ما تدخلوا بي جاي الشباب ديل مساطيل
ما قلت ليكم ما تدخلوا غايتو أنا ما مسؤول عن المصارين أو أيي حاجه تانية تحصل وما عندي تلفون الإسعاف غايتو علي كيفكم ـــــــــــــــــــــــــــــــــــــــــــــــــ مسطول اتصل على ناس البوليس قال ليهم يعني لو ما سألنا ما بتسألو واحد مسطول عندو 3 شعرات بس والباقي صلعة والغريبة أصحابو المسطايل بقولو ليهو اب شعر وهو مصدق الحكاية دي مرة عايز يسرح شعرو مرر المشط المرة الاولى أنقطعت شعرة من التلاتة مرر المشط تاني إنقطعت الشعرة التانيةقام قال أها خلينا منكوش كدة واحد مسطول وعندو محل بتاع بلاي ستيشن قام ابوهو مات كتب على قبره قيم أوفر مسطول صلى الفجر ركعة واحدة لقوهو خاتي كربون تحت المصلايه مسطول ولدو ليهو بنت سألوه عايز تسميها منوقال مريم على إسم عمتي فاطمة اتنين مساطيل الأول يقول للثاني تصدق أنك تشبه الحمارالثاني قال ليهو قول ما شاء الله اثنين مساطيل مسافرين وقفوا عند محطة نزل واحد منهم وقال لصاحبه عايز شنوقالو أي شي راح جاب لنفسه عصير ولصاحبه قلم مسطول ماشي في الشارع لقى أعلان معلق في عمود كهرباء عن وجود شقه للأيجار قام يدق على العمودويدق ويدق مر به مسطول تاني وساله يا أخونا بدق في العمود مالك قال ليه المسطول لقيت أعلان عن شقهوبدق على الجماعه دييل ما عايزين يفتحوا الباب رد عليه المسطول غريبه مع انه طابقهم الفوق منور واحد راسو شايب جدعو بايظ الامام قال للمسطول الواقف فى الصف القدامى استوو وكررها ليه 4 مرات شويه ورا شوية قدام لا ارجع المسطول زهج قال ليه ياخى انت عايز تصلى واللا تشوت فاول في موقف المواصلات في مدني في شحاد اعمى طوالي تلقاهو بيمر على الحافلات و يقول اجر من الله بي كسر الراءاها يوم في واحد مسطول قاعد مستني الحافله تتملي جاهو الشحاد دااها طبعا الشحاد شغال بينادي بي استمراراجر من اللهاجر من اللهوالمسطول شابكو ليك تجري منو ويييييييييييييين واحد ما مسطول كل يوم فى العشاء عند بتاع الفول يجى واحد كوز يتعشى بوش وبعد العشاء يقعد يقول فى ادعية منها اللهم نعمة ادمها واحفظها من الزوال اللهم اطعمنا من الجنة واحفظمنا الخ الراجل بعاين ليه وزهجان منه يوم وصل الحد قام قال ليهيا اخينا انت لو اكلت شية كان صليت ركعتين ولا شنو جماعة راكبين عربية معاهم واحد مسطول في الشارع قدام بيت واقفة قدامو تلاتة عربيات بيجو قام واحد قال تخيل البيت دة و العربات القدامو سيدوم ترزي و هو يتكلم على سبيل الاستغراب من وضعو الماديقام المسطول قال ليهو يعني فصلهم في واحد مسطول واقف في الكبري على النيل ويناديتلاتة وتلاتينتلاتة وتلاتينتلاتة وتلاتينقام واحد جاء قال ليه خير في شنو شنو التلاتة وتلاتين قال ليه تعال عاين وقت جاء عاين رماهو جوه المويةوقال اربعة وتلاتيناربعة وتلاتيناربعة وتلاتين اسد بتاع سطلي شايل سجارتو وبسطل جمب البحرقال يخت السجاره وياخد عومهويجي يكملهاجا فار بي وراهو وضرب باقي السجارهوطلع الاسد لقي السجاره مافي والفار ساطلوالاسد قال للفار اوعه انت تكون ضربت السجاره دي لاني حاكلكالفار عاين للاسد وقال ليهوانت كديس عوير ولاشنو قالو واحد طلع ليهو مارد مسطول كان محبوس جوه جره اها بعد طلعو المارد قال ليهو شبيك لبيك عبدك بين ايديك داير شنو صاحبنا قال ليهو داير ابقى اصفر اها المارد قام ضربو كده قلبو ليك تاكسي مسطول داير يطلع جواز قالو ليهو جيب صور شمسية مشى جاب ليهم صور وهو راكب عجلة مسطول دخل السينماء ولمن طلع لقى العجلة بتاعتو سرقوها قال بالله دي الفاظ دي قالو اتنين مساطيل جايين بالليل ماشين ايام حظر التجوال قام العسكري وقفهم قال ليهم انتو مين وجايين من وين قامو قالو ليهو نحن جايين من الشغل قال ليهم شغالين وين قالو ليه في التلفزيون قام العسكري قال ليهم لكن التلفزيون زاتو بعد كده مافيهو شغل الارسال انتهي قالو ليهو مانحن زاتنا البنقول وشششششششش مسطول طالع ليه في سلم وبيدق في مسمارالمهم المسمار قام وقع عاين له كدا وقاله ليه اطلعاحسن ليك تعال طالع هنا ما بتسمع الكلام احسن ليك اطلعكدا يعني كلامي ما شغال بيه طيب قوم شيل علبة المسامير كلهاوكبها في الواطه وقال ارفعوه مسطول قاعد متحير سالوهو مالك يا زول قال انا ماعارف انا مواعد وحدة الساعة اتنين ولا اتنين الساعة وحدة مسطول سال مسطول في رايك الجمعة بوافق اول الشهر قال ليهو التاني والله كان ضغطنا عليهو امكن يوافق مسطول قال لصحبة شايف النملة الفي الحيطة دييييك قال ليهو ايوا شايفها لكن ما شايف الحيطة مسطول ضرب تلفون رد عليهو سيد البيت قال ليهو بالله جعفر قال ليهو لا والله قال ليهو طيب بتردو مالكم فى مسطول كان قاعد فى المقابر وفى جماعة جوا شايلن جنازةدفنوها ومشوا قام المسطول مشى فتح القبر وشال الكفن عشان يبعوااها قام مشى محل بتاع اقمشة وقال لى صاحب الدكان تشترىالقماش دا بى كم صاحب الدكان قال ليهوا بالميت كدة بى خمسين جينةقام المسطول قال ليهوا دقيقة ومشى جاب الميت وجاء واحد مسطول يصلي بالناس التراويح سمع الحريم يقولون امين قال ااااخخخخخ اموت فى ركن قالوا في واحد من النوع القلبو كبير يدو إنجرحت، سأل واحد مسطولأسمع يا إبن العم جرحتي دي كبيرة ولا صغيرةالمسطول: والله يعني ، مناسبة مره واحد كان عنده مزرعه يوم من الايام مشى المزرعه شافولد قاعد تحت شجرة المنقه قاله ياولد اطلع بره بكلم ابوك قام الولد عاين فوق الشجره وقال ابوي في واحد داير يكلمك ـــــــــــــــــــــــ نعن مافي عوجة ؟ أبداً علاء (عدل بواسطة Ala Asanhory on 08-28-2004, 01:41 AM)

08-28-2004, 02:01 AM

mohsin_alsla7aby

mohsin_alsla7aby
تاريخ التسجيل: 04-29-2002
مجموع المشاركات: 1166

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: ما تدخلوا بي جاي الشباب ديل مساطيل (Re: Ala Asanhory)
*مسطول قالو ليهو صف لناشعورك لو (( نانسى عجرم )) امك؟ فرد قائلا: ((ازعل نص نص ))*

08-28-2004, 02:07 AM

معتز تروتسكى

معتز تروتسكى
تاريخ التسجيل: 01-14-2004
مجموع المشاركات: 9839

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: ما تدخلوا بي جاي الشباب ديل مساطيل (Re: Ala Asanhory)
خالص التحايا صديقى Ala Asanhory.. عموما اكتر ماحب نكات المساطيل من تلك النكات الجهويه.. وجتينى فى جرح.. looooooooooooooool تحياتى ياملك واظهر..

08-28-2004, 02:11 AM

Abdalla Gaafar

تاريخ التسجيل: 02-10-2003
مجموع المشاركات: 2151

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: ما تدخلوا بي جاي الشباب ديل مساطيل (Re: Ala Asanhory)
علاء شكرا للمساطيل الذين اتوا بك وينك ..حمد الله علي السلام وواصل عبد الله جعفر

08-28-2004, 03:27 AM

Alia awadelkareem

تاريخ التسجيل: 01-25-2004
مجموع المشاركات: 2099

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: ما تدخلوا بي جاي الشباب ديل مساطيل (Re: Ala Asanhory)
علاء السنهوري نهارك ود قلت لي كيف ؟؟؟ لا دي مبالغة عدييييييييييييييل انت متاكد انهم ما متعاطين حاجة تانية وقلت لي كيف عالية ولا علياء البريحك بعد لوري الضحك دا

08-30-2004, 04:34 AM

Ala Asanhory

Ala Asanhory
تاريخ التسجيل: 09-21-2003
مجموع المشاركات: 394

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: ما تدخلوا بي جاي الشباب ديل مساطيل (Re: Ala Asanhory)
الحميم محسن دي لقيتها وين ؟ غريبة مع إني ما خليت لي مرسى ولا ضُلمه بعدين ثقافة نانسي عجرم دي وصلت البلد بالله ؟ الله يرجعنا ــــــــــــــــــــــــــــــــــ الحميم معتز قلت لي نكت جهوية ما حبابها ؟ هاهاهاهاها يا زول خلينا متصافين كده أخير مما نمرق الجهوية دي في حاجات تانيه بي جاي في النكت بتتغرف بس الظاهر نحن عندنا منها كميات ولسه عايزين لينا مصنع لسك العملة عفواً لسك النكت عشان نغرق السوق والإنهيار اٌلإقتصادي و .. و .. آآآآآ قلت شنو ؟ أظهر ؟ أكتر من كده ؟ ـــــــــــــــــــــــــــــــــ الحميم عبد الله ود جعفر والله أنا كنت عايز أجيك بالباب عديل لكن شتاكم قاسي وفراق البلد كمان أسمع تاخد نَفَس ؟ ـــــــــــــــــــــــــــــــــ الحميمه علياء كده كيف ؟ غايتو التدخين السلبي هنا مفيد عندو نكهة خاصة هاهاهاها لكن الجماعه ديل آخر حاجة كنت بغنّي ليهم بعد داك مشوا يتسطلوا ( حسب ما قالوا ) لكن إنت في ده ولا في جنس الناس البضربو عن الأكل في المعتقلات بس ياكلو تمر وموية هاهاها أها ده ما شغل مساطيل ؟ هاهاهاها تشكرات يا أفندم ــــــــــــــــــ أبداً علاء

08-31-2004, 05:56 PM

zumrawi

تاريخ التسجيل: 08-31-2002
مجموع المشاركات: 0

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: ما تدخلوا بي جاي الشباب ديل مساطيل (Re: Ala Asanhory)
علاء شكرا جزيلا لحضورك انا عائد الى مصر متى ماحصلت على الفيزا

08-31-2004, 08:42 PM

Mutwakil Mahmoud

Mutwakil Mahmoud
تاريخ التسجيل: 04-14-2002
مجموع المشاركات: 470

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: ما تدخلوا بي جاي الشباب ديل مساطيل (Re: Ala Asanhory)
يا علاء سنهورى حتي علينا بقيت مابتسأل سماع أسمك يفرحنا ونطرب لما زول يطراك عليك البسمه ياغالي وحاة أيام حنينا معاك نسجنا من الصبر صبرين عشان نلقاك وما نلقك ذي ما بيقولو أخواتي البلابل وينكم يا شباب ياحلوين كلكم هدهد خالد عاصم الحنين الله يلعنك جيت تعبان وزهجان لكن لما قريت البوست ده ضحكت لمن وقعت في الواطه مازالت تلك المحادثات الجميله ومضة عشت علي أشراقها وأنقضت عجلي وما أصغت الي بدمي غذيتها وخبأتها في خافقي وأفترقنا وبعيني المني ياعلاء ياضنينا بالوعد أترك لي هاتفك لأناجيكم أشواقي حين تسعي أليكم تشتاق أخوكم د.متوكل

08-31-2004, 10:41 PM

خضر حسين خليل

خضر حسين خليل
تاريخ التسجيل: 12-18-2003
مجموع المشاركات: 15087

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: ما تدخلوا بي جاي الشباب ديل مساطيل (Re: Ala Asanhory)
الحميم جدا علاء تحياتي حقيقه جد طلعتني من جو المهوسيين والنااس البكفرو في الناس والعالم الغريبه دي بالله كتر لينا من ديل ونديك واحده مسطول عمل ليه حله فراح انتظر كده لحدي مالحله نضجت اها طلع عشان يجيب العيش في واحد كان متربص بالحله اول مامرق صاحبنا جا قلب الحله في كيس وخت مكان الحله دجاجه حيه المسطول لامن جاب العيش فتح الحله لقي ليك الجداده بتكاكي ؟ استغرب جدا ققال يحي ويميت دي عرفناها طيب وين البصل والزيت؟

09-04-2004, 03:02 AM

Ala Asanhory

Ala Asanhory
تاريخ التسجيل: 09-21-2003
مجموع المشاركات: 394

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: ما تدخلوا بي جاي الشباب ديل مساطيل (Re: Ala Asanhory)
الحميم زمراوي يا سلام عليك والله فقدتك وهسه أنا مستعد ليك تماماً بس تعال وما حتلقاني ساطل هاهاهاها بستناك ـــــــــــــــــــــــــ الحميم دكتور متوكل والله بفتش علي تلفونك أو إيميلك عموماً تلفوني 0020102824088 والإيميل [email protected] وشكراً علي إنك مبسوط ـــــــــــــــــــــــــــ الحميم خضر أها وين البصل والزيت ؟ شكراً لأنك معاي نمرق الجماعه ديل من بيت الوجع ده ـــــــــــــــــــــــ أبداً علاء

[رد على الموضوع]

صفحة 1 „‰ 1: << 1 >>

احدث عناوين سودانيز اون لاين الان

اراء حرة و مقالات	Latest Posts in English Forum
Articles and Views	اخر المواضيع فى المنبر العام
News and Press Releases	اخبار و بيانات

الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة

About Us
Contact Us
About Sudanese Online

اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين

News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums

If you're looking to submit News,Video,a Press Release or or Article please feel free to send it to [email protected]