|
Re: مهم وعاجل :سلمى الشيخ سلامة وخالدة الجنيد (Re: Ishraga Mustafa)
|
كلمتكم؟
إشراقة دي،، نسمة و بسمة و غيمة و مطرة و شجرة و زهرة وكل حاجة جميلة بس دي إشراقة،، المالاقاها فاقد عمرو كلو ولا نصو،، و صحبتي أنا دي ولا صحبت أي زول،، و بريدا من الليلة ،، عارفين،، دي زولة بترجع الفرح،، بتخليك تبتسم من جواك،، زولة بتشرح الألب،،
لسة بحبك يا إشراقة،،
سوميتا
| |
|
|
|
|
|
|
Re: مهم وعاجل :سلمى الشيخ سلامة وخالدة الجنيد (Re: Soumeta)
|
الحبيبة اشراقة امانة تبلغي تحياتي للعزيزات خالدة وسلمى وقولي لخالدة اشتاقك حد الجنون ، الى وجها صبوح وشامة ، وشاي المغرب في الداخلية المعتق بهبهان مسروق من امينة ، سليم وونسة دقاقة معطرة ببسماتك الصافية ، اشتاقك منذ الجريف، مرورا بناصر ، حتى حي الضباط وبعد داك فرتقنا الزمن، الشهر الفات كنت اتسكع في العمارات واجتر الذكريات ، فدلفت الى سوق 41 وطافت بي االذاكرة لاجمل الايام كانت كل التفاصيل حاضرة ومليئة ، حتى الاشياء الغريبة التى نشتريها من اجل ان نعرف ماهي ، حتى العلبة الصغيرة التى اشتريناها ، فقط لنكتشف فقط مابداخلها واذا برائحتها العجيبة تزكم انوفنا فنسترسل في ضحكات تغسلنا وترسلنا الى فضاءت مستحيلة علينا الان، يـا لكم نفتقد هذه الضحكات وهذا الزخم ووالفول المصلح واعداد الممثل والدين من دكان اليماني ..واشياء نفعلها من اجل الضحك على سلالم البنايات في السوق الافرنجي .. كنت في العمارت اسكن في غرفة تشبه تلك الغرفة التى جمعتنا والايام الجميلة انا وانتي وتماضر ، وسوزوكي تلك الغرفة الضيقة التي لم نفطن لضييقها ابدا لانها كانت واسعة وجميلة بفضل ساكنيها ، خالدة دا كلو شوق . ارجو ان تظهري ..
| |
|
|
|
|
|
|
Re: مهم وعاجل :سلمى الشيخ سلامة وخالدة الجنيد (Re: Ishraga Mustafa)
|
عندي إحساس إني ما دايرة أنوم،، خايفة أصحي بكري و فرحتي دي تقل،، زمن ما فرحت لأني لاقيت زول،، وناسة،، حكاية،، فرايحية،، ملانة بالوطن،، إنســــــــــــــانة،، لطيفة،، حميمة،، حنونة،،
ده كلو مرقت بيهو في كم ساعة،، مش زولة تحفة؟
مش لي حق أفرح بيها كدة؟
و نسيت أقول إنها برضو فردة،،
| |
|
|
|
|
|
|
|