|
|
 صِـدق المشـاعر
|
صِدق المشـاعِر
باين الريد هان عليكى
نسيتى كل الكان زمان
مّـليتى شوق البيشتهيكى
وتهتى من درب الحنان
........
الناس بقولوا الريد عزاب
و أنا شايل الريد فى غناى
ما بين حقيقتو وبين سراب
ضـّلت مرافى الشوق خُطاى
كم عشت جُوّاى فى إغتراب
و الوعد ما صادف مناى
..........
زُبْتَ فى صدق المشاعر
و دفقة الشوق و الحنين
و الولِفْ جُوّايا آمِرْ
أملا فى الوتر الرنين
والوداد القايلو عامر
هـّدت أركانو السنين
.........
برضى قابض نار هواكى
مهما أضنانى المسير
و الصبابة الفى لُمَاكى
زودت جُرح الأسير
لا بسـّلِمْ للتبـاكى
ولا بعطفك بستجير
..........
تيهى و أمرحى فى صدودك
و أنسى تحنان السنين
زرعت أحرف من و عودك
شتلة للوعد الأمين
و أبقى فى مرآة وجـودك صورة للحب و الحنين
|
|
 
|
|
|
|
طه حسن عبدالله
almulaomar
Raja
فيس بوك
تويتر
انستقرام
يوتيوب
بنتيريست