|
|
 الاباء والامهات بالامارات فتحوا عيونكم /ما هذا يا اتصالات ؟ وما رأى الدين؟
|
اعزائى البورداب
وخاصة ناس الامارات
كل يوم تجيئنى رسالة من اتصالات ( مؤسسة الامارات للاتصالات ) مختلفة من التانية فيها كلام غريب جدا .
الرسالة الاولى :-
طفش !! زهج !! ملل !!
اذا حسيت باى شىء من هذا
ما عليك !!!!
ارسل مسيج ل2999 وتتعرف على ناس جدد ! الرسالة بدرهم وعشرين فلس .
الرسالة التانية :-
مليت من اصدقاءك القدامى تريد تجديد ابعث مسج ل 2999 وتجد ما يسرك .
الرسالة الثالثة :-
زهجان وتريد سوالف حلوة ابعث مسج 2999 .
بصراحة لم اعر الموضوع اى اهتمام بل قلت فى نفسى ( ناس اتصالات ديل جنوا ولا شنو ؟؟؟
الا ان جاءتنى احدى صديقات ابنتى شيماء مساء امس وقالت لى يا خالتى امال انا عندى مشكلة كبيرة وانا ما براى كل صديقاتى وانا قلت ليهم انا بسألك انت عشان كده جيتك ، قلت ليها خير ، كلمتنى عن المسجات التى جاءتهم من اتصالات وعلى حسب عمرهن (( وكلهن فى طور مراهقة )) واى شىء جديد بلفت نظرهن بعملوه ، قالت لى والله لما رسلنا الرسالة انا وصديقاتى افتكرناهن حيعرفونا على بنات زينا ، ولكن للاسف ارسلوا ارقام موبايلاتنا للرجال ونحن الان فى مشكلة كبيرة عدد من الرجال بيتصلوا بى فى اليوم والفاظ بزيئة انا اختشى انى اقول ليك ماذا يقولون انا تلفونى بقى ملفت لامى وابوى واخوانى على طول بقفلوا انا خايفة لو اتكلمت ابوى بقتلنى عديل كدة انا غلطانة ولكن ارجوك تساعدينى .
قلت ليها كيف يعرفوك ببنات مثلكن وهم لا يعلمون انكن بنات ناس اتصالات على حسب ما عرفت بوزعوا الرقم للناس الرسلوا ارقامهم لاتصالات عشان تعرفهم بالشباب ، وطبعا قالت اتصلوا بيها بنات برضوا لما يلقوها بنت يقفلوا ليها الخط فى وجهها .
ذهبت معاها للبيت وعالجت الموضوع مع امها وابوها وتفهموا الموضوع تماما وحلينا مشكلتها بعد ان اخدت درس من ابوها لا يمكن ان تنساهو فى حياتها .
لكن ؟؟؟؟؟؟؟؟؟؟؟؟
ماذا مع البقية الباقية من بناتنا والرسائل على طول حتى لحظة كتابة هذا البوست انا بتجينى فى اليوم عشرة رسائل اقل حاجة .
اخواتى الامهات فتحوا عيونكن وراقبوا البنات .
انا اكبرت فى البنت الرائعة عندما احست بالخطا والخطر جاءتنى باكية .
ما هكذا يا اتصالات ندفع بناتنا وابنائنا للخطر !!!
ما رأى الدين فى هذه الوسيلة التى دفعت اتصالات عشان تجمع ملايين الدراهم من المسجات تدفع الشباب لهذا السلوك المشين .
سألت مجموعة من الاولاد الشباب السودانيين لقيتهم مستمتعين جدا بالعلاقات الجديدة مع البنات من كل الجنسيات وقالوا لى ما فيها حاجة المدارس مقفلة ونحن ما عندنا حاجة نعملها ، فسألتهم اذا جاءت هذه الرسائل لاخواتهم ردوا على فى لحظة واحدة والله نقتلهم !!
يا للعجب !!!!!
جاءنى مسج الان وشايفاهم عملوا تصليح شوية امكن جاتهم شكاوى :-
مليت من اللى تكلمهم ؟؟ ارسل بمسج ل2999 اكتب فى الرسالة حروف ( د ع ) اذا كنت تريد الذكور واكتب حروف ( ا ع ) قائمة الاناث .
بعثت الموضوع لجريدة الخليج الاماراتية وسوف ينشر قريبا ان شاء الله .
ام وضاح
|
|
 
|
|
|
|
|
|
|
 Re: الاباء والامهات بالامارات فتحوا عيونكم /ما هذا يا اتصالات ؟ وما رأى ال (Re: essam&amal)
|
تحية يا ام وضاح واعجاب
لانك ام (متطورة)
يعني في نظري لا تتوقف عندك حدود المعرفة
عن موضوع رسائل الموبايل
قد يسعدك قولي انني لم اتلقى رسالة دعائية في حياتي سوى مرتين او 3 على فترات متباعدة جدا
لاكني اعي حجم المشكلة من صديقاتي اللواتي لا تتوقف اجهزتهن عن استقبال هذه المسجات بالعشرات
عارفة ليه؟
عمري ما اشتركت في اي مسابقة من اي نوع تتطلب استخدام الهاتف المحمول او ارسلت منه اي رساله لجهاز غير شخصي
حتى اعلانات النغمات والخلفيات الملونة للهواتف التي تملا الجرائد لا اتجرأ على تنزيل اي شيء منها
لانني اعتقد ان كل هذه الشركات تسجل ارقام هواتف المتصلين وتستخدمها فيما بعد او تبيع هذه الارقام لشركات اخرى
تمام زي الايميلات التي تملا صندوق بريدك ولا تعرفي من اين اتت
ده تفسيري الوحيد
ممكن برضو انه شركة اتصالات تبيع قواعد بياناتها من ارقام الهواتف النقالة وبيانات المشتركين
وهذا التفسير قرات سؤال بخصوصه وجه لمسؤول في الشركة ذاتها في تحقيق بمجلة زهرة الخليج
طبعا تهرب المسؤول من الاجابة وكل ما قاله انه لا يوجد قانون يمنع ذالك وفقط يمكنك الشكوى اذا اخترت حذف رقمك من قائمة الشركة الاعلانية , وواصلت هذا الشركة ارسال رسائل لك
في هذا الحالة يدخل ذالك في بند الازعاج ويسمح لك بتقديم شكوى
ووعد بالزام الشركات الدعائية بتخصيص رقم لحذف الاشتراك , يعني في نهاية الرسالة يكتبون جملة:
اذا لم ترد استقبال رسائل من شركتنا في المستقبل عليك الاتصال بالرقم كذا
(ملاحظة) تسعيرة المكالمة مرتفعة وتستغرق زمنا يوازي ما قد تدفعيه اذا اشتركت في الخدمة اساسا
يعني رزق الهبل على المجانين
تحياتي لصديقة ابنتك وقوليلها هارد لك
صديقات ايه اللي عايزة تتعرفي عليهم عبر الموبايل
هم الصديقات الجد نافعين
مع حبي وتقديري
زولة123
| |
|
|
|
|
|
|
|
|
|
Re: الاباء والامهات بالامارات فتحوا عيونكم /ما هذا يا اتصالات ؟ وما رأى ال (Re: essam&amal)
|
الحبيبة زولتنا الراقية 123
كلامك منطقى جدا وعرفت من احدى الصديقات نفس تفسيرك انه الاعلانات الفى الصحف هى المشكلة الاساسية وهم بياخدوا الارقام وببيعوها للشركات ( لاحظى كل يوم بنزل كم اعلان فى الصحف ) .
وانت حكيمة جدا فى عدم اشتراكك فى اى مسابقة .
لكن لازم تكون فى توعية يا دكتورة .
الموضوع ده خطير جدا جدا ولا يستهان به ..
ولك الشكر للمرور الحلو ده
ولك الود
ام وضاح
| |
|
|
|
|
|
|
|
|
|
Re: الاباء والامهات بالامارات فتحوا عيونكم /ما هذا يا اتصالات ؟ وما رأى ال (Re: essam&amal)
|
Quote: انا تلفونى بقى ملفت لامى وابوى واخوانى على طول بقفلوا انا خايفة لو اتكلمت ابوى بقتلنى عديل كدة انا غلطانة ولكن ارجوك تساعدينى .
|
الاخت العزيزة essam&amal...
لدى ابن عم يعمل فى اتصالات... لو ممكن يساعد فى اى حاجة...جاهزين للخدمة... وأرجوك واصلى فى نهجك العظيم فى صراحتك مع ابنائك....
ثقافة الخوف تولد الكثير من المصائب الغير معلنة فى مجتمعاتنا...
لك الودّ
أنور
| |
|
|
|
|
|
|
|
|
|
Re: الاباء والامهات بالامارات فتحوا عيونكم /ما هذا يا اتصالات ؟ وما رأى ال (Re: abdalla BABIKER)
|
الأخـت أم وضــاح تحية طيبة
تسلمي على التصرف الواعي و تسلمي لي نشرك لهذه المشكلة لتعميم الفائدة
و لو حسبتيها حا تلقى إنو في النهاية غرض إتصالات منها مادي بحت أي أنها تقوم بتوزيع أرقام التلفونات بغرض زيادة الإتصالات بين الناس لزيادة أرباحها
و لو عرفتي أنه في بعض الدول تقوم شركات الإتصال بإرسال النكات لبعض الموبايلات
و بعد ذلك يقوم عـدد كبير منهم بإرسالها لأصحابه و معارفه و بذلك تستفيد شركات الإتصالات
يعني الشغلانية لا تعدوا أن تكون بحث عن فائده مادية ضاربين عرض الحائط بكل مثل و قيم
لك تحياتي
| |
|
|
|
|
|
|
|
|
|
Re: الاباء والامهات بالامارات فتحوا عيونكم /ما هذا يا اتصالات ؟ وما رأى ال (Re: essam&amal)
|
الاخت اما الكل فى حاله معانا من اهتمام الاولاد بعلاقات التلفونات والانترنيت وانا منهم مهما كانت انواع الصداقات او نوع الناس فهى علاقات غير صحيه وتصيب ابنائنا الخمول والبلاده الاجتماعيه نوع من الادمان نحن فى دول شمال امريكامشغولين عن الابناء اكثر منكم
واعتقد الموضوع المطروح محتاج الى جديه فى النقاش لانه مهم وحساس وبنعانى منه جد
لابد من وضع خطوات جاده للترفيه عن الاولاد وانشغالهم ببرامج رياضيه ومكتبيه اكثر اثاره من التلفونات والعلاقات المزيفه وانا بتكلم جاده لانى ام لمراهقين ولنا عوده
مشكوره يا اما على طرح القضيه والتنبيه.
| |
|
|
|
|
|
|
|
|
|
Re: الاباء والامهات بالامارات فتحوا عيونكم /ما هذا يا اتصالات ؟ وما رأى ال (Re: essam&amal)
|
مشكورة يا هادية
والله فعلا نحن مشكلتنا اخف وطأه منكم ،،
لكن ما تستهونى بيها برضوا دى مشكلة خطيرة شديد لكن الناس ما مدياها حقها .
ربنا يوفقك مع اولادك ان شاء الله .
لى صديقة الاسبوع الماضى غادرت آخر العنقود بتاعتها للجامعة فى السودان ، اول حاجة عملت ليها ذبيحة خروف عشان قالت ربنا طلع ليها اولادها الخمسة من الامارات بدون مشاكل وسجون .
قالت لما رجعت من المطار نامت للصباح اول مرة تنوم بالشكل ده منذ عشرة سنوات ، تعبت من مراقبة الانترنت والموبايلات من اولادها حتى هم نايمين تفتش موبايلاتهم وحاجاتهم من المصائب الحاصله فى البلد .
الاولاد فى الغربة عاوزين مراقبة شديدة نحن ما قادرين نخلى اولادنا يتحركوا من هن لهناك بدون مراقبة عندنا فى الامارات اكتر من مائة جنسية مختلفة وده اخر تقارير التعداد السكانى .
كل جنسية عاداتها مختلفة وتفكيرهم مختلف عشان كده ما بنخلى اولادنا يختلطوا بيهم ابدا .
شيماء بنتى فى الامارات لا تستطيع ان تذهب لصديقاتها فى العمارة الجنبنا او عمارتنا نفسها تقول ليك بخاف من الناس فى الاسانسير ، اتصلت بيها فى السودان امس وكنت سامعة صوت هواء شديد قلت ليها انت وين قالت لى راكبة امجاد مشيت قدمت للجامعة قلت ليها سجمى معاك منو ؟ قالت لى يا ماما سجمى دى خليناها فى ابو ظبى تعالى شوفى الاعتماد على النفس وتعالى شوفى الرجال فى السودان بساعدوك ويخلوا ليك الاولوية فى كل شىء مش زى الناس فى ابو ظبى تخافى تمشى فى الشارع انا بقيت حاجة تانية وندمانة على اى لحظة عشتها خارج السودان ، شوفى حالتى لما بنت عمرها سبعتاشر سنة تقول ليك كلام زى ده منظر الانسان يبقى كيف ؟؟؟؟؟
والله يا هادية الموضوع التفكير فيه يودى للجنون عديل كدة .
ام وضاح
| |
|
|
|
|
|
|
|
|
|
Re: الاباء والامهات بالامارات فتحوا عيونكم /ما هذا يا اتصالات ؟ وما رأى ال (Re: essam&amal)
|
السلام عليكم ،،
توضيح بسيط وهو اضافة لقول الاخت زولا123 بأن من يسجل رقم موبايله فى المسابقات (التى فى اغلبها ضحكة على عقول الناس) لكى يجمعوا اكبر عدد من ارقام التلفونات اللاسلكية ويبدأو فى بث السموم منها، ولدى اخبار تؤكد ان بعض الشركات فى دبى تقوم ببيع قوائم بمئات الالاف من ارقام الموبايلات لمن يريد ذلك باسعار مغرية ...
للعلم فان شركة الاتصالات بالامارات لا دخل لها فى كيفية استخدام الخدمات التى تقدمها للجمهور، ولا اعتقد انه من الممكن ان يتأكدوا من كل شركة كيف تتعامل مع الخدمة المقدمة منها .
وربنا يوفقكم فى تربية ابناءكم بما يرضى الله ويرضيكم ....
| |
|
|
|
|
|
|
|
|
|
Re: الاباء والامهات بالامارات فتحوا عيونكم /ما هذا يا اتصالات ؟ وما رأى ال (Re: essam&amal)
|
الاخت ام وضاح
وصلتني رساله على الايمل
وطلب مني مرسل الرساله ان اوصلها ليك
وهي
From: "saif massad ali khaogali , meegna alikhogli" Add to Address Book
To: [email protected]
Subject:
Date: Sat, 31 Jul 2004 19:30:37 +0200
الاخ الكريم تحية طيبة
لوسمحت عزيزي بلغ رسالتي هذه ام وضاح ذكر لي بعض الاخوة انو البنات بتصلو بحثا عن الشباب بالتلفون ولم اصدقة وطلب مني ان اقضي اسبوع اجازة في الامارات و علي اساس اعرف ودي قصة غريبة غربة وضياع
ود عوج الدرب
وانا نقلت الرساله كم هي
| |
|
|
|
|
|
|
| |
essam&amal
zola123
AnwarKing
Sobajo
ABUHUSSEIN
willeim andrea
فتحي الصديق
فيس بوك
تويتر
انستقرام
يوتيوب
بنتيريست