|
كتب الكاتب الفاتح جبرا المتوفرة بمعرض الدوحة
|
|
 Re: معرض تشكيلي (Re: mohammed alfadla)
|
أحاول في هذا المعرض أصطياد أطياف صعبة...
الألوان المستخدمة غالبا أكريلك والسطوح المرسوم عليها ورق ما عدا الفاضلاب فالسطح جدار منزل بقرية أوس النرويجية..
ليس ثمة خطة واضحة للعمل ..
الملونات كلها قلق ما أنتابني في شتاء هذه البلاد الطويل
أحلم بسلام
و ألون
أتمنى أن ينال أعجابكم
محمد علي الفاضلابي
أوسلو
| |
 
|
|
|
|
|
|
|
|
Re: معرض تشكيلي (Re: mohammed alfadla)
|
يافضلابي يا رائع
وقتها كنا نجلس في تلك المساحة الضيقة الواسعة في بنايات المركز الثقافي الفرنسي وفي معيتنا بعض من اصدقائنا التشكيليين-حسين عبد الرحيم ,الطيب بوص,نعمان فارس واخرون ,وفي الطاولة التي تجاورنا يجلس رجل اصلع الرأس تبدو علي وجههة بعض تجاعيد اعتقد بانها من كثرة التأمل في الاشياء عيونة مليئة بالكلام ولكنة صامت ,يتحدث اليك في لوحاتة حينما يغلب عليك الصمت واذا حاولت الفكاك من هذا الصمت يصبح حديثك همهمات وتأتات مبهمة كيف لا وانت خارج جازبية الواقع .انت الان في رحاب التجريد والسريالية والصوفية حيث عالم الجمال .يبدو ان الاديبة نجلاء في طريقها للجلوس معنا اقصد اننا علي موعد لاستماع نص جديد ,الان نطلب قليلا من القهوة وندخل في متعة اللقاء .حتي ياتي الينا عم ادم معلنا انتهاء الوقت وتزمر الجمع مما يدعوهم الي ان ينادوه (هادم اللزات ومفرق الجماعات)هكذا كانوا يسمونة.
أخي الفاضلابي يبدو اننا اصبحنا ندمن الماضي وخير رحلة هي ان نسافر الي حديقة الماضي .
لك التحية واتمني لك مزيد من النجاج في عالم الضوء والجمال .
مجدي شبندر
السعودية -جدة
| |
|
|
|
|
|
|
|
|
|
Re: معرض تشكيلي (Re: mohammed alfadla)
|
الرسم التلوين النحت القصة الشعر كل أشكال الفنون المختلفة اعتقد أنها تجربة ذاتية لا تنفصل عن الواقع الحياة اليومية
هم
حزن
فرح
الخ .......................
أجدك هنا آخى محمد في (الفاضلاب على جدار نرويجي)
لك الود
بقوة هذا اللون
لك الشكر لإمتاعنا بهذه الأعمال
| |
|
|
|
|
|
|
|
|
|
Re: معرض تشكيلي (Re: koki)
|
كوكي
شكرا على مرورك وتشجيعك
الرسم كغيره من الفنون التعبيرية حدث ذاتي جدا وموضوعي قي آن
الحديث عن هذا معقد ويطول
شكرا جزيلا مرة أخرى
| |
|
|
|
|
|
|
|
|
|
Re: معرض تشكيلي (Re: mohammed alfadla)
|
قال كابتن الصادق ( اللوحة دي مش معناها الصحراء وشنو كدا ما عارف ) وقت ليهو ايوة يا كابتن والله انت بتفهم بشكل جيد في التشكيل ( واتحيرنا انا وعمار وعمر عبدالكافي ) وجيت برة قت ليناوالله مافهم ...... ذاتو
انت تعرف حجم افتقادي
ساصمت
حنتلاقى؟
| |
|
|
|
|
|
|
|
|
|
Re: معرض تشكيلي (Re: mohammed alfadla)
|
الاخ :الفاضلابي
تحياتي واتمنى يخضر الله ضراعك وتتهفنا بفنك وتصبح لنا من كبار الفنانين حيث تكون إضافة لوطننا الذي إكتوى بنيران الحروب
فتكون لنا شعلة في زمن انعدمت فيه الاضواء والقناديل.
وشكرا
| |
|
|
|
|
|
|
|
|
|
Re: معرض تشكيلي (Re: mohammed alfadla)
|
تسلم يا فضلابي وشغل جميل والله..
بالمناسبة الاخ كوكي زميل ريشة..
وحا اقول ليك سره.. بس امسك فيهو قوي .. وابدعو لينا..
عظيم ودي
اللوحة ادناه لخالد كودي
| |
|
|
|
|
|
|
|
|
|
Re: معرض تشكيلي (Re: mohammed alfadla)
|
من اي قاسم مشترك .. ممكن تخش..
الدنيا دي ما قالو دواره يا مان..
شايف شكل اللمه التانية .. بقي كيف
عارف بين دي وديك الفرق كم .. تقريبا عشرة سنين..
وربنا يلمنا مرة تانية..
.
.
عظيم حبي وكل ما تبقي من موية الفول .. الكنا بنظبط بيها الفته
في مطعم حافظ و الضوووووو... يا حليل زمان
امبارح كنت بكلم
ابوطالب،اكرامي،واشرف عبدالحي
طولت من عمار التاج وسيف وياسر لكنم جميعا حالهم زين وحا ازور ناس استراليا قريب...
ودي
راني السماني
| |
|
|
|
|
|
|
|
|
|
Re: معرض تشكيلي (Re: mohammed alfadla)
|
عزيزي فاضلابي ..ايها الرائع ..
جميل جدا ان تجمل هذه المساحة ببعض الفعل الجميل ..
واصل ..
** وبالله أي ورقة مجدوعة عندك جيبا لينا بيجاي ..
ماهو اصلو واحدة في اتنين يا قصيدة يا رسم ..
اقعد عافية
لك الود
| |
|
|
|
|
|
|
|
|
|
Re: معرض تشكيلي (Re: gessan)
|
مرحب بالقوم
أهل الريشة
قيسان
أرفعوا راسنا في اليونان
بعدين أنا شهر تسعة نازل ألمانيا وشيكيا عندي ورشتين صغار،كان بقيتوا قراب أدونا طلة
| |
|
|
|
|
|
|
|
|
|
Re: معرض تشكيلي (Re: mohammed alfadla)
|
غايتو الطريق السرية دي بعرفها
مشيت فيها لما كان عمري 8 ـ 9 سنوات
خالي الله يرحمه ودانا نتعلم العوم في النيل الازرق
وغرقت
صاح هناك درجات البنفسجي والازرق مختلفة شوية لكن دا اكتر طريق بشبه الطريق داك ومعرضك دا كله اقصر طريق يوصل الحتة القربت اصلها لما غرقت
اسمع هي للبيع ؟
| |
|
|
|
|
|
|
|
|
|
Re: معرض تشكيلي (Re: الجندرية)
|
الجندرية
والله الواحد مرة مرة كده بجيهوا شك
أنت منو بالظبط كده
أنت كنت هناك ولا شنو؟؟
بعدين الله يسألك
أنتوا ببيعوا ليكم كمان؟؟
| |
|
|
|
|
|
|
|
|
|
Re: معرض تشكيلي (Re: mohammed alfadla)
|
انا منو ؟
انا هن وهن انا
وانا كلهن
لوووووووووووووووول
انا اماني ياخ اسأل قرمبوز بوريك
لكن اقول ليك الصدق
نحن لما كنا حايمين في الكلية وجودته والفرنسي والفرع والميدان الشرقي وقصر الشباب اتحاد الكتاب
انتو كنتو لسه بترتارتكم في الشارع
لكن نقول شنو
الكتوف اتلاحقت
وزلدك كان كبر خاويه ايهما شئت
تاني لوووووووووووول
مافي بيع ؟ طيب ترهنا ؟
| |
|
|
|
|
|
|
|
|
|
Re: معرض تشكيلي (Re: الجندرية)
|
يا زولة
خلاص لغاية ما نتأكد
لكن والله ما غريبة علي
المهم ،رسلي عنوان بوسطى عشان نرسل ليك واحدة صغييييرة
مجانية،بعد داك أنا مالي دخل!!!!!
وحكاية ولدك دي جليها لأنوا أنا ما متأكد لسع
لما نشوف قرمبوز كده؟؟
| |
|
|
|
|
|
|
|
|
 Re: معرض تشكيلي (Re: mohammed alfadla)
|
ماليك دخل ؟
ما اعتقد
لكن كدي ما بختلف
بس لما ترسل اتذكر اكتب لينا عناوينك كلها تمام
اليمن ، صنعاء
ص . ب (105)
عثمان محمد أحمد
ومنه : لأماني عبد الجليل
شكرااااااااااااااااااان مقدماً
| |
|
|
|
|
|
|
|
|
|
Re: معرض تشكيلي (Re: mohammed alfadla)
|
الفاضلاب على جدارك ما عادية ..
لو غرفك هكذا فانت لست غريب ..
من اين لك بهذا القدر من التفصيل وانتا زول ود عز ساكت..
في القراند هولي داي فيلا
كنتا انتا ومعاك صحبتينك وصاحبينك ملونين كل القاعات
وفي جوته كنتا براك مالي القاعة
وانتا هسع في غربتك مالي غربتنا
بالرغم من انك نكرتنا
لكن ياخي والله انتا زول سمح سماحة..
عمر خيري او جورج ادوارد
1939موظف في المجلس القومي للاداب والفنون
درس الفنون التشكيلية في المعهد الفني بالخرطوم
حوالي 16 معرض من 1958
لو انتا كنتا فاضي من سمر يا فاضلابي كنتا شفتا ليهو لوحة في قسم الجغرافيا بجامعة الخرطوم
المجلس البريطاني عندو برضو لوحات ليهو وكذا المجلس القومي للاداب والفنون والمركز الثقافي الفرنسي
برضو السيدة جيرزلدا الطيب زوجة المرحوم عبد الله الطيب والسيد هاشم ضيف الله
باريناهو فترة في ايام القلق العشناها في ارض الحيوان لانو
السام والعزلة كانو الغالب في موضوعاته
| |
|
|
|
|
|
|
|
|
 Re: معرض تشكيلي (Re: DKEEN)
|
دي حركة كويسه يافاضلابي ..
والاكوس منها.. أنو الواحد فيهوشوية( نقاش ) اكان ما كده كان اللون الازرق ده مشي مننا ساكت
غايتو ..
بس تعرف أنو دائما ( السمك ) ده سرو باتع
ديل (القوم) قالو كده
طيفور..
خليني المره دي اسرق احساسك بالعمل المصاحب ده .. وهو كود مخفي علشان تكون في استمرارية
فاضلابي..
كده كويس
| |
|
|
|
|
|
|
|
|
|
Re: معرض تشكيلي (Re: tmbis)
|
تمبس
أنت وين يا منقة
حقو الواحد يشتكيك عند ببو
قاطع الخبر مالك
عارف يا تمبس
السمك علاقتو بالدين قوية،عارف أنو المسيحية ده كان شعارها الأول،بعدين العبد الصالح برضو مش؟
تمبس
ما بلقى لي عندك نصير شمة ؟؟؟
| |
|
|
|
|
|
|
|
|
|
Re: معرض تشكيلي (Re: DKEEN)
|
DKEEN
النكرك منو يا أبو الشباب؟
أنت براك أبيت تعترف
بعدين يا حبة،ود العز الله عارفو
عمر خيري
أنا شفت الرسم القلتو ده،مش كده بس أنا عملت معاهو ورشة عمل ... تصدق؟؟ رسمت معاهو سواسوا ،و أتونسنا
لو مشيت البوست التاني حق شخصيات جديرة بالحب بتلقاهو وتلقى سيرتو في آخر معرض ليهو
وبعدين يا دكين
أمشي طلعت هكر ساكت
| |
|
|
|
|
|
|
|
|
|
Re: معرض تشكيلي (Re: nada ali)
|
ندى
أنا كنت محتاج لزيارتك دي شديد
لأنو أنتي شواااافة
وبعدين آخر زول شاف شيخنا الصلحي في البورد أظنو انتي
شكرا على مرورك
| |
|
|
|
|
|
|
|
|
|
Re: معرض تشكيلي (Re: Rawia)
|
جاري العمل في الwebsite
حاليا في رسم كتير جدا بورشتي الصغمبوتة في أوسلو في حته أسمها ساقنا ،جارتي باليمين مرة حلوة حلاة أمريكية،وبالشمال نرويجي طيب وضعيف تقنيا برسم بألوان الزيت
تعالي!!!!
| |
|
|
|
|
|
|
|
|
|
Re: معرض تشكيلي (Re: mohammed alfadla)
|
الفاضلابي ازيك
بالمناسبه انامابفهم كتير في الفن التشكيلي ومدارسه ولكن اثق الي حد ما في تذوقي للفنون عامة وعندي استفسار او تساؤل ، وهو لماذا تعمدت ان تقود المشاهد للوحات الي تفسيرات بعينها ولم تترك المجال مفتوح لقليل من فنتازيا اللون اوالاشكال او الكتل او... او.....،المهم ياحبيب انا بفهم اللوحه ـ وعليك الله لو فهمي ده غلط شديد ماتعمل حساب للشيب ، صحح ليه بالقلم الاحمر طوالي ـ
اللوحة هي كتاب مطلوب من المشاهد ان يقوم بفتحه ... تصفح اوراقه ثم البدء في القراءة .. فهي تتطلب الفضول العلمي لدى المشاهد، والذي بدونه لا تتم عملية الخلق والابداع.
ان كل ما يطلبه الفنان من المشاهد للوحته هو ان يقف امامها متمعنا... متسائلا ... مستغربا... واضعا بعض التفسيرات التي يعتقدها ... محاورا للوحة ذاتها ... ثم محاورا الفنان ذاته ...فاللوحة حوار ... وخروج إلى الداخل.
شقرور
| |
|
|
|
|
|
|
|
|
|
Re: معرض تشكيلي (Re: mohammed alfadla)
|
ما قادر اشووووف الوحات يا محمد....
وتعليقات الشباب بتقوووول انو القصة صعبة شديد لو ممكن ترسوم لي في الe.mail و اكوووون ششششششششششششششاكر جدا جدا
| |
|
|
|
|
|
|
| |
mohammed alfadla
مجدي شبندر
طيفور
omer almahi
Ibrahim Algrefwi
Kostawi
أسامة معاوية الطيب
اسامة الخاتم
عبدالعظيم عبدالله
rani
gessan
الجندرية
tmbis
nada ali
لؤى
Rawia
معتصم دفع الله
Dia eldin khalil
فيس بوك
تويتر
انستقرام
يوتيوب
بنتيريست