نبدأ وكل زول ينزل على مسؤليتهو .... النكات داخل البوست على مسعوؤلية صاحبها........ لمن فاتهم الأستماع ....الرجوع ...الى البوست السابق كروريـــــــــــات (2) مسطلة
شوايقة مشوا البحر وقالو نغطس واول واحد يطلع يغدينا وحياتك لي هسي ما مرقوا
شايقي جلدة قامت حريقه في بيته عمل مسكول للمطافئ
واحد شايقي امو ماتت اهلو اكلو الكشف، بعد زمن ابوه مات جاب ناس الهدف
شايقى بقوهو مدير النجده غير الرقم من 999 عملو348567912457896
وجاى راجع
08-10-2004, 03:58 PM
Abureesh
Abureesh
تاريخ التسجيل: 09-22-2003
مجموع المشاركات: 30182
واااااااااااااااي يا نجو لكن بيضنة ألف ،،لوووول دي نوع النكات الهارياني بيها عفراء و أحمد،،و أتاريهم جايبنها منك،، ،، رغم إني جاية فترانة و ما عندي مزاج لي أي شئ لكن نكاتك made my day,, يلا أي زيادة؟ سوميتا
على كيفكم واحدة كل يوم ...كل اسبوع ....كل شهر انتو وراحتكم
استاذ سأل تلميذ: اذكر نوع من الزواحف؟ اجاب التلميذ: اخوي الصغير يا استاذ
واحد مسيخ سأل جماعة راكبين رقشة: دي شغاله ياتو خط؟ مافي زول رد عليه. قال ليهم: دي رقشة ولا مزيره
واحد غتيت في برنامج من سيربح المليون اتصل بود عمه في البلد للمساعدة رد ودعمه قولولو نايم
واحد من اهلنا المزارعين ديل البحر معذبو عذاب شديد خلاص مع زراعتو، كل مرة البحر ينزل يقوم ينزل البابور تحت شويه لحدي ما انتهي من زراعتو ..وقف جنب البحر وقال: انا زراعتي تميتا انت ان شاء الله تنستر مع حوتك
ابوالجندب اتقدم لصرصورة قالت ليهو: انا ما رافضاك لكن انت نطيطك كتير
اثنين حوص اتزوجوا وبعد اسبوع طلقوا بعض، سألوهم ليه؟ قالوا في اختلاف في وجهات النظر
يهودي ولدو مات قام نعاه في الجريدة كوهين ينعي ابنه..ويصلح التلفزيونات
واحد متزوج بنت عمه شينة جداً قالت ليهو: طول الحيطة دي شوية، قال ليها: ليه؟ عشان اولاد الجيران ما يشوفوني. قال ليها: والله كان شافوك براهم يبنوها
عمك عجوز لقي لقيهو شافع طالع في طوب وشابي لجرس البيت. قام عمك ضرب ليهو الجرس وقال للشافع: تاني في حاجة يا ولد؟ رد الشافع: خلاص اجرى ساى
غتيت اتزوج غتيتة ولدوا ولد.. عمل فيها ميت.. اتغاتتو عليه دفنوه(قديمة)
يماني قال يتحدى اليابانيين في الصناعة رجعوه في كرتونة ومعاه كتلوج وضمان......
واحد اشترى تلفزيون بالاقساط.. الصورة جاتو مقطعة
أدروب مشى يخطب قالو ليهو «البت بتقرا» قال «خلاص وقت الفسحة نجي»
ضب جاء الأول ابوه جاب ليهو حيطه هدية.
أدروب سائق تاكسي في الصين كلما يأشر ليه صيني يقول ليه هسه ما نزلناك
أ حوص قدم في الخدمة العسكرية، عينوه في سرية القصف العشوائي
احوص داير ينتحر قتل الجنبو
رباطابي دخل محل موبايلات شايل ديك سألوه : للبيع ؟ قال : لا ، دايرين نغير ليهو النغمة
كديسة وقعت من الحيطة قعدت خمس دقائق تفكر «يا ربي ناااو ولا هووو
جعلي اول مرة يأكل لبانة ، حلف ماينوم الا يكملها
ادروب سألوه : يوم القيامة تمشي الجنة ولا النار ؟ قال ليهم القريبة من كسلا
واحد طلب مواصفات عروس بيضاء وطويلة وشغالة ، اهلوا جابو ليهو تلاجة
جعلي خصمو من مرتبو 20% تبرع لفلسطين ، قام زعل اتبرع بالباقي لاسرائيل
واحد غتيت ابوه طرده من البيت ، قام وهو طالع كتب على السور (مقر حركة طالبان) ..
واحد دخل في شوال.. طلع برجب
سألو حنكوشة متقدمة للاذاعة : سمعتي بي رمضان زايد؟ قالت ياي .. يعني 31 يوم صيام
هندي في مطار هيثرو سألوه عن عمره قال «ديرتي» وسألوه عن عمر زوجته قال «ديرتي تو
بايرة قالت لابوها «كان جبت ولد بسميهو صدام» قال ليها «كدي انتي الاول ألقي حسين
كلب شوارع شاف كلب بوليسي مدلل قال: آخ أنا الما كملت تعليمي
جعلي فتح محل غاز فجر اربع اسطوانات دعاية للمحل
صعيدي شرب الدواء قبل موعده سألوه ليه ؟؟ قال «عاوز افاجئ الجراثيم ...
واحد سأل (مسيخ) بلدكم دي فيها مويه؟ رد عليه: (الشجر القدامك ده قام بالتيمم؟
غتيت يصلي بالجماعة حس إنو في واحد داير يلحق الصلاة سلم وهو واقف
صعيدي بيصلي الجمعة يوم الثلاثاء قالو ليهو: ليه بتعمل كده؟ قال: اصلو القامع بيبأ زحمة يوم القُمعة
واحد بخيل اولادو نجحوا في الامتحان جاب ليهم كفر، قاليهم: لو نجحتوا السنة الجاية بنفخو ليكم
عجوز عندو ضرسين فقط قدم لوظيفة في شركة، قاموا شغلو خرامة ورق
التانى اصدقاء احدهما اصلع، اختلفا، الاصلع قال للثاني: يا خي أنا كنت شايلك في رأسي ده، قال ليهو اعتبرني انزلقت
ايسكريم دخل مصحة المجانين، سألوه: مالك؟ قال ليهم: اتلحسنا
فار خشَّ في صندوق قال: ما بطلع إلا تدوني الصرفة الاولى
واحد سأل واحد (مسيخ) قال ليهو أمك حية؟ قال لا عقرب!! قال ليهو: قصدي عايشة؟ قاليهو:
خديجة
قمة الوفاء: نملة اتزوجت فيل.. الفيل مات قعدت عمرها كلو تدفن فيهو
فيلم هندي جديد: اتنين لقوا بنت صغيرة ربوها لما كبرت طلعت أمهم
واحد بتمتم قال لمرتو.. طل.. طل.. قالت ليهو: سجمي طلقتني؟ قال ليها لا : طلعى لى غيار
جعلى داير يطلب الاسعاف، طلب المطافيء ولمن جوا قالىهم : حرّم ما دام جيتوا ما تمشوا ساكت، والتفت لولده وقال ليهو: يا ولد احرق الراكوبة دي
الهنود عملوا فلم عن حرب العراق .. آخر الفلم طلع بوش أخو صدام ود أبوه
واحد (غتيت) برجم الشيطان في الحج وهو متلثم سألوه ليه؟ قال اخاف يجئ يوم واحتاجلوا
واحد كسلان جدا جاهو حمار النوم.. نوموا جنبو
حرامي (غتيت) ما لقى حاجة يسرقها من البيت ، شال البطانية من الحبوبة وفتح المكيف
أحمق ضرسوا واجعوا شديد قال للدكتور شيلهم كلهم وجليهو زى الكلب ينبح براهو
واحد بيشاغل في واحدة قال ليها: وين يا عسل .. سكر .. سكاكر ، إتلفتت وقالت ليهو كرهتونا المخبازة
صرصار دخل جوة خلاطة ... طلع قال إنعل أبو البمشي الملاهي تاني
واحد بيقول لصاحبه: الحق الثعبان دخل غرفة حماتك، قال ليهو سيبو يستاهل
صرصور مشى السينما اول ما دخل لقى إعلان بتاع (بف باف) قال: يا خسارة فلم رُعب !
صرصور طلب إيد صرصورة قالت ليهو موافقة بشرط: تكتب لي البلاعة باسمي
أحوص حضر حفلة بثنائي العاصمة قال: يا سلاااام عقد الجلاد يا خي
واحد من سكان القمر بيغازل في حبيبتو قال ليها: وشك زي الواااااطة
كلب وقع من رأس البيت فقد الذاكرة قال مييييع
لاعب كرة قدم نزل الملعب شايل بطانية لانو المدرب قال ليهو: غطي منطقتك كويس
ناس سوداتل جابو مصريين يحفروا في بورتسودان، ادروب جاء يعاين للمصريين، قالوا لأدروب: ما شفت خبراء أجانب؟! قال: لا شفنا هبرا أجانب لكن اول مرة نشوف طُلب أجانب
ضيف ميكانيكي.. طلعوا ليهو السرير برة في الحوش.. قام رقد تحتو
رباطابي بيبيع عيش واحد سألو: العيش دا للبيع؟ رد عليهو: لا.. لا.. للايجار
واحد نقلتي قال لخطيبته: انا بحبك داير ما يدور
رباطابى دخل المستشفى سألوه: زيارة؟ قاليهم: لا لا عُمره
جدادة معلقة صورة بيضة في رقبتها!! سألوها: ليه؟ قالت دي صورتي لما كنت صغيرة
ما قصرت معاكم تانى مافى زول يقول لى رسل لى على الموبايل ......انا فلست عديل كده
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة