|
|
 ليست دفاعا عن سودان دوت نت او سودانيز اون لاين.اريد بها حق
|
بكل ود اريد ان اكتب فى موضوع ذات حساسيه للمشتركين
ولكن اقول الحق كل الحق ولاشى غير الحق
اولالست دفاعا عن الموقعين فاصحابها جديرين بالدفاع عنهما
انا شخصيا مشترك فى المنبرين باسم فرح ولكنى فى الاول حينما اشتركت فى وجد حساسيه غير مبرره من اعضاء سودان دوت نت ضد منبر سودانيوز اون لاين وحسبتها غيره وغيره حميده
حينما اشتركت فى سودايز اون لاين وجد بعض الاعضاء يسخرون من منبر سودان دوت نت ويصفوهم احيانا بالسطحيه والذاجه والمواضيع الغير ذات فائدولكن هارج المنبر الحر بل احاديث شخصيه
منذ فتره لاحظت بوستات فى سودان دوت نت تفتح النار على سودانيز اون لاين وعلى صاحبه دون ان اجد مبرر لذلك واحيانا اقول فى نفسى ربما تكون هنالك اسباب لا يعلمها الجميع سبب هذه المعارك الوهميه
لاحظت اليوم فى سودانيز اون لاين بوستا بقلم بكرى ابوبكر فى موضوع كتب فى سودان دوت يدافع فيه عن بيان قيل فى حقه خفت ان تنتقل المعارك الى اراضى جديده
خلاصه القول ليست لدى علاقه بصاحب الموقعين غير انهم اكرمانى بالتجوال والتواصل مع ابناء شعبى فى كل مكان
انى على قناعه تامه انى هذه المنابر وغيرها مثل سودا نايل والنيلين دوت كم يجب ان نقف اجلالا واحتراما لاصحابها مثلهم مثل عبدالرحمن مختار وبشير محمد سعيد ومحجوب محمد صالح لما وفرته من منابر ديمقراطيه تتوفر شروط الحريه الصحفيه بكل معناها الديمقراطى دون رقيب
وفرت واحه ظليله لكل هاوى او محترف للادب
لكل رسام
لكل متذوق للفن
لكن من يود ان يجد خبرا وتحليلا سياسيا
وغيرها وغيرها
لذا لا ارى مبررا للخروج عن الخطوط الحمراء وللجميع الحق مكفول للنقد ولكن فى حدود. لا لهتك العروض والتنابز الغير مبرر
وهتك العروض والاسفاف
بل منابر حره ديقراطيه تعكس وجه السودانى المشرق
نتناقش فى السياسه وفى التاريخ وفى ادب الطيب صالح و نغازل اسياد اللبن فى الموقعين معاذ وبكرى و حكاوى سجيمان وبوستات تماضر وحكاوى ابو بشرى زمن الجامعه بالتوب والمدرسه بالجلابيه
نناقش قضايا التنميه والهويه والسلام والحريه والديمقراطيه فى وفى كل المنابر
هيا معا والتحيه للاخ معاذ والاخ بكرى ولك عضويه المنبرين ولكم الاحترام جميعا
|
|
 
|
|
|
|
|
|
|
|
Re: ليست دفاعا عن سودان دوت نت او سودانيز اون لاين.اريد بها حق (Re: فرح)
|
والله يا فرح انا طبعاً قريت البوست دة بيغادي
وانا معاك في بعض النقاط وبختلف معاك في أخري
في أختلافات كبيرة بين البوردين وما محتاجة جهد
كبير عشان الواحد يستدل عليها وسودانيز منبر
الصفوة مافي شك... أشكالية سودان دوت نيت أنو
بورد شات وونسات أكتر من كونو بورد فكري او
ثقافي ,, انا أشتركت فيه قبل كم سنة لكن رغم
هذا في أختلافات والبورد مليان بي الناس الفاهمة
لكن مافي طريقة أنك تقدم حاجة يستفيد منها الجميع
بصراحة البوستات الهادفة تعاني من شـح النقرات
والمداخلات لكن بوستات الترحيب والاغاني والشمارات
دي ناجحة نجاح منقطع النظير وصفحاتها بتمشي لي
تاشر صفحة ,,,انا لما أمشي بيهناك بضطر أتماشي
مع الوضعية الموجودة هناك دة لو كنت عايز يكون
عندي بوست ناجح ,, علي كل حال سودانيز وسودان نيت
بتعبر عن أصوات مجموعة من المثقفين والمبدعين بس
الابداع هنا زايد شوية كدة ,,,, وتسلم يا فرررررح
| |
|
|
|
|
|
|
|
|
|
Re: ليست دفاعا عن سودان دوت نت او سودانيز اون لاين.اريد بها حق (Re: حبيب نورة)
|
حبيب نوره اشكرك على مداخلتك وحوارك الهادئى الجميل
اود ان اشرح لك شيئا بسيطا
ان ادب وثقافه البوردات ظهرت حديثا من غير من الخوض فى افضليه الموقعين ولكن حدثت نقله كبيره فى النشر الالكترونى فى العشره سنوات الاخيره فى السودان ففتحت المواقع السودانيه ابوابها للمشتركين واصبحت تجربه جديده للكتابه والحوار والتلاقى وحتى الاحزاب السودانيه والراى العام السياسى والثقافى. و بعض المواقع قيدت الاشتراك مثل منبرنا هذا . وغيرها جعلته مفتوحا لاى شخص ولا اقول ان الغربله فى الاشتراك جلبت صفوه ولكن بكل تأكيد معيار الاشتراك يكون دائما عن طريق مواصفات مؤهلات مختلفه وقد تتدخل احيانا فيها صداقات ومعايير سودانيه لذا يكون هنالك صفوه وتمايز هذا لا يعنى ان الصفوه مقدسه فكريا وسياسيا وايدلوجيا بل احيانا قلم المثقف اخطر من المسدس
وهنالك مواقع مفتوحه مثل سودان دوت نت ترى يوميا مشتركين داخلين ومشتركين خارجين فيهم ايضا صفوه وفيهم طلاب وفيهم كل الانواع وهى فلسفه حريه ونشر قد تكون حريه مطلقه او حريه بمسؤليه وفى المنبرين هنالك رقابه واشراف ورقيب وقد تكون الاسباب اسبابا فنيا بطاقه تحمل الموقع للمشتركين ولكن الحقيقه يجب ان تقال اذا كان هنالك وعيا متقدما يجب ان نفهم ان اى موقع واى تجمع واى مجموعات تكون بتركيبات نفسيه واجتماعيه مختلفه يجب التعامل معاها بشكل ايجابى لنقود مبادره الاصلاح اذا كان لدينا وعيا قوميا يجعلنا ان نتعامل مع هذه المواقع كسودان موحد فى مختلف انحاء الدنيا ولكن يجمعهم هذا المنبر وتحسبهم جميعا وقلوبهم شتى لذا علينا ان لا نتخندق فى اى من المواقع ضد الاخر
لذا يجب ان نتعامل مع هذه المواقع بقوميه مثلها مثل العاصمعه القوميه والسودان القومى والفريق القومى
لكى معزتى حبيب وودى
| |
|
|
|
|
|
|
|
|
|
Re: نفس البوست فى سودان دوت نت (Re: فرح)
|
الاخوان فرح وحبيب نورة سلام ـ
وياحبيب نورة معليش، بس حكاية صفوة دي بالله كدي اديها صنة شوية ـ لأننا سنجد صعوبة في تعريفها وعلي أي مقياس أطلقت ! ــ اللهم الا أن كان القصد أنهم من اصطفاهم اخونا بكري اصطفاءآ ـ يعني انت مثلآ بهنا صفوة وهناك (people) ساي؟  ـ
الحاصل أن بورد السيد معاذ أكثر حرية، لأن معاذ فاكيهو مع الهوا ـ والاعضاء هناك بيتكلموا من وراء حجاب ـ وماخدين راحتهم وبذا يطلقون لسجيتهم العنان بدون تكلف ـ بينما هنا الجميع كأنهم في مؤتمر ـ وكان من المفترض أن تنتج جدية هذا البورد مواضيع مفيدة، ولكن للأسف اتضح أن للظهور بالاسماء الحقيقية مساوئ اكثر بكثير من المحاسن ـ اذ ادت لشخصنة المواضيع وأذي شديد للأعضاء خاصة الاخوات الكريمات ـ وانظر لعناوين كل صفحة هنا تجد ان معظمها معنونة بأسم أحد الاعضاء ـ ونتيجة لهذه الشخصنة ضيقة الافق صارت كل المداخلات عبارة عن معارك ومشاحنات ومطاعنات ـ أين نحن من ذلك الهندي الذي ابتكر الهوتميل ؟!!! ــ
| |
|
|
|
|
|
|
| |
فرح
حبيب نورة
Munir
فيس بوك
تويتر
انستقرام
يوتيوب
بنتيريست