|
بكري أبوبكر في حوار ساخن على صفحات( صحيفة الشارع السياسي )
|
حفل عدد الامس من صحيفة (الشارع السياسي) بلقاء شيق مع أمين الموقع الاخ بكري أبوبكر بعنوان(حوار مع مؤسس ومدير اكبر موقع سوداني على الانترنت) وقد تم الاعداد للقاء خلال فترة تواجد امين الموقع بأرض الوطن . تناول الحوار تجربة سودانيز اونلاين والمنبر الحر بتفصيل مفيد وتعددت التساؤلات ذات العلاقة بالمنبر الحر وسياسة الموقع التى اسهب أمين الموقع في توضيحها. الحوار جدير بالإطلاع كما ستقوم صحيفة (قلب الشارع)بنشر الحوار على صفحاتها في عدد اليوم... هي دعــــوة للبورداب للاطلاع على نص اللقاء،،، ودمتم،،،
|
|
|
|
|
|
|
|
Re: بكري أبوبكر في حوار ساخن على صفحات( صحيفة الشارع السياسي ) (Re: Shalabi)
|
شلبى ياقلبى ومن قديما انت حبى كيف بالله السودان والكلاكلات...شنو يعنى لو مشيت ابقوتة ومرتع الطفولة تذكرناك يوم الخميس الماضى رحنا الدمام انا ابقوتة الصغير الحضور زواج عباس رفاى اخو امين كنا فاقدنك... اما بخصوص اللقاء ما عادت لقاءت الرئساء تفيد ان كانت على مسنوى الدول او الشركات او المواقع فالموقع جهد خاص ..وبعضها يصبح عام ولكن اخونا بكرى سيفقد واقولها فى كل مكان سيفقد اذا لم يعدل عن رايه الدكتاتورى... وزى ما قلت ليك بت الاحفاد اظنك مشتاق للبورد... تذكر ياشلبى حربنا ضد الكيزان وطردنا لهم من دار الاتحاد فى النهاية عادوا لها..لاننا كنا فى حوجة للكلمة المضادة اخونا بكرى بقى يرضى ناس على حساب ناس... انت مفروض تقراء كل البوستات الاغبت عنها... ومبروك لبكرى اللقاء فى صحيفة داخل الوطن ما قالو ممنوع من الدخول والخروج...كمان لقاء كان كدا السودان دا فيه ديمقراطية احسن من البورد ولك ودى...بعد تقعد يومين بتعرف الحاصل
| |
|
|
|
|
|
|
Re: بكري أبوبكر في حوار ساخن على صفحات( صحيفة الشارع السياسي ) (Re: Shalabi)
|
العزيز الراقي أبقوتة،، رفيق الدرب والنضال،، تحية و شوق كمية،، كم تمنيت ان التقيك وانا اعبر الاراضي السعودية في طريقي للسودان في بداية الشهر الماضي الا ان القدر كان له رأي اخر ،، حاولت مهاتفة الاخ هشام على الموبايل الا انه كان خارج الخدمة ،، امضيت ساعات في الرياض ولا ادري اين تلك الرياض (والله الله يديكم طول البال والصبر تراها غربتكم غربة بالجد).. كانت ايام حلوة قضيناها في ارض الوطن رغم المشاغل والمعاناة الا ان السودان يظل ارض الخير والبركة ،،حلو بسماحة اهلة وطيب معشرهم ،، لم تسنح لي الفرصة بزيارة ابقوتة ولكننى التقيت بابن ابقوتة الرائع ورفيق الهند المهندس عصام السماني ذلك الرجل الرجل،،الشهم الوفي للايام الخوالي ... اثناء تواجدي بالسودان التقيت الاخ الرائع بكري ابوبكر اثناء اجراء الحوار الصحفي معه لصحيفة الشارع السياسي وقد عرفتة عن قرب رجل كأروع مايكون وقد كان الحوار مطولا عبر الشارع السياسي وقد تحصلت على نسخة من الصحيفة يوم سفري للإمارات ولشمولية الحوار واهمية ما اثار من قضايا رأيت ان يطلع عليه اهل البورد... قامت صحيفة قلب الشارع بأعادة نشر الحوار في عدد الامس.. اخلصك القول اننى لم اواكب مجريات الاحداث بالبورد منذ ان غادرت الامارات في نهاية شهر يونيو الماضي لذلك تجدني في حوجة لمراجعة البوستات القديمة ومعرفة المستجدات... ولي قدام،،
| |
|
|
|
|
|
|
|