|
|
 وعلى ذكر بقراتنا التلاتة
|
الموضوع : انا جارى
رسالة من كرضمة الى كراضم والبورداب
البوردابى... ان شا الله تقوموا قود مورنيج , واذا سألتو عن احوالنا فبغض النظر عن الجدرى والتاتنوس والتيبى وشلل الاطفال وقطن مافى فنحن بخير , شولة , اعرفك بأنو حبوبتك نفسا اتقطع ووقعت كسرت نضارتا باقى الاهل طيبين , جدك الطريفى امام الجامع انحرف بقى يلبس اردية , باقى الاهل طيبين , جدك المُر اشترالو عربية بيجو ليلى علوى سيكو فايف يعنى قالوا سرعتها كان 150 كيلو ولا رطل ما بعرفا , اها يا زول مرّكب فيها خوالك الكراضم ديل فى الكنبة الورا.... ويوم الخميس جابهم دغرى , غشوا المدارس الثانوية بتاعة البنات وعارف خطر العربية من شاف البنات بقى يولع براهو ... مركزين على مدرسة البنات عارف العربية تنقشط منهم وين ؟ تحت قندران العمدة ... اعرفك بأنو الجميع لبسوا عمائمهم , باقى الاهل طيبين.
بقراتنا التلاتة ماتن ..... كانن ساكات تور حمبير , جنون بقر , تور حمبير قطع السكة حديد وهن الطير مبارياتنو , لحقن امات طه , باقى البقر طيبين , وعلى ذكر بقراتنا التلاتة , اخواتك السبعة البايركس ما عرسن ... ولا اعتقد انو حيعرسن بعد 13 سنة..... الرجال البيجو كلهم قالوا البنات ديل بيشبهن منتخب زامبيا , حبوبتك شغبة بلعت السفة فى عينها حنكها اتعوج , فرحين ود نفيسة جايبنو كشة من السعودية متل الشافع الرايح , والان تركته يبيع بضاعة فى سوق ليبيا وهى ليست قمصان ولا بناطلين , اسكت خليها ساكت , على بالطلاق فارشن فى سوق ليبيا ويبيع فيهن ب 200 يعنى لامن لستكن دة برد , باقى الاهل طيبين .
قريبك الكتل الورل متذكروا , لقيتو ماشى كدارى اغبش زى الفول المدمس ... يعنى قال اليومين ديل الشدر جفف من حطب الطلح ... واهو داير يشتغل حرامى بالدس .والجماعة كبسوهو ليك لابد ... الساعة الودوهو المحكمة الزول يصلعو فوقو يشيل فى الشعر ويديهو لامه ... قال ليها ما تبكى ... شيلى الشعر دة اديهو للقاضى وجماعتو يشربوا بيهو الجبنة ...
اخوك كرضمة
شنقلوها الكيزان
|
|
 
|
|
|
|
alfatih
lana mahdi
فيس بوك
تويتر
انستقرام
يوتيوب
بنتيريست