|
تعالوا نضحك أخرها كوم سلام
|
الأخ ياسر جوكس الله يطاره بالخير كانوا ناس االإتجاه الإسلام باقين ليهو في رقبته كركتيرات و ملاكزات في صحفهم كأنه المعارض الوحيد ليهم..لما يشتد هجومهم عليه كان يضحك بعمق و يقول و الله الشيوخ ديل عجيبين خلاس....و وأظرف منه كان تعليق البوشي..الذكرن الحكايات دي هيجت الكيزان اليومين ديل من يوم 26 / 5 الغريبة بتكلموا عن السلام و الكلام بطلع من أفواههم مثل الرصاص طبعاً دا الوصف الكانوا بطلقوهوا علي أبن عمر لحد ما قام نزار الكادر السياسي بتاع الجبهة الديموقراطية قاليهم يا أخوانا دا ما ممكن يكون طالب اليتطلع الطلق من خشمه و الجالس فوق بارود، يا اخوان ودوهوا الجنوب يحسم ليكم الحرب في يوم واحد.... الليلة كان عندهم لقاء منقول فى التلفزيون اتكلموا فيهوا نفس الناس بتاعين النفرات سيئة السمعة و هم بسوقوا في السلام و كل البسمعهم بتخيلهم بدفروا في فوج جديد للقتال، ما تستغربوا لو طلعوا علينا ببدعه جديدة و يقوموا يسلحوا كتائب يسموها كتائب السلام و يحشوا ليهم البنادق بلبن و ورود و يكون شعارهم خضنا معركة الجهاد بسلاح و نخوض معركة السلام برضوا بسلاح لكن ناعم شوية. نحنا لأننا مجبورين علي متابعتهم اليومين ديل لو اخدنا الحكاية جد بس الله الشافي عشان كدا ناخد الآمر بشئ من الفكاهة لحدما الجماعة ديل يقلبوا الموجة و يظبطوها علي محطة السلام. هم طبعاً مجتهدين أول حاجة يقنعوا ناسهم عشان كدا خرج اليوم عصام البشير بحكم و شواهد من التاريخ الإسلامي تدعوا للسلم مع غير المسلمين كأنه أدرك وجودها في كتب التاريخ و السير عصر اليوم!!! لكن اصلوا ما كعب بس إنشاء الله هذه الشواهد لا تفقد شرعيتها و يقلبوا الصفحة بإراء مغايرة تمام لما ذكروه في الأيام الأربعة الماضية... بس مهما بلغ ذكاءكم لا يمكنكم أن تبيعونا دجاجاً و ثعلباً في قفص واحد فنحن لا نأكل الريش
ابقوا عشرة علي البتقولوه كفا وعود جوفاء و السلم خير
|
|
|
|
|
|