قالو (والعهدة على الراوي ) كان في انتخابات زمأااااان وفي دائرة مقفولة لأحد الحزبين الكبيرين أن المرشح للحزب الآخر ( الذي لا يضمن الفوز) اجتمع بالناخبين في تلك الدائرة وبعد ليلة خطابية عصماء ووعود جوفاء (زي وعود بوش في العراق) طلب منهم هذا المرشح ان ينتخبوهو ولضمان هذه الاصوات احضر مصحفا للقسم واصبح كل ناخب يؤدي القسم مقابل خمسة جنيهات من جنيهات زماااااااااااان ويقول - والله العظيم التيتم عيالي والتطلق مرتي والتكتل بهايمي والتمرضني وتقتلني عديل كده انا صوتي بديهو ليك - اها يقبض الخمسة جنيه ويفرتق لحدي ما انتهو وحلفو كلهم
المهم طلعت النتيجة وطبعا صاحبنا مشتري الاصوات ما لقى غير صوت واحد بس وزعل زعل شديد من ان الجماعة غشوهو واكلو قروشو وما فوزوهو
المهم عمل اجتماع معاهم وقال ليهم فيما قال : (انتو يا اخوانا حلفتو القسم عشان انا افوز ولكني ما لقيت هنا غير صوت واحد وحليفتكم بتعني ان كل حريمكم مطلقات وحرام تقعدو معاهن )
طوالي مشى واحد من الناخبين وجاب ليهو مصحف وختاهو قدام المرشح وحلف ( والله العظيم التيتم عيالي والتطلق مرتي مني والتكتل بهايمي والتمرضني وتقتلني عديل كده الصوت ده صوتي أنا)
بعدو طوالي الناخبين وقفو صف وحلف كل واحد منهم حلف من جديد( والله العظيم التيتم عيالي والتطلق مرتي مني والتكتل بهايمي والتمرضني وتقتلني عديل كده الصوت ده صوتي أنا)
ويا حليل زمن الحلف لمن سيدي يسافر يقومن الحريم يحلفن بالرسول لحدي ما سيدي يرجع من السفر بالسلامة
08-05-2004, 04:28 AM
سجيمان سجيمان
تاريخ التسجيل: 10-03-2002
مجموع المشاركات: 14875
اسواء حاجة انو الناس تقعد تحلف في الناس...... في كل شي....حسي ناس السفارة وناس المغتربين.. بس دي شغلتم.... حليفة في حليفة...واحيانا في ناس تضطر تحلف بالكضب... عشان اموروم تمشي.....وبعدين مافي حكومة في العالم حلفت شعبها كلو....زي حكومتنا...حكاية عجيبة مش؟
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
جمال السنوسي
سجيمان
فيس بوك
تويتر
انستقرام
يوتيوب
بنتيريست