كتب الكاتب الفاتح جبرا المتوفرة بمعرض الدوحة
|
اوسلي .. والاصدقاء..اكتبوا عن الشاعر ..ابراهيم ابنعوف
|
صديقي ..اوسلي .. اعلم انك تتقاطع من عدة زوايا مع الشاعر ..الفنان. ..الفذ...ابراهيم ابنعوف ..تعلم عنه الكثير من خلال جلسات الادب والشعر ..التي جمعتك به..على رمال اوسلي العزيزة.. ابراهيم ابنعوف ..قامة شعرية ..بنكهة خاصة ...ينظم الشعر بعمق شديد ..تتحسس من خلال قصائده..حلاوة وطعم الشعر الشايقي الاصيل ..ذات اللونية المختلفة ..التي تحتاج ..لتأمل خاص...بكل الاحساس ..الذي تكاد ان تلمسه..بين ثنايا كلماته.. يا بلد عاشق ترابك *** من ترابك عزّي نابع زينة فوق ارضك طبيعتك *** جنة الله بلا منازع.. .. قصائده تتفرّد... بالكلمات العميقة الدافئة ..التي تنبع من ريحة طين الجروف...يمزج الكلمات الدارجة..البسيطة مع الفهم العميق ..لتنطلق المعاني الجميلة.. اطنبّر بيك للأشواق *** اسمّعك اي زول مشتاق --------- تعالي ..ندرّج الايام *** علي درب الهوى... الويحيد نلملم من فراقنا كلام ..نلحّنو من لقانا ... نشيد --------- طلّي من الصباح اشراق *** يراري على ندى الاوراق تعالي ..بلا خبر برجاك *** على وقد الهوى المقدوح ---------- انادي عليك من الاعماق *** اشارق والفكر تاواق يشاشي على مدن عينيك *** ويرحل من بلاد لبلاد ادخلي ..ووزعي الافراح *** على كل البيوت في الحي وابقي غنيوة القاعدين *** ومسادير البشقّو الصي --------- على عتب الامل ساند *** ضهر صبري النقص ما تم تعالي ايام زماني جحيم *** بلاك وشي حياتي سجم بيني ..ولو على الآفاق *** بدايات المطر... نقناق مطر فرحك على الاحزان *** حديثا تاني ماب ينزاد وفي رائعة اخرى ..يقول: كيف اوصلك ..كيف اوصلك وكيف اقدر انساك ...وهواك ماب ينترك احترت فيك..واحترت في القلب اليفكّو ..وينشبك -------- في حترب البال الموقّع *** من جدار عقلا مقرّب ينسهك وين انت من طول الرجا *** وحبل الهوى الماب يتمسك وصبرا التّقو بالصبر *** ومن تاني يرهف وبنهتك ---------- الكتابة عن شاعر ..مثل " ابراهيم ابنعوف " ربما تحتاج لبحث شامل... وزمن طويل ..اترك الكلام ..لمعجبين واحباب " ابراهيم ابنعوف " ليقولوا شيئا ..ويسلّطوا الاضواء ..علي هذه القامة من قامات بلادنا العزيزة..
|
|
|
|
|
|
|
|
Re: اوسلي .. والاصدقاء..اكتبوا عن الشاعر ..ابراهيم ابنعوف (Re: AL GURAIR)
|
اخى القرير ... ســــلام ومن غيرك وعم مامان يستطيع الحديث عن ود ابنعوف ذاك الشامخ صاحب المفردة التى تقتحم دواخلك خلسة وبقدر ما تثير فيك من دهشه تتقمصك كقدر لا فكاك منه تخبل منظر ابراهيم وهو على تندة لورى ود الكعين متوجها لتنقاسى فى وقفة عيد الاضحى وهو يشدو
الناس بى شوق نبيها من المالح فاتو غادى انت شوقك جابنى تنقاسى احج فيها اول تبادى
ابراهيم صاحب عزيمه واصرار يصلان لحد العناد .. العناد عنداهلنا قوة راس ولكن عند ود ابنعوف يعنى ميلاد المزيد من الابداع
قالولى بتهوى شافعه ؟ قوتليهم لو بترضع قالولى صباك ضائع قوتليهم بيها برجع وصوا وساكت توصوا وصيتكم ما بتنفع شوف العين شن بسوى لى جائع قصدو يشبع
اتمنى ان يرى الاستاذ مامان هذا البوست كما اتمنى ان يشحذ ذاكرة الاستاذ ــ اســامه معاويه الطيب ــ الذى اظنه قد قد ولج لكل المداخل المؤديه لشعراء امنطقه بعد تجربته الاذاعيه الناجحه فى نادى الطمبور شكرا اخى القرير على تسليط الضوء على روائع ود ابنعوف
| |
|
|
|
|
|
|
Re: اوسلي .. والاصدقاء..اكتبوا عن الشاعر ..ابراهيم ابنعوف (Re: Adil Osman)
|
ضمنى يا ليل الغلابة وضمنى لفنى وابلعنى فى جوفك هناك ولمنى
بسالك بالفيك مسك قلبو وشهق بالبيبكى ودار تشقوا العبرة طق بالكتم سر حبو لا با لا نطق قولى مخلوق حظى منك ولا من حظى اتخلق ؟
انتظر طاوعنى لا تعجل تفوت يبقى ما تلقانى بكرة وراك اموت ودا ان حصل البس سوادك وحدنى
مالك اتحيرت يا ليل فى الكلام ماك شايف الدنيا فى عينى ظلام والقليب عميان يفتش فى الزحام لى قلوبا طيبة ما عرفت خصام فى زمننا الطيبة راحت وما اتلقت فى دروبا جريت والكرعين حفت والبقول يمسح دموع عينى يزيدا يتمنى
الكلمات الشاعر ابراهيم ابنعوف
| |
|
|
|
|
|
|
Re: اوسلي .. والاصدقاء..اكتبوا عن الشاعر ..ابراهيم ابنعوف (Re: AL GURAIR)
|
يا ناسات البلد الغادي سلام لا حديث في حضرة مامان تشكر القرير والسادة المتداخلون
Quote: على عتب الامل ساند *** ضهر صبري النقص ما تم |
Quote: في حترب البال الموقّع *** من جدار عقلا مقرّب ينسهك وين انت من طول الرجا *** وحبل الهوى الماب يتمسك وصبرا التّقو بالصبر *** ومن تاني يرهف وبنهتك |
وازيدك:ه اليدور يهديني من ريدك اخير يمشي يكوسلو هادي ** كان حاكى القمر محياها لو ما في القمر ضِليمة
في انتظارك يا مامان ويا ريت العمل تصلني من صورة طبعا د. توفيق لا يستطيع يقول "بِغم" في ارساله تحياتي له
| |
|
|
|
|
|
|
Re: اوسلي .. والاصدقاء..اكتبوا عن الشاعر ..ابراهيم ابنعوف (Re: yasiko)
|
تحياتي طبعا اجمل من شعر ابراهيم ابنعوف التفاتكم ليهو ساكتب والله رغم اني اتضاءل كثيرا قبالة يس ومامان وكما وكل الرايعين الكتبو قبلي ابراهيم ابنعوف قامة ماممكن نكتب عنو كدا في عجالة البوستات هنا ولكنا سنحاول لانه يستحق وهو الذي صنع وجداننا ولا زلنا نتذكر يري يا اقداري سيري وسيري بي محل تسيري شن يهمك بي عذابي اصلي زول مجهول مصيري ومن اغنياته الخالدات واحدي العالمات الفارقة في أغنيات الطنبور ليل الغلابة اذكر حديثا للدكتور توفيق الطيب يقول كان ود ابنعوف يقوي علي المحبوب فتضيع االقصيدة وكتب ليه ما اكتب وليه ما اغني صبرت انا وانتم مرادي ويضيع المحبوب فيقوي علي القصيدة ............ راحتي في الدمعي الغزيري
جدير ان نسمع راي توفيق وراي يس ولو اننا نستطيع ان نستكتب احمد سليمان تحياتي للجميع وسارابط هنا لاقرأ ما تكتبون واستمتع جدا بالشاعر الجميل ودابنعوف
| |
|
|
|
|
|
|
Re: اوسلي .. والاصدقاء..اكتبوا عن الشاعر ..ابراهيم ابنعوف (Re: osly2)
|
الاخوة الاعزاء: عندما شرعت في كتابة هذا البوست ..كنت اعلم بانني وزّعت ..بطاقات الدعوة ..لاوسلي... ومامان ..ياسيكو .والشايقي ..معاوية الطيب ..عادل عثمان ..واصدقاء كثرين...يقفون عتد الباب ..منتظرين اذنكم للدخول .. اصدقاء ...تتقاذفهم ..المنافي ..وتجمعهم هذه الواحة الظليلة..رغما عن المسافات ..لنستظل من هجير البعد..في حضرة " ابراهيم ابنعوف"
بطاقات الدعوة ..وزّعت ..لنحتفل بشاعرنا المتألق " ابراهيم ابنعوف " ... وكنت اعلم انني ..ادندن بيكم علي الحجرات ..وللنسمة المباري النو...حتي ندرّج الايام والسنين علي دروب العودة المنتظرة .. شاعر يقول : يا غائبة في الزمن الهجير *** رمّض مسار عشمي الغياب صنقر ..حرس بذرة رجاك *** طرحت مع الايام... يباب
شاعر كهذا ..لا بد من الاحتفال به .. ليتمدد في مساحات بلادنا الشاسعة .. شكرا ...اصدقائي ... ومزيدا من الابداع ..
| |
|
|
|
|
|
|
Re: اوسلي .. والاصدقاء..اكتبوا عن الشاعر ..ابراهيم ابنعوف (Re: osly2)
|
الاخوة الاعزاء: عندما شرعت في كتابة هذا البوست ..كنت اعلم بانني وزّعت ..بطاقات الدعوة ..لاوسلي... ومامان ..ياسيكو .والشايقي ..معاوية الطيب ..عادل عثمان ..واصدقاء كثرين...يقفون عتد الباب ..منتظرين اذنكم للدخول .. اصدقاء ...تتقاذفهم ..المنافي ..وتجمعهم هذه الواحة الظليلة..رغما عن المسافات ..لنستظل من هجير البعد..في حضرة " ابراهيم ابنعوف"
بطاقات الدعوة ..وزّعت ..لنحتفل بشاعرنا المتألق " ابراهيم ابنعوف " ... وكنت اعلم انني ..ادندن بيكم علي الحجرات ..وللنسمة المباري النو...حتي ندرّج الايام والسنين علي دروب العودة المنتظرة .. شاعر يقول : يا غائبة في الزمن الهجير *** رمّض مسار عشمي الغياب صنقر ..حرس بذرة رجاك *** طرحت مع الايام... يباب
شاعر كهذا ..لا بد من الاحتفال به .. ليتمدد في مساحات بلادنا الشاسعة .. شكرا ...اصدقائي ... ومزيدا من الابداع ..
| |
|
|
|
|
|
|
Re: اوسلي .. والاصدقاء..اكتبوا عن الشاعر ..ابراهيم ابنعوف (Re: AL GURAIR)
|
الاخ القرير
الشوق مليون
عوووك وكل الناس عندك بي لون النيل..هكذا لا تأتي الا وفي معيتك كل هولاء وكل هذ الجمال ...بوست مروي لا يزال بذاكرتي وليته يعود...الحديث عن ابراهيم ابنعوف ليكن البداية للحديث عن الاخرين..اوسلي ..مامان ...ياسيكو وكل الاصدقاء لكم اقصي مايهدي وفي انتظار اوسلي ومامان والبقية لتعطير الساحة بسيرة من وةهبنا دفء الغناء في اقصي الشمال..وفي انتظار ياسيكو للقيام بواجب الضيافة...طبعا الحمد لله الزول لقي ليهو حتة تلمو اليومين الجايات
الفاتح ابحث عن اجبار ابوذر الكامل ساسيكو ارسل لي احد الاصدقا الجميلين اربعة اشرطة كاسيت للنصري...شئ لا يوصف..كان ماعندك ياني المرلن ليك
تحياتي لكم جميعا وحتما ساعود
القرير لك الود والشكر علي هذا البوست
عبد الله جعفر
| |
|
|
|
|
|
|
Re: اوسلي .. والاصدقاء..اكتبوا عن الشاعر ..ابراهيم ابنعوف (Re: مارد)
|
الأخ القرير وأوسلي ومامان والبقية... التحية لكم وانتم تضعون الأزهار على هذا المكان الذى كاد ان يخلو منها ..والذي بدأ وكأنه ساحة للحرب يتقاتل فيها فوارس الفحش والبغضاءويتبارون بما ملكت ايديهم من سفيه القول وفاحش السباب وكريه الحديث سأل حكيم يوما: من هوا لعبقري؟ أجاب قائلا: العبقري هو الذي يصنع من الشيء العادي ما هو غير عادي وانظروا وتأملوا ماذا كتب إبراهيم ابنعوف عندما كتب لمحبوبته مرارا فلم ترد
أكتب ليك واطّول في كتاباتي يفيض احساسي وأملأ الدنيا بكلمات خطاباتي بجمع ليك لغات الدنيا واكتب ليك وبي لغة العجم مرات...... وبالعربي الشديد وفصيح وبي لغة الملائكة احيان... والسرياني والتسبيح وبي كل ذرة في ها الكون...اكتبها ليك وأرسلها فوق جناح الريح أكتب ليك في الأشجار علي الأزهار وفي الأنهار محل ما تمشي قدامك ..تلاقي حروف رسالاتي لأنك انت من ذاتي...يا ذاتي ومهما كتبت ما بقدر أعبر ليك عن الجواي..مهما طاوعت أقلامي كلماتي **** وليه ما اكتب وانت الماضي بي احزانو... بأفراحو... والمستقبل الآتي كتاباتك ...شويي خلاص وانا الراجيكي تكتبي لي كم دفتر وكم كراس ومنها داير أفصل جبي وأندروش ..كمان طاقيي فوق الراس ومن كلماتها اسوي السبحي والبخرات ..وكم حجبات ..اداريبن عيون الناس وكمان تقروقة في محراب هواك أجلس مع الجلاس وأخلي الباقي اتغتابو ..لو بعدك غشاني نعاس وانا الراجيك تكتبي لي ..كتاباتك تكون في الظلمة لي نبراس انا العايش فراقك لي ...بشوفك في عيون الناس وعاذرك لو كتبتي قليل..رضيان بيهو مادام بي وفاء واخلاص ********** أريت يوما فرقني معاك ..يكون محذوف من التأريخ وتبقى ايامنا سته ونبقى بيها قراب أريت بلدا تحرمك مني...لوما انت تبقى خراب ويسكن في خرابها البوم ... ويصايح عليها غراب وصاعقي تقع تدكها ..ما تفضل فيها ذرة تراب وتولع فيها نار الله ..تصبح كوم رماد وهباب تمرقي انت.... والناس المعاك قراب ما دعّيت خاتي...الا الفراق اسباب
والآن ما رأيكم ....اليس ود ابنعوف بعبقري ؟؟؟؟؟؟؟؟؟؟؟؟؟؟؟ اذا كان لديك شك فأقرأ القصيدة مرة ثانية
| |
|
|
|
|
|
|
Re: اوسلي .. والاصدقاء..اكتبوا عن الشاعر ..ابراهيم ابنعوف (Re: الزوول)
|
اهواك ويلا واحتمل *** ويلات هواك جنس جنس اهواك ..طوعا كون انّو *** هواك لي نبضا وحس اهواك موهدب بصراع اللقيا *** والخوف والوجس اهواك قدر مكتوب علي *** كيفن من القدر احترس وا ضيعتي ..وا ضيعة فؤادا *** فيهو حبك متغرس همسات غنيواتنا الزمان *** الكنّا نسمعا بهمس تحت الشتيلة نحن ..نناجي *** في الريدة نحلم بالعرس من بعدك الايام خلن *** والعيشي فيها بلا نفس كيفن يضوق طعما ويروق *** زول فصّل الاحزان لبس ---------- زرّت امانينا الرياح 000 خلّت عقاب حظا نحس في دنيا ما تفرحني يوم 000 من تاني ترجع تنعكس ارجاها بالحلم الضحوك 000 تظهر لي بالوجه العبس سدس السعادة تقسّموا 000 وتلحقني في باقي السدس عزيّت سهادي علي المنام 000 شوقرت طرفي الما نعس
الكلمات لابراهيم ابنعوف :: الالحان والغناء :عبد القيوم الشريفي
دخول ابوقصي ، عبد الله جعفر ،الزول ومارد ..لهذا المحراب ..يضفي علي الجلسة .. مزيدا من الالق ..والابداع ..
عبد الله جعفر ..ذاك الفتى ..الملئ بحب البلد ... عندما " يدلق " شوقه " لمروي والسودان" يفيض ..شعرا ..وشوقا ...ونغرق نحن ..بحلو الكلام ..وفرحنا بعودتك ..ومنتظرين ابن النخيل ...برجاك بهناك ..لازودك باخبار اباذر..
" ابو قصي " لا شك ان عندك الكثير لتقوله عن " ابراهيم ابنعوف " حتي من باب تشريح الكلمات والمعاني ... شكرا للدخول ..وابقى قاعد ..حتى تأتي البقية..
مارد ..احسنت .. وخلتك واقف على الباب وانت تستقبل الضيوف ..لهذا الاحتفال .. شكرا
اخوي " الزول " يا زول ابراهيم ابنعوف ده ..فريد في كل شئ ..اتمنى ان يوافينا الاخوان " مامان " ومعاوية الطيب بالمزيد .. لنوفيه حقه ..ولو قليل .. اضفت عبقرية " ود ابنعوف " من خلال القصيدة المعبرة جدا .. لدفتري ... برضو ..خليك معانا ...حتى " تعمر " الحفلة .. وواصل الشكر ..لك... وللأخرين ..
| |
|
|
|
|
|
|
Re: اوسلي .. والاصدقاء..اكتبوا عن الشاعر ..ابراهيم ابنعوف (Re: خضر عطا المنان)
|
Quote: وانا الراجيكي تكتبي لي كم دفتر وكم كراس ومنها داير أفصل جبي وأندروش ..كمان طاقيي فوق الراس ومن كلماتها اسوي السبحي والبخرات ..وكم حجبات ..اداريبن عيون الناس وكمان تقروقة في محراب هواك أجلس مع الجلاس وأخلي الباقي اتغتابو ..لو بعدك غشاني نعاس وانا الراجيك تكتبي لي ..كتاباتك تكون في الظلمة لي نبراس انا العايش فراقك لي ...بشوفك في عيون الناس وعاذرك لو كتبتي قليل..رضيان بيهو مادام بي وفاء واخلاص |
Quote: مخلوقة تراب الجنة والطيب خالطوبو جسيمة كان حاكا القمر محياها لو ما في القمر ضليمة |
يا مامان توفيق دا أقفرو
خضر عطاالمنان . سـلامى هل درست بكورتى الثانويه ؟
الصفاقين فئه مجهوله فى فن الطنبور ياريت نفرد ليهم بوست خاص ناس عثمان حمد ..محى الدين عبدالوهاب ..حتى جيل عبود سورج ووليد الحكيم ورحمة الله وابن الباسا الحريف الشيخ الشريف وفرقة اكروبات الكرى.القرير. حمد وعد العظيم صالح . عمر الجاك ود الطاهر يا اهلنا العنده القصيدة دى يلحقنا بيها ادينى امانك قوودينى لو قتل الحب عاشق عمدا العدل مع القاتل على طول صديقى الفاتح لو عارف طريقه نربط بيها اسامه معاويه هنا قولها لى ابو قصى راجع دروس تمبس وخالد الحاج
فسـراع يا نسائم اشواقى ودلى السلام مطــــبوق لى اهلنا وجميع حبانا فى البوست التحت والفوق
| |
|
|
|
|
|
|
Re: اوسلي .. والاصدقاء..اكتبوا عن الشاعر ..ابراهيم ابنعوف (Re: AL GURAIR)
|
الاخ القرير
الاخوة الكرام المتداخلين ،، لكم التحايا بريحة الجروف وطعم المنقة ونكهة المشرق وودلقاي
أعجبت كثيرا بشعر الاستاذ إبراهيم ابنعوف ، رغم اني لم التقيه في حياتي الا انني احس بأني اعرفه منذ القدم لقرب اشعاره الى النفس وتقلقلها في الذات ودغدغة الاحاسيس اسمعوا معي هذا الكلام ،، ( والمصدر فيه شريط عثمان عبد العظيم ) لذا قد تكون هناك بعض الاخطاء فنرجو العذر مسبقا
يا حبي قبال نتلاقى طمــني قلبي وكوني معاي أنا راجيك اتنين فوق عشرة هدن صبري كفاية كل ما تبعدي عن عيني احسن أخاف ما تبقي نهاية فكري يقولي مابتلقاها وقلبي يقولي صباحك جاي بين وعدك والشوق واللهفة فوقي الهم ينشر تخاية وأسال اقول ياربي جنيت ولاكمان دي الريدة بداية
********************************************* أنا وحياتك دون مااشعر القي عليك سايقاني خطاي لي لقياك يا اغلى هدية ارسلك الرب لي دنياي نتلاقى وتتلاقى الفرحة ترسم معنى هواك وهواية واصلو الحب لمان يتجسد في العينين مابدورلو قراية
********************************************* انت الخاطرة الشغلت عقلى واجج نار الشوق جواي ما متخيل يوم نتصادف تصبح واقع اعيشو براي رغم سنين العمر الضاعت وأنت بعيدة على مسعاي يلا وريني سعـــادتك لي وامسح من عيني اساي
********************************************* فيك حنية بلــــدي وفيك بشوف اهلي ومأتاي واتمناك كل لحظة تعدي لحظة تعدي فيها تكوني قريبة حداي وأتامل في ليلك وصحبك صحبك والبسمة الضواية يملا وجودي حديثك نشوى وروحي تحلق فوق في سماي
********************************************* لا تتأخرى في غيباتك شدي خيول شوقك تالاي وابني لي في حضنك جنة ، جنة افجر فيها غناي لاتنسي العهد البيناتنا شاهدي عليهو يداك ويداي ياما كتير ضحيت من اجلك اوعك صدك يكون ده جزاي
| |
|
|
|
|
|
|
Re: اوسلي .. والاصدقاء..اكتبوا عن الشاعر ..ابراهيم ابنعوف (Re: شرووم)
|
أهلي الأفاضل : مامان و اوسلي وشروم ........................ الى آخر ( سبيطة القنديلةالحلوة )
هكذا يكون الوفاء يا صحابي
أماأنت يا أوسلي أقولك : أنا خريج مدرسة النعام آدم واسماعيل حسن وليست كورتي الثانوية!!!!! عموما أنا أملك في رصيدي الكثيرين من احبابكم أهل الطنبور منهم على سبيل المثال لا الحصر : محمد جبارة وعثمان اليمني ( قبل أن يتلوث !!!!!! ) وعيسى بروي وعبد الرحمن عجيب .. من هؤلاء من كان يقيم بمنزلي سواء في اليمن أو السعودية أو الامارات .. ولي من بعضهم أحلى ذكريات العمر يا سيدي والعديد من التسجيلات الخاصة والخاصة جدا ..
وأنا أذ أشيد بمجهودكم الوفائي .. أضع يدي بيدكم .. فرنة طنبور عندي خير من فرقة من عينة ناس ال........ خاصة أن الساحة هناك ( في العهد الانقاذي الشوم!! ) تعج بمليون ( نانسي عجرم سوداني !!!!! ) واللبيب بالاشارة يفهم !
لكم مليون تحية وتحية خضر عطا المنان
[email protected]
| |
|
|
|
|
|
|
Re: اوسلي .. والاصدقاء..اكتبوا عن الشاعر ..ابراهيم ابنعوف (Re: خضر عطا المنان)
|
اوسلي الطريقة الوحيد البتربطبها اسامة هنا ترجعو نادي الطنبور تاني ... تقدر ؟ اه والغربة تقعد بنا عن القراءة والحياة انا والله بحاول اخش كل مرة بس عارف الدخول لعالم ابراهيم ابنعوف ما بحتمل السليقة محتاج لاعداد واعداد ضخم لاني اعتقد انو الشعر المنشور في معظمو شعرو الحديث واعتقد انو دا مضر جدا لشاعر زي ابراهيم ابنعوف لاني ( اعتقد ) انو شعرو الاخير غلب عليهو الطابع التجاري ( اظن اني حر في اعتقادي ) ومن الظلم بمكان نحكم عليهو من خلالو لانو كتب شعر جميل عميق قريب جدا مننا ومن وجدانا بل واتشكل وجدانا اصلا منو ارجو ان نتدارس في الجزئية يا اوسلي ومامان ويس واعتقد انو توفيق الطيب لو حضر بتتوازن المسألة شوية لانو مركز علي الشعر القديم لابنعوف
اخشى كثيرا علي ماضي ابنعوف من حاضره ( بصراحة) حا اواصل حتى لا اكون متجني عليهو
| |
|
|
|
|
|
|
Re: اوسلي .. والاصدقاء..اكتبوا عن الشاعر ..ابراهيم ابنعوف (Re: أسامة معاوية الطيب)
|
لولا الامل ما عاشوا ناس **** في الدنيا... بالحظ القليل يا فاقد الامل العريض **** من قالك المضى لا يعود ---------------------------------------------------------
الاخوة الاعزاء ..عبركم يكون ..التواصل ....لنغوص في اعماق " ابراهيم ابنعوف " وغيره من شعراء المنطقة ..نتناول ..حياتهم..شعرهم ....سيرتهم الذاتية.. احيانا ..مسيرة الحياة بمجملها...والمنعطفات الاجتماعية ، السياسية ، وحتى الدينية .. التي يمر بها الشاعر او الاديب..تنعكس على مفرداته وكلماته....من هذا المنطلق ..كلمات الاخ " اسامة معاوية الطيب " بان قديم الاستاذ " ابراهيم ابنعوف ..من الشعر ..اجود واجمل ..من شعره الحالي ..هذه وجهة نظر ..لا بد ان نحترمها .. ..بس مطلوب من الاخ اسامة ..( وهو اهل لذلك وسليل بيت عموده الشعر والادب )ان يوافينا بتفاصيل اكثر ..ويستشهد ببعض النماذج ..لانو ربما يكون هنالك بعض الاخوة ..( وانا احدهم ) لم يتمكنوا من الاطلاع على كل شعر الاستاذ " ابراهيم ابنعوف "او ربما تعرّفوا على شعره الحديث من خلال الشعر المغنّى فقط...وهذا وحده لا يقيّم الشاعر ..
عموما نحتاج لمداخلات من اهل الاختصاص ..واتمني ان تكون بداية لتوثيق اعمال كثير من شعراء المنطقة ..الذين لم يوفّوا حقهم من الدراسة العميقة ..التي تحتاجها الاجيال القادمة..
شكرى الجزيل ..لكل الذي زارنا ..وفرحنا كثيرا بركوب الاخوان " خضر عطا المنان.. شرووم ..انا زاتي امدر ..لهذه القافلة .. ( وبدايات المطر ..نقناق..) ..
" اوسلي " الكتابة عن الصفّاقين ..تحتاج ايضا " لبوست خاص " ارجو ان تجهّز نفسك وتاتينا بدراسة وافية ... تبدأ من " اب خبته " وما عليك نحن " بنشيل " معاك..
" اخونا خضر عطا المنان " نعود بك وبعجلة الذاكرة للوراء قليلا ..ابوظبي 1987 ..وبها الكثير من محطات الذكريات ..ارجو ان تنعش الذاكرة .. مع خالص الود..
حبوبتنا ..ام در .. كل ادوات البالتوك جاهزة ..لتفعيل اللقاء ..لكننا ننتظر الاستاذ " ود ابنعوف " ...واوسلي .. ولك التحية..ولهم ..
ومزيدا من التواصل...
| |
|
|
|
|
|
|
Re: اوسلي .. والاصدقاء..اكتبوا عن الشاعر ..ابراهيم ابنعوف (Re: AL GURAIR)
|
الحبيب ود القبايل : القرير
ألف شكرا على انعاشك الذاكرة .. وبالفعل كانت محطة أبوظبي في دروب سفري الطويل وغربتي التي تجاوزت الآن العشرين عاما أهم محطة ومنها تزودت بزاد كثير سوف أسعى ما مكنتني ظروف عملي و الدراسة هنا من ذلك .. وأنت يا عزيزي تأمر ونحن تحت الخدمة وأوعدك ان شاء الله بأن أعيد ما سبق ان نشرته في صحيفة الخليج الاماراتية حينما توفي ملك الطنبور النعام آدم وهو جاهز هنا وسأعيده لتعميم الفائدة وخدمة لأحبابي من أهل الطنبور وأمثالك يا سيدي
فلك يا قرير ولعمي المرجع مامان وبقية الكوكبة ممن يقفون وراء مثل هكذا وفاء خالص التحية .. وسلام خاص لكل أهلي وأحبابي بأبوظبي ..
وبالمناسبة سؤال ـ بعد الاستئذان طبعا ـ أين أنت موجود في الامارات يا قرير اليوم ؟ خضر [email protected]
| |
|
|
|
|
|
|
Re: اوسلي .. والاصدقاء..اكتبوا عن الشاعر ..ابراهيم ابنعوف (Re: maman)
|
العم الفاضل أبدا : مامان
كم أفرحني هذا الخبر الرائع .. أتمنى أن يطبع هذاالكتاب وهو اضافة مهمة ـ برأيي ـ للمكتبة التراثية السودانية .. وضروري نكون في الصورة عند اكتمال هذا الوليد السمح . وبالمناسبة ياعم عيال شايق لاحدهم : مامان أسأل : أين صديقي الغالي محمد سعيد دفع الله هذا الشحنة المتخمة بالابداع والحنين للحبيبة ؟؟
أرجو أن أتلقى أجابة منك . ولك السلام من دون عدد
ابنك المحب : خضر عطا المنان [email protected]
| |
|
|
|
|
|
|
Re: اوسلي .. والاصدقاء..اكتبوا عن الشاعر ..ابراهيم ابنعوف (Re: osly2)
|
العم الحبيب : مامان
ودي المحرية فيك ياسيدي دوام يديك العافية ويرد غربتك قوام
وعليك الله قول للوليد ـ في نظرنا لا يزال ـ محمد سعيد دفع الله ياحليل زمن الرجوع !! وين نحن ما خلاص صوبتبنا الشيمة لا ديمة !! تاني الا الصندوق في الباقيلي وأنا شايفو !!!! وأسأل الله طولة العمر للجميع يا عمي مامان
مع تحياتي : نغيمات طنيبيرن يرن تحت نخلة وجرعة موية من الجنابية في الناحيي الشرقيي من ساقية ناس ود محجوب .... ويا حليل بلدنا يامامان .. ويا حليل أهلنا هناك كتير كتير .. ابنك : خضر
| |
|
|
|
|
|
|
Re: اوسلي .. والاصدقاء..اكتبوا عن الشاعر ..ابراهيم ابنعوف (Re: AL GURAIR)
|
التحية لشعراء ومبدعي بلادي في كل زمان ومكان\ التحية للشاعر والمبدع والأدب والراوية مامان وأقول أيضا المؤرخ الأدبي مامان ..أرجوأن تقتطع جانبا من وقتك لتحقق وترصد وتوثق بالنقد والتحليل تراثنا الشائقي فالأجيال الحالية والقادمة بحاجة تحتاج لتوثيقكم لأرثها الذهبي لخوفها عليه من الأندثار ..بأختصار نحتاجك كاتبا ومؤلفا ولكم جزيل شكري كمال عباس
| |
|
|
|
|
|
|
Re: اوسلي .. والاصدقاء..اكتبوا عن الشاعر ..ابراهيم ابنعوف (Re: مارد)
|
القرير الزمن الصديق الزمن الطمانينة
لك وصحبك الميامين القلب قبل التحايا
هذا بوست أحمدى ومحضور
جعلنى اضرب اكباد الحديد لكى اتوفر على كيبورد عربى
انتم سيدى تعطرون سماءالبورد بالطنبور
وتجعلونا نلامس الماضى...الذكريات لنيقن ان لاشئ يليق بالحياة غيره
لقد نبهتنى لهذا الشاعر الفذ تحت سيالة اولاد مسودكم العامرة فى
الامارات...القرير
لقد ظلمت نفسى كثيرا بحرمانها من ابداعه
واليوم عرفت اننى ادندن بكثير من اغانيه
وادركت كم حاجب عيوننا كان لايعلو على عين القرير حينما يتعلق الامر بالطنبور
سوف أقرأ البوست بعناية ...وخصوصا مداخلات استاذنا الفذ مامان
وسوف اتواصل معكم وعبركم وكما تعرف....كنت منذ البدء اهوى صحبة
الاطيار والاقمار والنهر الاليف ولقلبى فى السلوك الناغمات رغبة خضراء
فى كل الفصول
والسلام من عين شمس لا حد فلسطين
ومن جوبا لا حد بريتوريا <لزوم السودان الجديد>
مودتى
ابن النخيل
| |
|
|
|
|
|
|
Re: اوسلي .. والاصدقاء..اكتبوا عن الشاعر ..ابراهيم ابنعوف (Re: AL GURAIR)
|
Quote: مخلوقة من تراب الجنة والطيب خالطـوبو جسيمة كان حاكى القمر محياها لو مافي القمر ضليمة
فهذا البيت قد تطرقت إليه آنفاً من الناحية البلاغية ، أما في مجال الوصف فإن الشاعر استخدم خيالاً خصباً ، وصور لنا المحبوب في أبهي صورة ممكنة ، فشعراء العرب كانوا يشبهون وجه المحبوب بالقمر ، وأحياناً يقلبون التشبيه ليشابه القمر وجه الممدوح ولكنهم لم يصوّروا لناكيف أن وجه المحبوب صار أبهي من القمر لغشاوة سربلت وجه القمر . وقد ذكر الحلبي في كتابه حسن التوسل ما سماه تشبيه التفضيل وأورد بيتاً من الشعر يقول فيه صاحبه :
حسبت جماله بدْراً مضــيئاً وأين البدر من ذاك الجمال ؟
فهذا الشاعر لم يزد علي أن شبّه وجه محبوبه بالقمر وهذا تشبيه مألوف ثم استدرك ليثبت أن المحبوب أجمل . ولكن لم يوضح العلة الطبعية التي بها تفوق المحبوب أو قصر عنه بها القمر !
أما شاعرنا فقد أوضح أن القمر كان محتملاً أن يشبه محبوبه ـ ودون أن يفوقه حسناً ـ لولا أن وجه القمر قد اعترته بعض الظلمة والغشاوة . وهذا قمة الروعة في التصوير . |
يا هو حد القول شعراً وشرحاً
لكن يا مامان برضو ما بيحلك وتوفيق هل من مزيد!!!!!!!!!!!!!!!!!!!!!!!!!!!!!!!!
| |
|
|
|
|
|
|
Re: اوسلي .. والاصدقاء..اكتبوا عن الشاعر ..ابراهيم ابنعوف (Re: maman)
|
الاستاذ مامان تشكر على الجهد المقدر فى ابراز المعانى الجميله فى أشعار الرائع ابراهيم ابنعوف والشكر من خلالك للصديق والدفعه توفيق الطيب ولازلت مع المجموعه نترقب المزيد من الدراسه الجميله ياسكو اعمل حسابك من دلدوم مامان ابن النخيل لك التحايا وراجين طلاتك اسامه والقرير خفسوا وين ؟ طولت ما شفتهم شروم الحجير لو ماجيت راجع بشكيك لعثمان الحاج .قربب مارد باسم الجموعه نطالب بعضوية توفـيق فى المنتدى
| |
|
|
|
|
|
|
Re: اوسلي .. والاصدقاء..اكتبوا عن الشاعر ..ابراهيم ابنعوف (Re: osly2)
|
عبركم ..نحيّي الاخوين الاعزاء " الاستاذ مامان و د. توفيق الطيب " على هذا المجهود الرائع .. الذي هو بداية الطريق ..لهذا المشروع ..مشروع التوثيق لادبائنا ...ولا شك ان مداخلاتكم ..سوف تساهم في اثراء الموضوع .. حتى من المهتمين من خارج عضوية البورد .... وكما ذكر الاخ " مامان " بأن الدراسة سوف تشمل شعراء آخرين امثال " حسن الدابي ، محمد سعيد دفع الله، السر عثمان الطيب ، عبد الله محمد خير وغيرهم وغيرهم ..
نورقنا الهموم سايقين دوام براني عاضين اللجام راجين تجود من تاني -------------------------------- الاخ الاستاذ " محمد سعيد دفع الله " هذين البيتين الذين اوردهما الاخ " مامان " تصلح لان تكون قصة تراث قائمة بذاتها .. لان " نوريق " الهموم ...وهموم البعيد والمغترب تحديدا ..مختلفة تماما ..حتى في مفرداتها .. اما " عض اللجام " فيحتاج لاسنان من نوع خاص ! قل ان تجده عند المغتربين ..الذين فعل الزمن بهم ما فعل .. ..ويا ريت تكون ضمن الركب..انت والدكتور " توفيق " .وثقل كلماتكم ... بتفتح آفاق اخرى ... نحتاجها جميعا... لكم خالص الود... والتحيات الطيبات..
اخونا المرهف " عبد الله جعفر " لا زلنا ننتظرك تحت " قميّزة " بنطون مروى ...لتنشر الفرح ..بحلو الكلام ... اوسلى ..لك الود ..وشكرا على " الطنكيحة " بس شايفك مشغول " بغادي " .. !!!
الف مرحب " بابن النخيل " .. والحمد لله البوست " اتى اكله " ارجو ان لا تكون زائرا فقط ..
ولفوووووق....
| |
|
|
|
|
|
|
Re: اوسلي .. والاصدقاء..اكتبوا عن الشاعر ..ابراهيم ابنعوف (Re: AL GURAIR)
|
الاعزاء جميعا
ياقرير نحنا فراجة لمن مامان يضع القلم...لك اقصي الشك يامامان...بعدين اصبر علينا حبة يالقرير اليومين ديل وبنجيك..ونحم الله الجاب ابن النخيل..وياأسلي انا لسه ماسامع لي طنبور مع انو ياسيكو عمل لنك للحفظ..لكم الشكر جميعا..وياريت يالفاتح نقدر دتاني نرجع بوست مروي .يالله تاريخ..لكم الشكر جميعا ومل ان يمتد البوست ليشمل محمد سعيد والسر عثمان وحسن الدابي وكل الذين اهدونا هذا الزاد والذي اينما نولي قلوبنا نجده فينا..
تحية خاصة وتقدير لمامان وتوفيق
عبد الله جعفر
| |
|
|
|
|
|
|
Re: اوسلي .. والاصدقاء..اكتبوا عن الشاعر ..ابراهيم ابنعوف (Re: AL GURAIR)
|
| |
|
|
|
|
|
|
Re: اوسلي .. والاصدقاء..اكتبوا عن الشاعر ..ابراهيم ابنعوف (Re: yasiko)
|
العز يز مامان....الشقيق القرير..
لو قلنا شكرا ماب تفى
وقولا يعبر ما هو فى
الكلام لحمد سعيد دفع الله..كانت تختم او نختم به الحفلات فى بلادى...
شكرا لجلب كل هزا الامتاع الزى توفر له ياسيكو الزى يجيد تقليب المواجع... وصاحب الحرف الاخضر و اللغة الضياء عبدالله جعفر...و شتلة فى مساوى ضاربة... ومن محاية اهل الله شاربة... وقايمة فى موقع مبارك شمسو شارقة وماها غاربة.....او كما قال ود بادى ..لكن وين اوسلى من بركة ناس سيدى يا أوسلى2
تدفق يا اوسلى2 وأغمرنا بالبركة... مع وافر المحبة...
وسيرى بى يا اقدارى سيرى...سيرى بى محل تسيرى....
مع كل الود
ابن النخيل
يا سيكو الحقنا بى عبد الرحمن البركل..
"القرير فى مشكلة فى الكيبورد لا يميز بين الحروف"
| |
|
|
|
|
|
|
Re: اوسلي .. والاصدقاء..اكتبوا عن الشاعر ..ابراهيم ابنعوف (Re: yasiko)
|
ياسيكو .. سـلام قرأت قبل فتره عنوان بوست كتبه اساسى دكين دى كفك ولا حيطه تبادر لذهنى ان المعنى هو عثمان ابوزيد .. فالرجل له حكايات عديده عبد الله جعفر .. اهو ياسيكو ما قصر .. يلا قوم بشر
مشارب الهم كثير انا واردا اكلى من زغوم شرابى من الردى زهره يا مــــامان مندى مفرده ولسه راجين
| |
|
|
|
|
|
|
Re: اوسلي .. والاصدقاء..اكتبوا عن الشاعر ..ابراهيم ابنعوف (Re: AL GURAIR)
|
Quote: شتلة فى مساوى ضاربة... ومن محاية اهل الله شاربة... وقايمة فى موقع مبارك شمسو شارقة وماها غاربة |
الحبان سلام جميعاً ابن النخيل الطلب ما بيغلى عليك وحات سيدي اللبو سيدي ، لكن يبدو كمبيوتري وصل سن اليأس ، فاصبح يرسل ما بداخله لكم وانا لا استطيع رؤيته أو سماعه عموما اذا تبرع واحد وجاب لينا كلام ود ابنعوف يكون احسن كلام ولحن ونعدك في المرات القادمة
أوسلي2 سلام لديا الكثير عن هذا الرجل الذي لم يراه الطيب صالح فقد جالسته وسمعت منه الكثير المثير كقوله "يا مولانا هل أحدٌ زيدٌ أم عبيد قال لك أن حمارة عثمان ابوزيد الضريسابي أكلت هذا أو ذاؤلائك الخدار" "خلى بالك من ذاؤلائك هذه" لك الود
الاخ مامان طنقح
| |
|
|
|
|
|
|
Re: اوسلي .. والاصدقاء..اكتبوا عن الشاعر ..ابراهيم ابنعوف (Re: yasiko)
|
وحات سيدي علي سبيطك دي ما شيلا ...
وحسي قاعد أجهز في العربية وقيامي بعد كمين يوم ..
وإن هون المولى بلحق الرطب وبشرب من موية الدميري ...
وكيده لي ناس مامان بخليهم مع موية الرياض المالحه ...
وحراية أغسطس اللافحة ...
ووالله كان ما سودانيزأون لاين مقفول من غادي كت بدخل وأحيكم من القرير أصله النوتبوك في الكتف والتلفونات والكهرباء عمت البلد...
...
| |
|
|
|
|
|
|
Re: اوسلي .. والاصدقاء..اكتبوا عن الشاعر ..ابراهيم ابنعوف (Re: yasiko)
|
Quote: كت بدخل وأحيكم من القرير أصله النوتبوك في الكتف والتلفونات والكهرباء عمت البلد... |
كنت قبل قليل اتحدث مع مجموعه كبيره من الاهل بأوســـلى فى البالتوك أكيد يا الشايقى حتستطيع الدخول من هناك وما اجمل اكتابه عندما تكون بقربك سبيطه زى بتاعة ياسـيكو دى نحلم ان يأتبنا صوتك من خلوة البدرى ومن خلفك نسـمع اصوات الاصدقاء عبدالمنعم البدرى وعماد الطاهر مامان اراح .. بصوت خضر مساعد جاهورى .
| |
|
|
|
|
|
|
Re: اوسلي .. والاصدقاء..اكتبوا عن الشاعر ..ابراهيم ابنعوف (Re: osly2)
|
الاخ مامان تحياتي قصيدة عينيك دنيتي التشقيني تعتبر من اجمل ما لحن وغني النعام ادم ففيها قدر كبير من التطريب الا ان النسخة المسجلة لدي بها ربكة في المقطع الذي لم تورده في النص : اقول داك السحاب جاييني 000000000000000000يتفرق عصار ورياح وبلمقطع ايضا ذكر الخليل. اكون شاكرا لو اوردت هذا المقطع.
محمد
| |
|
|
|
|
|
|
Re: اوسلي .. والاصدقاء..اكتبوا عن الشاعر ..ابراهيم ابنعوف (Re: altahir_2)
|
فسرع يا نسايم اشواقي ودي لي السلام مطبوق لي اهلنا وجميع حبانا في الحلة التحت والفوق ديل اهلي الحنان يا نسمة اهديهم سلامي وشوق طول داير اشوفن مرة الا قديمي ما مطلوق
هبي علي الشمال تلقيهو المال فوق جريدو يتوق يتراقص مع نغمات قماريهو التسوي القوق بي طيبة الحنان يلقاك يهش ليكي ويطول لي فوق باري جديولة اطلعي فوق شوفي دحين شنو المسيوق وبعدين بي بشيشك لفي قدامك شتيل مكروق
داك بدر يحش في قشو عجلان باقي شايل السوق وداك مالي الرحل مندلي شايل للخدار ماروق داك قراع مقرن مويتو فتران دار شوي يروق عشان يفتل حبيل يربطبو قادوسا نعس مطلوق
ان سالوك عن احوالي البي مايصيد مخلوق تاهت بي مراكب الغربة لا ريس ولا واسوق انسلب اللحم من جسمي اصبح تب عضام وعروق اما قليبي لو شفتيهو بي سيف الغرام مشقوق لا لاقي البحن في حالي لا زولا علي شفوق الدرب المسافر بيهو من طولو بتهابو النوق خمسة سنين قعد في ظلامو ما بان لي صباح وشروق اساهر الليل مع الباكنو ينجاري الدمع سبلوق ابكي علي الزمان الفات ما ظن البفوت ملحوق انبقي عاد دة حالي البي ما اظن للسعادة اضوق
لابراهيم ابنعوف
| |
|
|
|
|
|
|
Re: اوسلي .. والاصدقاء..اكتبوا عن الشاعر ..ابراهيم ابنعوف (Re: AL GURAIR)
|
Quote: ان سالوك عن احوالي البي مايصيد مخلوق تاهت بي مراكب الغربة لا ريس ولا واسوق انسلب اللحم من جسمي اصبح تب عضام وعروق |
ود ناسا سلام تخيل الحديث البهد الحيل دا كلو والراجل دا ما مرق السودان لك الود
Quote: باري جديولة اطلعي فوق شوفي دحين شنو المسيوق وبعدين بي بشيشك لفي قدامك شتيل مكروق
داك بدر يحش في قشو عجلان باقي شايل السوق وداك مالي الرحل مندلي شايل للخدار ماروق داك قراع مقرن مويتو فتران دار شوي يروق عشان يفتل حبيل يربطبو قادوسا نعس مطلوق |
الشايقي سلام لينا فالك وسلم على الكل وبالله تقعد مع الجماعة المذكورين ديل كلهم واحد واحد
| |
|
|
|
|
|
|
Re: اوسلي .. والاصدقاء..اكتبوا عن الشاعر ..ابراهيم ابنعوف (Re: AL GURAIR)
|
سلام عليكم اخوانا الطيبيين مامان ياسيكو القرير اسامة الشايقي خضر مارد ابويسرا وبقية حبات الشخلوب
عشان يطلع فوووووووووق وكدا هاكم دي !!
الخاطرة التانية
بيني عليكي الريدة تبيني اول تو راجيك مستني من غيباتك عـودي تعالي قبال نار شوقك تكتلني
*****************************************
عودتيني اشوفك يومي واستسلم للريد يمكني لماخلاص ادمنت هواك سقت خطاك وبعدت عني مهما تقولي ظروفك قاسية برضي ظروفي تحتم اني لابد نسعى ونتلاقى و أي حديث من غير ده تمني ***************************************** أنا ما فاكــرك حلما عابر وماقايل رؤياك تمني جنة ريد في الخاطرة بنيت وعشمان تبقى اذان بالجني لكن اه واه من صـــدك هسة اسبوع ما تسالي عني وين حنيتك وشوقك لي لو كان صاح حنك زي حنى
*********************************************
كم ارقني غيابك انت واجــرى الدمع المابي يوني وينك والأيام الحلوة لا شي غير جيتك شــاغلني اندهدهتي ودهدهتيني متوهدب بين شكي وظني لاشكا اقنعني اسيبك لاظنا في رجـــاك وصلني
***************************************** ماني براي ملان بالوحشــة وحتى زهور الروض متني وأي مكان طافتبو خطانا مشتاق ليك وعــنك يسألني ويبدا سؤال الزول الحاير مغلوب في الامـــر المحني كيف انا اقدر اطمــن غيري وطيفك لا عاد لا طمني
*********************************************
فيك زرعت الأمل الأخضـر يا ريت الايام تمهلني واقـــدر أوفى العهد البينا نتشابك والدنيا تغني تهـدي لي جميل إحساسك واهدي ليك روائع فني مابين قلبا ذاب في حبك ورعشة ايد بالفرحة تهني
شرووم
| |
|
|
|
|
|
|
Re: اوسلي .. والاصدقاء..اكتبوا عن الشاعر ..ابراهيم ابنعوف (Re: AL GURAIR)
|
أخي العزيز ياسيكو لك التحية يا غالي وكم افتقدك بالماسنجر ،، اظن تضارب الزمن هو السبب ،،، الشوق ليك كيمان كيمان أو كما قال الرائع حميد
الشوق قيساب نوريقو متين
الحديث عن ودابنعوف يطول ويتفرع ويمكن من قصيدة واحدة ان تكتب عنها كتابا لذلك اكتفي بأن أورد القصيدة دون اضافات لاترك لها ( أي للقصيدة ) مهمة التحدث عن ابراهيم ابنعوف وكفي بها متحدثا .
تحياتي مدبلة وامانياتي المندكلة لك بالتوفيق والسداد وخلينا ، نشوفك بالماسنجر يا حبيب
اخوك شرووم
| |
|
|
|
|
|
|
Re: اوسلي .. والاصدقاء..اكتبوا عن الشاعر ..ابراهيم ابنعوف (Re: osly2)
|
اخونا : ياسيكو " منظر النيل.. وجبل البركل .. والزول القاعد ...ده ... نقلتني عبر المسافات ..في لحظة تامل جميلة ..فجّت .." كيمان الاحزان " الممدده ..في واقع احوالنا التعيسة .. هذه الايام .. تلك اللحظات ..الجميلة ...ربما لا تاتيك ..دوما ... .وبدات الذكريات تتداعى ...وانهمرت الصور الجميلة..المخزونة في مستودع الذكريات ..حيث الجروف..النيل..الليل ...مروي..البنطون ..القرير ..تنقاسي ..الناس ..الناس ..الاهل ...الحبّان ..الطنابير ..كل الافراح.. كل الاحزان.. ويبقى الزاد ..وجرعات الحياة ..
شكرا ..لكل الاصدقاء ... وهذا الحضور المميز ...يا " اوسلي " .. " اخونا " مامان " كلنا في الانتظار ..لتاتينا بابداعات ..د . توفيق ..وابراهيم ابنعوف
| |
|
|
|
|
|
|
Re: اوسلي .. والاصدقاء..اكتبوا عن الشاعر ..ابراهيم ابنعوف (Re: AL GURAIR)
|
ان سالوك عن احوالي البي مايصيد مخلوق تاهت بي مراكب الغربة لا ريس ولا واسوق انسلب اللحم من جسمي اصبح تب عضام وعروق اما قليبي لو شفتيهو بي سيف الغرام مشقوق لا لاقي البحن في حالي لا زولا علي شفوق الدرب المسافر بيهو من طولو بتهابو النوق خمسة سنين قعد في ظلامو ما بان لي صباح وشروق اساهر الليل مع الباكنو ينجاري الدمع سبلوق ابكي علي الزمان الفات ما ظن البفوت ملحوق انبقي عاد دة حالي البي ما اظن للسعادة اضوق
مــــــامان مواعيد الجرعه فاتت
| |
|
|
|
|
|
|
Re: اوسلي .. والاصدقاء..اكتبوا عن الشاعر ..ابراهيم ابنعوف (Re: osly2)
|
الناس في سعادة وبهجـــة وانا بحـر الهموم طمــاني وين قارب نجاتي آخـلــقو واللـه انـا دايمـا الآخـراني اهرب من دناي ويـن أمشي ياريت الأمــاني أمــــاني طالما الدنيا ياها الدنيــــا وطـــالما ياني ياني أنا ياني ياسجم السجم يابخـــتي ياحظـي المولي وفــــاني كيفن في الشقاوة عتـرت والخير فاتـني واتعـــداني آه يامــــرتي المليــوكة يانار قيدي تاني وتــــاني من ألـماً مقطع قلــــبي في جواي كاتل انســاني آه ياقدري كـون في همي راجيك من قبل ترجــاني هم واحد يودر ســــيدو مطبوقات عليّ تمـــاني
| |
|
|
|
|
|
|
Re: اوسلي .. والاصدقاء..اكتبوا عن الشاعر ..ابراهيم ابنعوف (Re: maman)
|
قالو الدنيا يا محبــــوبة تجمــع يوم ويوم تفـرق بس نان مالا مابتجمعــنا والله دا ما ماهو متحقق صح ماليها أمان واللـــه لي مضيقي المشـــق مادالي اليمين تضحك لي بي إيدا الشمال إتعــق
مامان ماقصرت تب ومجهود د. توفيق الطيب البشير وافر ومقدر وكما قال د . توفيق فلتكن هذه الدراسه موشر لبحث شامل عن اشعار المبدع ابراهيم ابنعوف فابراهيم اكثر من شخص واحد ففى اى لحظه تجالس فيها ابراهيم تحس انك امام ابراهـيم جديد غير الذى جالسته من قبل جيل مامان قد يفك لنا الشفره للدخول للبيئه والظروف التى اهدتنا ابراهيم . والسر عثمان الطيب ومحمد سعيد دفع الله وعبد الله محمد خير ومن قبلهم الرائد حسن الدابى رحمه الله نحن مدينين لهذا الجيل بالكثير اقلها انه شكل دواخلنا على حب تراب تلك البقعه الجغرافيه وشكل احاسيسنا على ان الجمال وان كان باديا فى فى لوحات الطبيعه فانه ابرز فى المفرده التى تحمل فى احشاءها الكثير من حنية اهلنا
| |
|
|
|
|
|
|
Re: اوسلي .. والاصدقاء..اكتبوا عن الشاعر ..ابراهيم ابنعوف (Re: AL GURAIR)
|
Quote: هادي فد طنقيحة لامن يجي مامان |
او كما قال ود جعفر
ود جعفر افتكر انك وعدت بالكتابة بعد تمام ما بيد مامان لك الشكر "الامانة وصلت" عفواً للخروج عن العام والصورة من ركن التمرات الفي ركن مدرسة مروي الثانوية بنات ويبدو انها من فوق رأس بص أو شي عالي خلي بالك من الزول "البيَوَرِّق في الجرف دا" والزول القاعد ودرب البنطون تحتو لك الود والتحية لمامان وتوفيق وكل من رفد هذا العمل الجميل
| |
|
|
|
|
|
|
Re: اوسلي .. والاصدقاء..اكتبوا عن الشاعر ..ابراهيم ابنعوف (Re: maman)
|
الشكر الجزيل ...لكل الذين ..كتبوا عن الاستاذ الشاعر " ابراهيم ابنعوف " وعلى رأسهم الاستاذين الكريمين " مامان و د.توفيق.. ..ولكل الذين مروا من هنا ..وبصموا بحلو الحديث ..عظيم تقديري واحترامي..
والى ان يتهيأ استاذنا " مامان " ..وكلنا ..لنوثّق لعملاق آخر..من ادباءنا ...من الذين ..اضاءوا دروب الشعر والادب ..بمصابيح الكلمات .. لكم التحيات الطيبات
الفاتح عبد الله طه/القرير
| |
|
|
|
|
|
|
Re: اوسلي .. والاصدقاء..اكتبوا عن الشاعر ..ابراهيم ابنعوف (Re: AL GURAIR)
|
الأخوة الأعزاء أبناء الشمال و عاشقيه لكم تمتعت و أنا أتجول وسط حديقتكم الغناء بشعر أبناء الشمال و لا أريد أن ألإقد الموضوع معناه بمداخلتي هذه و لي عودة و معي ما أحمله من شعر و غناء من الشمال لكن لي طلب صغير و خاصة من أهل القرير لابد من التوثيق أيضاً للشاعر العملاق سيد أحمد عبد الحميد و يا ريت تمدونا بقصائده كلها و يا ريت لو واحد يدينا قصيدة "سلم عليهم أهلي الأفاضل زاد شوقي ليهم يا ماشي سادر" لأنها تعدد الشمال الحبيب منطقة منطقة. مروي شرق بين البنطون و شبا بين خور عواد و خور الفحلاب جنب سبيل اليمني تحت الكبري الجديد مباشرة
| |
|
|
|
|
|
|
|