|
|
|
 Re: Bashasha, Give Me You Numbers (Re: Shinteer)
|
شانتير.. بشاشة
وأنا أيضا أتوقع أن تصفى الأمور بيني وبينكما، لأني وبصراحة شايلة في قلبي وزعلانة لأنكما حينما كنتم تمثلون دفاع كدراوية أخطأتم في حقي وذكرتم انني سبب توقيفها في المرة قبل الأخيرة.. وهو الأمر الذي لم أفعله.. لا بل وطالبتم بتوقيفي انا كمان، الأمر الذي اعتبرته اهانة بأن تساوونني بتلك الكدراوية..
أحد أسباب تثاقل اصابعي للدخول في المنبر هو العداء الذي أوجد بقدرة قادر.. ولا شئ يأسيني الا وجود خصومة أنام بها..
اريد ان نزيل كل بقايا الشيطان.. هذه كفي.. وانتظر اتصال  .. ما تغا ولا تقل.. فلس  .. تلفوني بطرف راوية.. لا أستطيع كتابته هنا عشان حرام  ..
شنتير.. دي تاني مرة، تاني ما حأصالحك..
| |
 
|
|
|
|
|
|
|
 Re: Bashasha, Give Me You Numbers (Re: Raja)
|
شنتير والله لكن مبااااااالغة
اسمع اصرخ فيهو كاكبر شيخ عرب جعيص وقليص قوليه كان
تلفونك ما اشتغل
حرم كبىبوردى بياباك(سكينى تاباك)
والله ليك وحشة
تانى يا فردة بعد نشرتا تلفونك اى زول تقوليه ازحف كدى
يضرب ليك لما اضانك تصن..
| |
|
|
|
|
|
|
|
|
|
Re: Bashasha, Give Me You Numbers (Re: Shinteer)
|
الاخت العزيزة، او كفيلتي في المنبر رجاء.
اذا كده انتي فاهمة غلط تماما!
لانو ده ابدا ما حصل، بل لم اسمع بي اسم كدراوية الا في بوستك الاخر، وانا جيت وادنت ماعملتو، ولايمكن اسئ الظن بيك كده، لانك زولة واضحة ذي صحبي الجديد شنتير!
الزول الواضح عادة ما بعمل كده. فاكدي انتي ما شبه حاجة ذي دي ابدا.
المهم بالنسبة لي شخصيا، انك انتي او العزيزة دكتورة بيان تتصافو، لانو تاثير الوضع ده علي المنبر كبير، بالذات الصورة الجميلة للود والتكاتف الكان بينكم كنساء سودانيات، رغم اختلاف المشارب، كان باعث لي احترام وتوقير كبير جدا من بقية العضوية.
اتمني ترجعو تاني ذي ما كنتو اول.
صدقوني الرجل كطفل كبير، بيحتاج باستمرار لمن يلعب دور الام.
مايجمع بينكم، وما تواجهون من تحدي اكبر بي كتير من هم الالتزام السياسي، اللي في الاخر بيخدم دولة الرجال، اصحاب الحظوة بالميلاد!
طبعا دي ما دعوة للتضاد والمواجهة بين النساء والرجال، بقدر ماهو وصف لواقع موجود.
لي عشرة ايام ماقادر انزل بوست في الصفحة الرئسية، مع اني ممكن انزل مداخلات ذي دي. لو ما كده كان عملت بوست خاص بالمشكلة دي.
دكتورة بيان مشتاقين،
انتي عارفة ديني العندك، او رجاء انا حابقي ليها في رقبتها، بس اديني خاترك او بريدك الالكتروني، مع التلفون علي العنوان ده:
[email protected]
| |
|
|
|
|
|
|
|
|
|
Re: Bashasha, Give Me Your Numbers (Re: Bashasha)
|
حق بطلوووو ده واسمعووو ده. الواحد ما صدق انه حل ليه شكلة يلقى رجاء بنت العباسي شايلة دفتر ديون قديمة. وحيات الكتاب وعبد الوهاب انا الكنداكة بتاعتك دي (هي الكنداكة؟ الكدارة؟ ) يطرشني ما طقشت أضاني غير هسع دي. أول حاجة هي شني الأنا وقفت معاها دي؟ زول وللا روبوت وللا شنو؟
غايتو انا الشغلانة دي ما سمعت بيها .. إلا تكوني دايرة تجوطي لي راسي ده الأصلو جايط وما شاف نوم من أول أمس.
شانتير؟ أها شانتير دي أنا فهمتها تب .. وما حأقول ليك يشنتر راسك نهائي .. بس الكرجاكة القلتيها دي ما بعرفها .. ولو فعلاً أنا حصل وقفت لي مع كرجاكة ضدك انتي .. يبقى أنا كنت مورود .. وليس على المورود حرج. انتي في الوردة وللا في النعسة الانا فيها دي. غايتو الليلة لو ما رفدوني تاني ما بترفد حتى لو جابو كرجاكات الدنيا دي كلها.
| |
|
|
|
|
|
|
| |
Shinteer
Bashasha
Rawia
Mohamed Adam
Raja
bayan
فيس بوك
تويتر
انستقرام
يوتيوب
بنتيريست