|
|
 ليرتاح أبي في قبره ، وليمدد ح . ملاسي رجليه في المنبر ولتسعد بيانه
|
Quote: من طرائف "صور" البورد:
قام حسين ملاسي بسحب صورته من البروفايل و انزال صورة والده بدلاً منها ...
فقام ود قاسم بفعل الشيء نفسه ..... |
Quote: كتب ود قاسم بوسته المقروء
في قريتنا : فتوى تبقي على الكلبة المسعورة حية
و لم يكن يقصد – او يستهدف - به بيان لا من قريب و لا من بعيد
فردت بيان ببوستها المقروء
قصص الديك الممعوط و الثعلب الهرم
و لم تكن تقصد- او تستهدف - به ود قاسم لا من بعيد و لا من قريب ..... |
والدي الفلاح الذي لم يغادر بيته وأرضه إلا لأداء فريضة الحج ، انتقل إلى رحمة مولاه قبل خمس سنوات ، لم يلبس في حياته غير العراقي والسروال والجلابية والعمة والمركوب ، وكان له رأي في اللبس الافرنجي ، وهو راي يمثل ثقافة عامة في أوساط الفلاحين ، فهم يرون فيه نقصا وعيبا وخروجا عن الأدب ،،
حسين ملاسي بكلامه الذي كتبه ليجعله قفشة تبقى في هذا المنبر ما بقيت الشبكة وما بقي فيها هذا المنبر ، أساء لوالدي إساءة بالغة ،، فالزي جزء من ثقافة الإنسان ، ولا يقبل إنسان مهما كان أن تسلبه ثقافته ، خاصة إذا تعلقت المسألة بالعيب والنقصان والخروج عن الأدب ، ولو كان والدي موجودا ، ولوكان ممن يتابعون هذا المنبر ، برغم ثقتي بأن هذا ما كان ليكون ، ولن يكون ، فهو سيعتبرني أنا المتسبب في هذه الإساءة التي وجهت إليه ، وكان سيمنعني من مجالسة أناس مثل حسين ملاسي ، لأنه سيكون مقتنعا أن حسين من النوعية التي تطلق الكلام على عواهنه ، وأنه ممن يسيئون للناس بقصد أو بغير قصد ،،،
حسين ملاسي يتهمني مرة بعد مرة بمعاداة بيان ، وأنا هنا أؤكد له أن هناك عداء قائما ،، لكني دائما أتساءل ، لماذا لم يهتم حسين بمعرفة من منا الذي بدأ في استفزاز الآخر ،، والأهم أن حسين يتهمني بأني أكتب قصصا عن بيان ،، وقد نفيت هذا من قبل ، لكن حسين لم يقبل هذا النفي ، وقد غاب حسين عن المنبر ولم يعد إلا ليقول أنني كتبت قصة الكلبة المسعورة وأنني أقصد بها بيان ،، واليوم أريد أن أسأل حسين ، لماذا لا تظن بي السوء عندما أكتب عن الإنقاذ ،، أليس من الممكن أن تكون الإنقاذ عندي رمزا آخر لبيان ؟ ولماذا لا تظن بي السوء عندما أكتب عن سمير الكوز ، أليس من الممكن أن يكون سمير الكوز عندي رمزا لبيان ؟ لماذا لا تظن بي السوء عندما أكتب عن الجبهة الإسلامية وتعتبر الجبهة الإسلامية عندي رمز لبيان ؟
أنا عند حسين ملاسي مهووس بعدائي لبيان ،، لا شغل لي إلا عدائي لبيان ، وأنا عند حسين ملاسي موجود في هذا المنبر لأتشفى من بيان ،، ولأمنحه فرصة التصدي لي ولأمنحه فرصة الإساءة و ( التريقة ) على المرحوم والدي ،،
أنا يا حسين ملاسي عضو معتد على بيان ، وبيان عضو مبرأ من كل خطأ ، لكن من عينك قاضيا بيننا ،، هل هي الشجاعة التي تدعوني لتلبسها والدخول في مواجهة ؟
لترتاح يا حسين ملاسي ، أيها البطل الشجاع الواقف مع الحق دوما ، والذي لا علاقة له سابقة مع بيان ، أي انهما لم يلتقيا في حياتهما ،، أريد أن أقول لك أنني ما نمت يوما وداهمني حلم مرعب إلا وكان عدائي لبيان هو مركز هذا الحلم ،، ولم أصحو من نوم متكدرا إلا وكان سبب هذا التكدر عدائي لبيان ، ولم أكتب عن الإنقاذ أو الجبهة الإسلامية أو التخلف أو الظلامية أو الكلاب أو الضفادع أو الكيزان أو الحمير إلا وكان عدائي لبيان هو دافعي في هذه الكتابات ، ولم تكن هذه االمسميات إلا رموزا قصدت بها بيان ،،
ولترتاح يا حسين ملاسي ، ولأن كل ما أكتبه لا يخرج عن كونه يستهدف بيان ، فأنا منذ الليلة لن أكتب في هذا المنبر مطلقا ، لأريحك من التأويل ، واتهام الناس ، وما يترتب عليه من ذنوب ،، وأريح بيانك العزيزة أيضا ، وأقفل عنها هذه النافذة الذي تزعجها حسب إفاداتك أنت يا حسين ..
وليرتاح والدي في قبره ،، وليتغمده الله برحمته وبمغفرته ، وليجعل قبره روضة من رياض الجنة ..
ولا أطلب السماح ولا العفو من أحد ،، ولنلتقي هناك أمام الله عز وجل لينصفنا جميعا ،،
إذا عدت لاستفزازي بالإساءة إلى والدي أو غيره من أهلي فسأعود مضطرا للرد عليك ،، أما غير ذلك فلا ..
|
|
 
|
|
|
|
|
|
|
|
Re: ليرتاح أبي في قبره ، وليمدد ح . ملاسي رجليه في المنبر ولتسعد بيانه (Re: ودقاسم)
|
| Quote: أساء لوالدي إساءة بالغة |
| Quote: سيعتبرني أنا المتسبب في هذه الإساءة التي وجهت إليه |
مالك يا ود قاسم .... متين اسأت لوالدك يا زول ؟؟
ان كنت لم تفهم القفشة؛ لكان حرياً بك ان تتريث قليلاً و تسأل من فهمها ....
السيد والدكم – رحمة الله و احسن اليه – الدخلو شنو في الكلام الانا كتبتو ....
تفسير الكلام كألاتي يا سيد ود قاسم:
كنت انت يا سيد ود قاسم تستخدم صورة في البروفايل لشاب في العشرينات او نحو ذلك ثم اتيت بعدها بصورة حديثة لك؛ و من هنا كانت المفارقة يا سيد ود قاسم ....
طبعاً أي نكتة بيشرحوها بيتبقى بايخة يا سيد ود قاسم؛ لكن معليش لانو الموضوع كلو بياخة في بياخة؛ فما فرقت ....
و بعدين شنو لبس افرنجي و لبس بلدي و الكلام الغريب دا ....
اما ان تكتب في هذا المنبر بعد اليوم او لا تكتب فهذا راجع لك و لمن يقرأ لك ...
و ان كنت شخصياً اتوقع كالعادة التحانيس و الحركات البي الشكل دا
و ما تعودنا على حدوثه في المناسبات المشابة.
Quote: وليرتاح والدي في قبره ،، وليتغمده الله برحمته وبمغفرته ،
وليجعل قبره روضة من رياض الجنة .. |
امين
طرائف البورد
| |
|
|
|
|
|
|
|
|
|
Re: ليرتاح أبي في قبره ، وليمدد ح . ملاسي رجليه في المنبر ولتسعد بيانه (Re: Tumadir)
|
| Quote: إذا عدت لاستفزازي بالإساءة إلى والدي أو غيره من أهلي فسأعود مضطرا للرد عليك ،، أما غير ذلك فلا .. |
لن استفزك بالاساءة لوالد – رحمة الله رحمة و اسعة – او لغيره من اهلك – الكرام –
لانني لم افعل سابقاً و لن افعل؛ لا معاك يا سيد ود قاسم و لا مع غيرك ...
لذا فلن اكون سبباً في ان تجد لك سبيلاً للعودة مضطراً للرد على .....
و نشوف بعد دا حترجع تاني و لا ياهو استدرار ساكت ...
| |
|
|
|
|
|
|
|
|
|
Re: ليرتاح أبي في قبره ، وليمدد ح . ملاسي رجليه في المنبر ولتسعد بيانه (Re: ودقاسم)
|
ود قاسم
فى امثال مفيده و حيه دائمآ:
التخسه تباعة الفواتى ... هن يصفقن و هى تزغرد
و فى حالتنا هذه: هن يحرشن وهى بتكتب
و ابوك حيزعل جد لو انطبق عليك المثل:
الاهبل كفتو ... و اعتذر ليهو
ود قاسم، ابوك يستحق ان تغضب ليهو، لكن لو علم ابوك بسبب او مسببي غضبك لزاد غضبه و زجرك و ربما فك فيك المركوب، لان هناك اشياء/ناس تستحق ان نغضب لها واخرى لا تستحق سوى التجاهل و الازدراء لانها : وضيعه و رخيصه.
ربما يكون الهدف دفعك لهذا،ربما
بالمناسبه: انا ملدوغ مثلك من هذا الجحر وبنفس هذا السم و كل ما فعلته هو الشطب.
| |
|
|
|
|
|
|
|
|
 Re: ليرتاح أبي في قبره ، وليمدد ح . ملاسي رجليه في المنبر ولتسعد بيانه (Re: مراويد)
|
يا اخوانا الموضوع ده ما يمشى لى قدام اكتر من كده، الموضوع لا يعدو سوء تفاهم.
والله والله ملاسى ده اول مارجع انا اول زول هبشتو وقلت ليهو ده أنت ولا ابوك؟؟ وكمان قلت ليهو اول مرة اشوف زول ابوهو اقيف منو.
وقلت ليهو ده غياب شهر لو غبت شهرين تجيب جدك؟؟
هسه انا بعتذر ليهو بى أثر رجعى امكن أكون اتلومت فى حقو زى ماقال عثمان حسين.
يا اخوانا نطفئ النيران دى البورد ما ناقص، خلونا فى الحاجات المهمه، وهسه كل يوم يظهر واحد خائن رفاقتو وما عرفنا الخائن من البطل، قبل يومين محمد الحسن الأمين، سواها شينه والليله كمان كوستاوى جاب واحد من الزغاوة قال كلام غريب.
الواحد بقى ما فاهم حاجه.
| |
|
|
|
|
|
|
|
|
|
Re: ليرتاح أبي في قبره ، وليمدد ح . ملاسي رجليه في المنبر ولتسعد بيانه (Re: ودقاسم)
|
| Quote: فأنا منذ الليلة لن أكتب في هذا المنبر مطلقا ، لأريحك من التأويل ، واتهام الناس ، وما يترتب عليه من ذنوب ،، وأريح بيانك العزيزة أيضا ، وأقفل عنها هذه النافذة الذي تزعجها حسب إفاداتك أنت يا حسين |
ود قاسم سلام
انت ريحة اللابري جننتك ام الحاصل شنو
تمشي وين يا زول
اكتب كما يحلو لك وليفهم كل على وضعه كلباَ أو دحشاً أو عالماً أو مؤدباً أو قليل أدب أو قل فليفهم على هواه
| |
|
|
|
|
|
|
|
|
|
Re: ليرتاح أبي في قبره ، وليمدد ح . ملاسي رجليه في المنبر ولتسعد بيانه (Re: yasiko)
|
رحم الله والد ودقاسم وجعل الجنّة مثواه وأنزله منزلة الأبرار والصديقين والشهداء،
... لم يخامرني الشكّ لحظة واحدة في أنّ ملاسي قصد الملاطفة بتعليقه ذاك، وما سبب (عدم المخامرة هذا) إلا متابعتي لكتابات ملاسي السابقة التي ما انطوت إلا على تأدّب وتعليقات لطيفة تخرج بالمرء من تجهّم المنبر الحرّ وأجواءه القاتمة، ويقيني أنّ (ودقاسماً) لو طلب منه سحب العبارة -لاعتبارات خاصّة- لما تردّد لحظة واحدة في سحبها، كان هذا -في رأيي- أفضل من تخصيص بوست بعنوان يشير لإساءة -لا محلّ لها- لوالد ودقاسم رحمه الله رحمة واسعة وجعل الجنّة مثواه، ما الذي -بالله عليكم- يجعل حسيناً يتعرض بالسوء لوالد ودقاسم رحمه الله؟! وما الفائدة التي تعود عليه من ذلك أصلا؟ ثمّ إنّي ألمح بين سطور ودقاسم حديثا عن (سلب الثقافة والسخرية من الزيّ البلديّ وعيباً وخروجاً عن الأدب) ولا أدري إن كان اختلط عليه حابل عبارة ملاسي بنابل عبارة أخرى وردت في مقال آخر كتبها كاتب آخر! قد حمّلت يا ودقاسم عبارة ملاسي ما لا تحتمله بتسرّع -لم أعهده فيك- جعلك تلوّح بالمغادرة من المنبر الحرّ، ربما كان السبب الرئيس وراء هذا المقال هو الحديث عن المقالات المتبادلة بين ودقاسم والدكتورة بيان، فإن لم يرق لودقاسم هذا التخمين الملاسيّ فقد كان حريّاً به النفي بدلاً عن خلط الأوراق وإظهار حسين بمظهر الخارج عن حدود الأدب،
وأخيراً فإن تلويح ودقاسم بالمغادرة لن يعدو كونه تلويحاً، والحقّ أنّي أفضّل بقاءه رغم اختلافي الجوهريّ معه، وأشهد له بالتزامه جانب إبداء رأيه بأدبٍ مطلوبٍ في منبرنا الذي قرأنا فيه فاحش القول وانتهاك الأعراض والتشهير بالمخطئين والخاطئين، وهي أمور منكرة لم يدنّس ودقاسم بها مقالاته، أرجو صادقاً أن تكون تعقيبات الزملاء على قدرٍ من التعقّل يجعلها في خانة إصلاح ذات البين بدلاً عن صبّ الزيت على النار المشتعلة...
انصفوا حسين ملاسي وانفوا عنه ما اتّهم به...
طالبوا ودقاسم بالبقاء وترحّموا على روح والده وادعوا له بحسن الثواب...
وعن نفسي...
أطالب حسيناً بسحب عبارته التي رآها ودقاسم مسيئة لوالده رحمه الله -رغم أنّي لا أراها كذلك-، على أن تقوم الإدارة بحذف هذا المقال المسيء لحسين ملاسي، وبهذا وحده تنجلي هذه المعمعة وكأنّ شيئاً لم يكن.
أحمد الريّح
_________________________________________________________________________________________
تعرف يا حسين: بعض الناس يعتبر مجرّد ذكر أحد والديهم إساءة بالغة تغضبهم أيّما غضب، وتنبّه معي لأنّ هذه المرة الأولى التي يلوّح فيها ودقاسم بترك المنبر مما يعني حقيقة تأثّره بالعبارة التي ما قصدت أنت بها إلا المداعبة كما أرى، من هذه الزاوية أرجو أن تجد العذر لودقاسم وألا تنساق وراء بعض التعقيبات التي لا تؤدي إلا لاتساع الشقّة بدلا عن رقعها، والله من وراء القصد.
| |
|
|
|
|
|
|
|
|
|
Re: ليرتاح أبي في قبره ، وليمدد ح . ملاسي رجليه في المنبر ولتسعد بيانه (Re: Ahmed Alrayah)
|
هل تتصور فعلاً يا احمد الريح و كمال عباس ان يكون السيد ود قاسم
قد غاب عن فطنته فعلاً المعنى المقصود ....
ربما ....
و ان كا ذلك قد حدث فعلاً فانني اعتقد جازما؛ و ما سبب (عدم المجازمة هذا)
الا يقيني من وضوح مدلول الجملة التي كتبت؛ و اعتقد ان السبب الحقيقي
لثورة السيد ود قاسم هو قيامي بعمل اقتباس لجملة اساسي هذه:
| Quote: ود قاسم البوست دا اهداء ليك دي مدرسة في المواجهة المباشرة والضرب فوق الحزام شنو ماسك ليك ولية بهناك وشابكنا ظلامية ومطاعنات وساكي ليك شافعة شتتي شتتي تعال شوف الفتوات بتقابلوا كيف ... |
Re: لماذا يكذب الاخ فتحي البحيري ؟
المهم الموضوع بصراحة ما جايب تمنو ... بس ياهو حال البورد ....
| |
|
|
|
|
|
|
|
|
|
Re: ليرتاح أبي في قبره ، وليمدد ح . ملاسي رجليه في المنبر ولتسعد بيانه (Re: ودقاسم)
|
الأخ/ العزيز ود قاسم.
مهما حصل يا عزيزي لا يمكن أن تغادر هذا البورد ابداً. أنت رجل مهم جداً في هذا المنبر.
مهم لكشف هولا المجرمين وتجار الدين. والقضية يا عزيزي هي أن هناك من يريدون أن يشغلون الناس بقضايا انصرافية سخيفة فيها همز ولمز ومطاعنة وأمور شخصية لا علاقة لها
بالجرائم التي ترتكبها حكومتهم في السودان. يجب أن تبقى لكشف حكومتهم المجرمة وتعريتها
حتى يهربوا من هنا ويهربوا من السودان نفسه. أرجوك أن تبقى يا ود قاسم فمازال الطريق طويلاً ووعراً.
دينق.
| |
|
|
|
|
|
|
|
|
|
Re: ليرتاح أبي في قبره ، وليمدد ح . ملاسي رجليه في المنبر ولتسعد بيانه (Re: ودقاسم)
|
الأخ/ العزيز ود قاسم.
مهما حصل يا عزيزي لا يمكن أن تغادر هذا البورد ابداً. أنت رجل مهم جداً في هذا المنبر.
مهم لكشف هولا المجرمين وتجار الدين. والقضية يا عزيزي هي أن هناك من يريدون أن يشغلون الناس بقضايا انصرافية سخيفة فيها همز ولمز ومطاعنة وأمور شخصية لا علاقة لها
بالجرائم التي ترتكبها حكومتهم في السودان. يجب أن تبقى لكشف حكومتهم المجرمة وتعريتها
حتى يهربوا من هنا ويهربوا من السودان نفسه. أرجوك أن تبقى يا ود قاسم فمازال الطريق طويلاً ووعراً.
دينق.
| |
|
|
|
|
|
|
|
|
|
Re: ليرتاح أبي في قبره ، وليمدد ح . ملاسي رجليه في المنبر ولتسعد بيانه (Re: ودقاسم)
|
لكننى "اصالة عن نفسى" واطن نيابة عن كل من اعزك وقدرك وتابع خيط فكرك ...وحركاتك وسكناتك فى الكتابة ....لن ...اسمح لك بالذهاب...
ستبقى يا ودقاسم لانك صمام امان معظمنا....واخونا...
لن اسمح لك لانك "قريبى" ولا ترد لاقربائك طلب.. وهذه هى ورقتى الاخيرة ..التى اضعها فى تربيزة اقناعى لك....و"شبكتى" فى عضويتك حتى القاع....
ما حتمشى بعد ده مش؟؟؟؟
نحن نحبك
يا خال الكلمة دي تكفيك لتبقي معانا وبث
| |
|
|
|
|
|
|
|
|
|
Re: ليرتاح أبي في قبره ، وليمدد ح . ملاسي رجليه في المنبر ولتسعد بيانه (Re: بدرالدين شنا)
|
و هنا أدرك البوست النهاية فسكت عن كلام البداية
أعزائي ود قاسم و حسين ملاسي
لتعلموا علم اليقين .. أنه لولا معرفتي الكاملة لكما لكنت قلت أن هذا النزاع هو بداية شرارة أخرى .. تأتي على أخضر هذا المنبر و يابسه الذي أصلا هو محروق و لم يتبق غير جذوعه و جذوره ..
أناشدكم .. مناشدة أخ لأخويه أن تكفا عن هذا .. و أت تعرضا عنه .. و لا تجعلا لسوء التفاهم أن يكبر و يتسع و محاولة لملمة الموضوع ..
أنأ اعرف ود قاسم .. قلبه أكبر من حجم الباندويدث بكثير
و أعرف حسين ملاسي .. بأن شرايين قلبه أكثر من كابلات الكمبيوترات الموصولة بهذا البورد
و أعرف أن لهما عقول تتسع للإعتذار و الصفح و إيجاد العذر للمخطيء حتى و إن لم يوجد
هل لنا بعناق حار و صفح كشيمة الكبار و العقلاء و القدوة الحسنة ؟؟
| |
|
|
|
|
|
|
|
|
|
Re: ليرتاح أبي في قبره ، وليمدد ح . ملاسي رجليه في المنبر ولتسعد بيانه (Re: ودقاسم)
|
أخي وصديقي ودقاسم..
لن أزيد عما كتبه الزملاء أعلاه بما يعنيه تواجدك هنا سوى ان مسألة توقفك هذه ناسفة لمبدأ "لا للإضراب" لأنك ممن يؤمنون بضرورة المكوث واستئصال سرطان الاسفاف..
ملحوظة: لا اتفق مع من ذكر ان ملاسي كان بريئا في مقصده.. ولمعرفتي بكتاباته فهي كما يقول المثل "سواقة الهبل على الشيطنة".. المقصود حسب البوست ليس التريقة على والد ود قاسم وانما تلميحات غير عطرة لود قاسم نفسه..
مررت بتجربة مماثلة معه واعرف كيف يوصل ما يريد بالطرق غير المباشرة والتي للأسف تقرًها ادارة البورد وتغض عنها الطرف الأمر الذي سيحولنا جميعا في النهاية إلى التعامل بها.. "ونجي ببراءة نقول كنا بنهزر" او "قصدنا كان حسنا"..
رحم الله والدك يا ود قاسم.. ورحمنا جميعا..
| |
|
|
|
|
|
|
|
|
|
Re: ليرتاح أبي في قبره ، وليمدد ح . ملاسي رجليه في المنبر ولتسعد بيانه (Re: هاشم نوريت)
|
الأخ الفاضل ودقاسم
لا نريدك أن تذهب .. و لو خيرت فى أمر هذا البورد لألغيت يمايسمى الطرد أو الفصل لأنها سياسة تضعف الديمقراطية .. فليبق الكل .. الغث و الثمين .. فمن لا تعجبنا كتاباته فلا ندخل بوستاته .. البوستات تبقى بفكرها و يذهب الزبد جفاء
لقد كنت هناك .. فى طرائف البورد .. وما أورده الأخ ملاسى قرأته كطرفة كغيرها .. لو أورده فى بوست منفصل ربما حاولت أن أقرأ ما وراء السطور .. رغم إدراكى المسبق أنه لا وراءها إلا هذا الشاشة الجامدة
أخى ودقاسم .. لا نريدك أن تذهب .. نريد ان يبقى فى هذا المنبر الشئ و ضده .. الضد و ضده .. الشئ "وشيئه" .. لكى نتبين من الأخطاء الطريق الصواب
| |
|
|
|
|
|
|
|
|
|
Re: ليرتاح أبي في قبره ، وليمدد ح . ملاسي رجليه في المنبر ولتسعد بيانه (Re: ودقاسم)
|
رجاء او رجه
كعادتك صريحه و واضحه و ما بتخافى،و ده الجايب ليكى المشاكل و الهكر،لكن اخير النتهكر و اخر اليوم نرقد فى سريرنا والواحد مطمئن انو ما نافق او داهن زول.
تعرفى من اكتر الصفات البتعجبنى فى بعض الشعوب وعندنا فى السودان خاصه عند الجنوبيين و سكان الارياف هى وضوحهم و مباشرتهم وقلة اللف والدوران، والتى يجدها سكان المدينه الوسطيه مدعاه للضحك والتريقه،المدينه في ثقافتها قدر من الدهنسه والتملق و تبويس الدقون.
وبما انى ريفى جلف اخش فى الموضوع.
احمد الريح:
لا توجد تعقيبات، يوجد تعقيب من مراويد، انت ما حتبطل لولوه و مضاراه لما تكون عاوزا ، ما تتكلم عديل يا زول.
حسين ملاسي:
رجاء نفذت لجوهر الموضوع، الرجل فعلا لطيف ومضحك وذكى و مطلع، ليس له خصوم او اعداء فى هذا المنبر واشك فى ان يكون له خصوم فى مكان مع اللسان البنقط عسل ده، لكن ماذا يختفى خلف هذا اللطف والظرف؟ و مشكلتى انا مع حسين ملاسي شنو؟ وليه ايدت كلام و فهم ودقاسم؟؟
مشكلتى مع الرجل بدات بمايبدو كسؤ فهم عادى قد يحدث بين اى شخصين، حسين اعتقد انى اكتب باسمين ،باحدهما الاطفه و بالاخر انابذه. هنا التفاصيل وهى هامه لتوضيح الحدث لكن الاهم هى توضح الشخصيه و طريقة حلها للامور:
القصه بدات فى البوست ده
Re: الفيك بدربو والعيب اقدلبو .......
ود الجيران كتب
Quote: التخسة يا ملاسي ... التخسة تباعة الفواتي .. هن يصفقن وهي تزغرد.
سمعتا المثل دا قبل كدة؟ |
رد حسين
Quote: ايوا سمعتا بيهو يا مراويد ......
اديني شوية كدا عليك الله اتأكد لي من حاجة و بجيك راجع ...... |
خش هوبلس
Quote: الفوله انقسمت نصين
وبجيك بالخبر اليقين
ارقد مخزن |
رد حسين
Quote: رزقا تكوس ليهو و رزقا يكوس ليك ......
يمكنك ان تخدع بعض الناس بعض الوقت
او كل الناس بعض الوقت
او بعض الناس كل الوقت
و لكن لا يمكنك ان تخدع كل الناس كل الوقت
مش كدا يا بروف......
|
رد مراويد
Quote: يا حسين ملاسي يا اخوى شايلا معاى كده بدون سبب
و الكلام ده ما قلتو قالو الاخ "ود الجيران"
فعلا لا يمكن ان تخدع بعض الناس و لا كل الناس
و من غشنا ليس منا
و لا شنو يا حسين
كتر خيرك على كل حال
|
تدخلت بيان
Quote: ود العم ولدى هوب
كيف الكلام دا؟
خبرة فى تصحيح كراسات الانشاء
بمعدل 100 كراس فى الاسبوع
فى 7 سنة..
كتلتو ولا لع
المثل بتاع اليوم
ياهو ذاتو بذاتو وصفاتو
وافق شن طبقة |
رد حسين
Quote: و اقول انا
ليس في امكاني ان اقنعك؛ انني لست عويرا !!
و هذه حفنة جديدة من الامثال المتنوعة :
الجزاء من جنس العمل ....
كما تدين تدان ....
يمهل و لا يهمل
و التسوي كريت في القرض تلقا في جلدا
كاتل روحو مين ببكيهو
ما قولتو نوبة
و ......... الفيك اتعرفت
|
لاحظ الteam wrok النضيف ده،تقول لى ما عندى كوم!!!! كوم بصل مزوبر
وطبعآ صاحبنا مشي بى ورا واكدو ليهو انو مراويد هو ودالجيران، واعنى هوبلس وبيان
فى بوست خدر
Re: واحد احساس مظبوط من فضلك حاول حسين ملاسي التظارف معى مره اخرى
Quote: و هاكم دي كدا على الماشي لحدي ما ارجع:
مراويد يا ود الجيران |
وبما انى ريفى جلف و لا افهم فى اللولوه كان هذا ردى لحسين هكذا، وهذا الرد ارسلته له بالماسنجر قبلها لكنه تجاهله
Quote: السيد حسين ملاسي
تحيه طيبه
كنت اتمنى ان نقفل الموضوع ده لى هنا، انا ليست لدى رغبه و لازمن لمتابعة هذه المطاعنات والتلميحات التى كررتها مرارا تتهمنى بانى و عضو المنبر ود الجيران شخص واحد يعاملك بطريقتين ان سالتك مرتين بطريقه مباشره وحتى اللحظه لم ترد على سؤالى و واصلت فى تلميحاتك هذه.
عموما لا يهمنى كثيرا ما تعتقده، من باب المعلومه فقط اختر اى واحد تثق فيه من هؤلاء الاشخاص ليؤكد لك المعلومه . حسب استنتاجى من بوست سابق ان الاخ ود الجيران فى اوستراليا وانا فى مكان اخر،اسال الاشخاص اعلاه،اضافة انا لم ادرس معك بل درست فى السودان و لم نتقابل حتى اللحظه.
كنت اتمنى ان نتعامل بشكل ناضج ومسئول وانسانى...لكن للاسف .
واهو الواحد بتعلم لسه من تجاربو.
وبالنسبه لى الموضوع ده انتهى لى هنا وانت حر فى ما تراه
مع تقديرى |
ماذا كان رد السيد حسين بعد كل هذا
Quote: يا مراويد شنو ياخي يعني الزول تاني ما يهظر معاك و لا شنو .... شنو ياخي ما ختينا ليك وش
ضاحك و غامز .. يعني الا نجي نكلكلك يا بروف و لا شنو .... خلاص يازول متأسفين جدا و تاني ما
حنكرر الحكاية دي ابدا بس ياخي Take it easy ... و الله لا جاب زعل ياخي؛ كفاية البلاوي الفي
البورد الايام دي و البيناتنا عامرة يا مرمر ...
شفتا بيدلعوها كيف يا خدر
|
و فى الاخر القصه كلها طلعت هزار، لا ياخى؟؟؟ لو ان حسين امتلك شجاعة القول انه اخطا وان "اصدقاءه و صديقاته او بلغة المتخصصين كومو ضللوه لهان الامر، لكنه اعتقد ان قصة الاستهبال و الاستعباط دى الممسحه بالظرافه ممكن تمشي على اى زول، يا شفت انحنا طيبين و ظراف لكن ما هبل.
اما عن طريقة حسين فى لولوة المواضيع و توجيهها لوجهه اخرى مستفيدآ من وضعه كشخص يبدو محايد و موضوعى و "غير مسيس" فهاكم النموذجين ديل فقط لضيق الوقت:
فى بوست
Re: هل هناك علاقة بين أستهداف تماضر ورجاء وحجب سودانيز أون لائن ؟؟؟
حول اسباب حظر الموقع فى السودان كتب خضر عطا المنان
Quote: احبتي الكرام : كل اعضاء وزوار هذاالموقع الوطن
أقول لكم وبكل احترام لكل ماقيل وسيقال حول موضوع حجب سودانيزاون لاين :
انني انا العبد لله الضعيف ( خضر عطا المنان ) من يقف وراء قرار المسمى الطيب مصطفى الشؤم هذا .. لكني انتظر هدوء العاصفة والخواطر من قبلكم جميعا يا احبتي والان اتابع بتركيز وتؤدة .. ويومها وبتواضع من يريد الخير لوطنه ودفع ثمنا باهظا من اجله سأكشف لكم تفاصيل كل شئ
ولا ازيد ..... ولكم المحبة جميعا
خضر عطا المنان |
رد حسين
Quote: الاخ كمال عباس
تحياتي
اجدني اتفق مع الاخ خضر عطا المنان؛ و ارحج ان وجود اسمه ضمن كتاب سودانيزاونلاين
هو السبب المباشر - و قد يكون الوحيد - الذي ادى لحظرها في السودان ......
مع تقديري لجميع و جهات النظر الاخرى ... |
من حق الاخ خضر ان يعتقد ذلك، لكن ما مصلحة حسين وهو رجل فطن وذكى ومتابع، فى تاكيد هذا الاعتقاد؟؟؟ ويعلم ان هذا قطعآ ليس السبب الرئيسي على الاقل.
النموذج الثانى و هو الاوضح:
حاول المؤرخ حسين التاريخ لبدايات الانفلات فى المنبر فى هذا البوست
Re: أُكلتم يوم أُكل البطيخ الاحمر ......
،اختار عنوان للموضوع اكلتم يوم اكل البطيخ الاحمر، ركز هنا على الاحمر ، واختار كحدث بارز بوست د.صدقى كبلو المعروف بانتماءه للحزب الشيوعى "الاحمر "
Quote: اعتقد يقيناً بان تاريخ هذا البورد يمكن تقسيمه لقسمين:
الجزء الاول : ماقبل بوست الاخ صدقي كبلو عن قضية المشرف
الجزء التاني: ما بعد بوست الاخ صدقي كبلو عن قضية المشرف
و ما تبع ذلك من تداعيات؛ لا اظن ان البورد سيجتازها؛
فقد قيل ان الطلقة بعد خروجها من ماسورة البندقية
لا يمكن لها أن تعود.
لماذا اركز على بوست الاخ صدقي كبلو تحديداً دون سواه؟؟
اولاً: كان هو اول بوست يكتب عن موضوع المشرف
ثانياً : الاخ صدقي من القلة النادرة التي اعرفها قبل انضمامي للبورد
– قطعاً لا يذكرني او يعرفني –
فقد عملت في منتصف التمانينات لفترة مؤقتة في المجلس القومي للبحوث
– الابحاث الاقتصادية و الاجتماعية – و كان حينها الاخ كبلو من اعمدة المركز.
و اذكر – استطراداً- بكثير من التقدير و الاحترام كل من الدكاترة العاملين في القسم حينها:
بدور عثمان ابو عفان - فقد كانت المديرة حينها
محمد ادهم – الذي عملنا تحت اشرافه في تلك الفترة –
سامية النقر
حسبو
نوري
حسن جاد كريم
صغيرون
كما اذكر بكثير من التقدير زميلتي – حينها - عواطف عطا المنان ؛ قبل التحاقها بوزارة الزراعة.
لذا؛ و لانني اعرف صدقي كبلو؛ فقد استغربت – و ما زلت – لايراده ذلك البوست ....
والذي كان اقرب ما يكون " لابن حلال يفتح الباب " .... و بعدها انطلقت البوستات تلو الاخرى ....
و انطلقت المفردات و التعبيرات دون ضابط او لاجم ..... و كان ما كان من تردي اصاب البورد
و اصاب اداب الخصومة فيه.
|
وهكذا يبتلع اى غافل الطعم،والرساله واضحه بذكاء عالى وهو يعرف بدقه اين يضع كل كلمه وايحاء و رمز.
وفى مقابل تلبيس د.كبلو "الاحمر" وبوسته مسئولية هذا الحدث التاريخى والتحول الرهيب فى البورد (التقول قبلها البورد كان جنه) فى المقابل اخرج ومعه بيان بوست كامل يحنن ويقطع القلب للتشكيك فى قضية التجانى المشرف وهو
بأمى انت وابى يا مشرف... يا ويلنا لو كنت مظلوما..
مستغلين ايضآ حادثة د.حيدر بدوى واتهامه ظلمآ فى قضيه اخرى، متناسين او محاولين اجبار الاخرين على النسيان ان التجانى حوكم وادين وهرب عكس د.حيدر.
اما ان حسين يقوم بمهمه نيابة عن بيان فلا تحتاج لدليل و عناء كبير، راجع بوست مواقف مضحكه و شوف اختياره لبوستات ودقاسم وجملة اساسي المختاره بعنايه وحرفنه و خبره ، ولما اختارت بيان بوست حسين "الرجال الدلاليك" لتطاعن ود قاسم و لتطق الرورى مناديه حسين ليدعم حملتها ضد ودقاسم، واخو البنات ما قصر!!!! و طبعآ الموضوع كله هزار ساكت!!!!! هسه الرجل الدلوكه منو بالله.
الهزار بنعرفو كويس وامشو اقرو هزار سجيمان و شنا وشيرى وبت قضيم و ابو جهينه و غيرهم ديل لو شتموك عديل بتكون عارف و فاهم الفى قلبهم شنو، اما الخبث واللولوه والمطاعنه دى عندها ناسا "البهظروا ساكت" لما ينزرو.
ده كلو ما مهم، لانو ده نموذج لشخصيه وجدت و موجوده و ستوجد فى اى مجتمع، وانا لا احمل شئ تجاه حسين لانو لم يعد بينا شئ اصلا لانى لا اتحمل التعامل مع انسان بمثل هذه الصفه،المهم بالنسبه والمزعج هو ثقافة المجتمع وتهاونا مع هذا النموذج لو كان من باب الغفله (يا كمال عباس) او السذاجه او الغباء او الطيبه (وتعنى عند المصريين الهباله) او الخبث المشترك، او لاننا انحنا السودانيين كذا و كذا.
اكرر الموضوع ما بستاهل الا فى حدود التامل فى البشر و الكائنات
اتمنى ان يعود او يواصل ودقاسم هنا،وساظل اقرأ بوستات حسين واستمتع بخفة دمه حين تخلو من الخبث والاجنده الخفيه
الباب مفتوح لفعلة الخير و كاسرى رقبة الحقائق ومحترفى اللولوه
الخبيث و مدبر الفتن والمكائد وموسع الشقه
مراويد
| |
|
|
|
|
|
|
|
|
|
Re: ليرتاح أبي في قبره ، وليمدد ح . ملاسي رجليه في المنبر ولتسعد بيانه (Re: ودقاسم)
|
Quote: واخو البنات ما قصر!!!! و طبعآ الموضوع كله هزار ساكت!!!!! هسه الرجل الدلوكه منو بالله.
الهزار بنعرفو كويس وامشو اقرو هزار سجيمان و شنا وشيرى وبت قضيم و ابو جهينه و غيرهم ديل لو شتموك عديل بتكون عارف و فاهم الفى قلبهم شنو، اما الخبث واللولوه والمطاعنه دى عندها ناسا "البهظروا ساكت" لما ينزرو.
ده كلو ما مهم، لانو ده نموذج لشخصيه وجدت و موجوده و ستوجد فى اى مجتمع، وانا لا احمل شئ تجاه حسين لانو لم يعد بينا شئ اصلا لانى لا اتحمل التعامل مع انسان بمثل هذه الصفه،المهم بالنسبه | Quote: والمزعج هو ثقافة المجتمع وتهاونا مع هذا النموذج لو كان من باب الغفله |
(يا كمال عباس) او السذاجه او الغباء او الطيبه (وتعنى عند المصريين الهباله) او الخبث المشترك، او لاننا انحنا السودانيين كذا و كذا.
| Quote: اكرر الموضوع ما بستاهل الا فى حدود التامل فى البشر و الكائنات |
اتمنى ان يعود او يواصل ودقاسم هنا،وساظل اقرأ بوستات حسين واستمتع بخفة دمه | Quote: حين تخلو من الخبث والاجنده الخفيه |
الباب مفتوح لفعلة الخير Quote: و كاسرى رقبة الحقائق ومحترفى اللولوه
الخبيث و مدبر الفتن والمكائد وموسع الشقه |
مراويد |
مراويدك حُمُر
آخر العلاج الكي
لله درك
| |
|
|
|
|
|
|
|
|
|
Re: ليرتاح أبي في قبره ، وليمدد ح . ملاسي رجليه في المنبر ولتسعد بيانه (Re: yasiko)
|
موبالغة لكن؟؟!!
دا كلو شايلنو على قلوبكم
لا حولة ولاقوة الا بالله
مساكين والله
بالله نحنا عاملين دا كلو
يا حبايبى قطعتو قلبى والله
نستاهل الضبح والكتل و السحل
دا نحن ساييطين الواطة كان كدى
مخربين جنتكم الحلوة حفيركم النضيف السمح معكرينو
وحامينكم من النضال فى البورد والبالتوك
طبعا ناس الحاكومة مفرغنى بمرتب 10 الف دولار
عشان اوقفكم من النضال واعرقلكم واطاعنكم وانبذكم
ويلا انتو تخلو النضال وتقعدو تكافحو فوقى
يلا تتطبخو فى السم وانا ما مت
شوفتو قط بسبعة ارواح
و يلا الحاكومة تكون فرحانة منى عشان شاغلة
الناس هنا منها ..
اها بلا تقوم تشغلنى سفيرة فى السايبر اسبيس
اكون اول سفيرة فى السايبرسبيس سودانية
يلا يجى زول كدا فااااااااااشل وتعباااان
يتعقبنى ليك بعوارة منقطعة النظير عشان شغلونى وخلوه هو
يلا بلا تجأر الخلق من انى شاغلاهم شديد شديد
ومنجضاهم حيين..
تعبتا خلاص بكرة
بالله لو فى زول عنده حلاوة حربة يديها للحنكوشى الدقلوشى حلاتى وا حلاتى دينق دا..
يلا دينق بالله ورينا حررت ياتو مدينة وخدمتا بلدك كيف عشان نتنور
لانى جد بقيت اشك انه راجل بالغ
| |
|
|
|
|
|
|
|
|
|
Re: ليرتاح أبي في قبره ، وليمدد ح . ملاسي رجليه في المنبر ولتسعد بيانه (Re: ودقاسم)
|
الأخ العزيز/ مراويد.
في الحقيقة كل الذي نقلته أنا أعتبره بالنسبة لي شئ معروف منذ زمن بعيد, فالعضو حسين ملاسي يمارس طريقة سخيفة وغير معهودة في المطاعنة والهمز واللمز مع بعض الأعضاء.
وطبعاً بمشاركة العضوة الأخرى بيان.
لكني يا مراويد ألوم بقية الأعضاء الذين تعرضوا لمثل هذا الهجوم المغطى . يجب عليهم مواجهتهم وفضحهم. كما تفعل أنت وغيرك وكما ترى, مثل ملاسي وبيان أنهم يريدون أن يغيروا مسار الحوار الدائر بالبورد لمسار أخر لا علاقة له بالقضايا الأساسية التي تناقش هنا. والدليل على ذلك يا مراويد ما هي مواقف ملاسي وبيان من قضايا الوطن الأساسية بالبورد وكم بوست كتبوا عنها؟ وذلك مقارنة مع ما يكتبونه من همز لمز ومطاعانات فارغة. تحياتي لك يا مروايد وللأخ العزيز ودقاسم لكل الشرفاء والوطنين بالبورد. وأنا مازلت متمسك بعودة ودقاسم للبورد.
دينق.
| |
|
|
|
|
|
|
|
|
|
Re: ليرتاح أبي في قبره ، وليمدد ح . ملاسي رجليه في المنبر ولتسعد بيانه (Re: Hussein Mallasi)
|
Quote: كان بعض "شباب الوطن" يهتفون عقب الانتفاضة :
ما قال بيجي ..... مالو ما جا ........
و اظن ان هتافهم قد يتغير بعد يومين تلاتة ل :
ما قال ما جاي ..... مالو جا ..... |
انت هسه بتكاوى فى الراجل لانو قال مابرجع؟؟ يا ولد ما تختشي وخلى عندك شوية دم وحياء ود قاسم ده ممكن يكون زى عمك او خالك او اخوك الكبير، ولمتين حتقعد تت... للتانيين
وين احمد الريح والملولواتيه خلى يشوفو زولم ده، قال ما قاصد حاجه، اختشوا كلكم مره واحده وقولو الحق
ياسيكو دى ما هباله و لا كشكشه
دى اسمها سخافه و وقاحه و خيابه وقلة ادب
| |
|
|
|
|
|
|
|
|
|
Re: ليرتاح أبي في قبره ، وليمدد ح . ملاسي رجليه في المنبر ولتسعد بيانه (Re: yasiko)
|
عزيزنا ودقااااااااااااااسم زول الجزيرة حبابك وما المره الفاتت مارضتك الكلمة دي وفهمتها غلط لدرجة منعتني من الرد عليك
لا اوافقك على تركك للمنبر الحر ولابد من تواجدك رغم الاختلاف
العزيز الضلااااامي احمد الريح قد قلت فافدت وكان عرضا جميلا وفنا راقيا من فنونك المعهودة ولا ن مايحدث بين السيدين ورغم انهم اكبر سنا منا الا انه لا يحدث في الاوضاااع العادية
لك التحيه اخي احمد
| |
|
|
|
|
|
|
|
|
|
Re: ليرتاح أبي في قبره ، وليمدد ح . ملاسي رجليه في المنبر ولتسعد بيانه (Re: ودقاسم)
|
العزيز ودقاسم،
تحيه ، أولا ، و رحم الله والدكم.
و اتمنى الا يكون هنالك مايدفعك لعدم المرابطه فى هذا المنبر.
ولك الود، و لن أنكر أن الحاقك (بصورتك الحديثه) اضفت الكثير من (الرهبه لدى) و استطعت أن أفهم لماذا يناديك الجميع بالخال ودقاسم، فأنت تشبه خيلانى الأعزاء،
فيا أيها الخال العزيز هون عليك ، و عليك بفنجان قهوه مظبوطه لتظبط الراس و نراك قريبا...
لك الود، و الحب ثانية أيها الخال العزيز.
| |
|
|
|
|
|
|
|
|
|
Re: ليرتاح أبي في قبره ، وليمدد ح . ملاسي رجليه في المنبر ولتسعد بيانه (Re: Hussein Mallasi)
|
رسالة صادقة للسيد ود قاسم؛
اتمنى ان – صادقاً و لست متهكماً هذه المرة – تعود لمنبر ....
فبقائي في المنبر سوف لن يستمرلاكثر من الاسبوع الاول من شهر اكتوبر؛ و ان رأيت ان تأتي بعد ذلك فلك ما ترى ....
و تقبل اعتذاري على ذنب لم اقترفه بحق المرحوم والدكم ....
و جيب راسك نبوسها ...
و لو كنت قريب كنت جيتك و استسمحتك - على ذنب لم اقترفه -
و شكراً يا حمزاوي و يا جلال
و جميع السادة محاضر الخير
و اتأسف لكم جميعاً و للسيد ود قاسم ولنفسي من قبل و من بعد
| |
|
|
|
|
|
|
|
|
|
Re: ليرتاح أبي في قبره ، وليمدد ح . ملاسي رجليه في المنبر ولتسعد بيانه (Re: Hussein Mallasi)
|
برضو صفاق فواتى وشنو ما عارف
الجمل ما بيعرف عوجة رقبتو...
ان الفواتى هى مسألة نسبية.. تعتمد عن اى فواتى تتحدث
فمثلا انا من الجهة التى انظر منها.. شايفة كمية من الفواتى
وانت برضو شايف من جهتك كمية من الفواتى..
ايام الكمسمول ما وروكم حاجة اسمها النقد الذاتى؟
سؤال من انزل صورة القرد فى بوستى طابخ السم؟
فى حماك ربنا......
طبعا عاد الفرسان اخوان عازة ماشاء الله عليهم واقفين للحراسة
والرد..
يلا بالله فضفضو تانى شنو ومنو قال لمنو شنو وليه
ووقلت لى الوردية كانت عند منو فى بوست طباخ السم؟
وحلالالالالالالاتكم
| |
|
|
|
|
|
|
|
|
|
Re: ليرتاح أبي في قبره ، وليمدد ح . ملاسي رجليه في المنبر ولتسعد بيانه (Re: bayan)
|
رحم الله والد ودقاسم وجعل الجنّة مثواه وأنزله منزلة الأبرار والصديقين والشهداء،
يا للبؤس
لا ادري اي هموم هذه التي يحملها مثقفينا ؟؟؟
ففي الوقت الذي يصارع اهلنا بدارفور والحنوب والشرق والشمال الموت نجد مثقفينا يتتطاعنون ويتهامزون ويتغازلون ؟؟؟؟
يا رب متى يزول هذا الظلام وتشرق الشمس من جديد ؟؟؟
نصحتهم بمنعرج اللوا فلم يستبينو النصح الا في ضحى الغد
واي ضحى فقد اظلمت شمسنا وتابى الظهور من جديد ولماذا تظهر وهذا حالنا؟؟!!!!
افضل لها الف مرة لها ان تبقى في الدواخل ريثما تصفو النفوس
لا حول ولا قوة الا بالله
| |
|
|
|
|
|
|
|
|
|
Re: ليرتاح أبي في قبره ، وليمدد ح . ملاسي رجليه في المنبر ولتسعد بيانه (Re: bayan)
|
ياخوانا في البداية عندي سؤال كدة محيرني!
انتو اليوم عندكم كم ساعة؟؟؟
طيب... فالنفترض انو اربعة وعشرين ساعة ونجي نحاول نقسما علي النشاط اليومي المعتاد للفرد منا منذ بلوغه السابعة والى ما يشاء الله.
مش ياها تمانية ساعات بنقضيها في الدراسة او العمل? - ودا طبعا لومافي اوفر تايم ولا دروس عصر ولا مذاكرة - وتمانية ساعات بنمارس فيها ما يتوجب على اي بشر سوي وطبيعي فعله وذلك على شاكلة الاستحمام واكل الطعام والمشي في الاسواق ومواصلة الارحام وترتيب المسكن وغيسيل الهدوم, هذا مع استثناء النشاطات المتفاوتة في الاهمية من شخص لآخر مثل القراءة وممارسة الرياضة ومشاهدة التلفزيون والقطيعة والونسة face to face?.
واعتقد ان للمتزوجين منا وذوي الاطفال واجبات اضافية فوق التي عددناها مثل حيميم الشفع وتسريحم والمذاكرة ليهم والى ما ذلك من اشياء خاصة بالاطفال وهي كثيرة.
كما وان للمتزوجين منا واجبات أخري - هي ايضا متفاوتة في الاهمية من شخص لآخر - ولا اظن ان المقام مناسب لتعديدها.
والتمانية ساعات الباقية - لو فضلت تمانية ساعات بعد دا كلو - ياها بنقضيها نوم.
اها ياخوانا بعد القلناهو دا انتو قاعدين تلقو وكت وين عشان تجو تسوا البتسوا فيهو في المنبر دا؟؟
وبالمناسبة ياخوانا دا استفهام عام وما قاصد بيهو زول بي عينو.
والداير يفهم غير كدة على كيفو
وكلامي ما كمل كان ربنا هون.
| |
|
|
|
|
|
|
|
|
|
Re: ليرتاح أبي في قبره ، وليمدد ح . ملاسي رجليه في المنبر ولتسعد بيانه (Re: ودقاسم)
|
Quote: 23-09-2004, 11:08 م
bayan
.
تاريخ التسجيل: 13-06-2003
مجموع المشاركات: 4055
Re: ليرتاح أبي في قبره ، وليمدد ح . ملاسي رجليه في المنبر ولتسعد بيانه (Re: محمد حسن العمدة)
| Quote: شوف المطاعنة الجد الماخمج |
Quote: Quote
Quote: :
العمدة سلام
أصبحت أشك في مضمون المثل السوداني القائل :لا يُلْدغ مؤمن من جحر مرتينأو أن البعض لايشمله مضون المفردة
والغريب في الأمر ، أن الأستاذ بكري ، الذي نكن له كل احترام للم شملنا هنا ، اراه في بوست سابق علق نص العقوبات ،او ذكر ما يفيد بذلك ، فعادت التراهات تظهر للملأ مرة أخرى مصحوبة( بشفتنة*) مرة ، و(شفعنة*) في مرات أُخر دون حياء أو خجل ، ومدح وتلميع للذات في أخريات وكلها في يقيني تنم عن الخواء الفكري أو انقطاع السند في المحصول العلمي او الخبرات ، فترى الفرد منا يزج بنفسه في كل موضوع ، فتارة تراه عالما دينيا وأخري سياسا وأخريات لايمكن تصنيفها، آتيا ببعض المصطلحات العلمية الرنانة أو اقتباس المصطلحات الإنجليزية للتدليل على كثرة المعرفة أو امتلاك ناصيتها وفي نفس الوقت يرتكب من الأخطاء الإملائية التي لاتفوت على ذهن طلاب المرحلة الإبتدائية
ودعني عبرك أقول ،: قل لمن يدعي في العلم معرفة(أعني امتلاك ناصية المعرفة المطلقة) لقد حفظت شيئا وغابت عنك أشياء
فلما لانكتفي بالقراءة والتعلم بدلاً من هدر الطاقة المتاحة في هذا البورد في ما لا يجدي ولاينفع والشيء المؤسف حقاًهو عبارات الثناء التى ترد من البعض لاتفه الموضوعات مبهورين بالكاتب لسبب لا يتعدى أن الكاتب قد استطاع غزو فكر المفتون عبر المسنجر مثلما يفعل الآن في كتاباته على واجهة البورد دون مراعاة لذاته او العقل الذي ميزه به الله أوفكر وشعور الآخرين
ولكن لابأس فلكل مجتمع شواذ ودعني أذكر قول المصطفى (ص) إذا لم تستح فاصنع ما شئت
ونسال الله التوفيق والسداد
الا تظنون ان البورد اصبح كئيباً هذه الايام
هذه الكلمات استخدمتها فى بوست آخر
(عدل بواسطة bayan on 23-09-2004, 11:30 م)
|
للتوثيق فقط خشية الحذف
هكذا اعتدت أن أقابل رمضان من كل عام بمثل هذا
كاتب الكلام أعلاه شخصي الضعيف
لي عودة
| |
|
|
|
|
|
|
| |
ودقاسم
معتصم دفع الله
Hussein Mallasi
Tumadir
kamalabas
yasiko
Deng
abas
ahmed haneen
garjah
talha alsayed
عثمان عووضة
بدرالدين شنا
ابو جهينة
إسماعيل وراق
Raja
bayan
هاشم نوريت
أحمد الشايقي
عبد الباقي الجيلي
شمهروش
Rawia
Yasir Elsharif
wd al geran
فيس بوك
تويتر
انستقرام
يوتيوب
بنتيريست