|
Re: مبروك00 مبروك نجاح شيماء وحيدة الاحباء essam&amal (Re: Abd-Elrhman sorkati)
|
الحبيبة شيماء
حماك الله بالقران بدءا ثم ختما و بالدعاء وبالعزيمة وبالامانى الصادقات على شيماء تظل ديمة واضاء بالاشراق نجاحك وبالبهاء وبالضياء وبالسكينة خصاك الله بالخيرات ذخرا وقوة وحفتك أسمائه وآلائه الرحيمة ببهى الوجه وضاح المحيا مدام الوجاهة والنضارة والشكيمة وغاية الادراك حمدا ثم شكرا للاله والمصطفى تطوقك اياديه الكريمة لك الشكر حبيبتى ولهديتك الغالية
العزيز سوركتى عجزت الكلمات والله وعقبال مديحة ونور
احبائى فتحى صديق ود عقاب عصام وداعة سيد الدار الهميم بكرى ابوبكر صديق الموج فى انتظار القصيدة بعد دعواتك الجميلة ابو ساندرا مبروك الف مبروك لحبيبات سارا وسولارا والتهانى لكم جميعا ولام ساندرا وساندرا وماهيتاب وعقبال تخريجكم .
ود قاسم تبلدينا المطر اب رزازا ما بيقيف انت دايما خريف ما صيف خالد الطيب ابو مازن الناجح وفالح عمر رجب جورج بنيوتى الغيمة والواحة الظليلة الحبيبة ندى على
عاجزة عن الشكر الفرحة فرحتنا جميعا فى دارنا العامرة دار بكرى ووطننا الصغير وعقبال كل البنات والاولاد
بناءا على طلب شيماء ولمدة يوم واحد حاوقع
امال ام شيماء
| |
|
|
|
|
|
|
Re: مبروك00 مبروك نجاح شيماء وحيدة الاحباء essam&amal (Re: Abd-Elrhman sorkati)
|
الأعزاء عبدالرحمن سوركتي ، ودقاسم ، تبلدينا ، المطر ، جورج بنيوتي ، الجندرية ، تماضر حبيب الله ، عبدالله ، وكل اللذين وقعوا هنا بالتهاني للتومات سارا وسولارا ولشيماء عصام ، بس انا زعلان من التومات نسبهن السبعينية ما حا تشربهن موية ، يعني إما أدفع ليهن في القبول الخاص وفقآ لرغبتهن في الكليات المطلوبة وبالتالي تطول غربتي ، أو أزوجهن وأرتاح منهن ، أصلهن سمحات وطويلات وكمان لاصقات في بعض يعني ممكن راجل واحد ، أو أطلعهن في كرتيلا واليانصيب ، يللا علينا جاي ، وشوفو لينا حلل مع التومات الغياظات
| |
|
|
|
|
|
|
Re: مبروك00 مبروك نجاح شيماء وحيدة الاحباء essam&amal (Re: أبو ساندرا)
|
الاحباء امال وعصام ....
اشارككم االافراح والتهاني
الحارة بنجاح(شيمونة الليمونة)
ست البنات لي حدهن..وعقبال النجاحات
الكبيرة ودايما...والشكر والتهنئة للاخ
الصديق عبدالرحمن سوركتي......
وكل الحب للتومات(سارا وسولارا) و لي كده يابو ساندرا
حدي لاقى تومات وكمان بالحلاوة دى..خلاص اديني ليهم انا دي
بدون كرتلة...طبعا انا بحب فكرة التيمان دي جدا.....
(ياتومات وتيمان العالم اتحدوا)..ضد ابو ساندرا...
| |
|
|
|
|
|
|
Re: مبروك00 مبروك نجاح شيماء وحيدة الاحباء essam&amal (Re: Abd-Elrhman sorkati)
|
الحبيبة مريم الطيب نبارك ليك السمح ان شاء الله والنجاحات الدائمة فى كل المجالات العلمية والعملية قولى آميييين رأيك شنو فى تومات ابوساندرا السمحات انا غايتوا عاوزة واحدة لوضاح وانتى شيلى التانية لولدك ولو صغير اديها ود اختك والله ما بنخلى بنات رشيدة ينزلوا فى الكرتلة ما لينا دعوة بى ابو ساندرا بنمشى نعقد مع رشيدة بعدين يا اخوى نسبة السبعينات مع السقوط المكتوب فىالجرايد تحمد عليها الله وبيدخلوا الكلية العاوزنها ان شاء الله هى نسبة النجاح فى السودان كله سبعين يا اخى ما تحبط البنات . لك الحب مريم والامنيات ام وضاح
| |
|
|
|
|
|
|
Re: مبروك00 مبروك نجاح شيماء وحيدة الاحباء essam&amal (Re: Abd-Elrhman sorkati)
|
القديرة مريم الطيب ، انا مثلك عاشق للتيمان ، وتوماتي براي بعشقن ، وظللت على الدوام داعم لهن بل مرات عديدة ميزتهن على أخواتهن يعني دلعتهن ، والظروف اتاحت لي السفر مرتين قبل الإمتحانات إغتنمتها في تكريس معظم الوقت لهن ، ووضعنا خطط المذاكرة وكل مساعدة ممكنة ، رفضن دروس التقوية وأعلنن استعدادهن التام ووعدن بنسة لا تقل عن 85% ورشيدة غيرت النظام الغذائي ونغنغتهن عصاير وشايهات وتورتات عشان الطاقة واعلنت حالة الطواري منعت التلفزيون وإمتنعت عن الزيارات وسهرت كل الليالي معهن وووو ,مش لي حق أزعل ، أحبطن خططي وحسيت بالخذلان ، من بكرة دي بكتب ليك تنازل عنهن وحا يطلعوا زيتك ، أول حاجة بيتكم حا يزدحم بالزوار والخطاب والمعايناتيه المتمرسين ، وبتكوني محتاجة تمدي طول السراير ، ولازم تكوني صبورة بقدر مناسب وتحتملي مؤامراتهن ، وتجيبي لوري رملة في البيت عشان هن بيتيممن وعندهن عداء مع الماء ، حا يزهجوك في الحمام ، كل واحدة تقول للتانية انتي الأول ونحن بنحل المشكلة بندخلهن مع بعض وبينتهزوها فرصة للقطيعة فينا ، تكتري الجبس وقرمش وتراقبي التلفون عشان الفاتورة ، بس ظريفات وسمحااااات، وبيجيبو دخل السيدة أم وضاح ، إقتراحك مناسب جدآ وكويس معاي وانا عايز اكون بره الموضوع تمامآ ، وممكن اتوسط ليك عند رشيدة/B]
| |
|
|
|
|
|
|
|