|
|
 كيتاً,,,, كدا,,,, ياالبحيري!!
|
قدرنا ان نمر بجميع انواع وفصول مسرحيات الحكم والحكومات ونشرب كوؤس الظلم من كل المصانع من الكولا للبيبسي ونوثق لكل كوارثا بهذه الذاكرة الاحتياطية ونبني نضال من الرمال وقصورا من عظمة اللاشئ
كانت الامنيات ان ياتي بالسلام حكومة ديمقراطية حبيبة الي النفس مشكلة من الوان الطيف السياسي يشارك فيها بالراي المسعم والبكاتل ولكن من المدفع طلع السلام فهل ياتري سيكون خازوق تاركي ولا صناعة سودانية
هذا سيقودنا الي كمية من الاسئلة:-
هل اعطي اتفاق السلام شريعة لانقلاب البشير
هل نجح المشروع الحضاري مع قرنق وفشل مع قائد تنظيم الجبهة الترابي
ياتري ماذا سيكتب الاخوة طالبي اللجوء السياسي (انو ماعندنا حرب في الجنوب عشان كدا غلبتنا العيشة في السودان
ماهو راي اخي فتحي البحيري في اتفاق السلام
ماهو مصير الجماعة اصحاب الملة ناس هيثم وبلة وام بلينة,, والجماعة بتاعين القمصان الحمراء والجلابية جناح ام جكو والجلابية ام رقبا البيضاء ومكوية
الاغنية مهداة لفنانين البورد وفنناناته
فناكي جواي زي حجر والبينا مافات الدوائر,,
|
|
 
|
|
|
|
|
|
|
|
Re: كيتاً,,,, كدا,,,, ياالبحيري!! (Re: شمهروش)
|
| Quote: قدرنا ان نمر بجميع انواع وفصول مسرحيات الحكم والحكومات |
الأخ العـزيـز شـمـهروش
ســلام(ما سلام ناس هناي و هناي ســلامنا نحن ) و تحية
حقوا تشكر الجماعة لأنهم قدموا ليك نظام حكم جديد و أهـو الواحد زاد معرفتو شوية
شفت التناقض كيف هـم ديل اللي عملوا على إغتيال الديمقراطية في السـودان و هم ديل اللي عملواعلى نشر الحروب و الإقتتال في السودان الآن أصبحوا حمائم السلام و ما بعيد إترشحوا لي جائزة نوبل للسلام
و أهوا يا سيدي إلتقى مقاتلي الحركة الشعبية لتحرير السودان مع مجاهدي الجبهة الإسلامية و أصحاب المشروع الحضاري لتشكيل حكومة سودانية تحكم و تتحكم في السودان شعبا و ثروة و كل شـئ
لكن السـؤال المحيرني ناس جناح أم جكو و الجلابية أم لياقة حا إكون وضعهم شنوا في الشغلانية دي كلها
و لا الجماعة بقوا شمار في مرقة
تحياتي
| |
|
|
|
|
|
|
|
|
|
Re: كيتاً,,,, كدا,,,, ياالبحيري!! (Re: ABUHUSSEIN)
|
تعرف ياااااااااابوحسين سلامك حااااااااااار جمرة
خفت من كلام هناي وهناية وعاين وامعني وفي الحته دي
اعداء الديقراطية هنا في السودان هم اكثر اناس تحدثا عنها ولكن غير ملامين لانهم من مجتمعات تربت على الادعاء الكاذب وعدم المصداقية
جهل كبير بالاشياء يعني مابيكفي انو الزول في امريكا ولا هولندا يعني هو بيفهم فهمهم او يتعامل تعاملهم
حتى الجماعة الموجودين داخل البلد شلة بتاعت مدعي الثقافة والفلسفة وللاسف الشديد سودانيز ملااااااااااان بتك النوعيات وحمانا الله واياكم
شوفوا لي البحيري وين؟؟؟؟؟؟؟؟؟؟؟؟
| |
|
|
|
|
|
|
|
|
|
Re: كيتاً,,,, كدا,,,, ياالبحيري!! (Re: ABUHUSSEIN)
|
ابو حسين ,,, اخر الاخبار ومايدور في كواليس الخرطوم هذه الايام بطاقة العضو رقم صفر تفاصيلها كلاتي
الاسم: جون قرانق دي مابوير
العمر: الاعمار بيد الله
المهنة : محارب سابق
الحزب : المؤتمر الوطني (الحاكم)
رقم البطاقة: (0)
الجماعة رايهم شنوا؟ في التجانس بين الدكتور والحكومة بقوا سمنة على عسل والماعاجبوا دااااااااااك البحر
قبل الختام رسالة رقيقة من الدكتور قرنق للدكتور الترابي يدعوه لراب الصدع وتهدئة الاوضاع.
والعهدة على الراوي
| |
|
|
|
|
|
|
|
|
|
Re: كيتاً,,,, كدا,,,, ياالبحيري!! (Re: شمهروش)
|
اخي العزيز زهير
والله ما بي رغبة في طناشك
ولكنني لا احب أن أدخل معك في غلات في هذا الأمر من هذه الناحية
انت تعلم من أي المواقع ينطلق حديثي هنا : من عمق هؤلاء المهمشين وبهم وعنهم أعبر.ومن شمش الله لقد أفصح لي بعضهم عندما قلت لهم مستفزا : مبروك السلام
فكانت الإجابات المتجهمة حينا و(الصارة) أحيانا واللامبالية في الغالب
- السلام ليهو ناسوا ، الناس الكانوا مستفيدين من الحرب هم المستفيدين من السلام
- والله دي مسألة ما بتهمني كتير وما بعتقد إنها حيكون لها أثر إيجابي على الوضع المعيشي
- نحن ما بنعرض في بوش ما كنا معزومين فيه
الى غير ذلك مما عساك به عليم
والأهم من ذلك ، الاكثر أهمية من السلام والتحول الديمقراطي وما إلى ذلك من طننطناتنا وشنشناتنا : إلى أي مدى سيسهم السلام في رد الاعتبار الى ملايين الاحاد من القوى العاملة والمنتجة ، أمثالي وأمثالك ، والذين جرى إبعادهم عن اماكنهم الطبيعية والمفترضة بالفصل التعسفي او بالتعيين الأسد تعسفية
السلام الذي لا عدل فيه بلاهة ممن يصدق أنه قابل للتحقق
| |
|
|
|
|
|
|
|
|
|
Re: كيتاً,,,, كدا,,,, ياالبحيري!! (Re: فتحي البحيري)
|
اخونا البحيري,,,,,,
انت تعلم تماما انا لم اقصد المهاترات او اثارة المواضيع بقصد النجومية الزائفة في بورد سجمانين اون لاين وانت اكثر العارفين بهذا الامر وتعلم جيدا باني لم انتمي الي اي تنظيم ولا حتي جمعية ادبية ايام الزمن زين ولكن ما اعيبه عليكم مناداتكم بشئ مفقود ومعدوم والحركات العمالية والنقابية منذ الامد البعيد في سودان الهناء تشوبها ملاين الشوائب من القادة بايعي الزمة والتاريخ شاهد على ذلك واظنك توثق لمثل هذه الاحداث
للاسف ماتنادي به يفهم من بعض اصحاب النفوس المريضة دعما لمواقفهم وتاصيلا لفكرة قد تخطاها الزمن.
فالسادة ركاب اي قطار سريع للفرقة لم ينعموا بلقيمات في وطننا الحبيب وكباية شاي بي لبن مع الاحباب.
سكان المنافي ودجالي هذا القرن من الشعراء والكتاب زطالبي اللجوء انت برئ منهم فلا تلبس جلبابهم لاني اعلم كم قميص تمتلك.
دع البلاد تنعم بسكينة هذا الايام ودع شواذ الافكار يمارسون هوايتهم في تضليل لنفسهم والغير.
والي عموم الجموعية سلاااااااااام نار موقدة
| |
|
|
|
|
|
|
|
|
|
Re: كيتاً,,,, كدا,,,, ياالبحيري!! (Re: شمهروش)
|
شكرا عميقا يا زهير مرة ثانية وألف
دعنا نتفق أن المناداة بالحق والعدل والخير والجمال واجبة في كل ظرف وحين ومقام وأنها في مقام غيابه أوجب
دعنا نتفق أن (التداول السلمي للسلطة) هو أكثر حقا وخيرا وجمالا من تركها لأشطر اللصوص وأقل الناس لا أخلاقية وأنه لا بد من (نصرة هذا الحرامي الشقي) بانتزاع اللقمة الحرام من فمه ولا بد من نصرة السوداني المسكين المهان لغير ما ذنب سوى أنه عزيز في داخل المنفى الوطن وفي كل السجون المنافي البعيدة بالسعي لإزالة كل أسباب ومظاهر وجواهر هذه الإهانة
ودعنا نتفق على أن نتفق
| |
|
|
|
|
|
|
|
|
|
Re: كيتاً,,,, كدا,,,, ياالبحيري!! (Re: فتحي البحيري)
|
اخي بحيري
اجد الناس قد تحدثوا عن الظلم وعن الديمقراطية وعن الجهوية وعن اشياء لم تكن من الثوابت في الحديث عنها او تناولها لان اي شخص كان يعلم تمام العلم بواجبه واي المهام الموكله اليه ولكن للاسف الشديد بدانا نعاني في هذا الدولة التي شيدت في غفلة من الزمن بان يسري فيني افيون الكذب والنفاق ومورفين الادعاء والفهم التام مشكلتي انا كسوداني خلقوني زحمة للناس انو انا صاحب المنطق وصاحب كل ماهو مبدع وصاحب الخ... وفي النهاية المحصلة واحدة وهي نحن الان نعاني من ابسط الامراض صنعت خصيصا للسوادن
والغريب في الامر اننا قد ادمنا الحكم الجائر والدكتاتورية وبقينا نخرم للعساكر
اعطينا الحكم الديمقراطي اجمل ايام عمرنا فخانوا العهد تركونا وذهبوا يجمعون في عظام نخرة عاوزين يعيدوها الي الحياة بدفنها في قلب العاصمة سرقت الجبهة ماسرقت وحرقت من الخبر ماحرقت حتي الصلصة المسكينة لم تسلم من السادة الوزراء والشعراء
البلد القامت جوطة
التحية من اكبر لص الي اصغر لص فشكرا على السرقة
| |
|
|
|
|
|
|
|
|
|
Re: كيتاً,,,, كدا,,,, ياالبحيري!! (Re: شمهروش)
|
بامسيكا عشا البايتات
كفارة وسلامتك,,,,
والجاتك في مالك سامحتك. وكويس لقينا منك خبر انك حي
دحين اخوي ما تكتر القعاد
| |
|
|
|
|
|
|
| |
شمهروش
ABUHUSSEIN
فتحي البحيري
bamseka
فيس بوك
تويتر
انستقرام
يوتيوب
بنتيريست