|
Re: رغم بعدي برسل سلامي ..... (Re: قرشـــو)
|
الغالية ود امي
شكرا لهذه الكلمات الجميلة المعبرة العميقة برغم بساطتها ولكن كان لها المقدرة علي نقل اشواقنا وتحايانا لكل الاحبة ... فلك التحية والتقدير لهذا البوست حقيقة الاداء رائع من الفنان
| |
|
|
|
|
|
|
يا ســــــــلام... (Re: WaD OmI)
|
ياسلاااااااام يانوف... والله انا دايما بقول انك زولة راقية... يديك العافية ويسعدك زي ما اسعدتيني وغيرت لي المود بتاعي 180 درجة...
| |
|
|
|
|
|
|
Re: يا ســــــــلام... (Re: ميادة)
|
الحبيبه مياده ...
انت عارفه انا الليله من الصباح شابكه فيها
فقلت اشركم معاي عسى ان تصادف هوي في نفس احدهم وفعلا ........
تسلمي يامياده
نوف
| |
|
|
|
|
|
|
Re: رغم بعدي برسل سلامي ..... (Re: waleedi399)
|
لك الشكر الأنيق الأخت الكريمة نوف (ود أمي) هذه الأغنية أبحث عنها منذ عام 1987 عندما غناها لنا الصديق عز الدين أحمد المصطفى بحضور شاعرها العبقري سيف الدين الدسوقي وكنا وقتها راجعين من المشاركة في مهرجان المربد بالعراق.. وها هي الآن يغنيها فنان السودان الأول صديقي العزيز الرائع محمود عبد العزيز والذي كتبت قريباً عنه بعكس الريح أقول:
Quote: لو أن هذا المحمود عبد العزيز يولد في وطن آخر .. في جرح آخر .. يطلع من رحم الإبداع بزمن آخر، يرعاه صباح آخر في ليل آخر لتوهج حتى الموت الفرح الآخر واستشهد عند التل البحر ومات وحيداً خلف الشط بلا أمواج. محمود عبد العزيز حوّل سماء الإمارات في عيد الأضحى لفضاء من الأضواء والصحو المقدس في عيون المتعبين. كم أنت رائع أيها الولد الشقي وكم أنت مبدع وجميل ورصين في حضورك قبل المغيب. |
معز عمر بخيت
| |
|
|
|
|
|
|
Re: رغم بعدي برسل سلامي ..... (Re: Tabaldina)
|
وانا بدوري اهديها لك نيابة عن ود امي اهديها لك يا صالح
"تبلـــدينا" وانت تغادر الرياض عـاد إلى ارض الوطن الحبيب
ارض التبلدي الحقيقيى ظافراً مظفر بأذن الله نتمنى منك ان تواصل
في مسيرتك من ارض المحنة وتمد الينا جذورك التي ستطال كل غائب عن ارض الوطن
ليأخذه الحنين للعودة إلى الجذور وهذا ديدن الجميع هنا باذن الله
تمنياتي لك بالتوفيق والنجاح والسداد لك وللجميع التحية
وليد احمد عبد الله "ود امدرمان"
| |
|
|
|
|
|
|
Re: رغم بعدي برسل سلامي ..... (Re: Tabaldina)
|
تبلدينــــــــــا..
انت لسه ماسافرت ؟؟
طيب كويس ...عشان تشيل معاك كمية السلام
والاشواق دي وتوديها لي السودان تقولا لي شارع شارع وبيت بيت
وحارة حارة.........
لك التحايا
نوف
| |
|
|
|
|
|
|
Re: رغم بعدي برسل سلامي ..... (Re: WaD OmI)
|
Quote: لك التحيه دكتور معز طه ولك من الشكر اجزله
نوف |
العزيزة نوف، أسعدني كثيراً ردك الأنيق مثلك.. بس ......... من هو معز طه؟؟!! أعلم أنه خطأ مطبعي وأهي فرصة عشان نرفع البوست الجميل
لك مودتي العميقة
معز عمر بخيت
| |
|
|
|
|
|
|
Re: رغم بعدي برسل سلامي ..... (Re: WaD OmI)
|
أجمل شيء يا نوف إني اكتشفت اللنك مكان اغنيات محمود عبد العزيز الخطير ونزلتها كلها على سي دي (ثمانين أغنية) حكاية رهيبة ودة طبعاً بفضل البوست بتاعك.. يعني كشفت السر فألف ألف شكر.. عشان كدة العذر مقبول تماماً وانا عارف انو غير مقصود.. ولك كل الود
بالمناسبة عندي اغنية جديدة عند محمود لحنها الماحي سليمان ومهداة لك ولكل الرائعين في البورد:
لحظة أمان شعر: د. معز عمر بخيت
أديني من حضنك أمان و حنين موشح و ضل مكان خليني أسرح زي دُخَان ببقى الزمان بيك مهرجان *** خليني أتسلق شعاع حسنك و ا سافر في دروبك للفرح خليني أشرب من ينابيع الصباح التاه على خديك سرح يا نجمة من وهج السنين يا لون جديد في قوس قزح *** عكست مرايات روعتك لوحة جمال متوهجة و هزمتَ ضو كل الشموس ما فيش شعاع منك نجا من أعلى قمة على السحاب جات النجوم متدحرجة..
| |
|
|
|
|
|
|
Re: رغم بعدي برسل سلامي ..... (Re: WaD OmI)
|
تعرفي يا نوف العزيزة
الاجمل من الاغنية
هذا الحضور والالق المدهش لكل ضيوفك
معجب انا بهم جميعا
الله يديهم العافية
ناقصين نفرين تلاتة وبجوا
وبرضو المهم
الاسلوب الرائع المحبب للزولة نووووووووف
خلاص حنديك لقب "أميرة البورد"
شكرا كتير كتير للجميع
أسعد
"محبة الناس كنز عظيم يهبه الله لمن يشاء من عباده الانقياء"
| |
|
|
|
|
|
|
Re: رغم بعدي برسل سلامي ..... (Re: WaD OmI)
|
العزيز عزة اهلي ..
والشامخ شموخ وطني..
والرائع روعة نيل وطني ..
د/ معز عمر بخيت
حقيقي القصيده غاية في الرقه فهي تتسلل لحنايا النفس بكل نعومه
وانسياب ....
ولي شرف الهديه واشكرك جدا عليها( فرب ضارة نافعه)
واتمنى سماعها ملحنه من محمود فلاشك لي في ابداعه واثق جدا في
المبدع حقيقه استاذنا الماحي سليمان...
بالنسبه للنك هو حقيقة جدير بلاشاده والاهتمام لدا افشيت بسرة
لك دوام المعزة
نوف
| |
|
|
|
|
|
|
Re: رغم بعدي برسل سلامي ..... (Re: WaD OmI)
|
نوف ..
الله يسلمك ..
وبعدين بوست تبليدنا نفستيهو يعني ؟؟ الزولده قال عايز الاغنية دي تتسمع عشان يسافر وهو مرتاح
وانتهز الفرصة دي واطلب اغنية ( البرتقالة ) وبالعدم .. اسال العنبة الراميه في بيتنا .. وكل الفاكهه دي بهديها لي تبلدينا وهو عارف لييه
تقدري تخدميني ؟؟
| |
|
|
|
|
|
|
Re: رغم بعدي برسل سلامي ..... (Re: tmbis)
|
ازيك يا تمبس اخيرا فضيت ؟؟
بالنسبه لبوست تبلدينا انت عملت لي عقده بعيد عنك
انا بسمع الاغنيه وتقول لي مامسموعه !!!!!!
ممكن اوريك اللنك بتاعا ونزلا انت عشان تبلدينا يسافر وهو مرتاح
Quote: وانتهز الفرصة دي واطلب اغنية ( البرتقالة ) وبالعدم .. اسال العنبة الراميه في بيتنا .. |
انت ياتمبس قالوا ليك ده مايطلبه المستمعون ؟؟؟
لوووووووووووول...
Quote: دي بهديها لي تبلدينا وهو عارف لييه
تقدري تخدميني ؟؟ |
تتخيل عجزت!!!!!!!!
لك سلامي رغم بعدي
نوف
| |
|
|
|
|
|
|
Re: رغم بعدي برسل سلامي ..... (Re: Abo Amna)
|
الحبيب جعفر
تعرف واحد من اكبر اسباب تواجدي بهذا المنبر هو حلاوة المماحكة معاك
بس بدون زعل
وما قلت لي رأيك في لقب "أميرة البورد"
اها انت جيت وباقي الاتنين التانيين
طبعا الحمام بجي وخصوصا بعد موية السكر الانتا جبتها معاك
اها ما تنسانا من صالح الدعاء
اشوفك
| |
|
|
|
|
|
|
|