[qb]
شـهـٌقــة وعــود
لو حصل فجيت ملامحك
كان قبيل ممكن نسامحك
وبرضو كان بينّا شوقنا
وبرضو كان ممكن نصافحك
والقليب الساكنو إنت
بي كلامو اكيد بصارحك
وحتى في دفتر ميعادو
تلقى اسمك ماهو ماسحك
انت فاكرو بنسى ريدو
عشقو صادق وما بمازحك
بينو بينك ذكريات
وشوية من هجعة دروب
بينو بينك أمسيات
ما لقاها غير شهقة الم
وابتسامة تضحيات
والصبر في رحم القدر
ميعادو باكر بيتولد
ما بتختلف المسميات
سميهو كان فرقة وألم
سميهو كان غلطة فهم
سميهو حتى الاعتياد
ما اظن زمانك ابتسم
لي فرحة جاية من العدم
من غير حروف
من غير نغم
..
مسكينة ايامك مضت
جيت تبتدي وكان انتهت
لا عرفت ترجع بالزمان
ولا تصحح الوجع الغلط
ما كان عليك تسال سؤال
اجابتو في الجوف انمحت
مسقية بي موية سراب
حتى الشمس منو اختفت
خجلانة من كتر الوعود
باعت زمانك واشترت
شوف القمر طالع هناك
لملم نجومو الانطفت
ختاها في نبض الوريد
كانت عقد وقع انفرط
لكنو مهموم بالزمان
حتى الوقت عندو اختلط
لا عارفو ليل ولا نهار
لا حتى راجي قطع رحط
....
..
.
جمال السنوسي
[/qb]
جمال السنوسي
waleedi399
Elmosley
فيس بوك
تويتر
انستقرام
يوتيوب
بنتيريست