كتب الكاتب الفاتح جبرا المتوفرة بمعرض الدوحة
|
|
 ما إنتي ملكة وصولجان
|
شريكة الهم والأسية
بت عزّاً قديم
بت أمي وأبوي
بت بلدي الأبية
ضواية زي شمعة طريق
ضواية في عمق القضية
ما إنتي ملكة وصولجان
تاجك مرصّع بالنجوم
ريانة زي غيمة خريف
مشرورة فوق فرح السهول
منقوشة في بطن الوهاد
منقوشة زي حنة عروس
يوم الزفاف
تنشر بسيمات الفرح
من كل لون
يوماً تسافر لي الجنوب
يوماً تغازل في الشمال
يوماً تونّس شرقنا
والليلة ترقص في الغروب
تحضن وليدات الأسى
تمسح دميعات اليتامى
وتطفي نيران الحروب
تنشر عبق كل العطور
تكتب قصايد لي الغنا
ممزوجة بي نغم الجروف
تعزف أناشيدنا الزمان
تملانا عزة وعنفوان
نعرض سوا
ونرقص سوا
تجمعنا أسمار الفريق
تغمرنا أنسام الطريق
أقابلك بي حضن مفتوح
أمد الليد ونتسالم
أشيل شبالك المجدول
وفي فرح الوطن مشتول
تشيلني الفرحة تصعد بي
أبشّر فوق بنات بلدي
ألاقيك في لهيب الشوق
وأمشي معاك خطاوي الريد
أشيل خطوة وأخت خطوة
وأسوقك لي الضلمّة بروق
يقوم النيل يرحب بيك
يرحب بي
نناجي ضفافو بالفرحة
يغازلك موجو يا السمحة
ومن فوقو الغيوم ترحل
محمّلة بي دعاش العيد
وشايلة الموية للعطشان
وهادنا روت
سهولنا نمت
جبالنا سمت
أحس بالنشوة تملاني
أجيك شايل حباب النيل
معزّة أسوقا من جوّاي
ونملا جيوبنا من الريد
ونرسم في خطانا نشيد
تجينا عناية الرحمن
وريدك في قليبي يزيد
يا بت بلدي
|
|
 
|
|
|
|
|
|
|
|
Re: ما إنتي ملكة وصولجان (Re: ست البنات)
|
ست البنات
لك من القوافي أنضرها ،، وهذه هدية معتبرة ،، ونظم راق ، تضمن ثنائية ذات إيقاع عذب ،، فلك الشكر ، وتتحقق الأماني ..
Quote: أمانينا وأمانيكم
بشائر فرحة فى بالنا
ترجع للحزانى العيد
تزيح شبح السكن ذاتنا
مناديلنا وطواقيكم
تكون تعريشة لى دارنا
دميعاتنا وماقيكم
تسيل تسقى نخيلاتنا
أناملنا وسواعدكم
تهد تحفر مطامير
الوطن كافة
زغاريدنا وحناجركم
زئير يرسم لآمجادنا
مسيرتنا وجحافلكم
شعاراتنا وقراراتنا
جوازاتنا وجوازاتكم تلملم لىشتاتاتنا
وعزيمتنا وصمودنا يكون
سجل تأريخ بطولاتنا
|
| |
|
|
|
|
|
|
|
|
|
Re: ما إنتي ملكة وصولجان (Re: abas)
|
يوماً تسافر لي الجنوب
يوماً تغازل في الشمال
يوماً تونّس شرقنا
والليلة ترقص في الغروب
تحضن وليدات الأسى
تمسح دميعات اليتامى
وتطفي نيران الحروب
تنشر عبق كل العطور
تكتب قصايد لي الغنا
ممزوجة بي نغم الجروف
تعزف أناشيدنا الزمان
تملانا عزة وعنفوان
الخال ودقاسم
كم هي شامخة وهي تشارك الهم والأسية مع كل معذبي بلادي
| |
|
|
|
|
|
|
| |
ودقاسم
mohammed alfadla
ست البنات
Raja
abas
ابو جهينة
فيس بوك
تويتر
انستقرام
يوتيوب
بنتيريست