوية شعر لنزار قباتى و فاروق جويدة و لو ما جابو نتيجة نديهم شوية كمان من ود ضحوية دعوة لمحاربة الكراهية والبغضاء بشئ من الحب و الشعر
و خدر بهناك مزرزر هوبفل زرزرة تقيلة و قاعد ليهو فى بطن بيته و حالف الا يعترف و هوبفل شغال زوغانات و محاورات شديدة تقول دحدوح اقول قولى هذا و استغفر الله لى و لكم
فى ناس جداد بدقوا فى الباب مافى زول قام فتح ليهم قاموا خشوا توش الحوش و قالو السلام عليكم نحن جداد فى الحلة دى و برضو الجماعة فى همهم ضاربين طناش
فى هذه اللحظات( القوارير) تتطاقش بين هاشم نوريت و رودا مرده و اصل المشكلة انو رودا حالفة الا تكسر القزاز ده و هاشم بحاول يقنع فيها انو القزاز لا بجرح ولا حاجة بكرى ابوبكر واستقالات القوارير .. الى أين؟
و لازال كوستاوى يلقط فى التوقيعات وهناك سنارى يكورك لبكرى يا بكرى الحق محمد حسن العمدة الليلة الزول ده ما براهو و العمدة يقول ليهو مالى ما اهو ده انا قدامك الاخ بكرى ارجو مراجعة محمد حسن العمدة
الملاحظ انو فى توضيحات كتيرة الايام دى (((((توضيح مهم))))) توضيح للجميع و اتضح اننا محتاجين توضيح يوضح لينا التوضيحين السابقين
(عدل بواسطة محمد اشرف on 08-12-2004, 06:40 PM) (عدل بواسطة محمد اشرف on 08-14-2004, 05:07 AM)
08-16-2004, 11:00 AM
salwa elsaeed
salwa elsaeed
تاريخ التسجيل: 05-06-2004
مجموع المشاركات: 330
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة