|
|
 تضامنوا لإطلاق سراح قرشو
|
الأخ والزميل القديم قدم هذا المنبر وشيخ الأعضاء وعميدهم ودفعة الزميل الموصلي وديك الجن والدكتور أبكر آدم إسماعيل وشيري وبت قضيم والجندرية وآخرين منهم من إختفى ورحل دون أن يترك أثر ومنهم من ينتظر ، حال بينه وبين منبرنا العامر هذا مشكلة تقنية أو قل technical لا فرق ، لقد فقد أخينا وصديقنا قرشو باسوورده وإستعان بكل الباسات والويردات إلتي طالتها ذاكرته التي شاخت بفعل الزمن والغربة والشوق والحنين إلى أن كادت تطرحه الورده – متعه الله بالصحة والعافية - ، لذا فكر وقدر وعبس وبسر ونظر وحاشا لله لم يتكبر كالعهد به بسيطاً متواضعاً في غير ذل ، وفتش كثيراً عن الباسوورد مستعينا في ذلك بكل ما أؤتي من قوة وحكمة ونظره وبسمه ولم تنجح محاولاته ففي كل مره كان يأتيه الرد ، عفواً هذا الباسوورد مرفوع من الخدمة مؤقتاً يرجى محاولة الدخول في وقت لاحق – أو أن الباسوورد الذي إستخدمته غير صحيح please check and try again وقبل أن يحاول أن يجب على هذا الذي يخاطبه من وراء حجاب يأتيه الرد – هذه رسالة مسجلة – أخيراً هداه تفكيره ، وحليل الكان بيهدي الغير ، إلى أن يخاطب صاحب المنبر الأخ/ بكري أبوبكر مباشرة ليسهل له إعادة الباسوورد حتى يتمكن من الدخول والخروج في الشبكات الإلكترونية والعادية ويتجول في طرقات المنبر الحر بجلاله ووقاره وعصاه العسكرية ومركوبه الفاشري الأصلي ، ذلك لأن الأخ قرشو رجل حقاني يؤمن بمبدأ ائتوا البيوت والمنابر من لوق إناتها – نسبة إلى - log-in - لكن يبدو أن عمدتنا قرشو وقعت عليه حكاية إيميلاتي البوديها تقول لا بتمشي لا حاجه ، ووديت ليهو الميل بالليل والإيميل مشى وما جاء – مع شديد الإعتزار وعظيم الإعتزاز بهرم الغناء السوداني المبدع محمد وردي متعه الله بالصحة والعافية – فهلا تضافرت جهود الزملاء وفي مقدمتهم أخونا بكري أبوبكر في إعطاء عمدتنا قرشو حريته وإطلاق كيبورده ليعود مغرداً كسابق عهده.
|
|
 
|
|
|
|
|
|
|
|
Re: تضامنوا لإطلاق سراح قرشو (Re: Rawia)
|
راوية كالعهد بك سباقة للخير وفي الخير وفعل الخير يا وجه الخير. ولا غرابة في تضامنك مع قرشو والتضامن سوا ليهو وزارة وبدوهو جماعه بي دكان خدار وجزاره وعملو فيهو web site ومزرعه وقشاره.
| |
|
|
|
|
|
|
|
|
|
Re: تضامنوا لإطلاق سراح قرشو (Re: SAdo7)
|
SAdo7
كل شئ ولا سحب الجنود أو الإنسحاب ، يا أخي حياتنا كلها بقت إنسحاب في الكورة منسحبين ومن العسكر منسحبين ومن جيوبنا منسحبين في المواصلات العامة لذلك لا إنسحاب بعد اليوم.
ويا بكري شوف ليك فرقه صغيرة لي باسوورد قرشو من خلال الباندوثات.
| |
|
|
|
|
|
|
|
|
|
Re: تضامنوا لإطلاق سراح قرشو (Re: dreams)
|
محبة فيه
وشوقاً اليه
ولأنه كان يريد أن يشتري مني قطعة ارض
وحتى اعرف كل الحاصل
بإمكاني أن أسلفه الباسوووووورد الخاص بي
بس لمدة اسبوع
نحن مش في السودان بنشحد من بعض
يعني الواحدة مرات بتقول ليك
عليكم الله أدوني المفراكة حقتكم دي وبرجعها ليكم
ليش نحن الواحد ما يدي الباسوووووورد حقتو دي ويرجعوها ليهو
كمان برضو اسأل عمو قرجة
لأني شايفو برضو لحق عمك قرشو
أنا أول شيء قلت يمكن بكري أحالهم للمعاش
لكن ترا الحكاية تكنيكال
| |
|
|
|
|
|
|
|
|
|
Re: تضامنوا لإطلاق سراح قرشو (Re: ابوحراز)
|
أب حراز هوي فلسفة من صلي أو صام لأمر كان يدركه دي ما بتنفع معانا عشان الراجل داير يشتري منك قطعة أرض تقوم تتضامن معاهو والحمد لله إنو البيعه لم تتم لأنو إتضح إنك بايعها لي ثلاثة قبل قرشو ودى أرض سكنيه ولا أرض معركة ، وإنت قالو – يكفينا شر القواله – إنك كنت قون قريتكم وبعت المباراة لي القرية المجاورة لكم وعملتها ظاهرة فما دايرين تضامنك يلا شتت وكمل كتابك بتاع ست النفر بي سرعه وأطرحه في السوق لأنو ما زال في جزلاني بقية من الدينارات والتي أدخرها لشراء روايتك بس ما تستغل الموقف وتطبع في كل نسخه إهداء مختلف ، أنا عارفك رجل إستغلالي ومولود عند إستقلال السودان
| |
|
|
|
|
|
|
|
|
|
Re: تضامنوا لإطلاق سراح قرشو (Re: dreams)
|
أخي دريمز أيها الحلم السماوي الجميل شكراً لهذا التضامن ، أنا غايتو حا أنتظر لغاية يوم الأحد القادم بإعتبار أنه بطالة الإنجليز – إن شاء الله يطيروا من كأس الأمم الأوروبية كما طارت روسيا وأسبانيا – عمو قرشو رجع رجع ما رجع حا أديهو باسووردي ويا سودانيز أون لاين ما دخلك شر.
| |
|
|
|
|
|
|
|
|
|
Re: تضامنوا لإطلاق سراح قرشو (Re: falcon)
|
يا فالكون كرست يعني بالله في إعتقال أكتر من كده ، يعني لازم تشوف قرشو في الـ CNN ولا قاعدة غوانتنامو بخليج البنغال ولا خليج ما عارف إيه كده ،كل ذنب الأخ قرشو إنو دقس وضيع الباسوورد تقوموا تفتحوا ليهو كلكم
| |
|
|
|
|
|
|
|
|
|
Re: تضامنوا لإطلاق سراح قرشو (Re: humida)
|
حميده يا أخوي قرشو ده من الرعيل الأول ولمن بدأت عضويته في المنبر ده كان الماوس بيشلوا تلاته وعشان تعمل كليك صغييير داير ليك 4 عتاوله غلاظ شداد تقول لي قال
| |
|
|
|
|
|
|
|
|
|
Re: تضامنوا لإطلاق سراح قرشو (Re: degna)
|
أخي على ود أحمد بحق البوستات والإيميلات والمنبر الحر بلاش كلمة ولا ... دي تضامنوا مع قرشو سليماً أو تبرعوا لترعة كنانه والرهد أو شريان الشمال أو قرية العيكورة أو مرشحكم رمز الشجرة
شكراً دقنه لهذا التضامن العربي
| |
|
|
|
|
|
|
|
|
|
Re: تضامنوا لإطلاق سراح قرشو (Re: almulaomar)
|
يا ملا
الزي العمده قرشو دا...نديه باسويردنا
غتاس...وبعد داك نتضامن معاه كان في حرّايه
كان في زيف وسقط...ولافتاتنا متلببنها اتنين
وفيها...
Engn. Bakri
No seperation 4 one nation
Gorasho Gorasho back to station
نطالب بعودة باسوورد قرشو...وبوستاتو وماسنجراتو من سنة48
| |
|
|
|
|
|
|
|
|
|
Re: تضامنوا لإطلاق سراح قرشو (Re: nazar hussien)
|
أخي الكريم نزار حسين
تضامنك وصل ورقم الحساب هو 339822/1 بنك دكان حاج فضل تقاطع شارع الشنقيطي بأمدرمان مع شارع المعونة بالخرطوم بحري والدفع باليورو في الخرطوم وود دورو وبرضو ما تناسنا من صالح الدعاء وكده يعني بالعربي حقي ما تودرو والدال على الخير كفاعله
| |
|
|
|
|
|
|
|
|
|
Re: تضامنوا لإطلاق سراح قرشو (Re: مراويد)
|
مراويد
شكرا لتضامنكم
يقولون والعهد على الرواي والذي هو عادة مبني للمجهول أو مصدر رفض ذكر إسمه أن قرشو كان مغرماً بقرش ومصمصة أضلع العتان – جمع عتوت سالم – أيام أن كانت سرعةالعتوت تفوق سرعة الركشة وتضاهي سرعة الصوت ، ونكتفي بهذا القدر من التوضيح ، حتى لا يتجرأ أحدكم ويفاجئني بسؤال عن المناسبة أو المكان الذي يقرش فيه قرشو عظام العتوت المقروش وعندها لن أتجرأ على الرد على السؤال وأقف مشدوهاً كالذي يسبح في إتجاه سمكة من أسماك القرش.
| |
|
|
|
|
|
|
|
|
|
Re: تضامنوا لإطلاق سراح قرشو (Re: abuguta)
|
أخي أب قوته
أولاً شكراً لظهوركم العلني في هذا البوست ، ثانياً الشكر كل الشكر لأهالي قرية أبو قوته وأب لعوته وأب كريك في اللجج وأب فرار في النهار الحار. ثالثاً أهدي سلامي للأهل بمنطقة شلعوها الصهاينه بوادي عربه وأقول لك التسوي كريت في البوست تلقاهو في باسووردها. أنا وخلاص البقت علي بقت يعني ممكن ألحق أخونا العمده قرشو بي باسووردي ما أقدر أدخل يعني يغيروا الكالون وكده أها عندها سوف أغني من كلماتي وألحاني طبعاً:
بوستي السبب لي أذايا ، أها إنت حا تغني وتقول شنو لو باسووردك ضاعت أو غيروا كالون الباب
| |
|
|
|
|
|
|
|
|
|
Re: تضامنوا لإطلاق سراح قرشو (Re: Yasir Elsharif)
|
Dr. Yasir Elsharif
I can read English sometimes so as you can see the problem is not that big man whether your write in English or in Urdu
شكراً لتضامنك مع عزيزنا العمده قرشو ، بس بالله عليك يا دكتور وبيني وبينك وبقية الأعضاء والزوار تفكيريك ما مشى بعيد وقلت قرشو مسكوهو الجماعه لأنو شكو في إنو من الجماعه.
شكراً لك مرة أخرى يا دكتور ، وربنا يفك أخونا قرشو ويرجع ليه باسووردو وقالو الحجيج قطع
| |
|
|
|
|
|
|
|
|
 Re: تضامنوا لإطلاق سراح قرشو (Re: almulaomar)
|
Dear Mulla OmerSalamat ya Ameer Almumineen bihuqouq Qarashu
Of course I know that you can read English but I was not known to write in English, so why now? I wanted to explain, why. That is all ya man.| Quote: بس بالله عليك يا دكتور وبيني وبينك وبقية الأعضاء والزوار تفكيريك ما مشى بعيد وقلت قرشو مسكوهو الجماعه لأنو شكو في إنو من الجماعه. |
To be honest with you: the suspicion crossed my mind. I know that many of the Sudanese in KSA are devout Muslims who go the mosque regularly and may have friendships with people like the Qaida activists without knowing thei reality. Yesterday I read Aguguta telling that he was in Almalza, where the shooting in Riyad took place.
A couple of years or so ago one of my friends, a Republican, was arrested in Yemen because he was suspected to have links with alqaida, do you believe? It turned out to be that certain groups were targetting another non Alqaida tribesman for certain reasons but they accused him of links with Alqaida and so they arrested his friend, Ahmed accordingly. At last he was expelled from Yemen, thanks Allah, after some monthes in prison.
Stay well
Yasir
| |
|
|
|
|
|
|
|
|
|
Re: تضامنوا لإطلاق سراح قرشو (Re: Yasir Elsharif)
|
أخي دكتور ياسر
بالله هو الشيخ قرشو في السعودية يستاهل إن شاء الله بعد ما ضاعت باسوورده تضيع إقامته ويوطنوا وظيفته عشان يرجع لي مدني وحنتوب الجملية - بعدين القاعدة تقول مش المنظمة القاعدة في الواطه دي والله يا دكتور ياسر ده المقصود وقرشو لا له في القواعد ولا المحفوظات راجل ماشي جمب الحيط بحسب إفادة شهود عيان وبعدين قرشو مغترب في السعودية أها دي معلومه brand new أها يا دكتور لغتي دي بتشغلني في الخليج ولا مصنع النسيج - لك تحياتي وتقديري وإن شاء الل كي بوردك ينقلب عربي وفي العربي أهل عوض
| |
|
|
|
|
|
|
|
|
|
Re: تضامنوا لإطلاق سراح قرشو (Re: almulaomar)
|
العمدة قرشو شخصيا معتقل لدى سلطات التجاهل ؟
بكري : أمنحك ساعتين لإعطاء العمدة قرشو كامل حقوقه ورفع حالة الاعتقال عنه وإعادة العمودية إليه ، وإلا سوف ترى ،، والسلام ..
| |
|
|
|
|
|
|
|
|
|
Re: تضامنوا لإطلاق سراح قرشو (Re: بكرى ابوبكر)
|
شكراً لك أخي بكري وأنا بصراحة ما عارف درب قرشو بي وين ولا في ياتو بلد من أرض الله الواسعة واحدين قالو شفنا الشافو ما شفتوهو يا خلاي ، ولكل الذي يعرفون عنوان قرشو أو إيميله أن يتكرموا مشكورين بنقل رسالة our administrator بكري أبو بكر حتى يعود باسوورد العمده قرشو. نداء أخير للعمده قرشو بالله عليك لو باسووردك رجع أكتبو في حيطة الجامع أو في ورقه وأحفر ليها في الركن عشان ما تتعبنا ونقوم نهرق وندلق كل هذه الباندوثات من أجل شوية حروف وأرقام ربما تسمىى إصطلاحاً باسوورد.
---
أها يا قرشو بوستك وصل لغاية 41 مداخلة ده بوست ولا البص السياحي بتاع الحلة الجديدة الإتنشل فيه أخونا حميدة
| |
|
|
|
|
|
|
|
|
|
Re: تضامنوا لإطلاق سراح قرشو (Re: ebrahim_ali)
|
أخو ي إبراهيم علي
[email protected]
الكرة في ملعب قرشو وعشان بمشي وبجينا الناس عملوها فينا يا ناس برانا والله يأذي الأذانا وتييت تايوتا تيت تيت تيت تايوتا وفي رواية أخرى سكروته والأولى عربيه أو fork lift والثانية جلابية تتكرفس لأتفه الأسباب.
وشكل عنوان إيميل أخونا بكري أبوبكر كان ما أخاف الكضب وتكون لغتي خانتني معناه بكري/ على إتصال يعني بالسودان بأقل الأسعار بس كوم الأخيرة دي ما عرفت تفسيره.
ولو عملنا بوست لي كل طائر مرتحل حا نحتاج لباندوثات أكثر من عدد السنوات الضوئية التي مرت على كوكب زحل
| |
|
|
|
|
|
|
|
|
|
Re: تضامنوا لإطلاق سراح قرشو (Re: Abdel Aati)
|
أخونا الحبيب عادل عبد العاطي شكرا على هذا التضامن فقد وصلت أصواتكم ونداءاتكم لأخونا بكري أبوبكر وقد تفضل مشكوراً بنشر عنوان بريده الإلكتروني وفي إنتظار رسالة من قرشو حتى يعيد إليه باسوورده ويعود لقرشو صوابه ويعود لمنتدانا رجل رائع بروعة قرشو.
| |
|
|
|
|
|
|
|
|
|
Re: تضامنوا لإطلاق سراح قرشو (Re: almulaomar)
|
أخي بكري أبوبكر
خليني أستغل الفرصة أصلو أنا راجل إستغلالي أكثر من أبو حراز والذي ولد قبل إستغلال السودان وأنا ولدت فجر إستقلال جنوب أفريقيا بيوم وضحوه – والأخيرة يسأل عنها أهل العوض – فقد حدث أن كنت متسللاً ولم يراني رجل الخط لأنه كان سارحاً فأحرزت هدفاً من تسلل أيام أن كان التسلل يبدأ عند راية الكورنر ما علينا. نعود لموضوعي
دحين يا بكري يا أخوي أنا ما رسلت ليك صورتي مرتين متتاليتين وبرضو ما نشرتها عديل منك الكلام ده تنشر صور الناس كلها وصورتي أنا لا أرجو التوضيح قبل أن أفتح بوستاً آخر لهذا الموضوع.
| |
|
|
|
|
|
|
|
|
|
Re: تضامنوا لإطلاق سراح قرشو (Re: almulaomar)
|
نتضامن الشوية دي ؟
تعرف يا ملا يا اخوي
انا قبل يومين قربت اضبح
في زول عمل لي اضافة في ماسنجر الهوت ميل
مستخدم نفس توقيع اخونا قرشو الله يفك اسره ويرجعه لينا سالم غانم
طلع ماهو
وهو نان نحن سعيدين قدر دا لمن يضيفنا العمدة ؟
| |
|
|
|
|
|
|
|
|
|
Re: تضامنوا لإطلاق سراح قرشو (Re: الجندرية)
|
الحبيب المولاعمر المطلوب القبض عليه رسلها تانى و اكتب معها اسمك بس ابعدنا من الصورة البجيب لينا الريح ...اصلو كتابة كلمة الملا عمر دى هنا ساكت بتظهر عن الجماعة بهناك و حا يتابعوا نحن قاعدين نفول فى شنو!!!!!!!!!!!
| |
|
|
|
|
|
|
|
|
|
Re: تضامنوا لإطلاق سراح قرشو (Re: Noon3)
|
الحبيب الملا عمر
دايما سباق
وحباب الغالي عمدة الدار
وياما كتبنا لامن فترنا حتى يعود
وبصراحة مقدمة البوست تحفة ادبية رائعة
طبعتها حتى استزيد منها في كتاباتي المتواضعة
وليك وحشة ياود المزاد وديوم بحري يا قديم
| |
|
|
|
|
|
|
|
|
|
Re: تضامنوا لإطلاق سراح قرشو (Re: newbie)
|
newbie
الشيخ قرجه
Noon3
ودأمي يا ناسي
شكراً لتضامنكم ووقوفكم المشرف بجانب أخونا العمده قرشو ، شكراً لبكري الذي أتاح لنا كل هذه الباندوثات للكتابة في شأن قرشو ، وشكراً لضياع باسوورد قرشو والتي أثبتت أصالة معدن السودانيين وتضامنهم ، نحن قادرون على النجاح لو وجدنا القائد الفعلي ، ولو تفتح عمل الشيطان وفي روايات أخر تفتح دكان إسبيرات أو قزازة كوكا كولا أيهما أسهل.
------
سؤال للأخ بكري أبوبكر وله الحق في أن يستعين بمن يشاء أو يحذف كل الإجابات إن أراد
السؤال هو: توقيعي مشي وين وبالتأكيد توقيعات جميع الأعضاء التي تذيل مقالاتهم.
-----------------------
حين يكون الحب كبيراً والمحبوبة قمرا لن يتحول هذا الحب لحزمة قش تأكلها النيران أها جابت ليها قش وغنم تاني يا حميده تك كر وهلم جرا
| |
|
|
|
|
|
|
|
|
|
Re: تضامنوا لإطلاق سراح قرشو (Re: ابو جهينة)
|
أخي شيخ الكلام أبا جهينة
لقد تضامن الجميع وتعاطف الجميع وأخشي ما أخشاه أن يخذلني أو قل يخذلنا أخونا قرشو وتأخذه العزة بالإثم ويدفن دقن ولا يظهر متعللاً هذه المرة بالكمبيوتر أو إشتراك الإنترنت وبهذه الطريقة لن يكون أدخلنا في .... بل سنقلب السحر على الساحر ويدخل الوزه وهذا أمر لا طاقة لنا به. وأرجع أغني تاني من جديد
بوستي السبب لي أزايا
| |
|
|
|
|
|
|
|
|
|
Re: تضامنوا لإطلاق سراح قرشو (Re: Zoal Wahid)
|
أظرف حاجه يا زول يا واحد إنو الأغنية بالعود يعني أغنية قعدات و get up stand up بس يا زول يا واحد برضو إنت أطلهع منها وهي تحلى ، ففي بوست سابق تفضل أخونا تمبس بإهدى أغنية من أغانيه الحلوة وأنا عندى كم كبير بتاع أغاني بس ما بعرف أنزلها عشان كده بسمعها لوحدى هنا بس النيه واصله أظن في الحالة دي ولا شنو يا شيخ قرشو
| |
|
|
|
|
|
|
|
|
|
Re: تضامنوا لإطلاق سراح قرشو (Re: almulaomar)
|
العزيز الغتيت فضيلة مولاي الملا عمر .......... قدس الله سره
والأحباب المتضامنين
أول حاجة خلوني أتضامن بأثر رجعي لأني لم أشهد الصيوان دا إلا الآن بعد أن لفت نظري إليه الحبيب شتات
ومسك الختام .. تكرم الآخ بكري وأرسل لي كلمة المرور وسأوصلها للحبيب قرشو في أقرب فرصة
تحياتي لكم ولآلكم وأصحابكم أجمعين
| |
|
|
|
|
|
|
| |
almulaomar
Rawia
JAD
nile1
SAdo7
ابوحراز
falcon
bayan
humida
altahir_2
degna
nazar hussien
بلدى يا حبوب
سجيمان
abuguta
Yasir Elsharif
ودقاسم
بكرى ابوبكر
ebrahim_ali
Abdel Aati
tmbis
الجندرية
WaD OmI
garjah
ابو جهينة
فيس بوك
تويتر
انستقرام
يوتيوب
بنتيريست