استهل وكما كان يحلو لبعض الاخوة مناداتة (المناضل) جون قرنق كلامة بالسلام عليكم. استرسل المناضل فى الحديث عن السودان ووحدة السودان والمحافظة عليها وعدم التهاون بها. نصب المناضل نفسة مدافعا عن حقوق دارفور وكردفان علق المناضل قرنق وفى محض تعليقة قال نحنا شلنا من الحكومة 30% والحكومة 70% لية ناس كردفان و ناس دارفور وناس الشرق ما يمشوا للحكومة ويشيلوا نسبتم هما كمان قال هو عاوز يجى لسودان ديمقراطى مافى زول يقول لية فية يا عب (كلام جميل) قال انة النيل الايض والنيل الازرق مزكورين فى التوراة واستشهد بكتاب لم اسمع اسمة قال انة جنة عدن عندما اعلنها اللة والله اعلم كان الله يقف فى بلدتة ( غربية شوية) علق قرنق وقال البيرة بتتهرب للخرطوم علشان كدة حنعمل لينا مصنع بيرة قريب ونقضى على التهريب تحدث المناضل عن السودان الجديد وشكلة كدولة حديثة طالب قرنق ومفاوضية فى دولة السودان الحديث؟؟ بجيشين نظامين بنكيين وتقريبا دستورين هههها دولة حديثة بجيشين ؟ دولة حديثة ببنكين وعملتين دولة حديثة بدستورين انا بصراحة ما سمعتا بدولة فيها اتنين من كلة حتى العملة لوووووووول وبعد دة كلة يتحدث عن الوحدة. وبصراحة كان فى قليل من التوازن فى كلامة ندى الزول حقة.
بس تعليق بسيط يا جون قرنق اذا انتا قلبك على السودان وعاوز وحدة السودان كدى قول ليا شلتا السلاح لية؟ عاوز تقول ليا ناس الجبهة بيستاهلوا طيب ما شلتوا ضد النميرى وضد الصادق المهدى وشيلتوا ايام انانيا 1 وانانيا 2 ودخلتا الغابة واسى تجى وتقول سودان حر ودمقراطية عليك الله لو كان ناديت بدمقراطية وانتخابات حرة وحقوق انسان موش كان اخير؟ كان لقيتنا كلنا فى صفك خصوصا بعد العذاب الشافوهو الناس من الانقاذ ووعودك وطموحاتك دى كان تكون فى حملتك الانتخابية...وكان ما وقفنا معاك دة يقوم فى الظلط كان لا مات فلان ولا اعتصبوا علان ولا اتشردنا ولا اتبهدلنا لكن انتا يا المناضل فرحان بقسم الثروة والسلطة والبترول وابييى . غايتوا لوران كبيلا شكلة حيا تانى واخيرا لاقيت دينق وسلم على سلام جفا ونسى ايام عضة اللامب شوبس وختة المنديل فوق البدلة واللعب بالشوكة والسكين
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Hisham Amin
فيس بوك
تويتر
انستقرام
يوتيوب
بنتيريست