|
|
 كُلُو عندو دين وكلّو عندو راى * ولّعوا الرتينا
|
عشة كلمينا ميري ذكرينا
ـــــــــــــ
عَشّه .. كلّمينا
ميرى .. ذكّرينا
كل سُنكى أحسن
يبقى .. مسطرينا
نحن شعب أسطَى
يلا .. جيبو مونا
نبنى .. نبنى نبنى
مسرحاً .. ونــــادى
مصنعــاً .. وبوسته
***
حرب لا لا لا لا
كبرى .. استبــاليه
صالــه للثقــافــه
تســرح الغزاله
جنبها ... الزرافه
ركَ قمرى طار
قيره قيره قيره
نطَط الصغار
صفّق الترولى
طمّن .. القطار
حلّقت .. وحلّقت
حمامة المطار
***
كلّ طلقه .. بينّا
نحن تبقى وفرا
سمسماً .. وبفره
سكراً وشاى
تترا سايكلين ..
جاى وجاى وجاى
مافى حاجه ساى
كلّو عندو دِين
كلّو عندو راى
بور.. وبورسودان
بارا .. والجنينه
عبرى .. ولاّ واو
حاجه مش كويسه
كلّ زول براو
هى سودانا بكره
من سودانا ناو
***
تكتب انت تقرا
تعرف السياسه
فى محل حراسه
حجرة الدراسه
تمشى انت تلقى
فى الضلمه .. لمبه
ألف ضحكه حلوه
تسندك بجنبه
بى تمن طبنجه
أحسن الكمنجه
أحلى شتل منقه
أحسن الحليب
***
إيد .. وإيد وإيد
نزرع الجديد
غابة النشيد
إيد .. وإيد وإيد
مافى بينا سيد
إيد .. وإيد وإيد
نلحق البعيد
***
نحنه مش مرقنا
حته واحده جينا
جينا لى السرقنا
حقّّنا .. وعصينا
دمّنا .. وعرقنا
ولّعوا الرتينا
|
|
 
|
|
|
|
لؤى
فيس بوك
تويتر
انستقرام
يوتيوب
بنتيريست