|
|
 استدعاء أجهزة أمن الإنقاذ للشاعر محجوب شريف
|
ورد خبر بان الشاعر محجوب شريف قد تم استدعائه عن طريق سلطات الأمن للتحقيق معه ومن
المتوقع اعتقاله تحت بند الجرائم الموجهه ضد الدوله حيث رفض الشاعر المشاركه في مهرجان
(الخرطوم عاصمه للثقافه) المزمع اقامته في العام القادم. وكما ذكرت الأنباء بان اجهزة الامن
قد بدات في مطاردة الشاعر والتحرش به وباسرته وبناته عندما رفض ان يستجيب لدعوة المشاركة
.... نرجو من الاخوان بالداخل مدنا بالتفاصيل
مع الشكر
|
|
 
|
|
|
|
|
|
|
|
Re: استدعاء أجهزة أمن الإنقاذ للشاعر محجوب شريف (Re: Salwa Seyam)
|
مســاجينــك
مساجينك
مساجينك
مساجينك
تغرد في زنازينك
عصافيراً مجرّحه بى سكاكينك
*
نغنى..
ونحن فى أسرك
وترجف..
وانت فى قصرك
!سماواتك دخاخينك
مساجينك
مساجينك
مساجينك
*
برغمك نحن مازلنا
بنكبر بى زلازلنا
بنعشق فى سلاسلنا
وبنسخر..
!من زنازينك
مساجينك
مساجينك
مساجينك
*
حكايات الهوى الأول..
بنحكيها
بدايات الغُنا الطول.. نغنيها
حقيقه وليس تتأول
!حتخجل من عناوينك
مساجينك
مساجينك
مساجينك
*
للسودان عواطفنا
وبالسودان مواقفنا
ولّما تهب عواصفنا
ما حيله قوانيك؟
مساجينك
مساجينك
مساجينك
شكرا جميلا الشريف محجوب
شكرا سلوي ومذيدا من المعلومات
| |
|
|
|
|
|
|
|
|
|
Re: استدعاء أجهزة أمن الإنقاذ للشاعر محجوب شريف (Re: Salwa Seyam)
|
يا بهلوي أمسك قوي
أوعك تقع
نكل بمن لا يرعوي
وأرخي السمع
أخد الحذر ثم الحذر من كل شئ
ضلك تحدق فى النظر ما تختشي
لو كشكشت صفقة شجر
روح وانزوي
خلي المشي
يمكن خطر
يا بهلوي
واطلق رصاص على كل شئ
على كل نسمة تمر وما تأخذ إذن
على كلمة بدون جواز
علم عصافير البلد تكتب تقارير الجهاز
علم شبابيك المدن علم فوانيس القرى
وكل عيدان الذرة
خلي النمل يدخل صفوف المخبرين
خلى الرذاذ يكتب تقارير الجهاز
أحسن تعبي الشعب أغلبه فى قزاز
ركز بشدة على الجياع
ركز لو تستطيع أو حتى قدر المستطاع
أخسف بكل الكادحين سابع أرض
أرجم رجم
صادر من الليل النجم
صادر من البحر الجذر
أشطب ولا تقبل عذر
وش الصباح
قصقص جناحين الرياح
جمد شرايين الحياة
وأنفي الأمل
الفى اكتشاف النار
وتقسيم العمل
المحتمل تلقى الملاذ يا بهلوي
*****
صحيت بالمؤذن وحالتك تحزن
مرقت وسرقت الوبال
معكز ملكز بسيخة ونعال
مكتف ملتف بأغلظ حبال
وغيرك بخزن جميع الغلال
يسرق ويهرب جمال
باسمه اللواري تهد الكباري تباري الجبال
سيادته يتدبر شئونه الأماسي
يرش الحديقة ويرص الكراسي
ما بين الغواني ورنين الخماسي
تعاين تشوفه تقول دبلوماسي
يمضي ويرضي ويهدي المحال
كمان لو تلاحظ صديقه المحافظ
وقالوا الملاحظ عيونه الجواحظ تباري الريال
حليلك بتسرق سفنجة وملاية
وغيرك بيسرق خروف السماية
وفى واحد لو تصدق بيسرق ولاية
ودا أصل الحكاية وضروري النضال
ضروري النضال
| |
|
|
|
|
|
|
|
|
 Re: استدعاء أجهزة أمن الإنقاذ للشاعر محجوب شريف (Re: Salwa Seyam)
|
Quote: المتوقع اعتقاله تحت بند الجرائم الموجهه ضد الدوله حيث رفض الشاعر المشاركه في مهرجان
(الخرطوم عاصمه للثقافه) المزمع اقامته في العام القادم. |
وهل رفض المشاركة فى مهرجان جريمة موجهة ضد الدولة؟؟!!!
وماذا نسمي إذن مطاردة أبناء الوطن و ترويع الآمنين؟؟أنسمَه رفاها فى العيش؟؟؟؟؟؟
| |
|
|
|
|
|
|
|
|
|
Re: استدعاء أجهزة أمن الإنقاذ للشاعر محجوب شريف (Re: elsharief)
|
فديتك
بقيت يا وطني زي منفاي
مطارد ومستباحة دماي
عساكر من دروب تايهات مداي
قدامي خطاي ووراي
وذنبي هواي ليك يا موطني ومناي
وذنبي ولاي وإنك سيدي ومولاي
تعيش يا ذنبي طول ما عشت معاي
لا عنك بحيد لا جاي بفوت ولا جاي
فديتك يا مديد القامة
يا شعباً سديد الرأي
وقلبي عليك يا حجراً حنين دفاي
أقبل وين أفوتك وفى حماك حماي
أسيب عزاي أسيبه وكيفن ألقى عزاي
فى وحشتي وسلواي عيونه وبحة الغناي
نخيلك ثمرة ضو صباي
ونيلك فى جواي هامد هميم جرّاي
وقبضة إيدي مسكة رمحك الرماي
أطالع فى صحارى الليل
مطالع صبحك الضواي
فديتك لو بقيت منفاي
فديتك لو بقيت مرساي
| |
|
|
|
|
|
|
|
|
|
Re: استدعاء أجهزة أمن الإنقاذ للشاعر محجوب شريف (Re: Salwa Seyam)
|
التحيه مرويه بى نفس الوطن لى ابن الوطن محجوب الشاعر الانسان
ده الزمن الصعب ياشاعرنا محجوب ودربو المعووج
عهدناك جسور.. عز الهجير وسط الصخور..
*****
سكة الزمن الصعب ..
دفرت مشاويري المأرجحه
بين الأرض وراحة السحب ..
زحمت دروب فوق لى دروب
مسحت كلامنا ألفى الكتب
دمرت سرابات المدن ..
غاصت هناك ... تحت الترب ..
نزفت شرايين البلد..
قطعت وريد وسط العصب ..
ضاقت صدور .. عبرات تزور..
حلقا نشف جف و تعب ..
زفرات تمر فوق الحلق ..
مأموره تجرح بالغصب ..
ساقت خطانا في انحدار..
لى هاوية الخوف والرعب
طبعت قوانينها الغلط
في صفحة الزمن الكعب..
والليل طويل شايل الوجع..
ضلت خيوط صبحو الدرب..
والنيل هداك صامت حزين
عبرات تسد حلقا شرب..
والجوف هضم .. مر السكات ..
لمن شبع جوعا ضرب..
وا لا الفراق .. الكان حرب
من غير سلاح رغم الضرب
مدفور تلملم في الخطى..
تتعتر .0
.تصارع الشوق الغلب
تتضارا تحبس في الدمع..
السال حنين كيفن سكب
يا سكة الزمن الصعب
معووجه من أول طريق
لا فيكى صحبه ولا رفيق
إلا المتل مسيلمه ..
المعروف كلامو بالكضب
الا المتل مسيلمه ..
معروف كلامو بالكضب ..
سومــــا
أسماء الجنيد
مسقط
التحيه ليك الاخت سلوى .. والامنيات الطيبات لشاعر الشعب بالاستقرار وسط اهله واسرته وفى بلده ..ويمتعه بالصحه والعافيه..
قاااااااادر يا كريم ..
قلوبنا معاك...
| |
|
|
|
|
|
|
| |
نصار
على عمر على
sharnobi
خضر حسين خليل
Tumadir
لؤى
فتحي البحيري
فضيلي جماع
lana mahdi
omar ali
elsharief
Raja
الجندرية
خالد عمار
ahmed_asad
معتصم الطاهر
kamalabas
فيس بوك
تويتر
انستقرام
يوتيوب
بنتيريست