|
Re: عيد بأية حال عدت يا عيد .... بدموع سميرة... (Re: سماح سيد ادريس)
|
سماح
حجّيتك ما بجّيتك سجماً جانا وجاكم!! أكل عشانا و ياريتو كان فات خلانا... زماااااااااااان كانت لي قطّة صغيرة سميتها سميرة... حلوة و أمّورة... مليانة طعومة ونعومة وفرح.... مزّقت فاتورة الحليب... و عقدت أتفاقية صلح مع الفيران من دسم الفال الساكن روحها... عمرها ما خربشت ولا بشتنت ولا فترت من الغناء المواء!!
بس يا صاحبة .. يا بنت يا سماح جانا كلب سنونو صفر حلب الناقة في الشنقاقة و أحمد غايب في الركايب أحمد كايس الريال في بلد البتروهموم و مغايس... َأضائة حتّة حس البندقية فرتق زفّة غنا الحبوبة مات في خشيمها طعيم الحجوة
قبيييييييييييل قلت ليك في واحدة صاحبتنا أسمها سميرة تقول السيرة الذاتية أنها من بنات أفكار زول هناك من غير ببلوغرافيا غبيّة تفضح حاجات هسة محتاجين ندسّها جواتنا ولساتنا نبكي اللفات من زمناّ بعييييييييد... سميرة دي يا بنت يا صاحبة هسة بتكوس لقمة العيش في مزبلة وشوارع الخرطوم... راقدة في عنابر و أزقّة المشافي المرض... وبعد دة كلو كان برضو ساكّيها كلب سنونو صفر حلب الناقة و ووووو أحمد غايب في الركااااااااااايب متيل يا علي تكبر تشيل حملي حجّيتك ما بجّيتك!!!
آآآآآآآآآى تاني... العيد الفرح الفال... طعم البهجة في عيون الشفّع والأطفال....
ماتت و حنعمل شنو و نقول شنو ولي منو؟؟؟!!! والعيد الجاب الناس لينا ما جابك... عيد دة منو!!!
| |
|
|
|
|