|
|
 عثمان بشري صاحبنا , احمد محجوب ابن عوف صاحبك قال فيك قصيده
|
لحن رابع:
أخى وصديقى عثمان البشرى
صحينى من هذا النجيع
غلبتنى فيك الحيله
يامرتع كلامى
ووحشتى
ومبهم غناى
وانشغالى ودهشتى
اتشايلك
تتفاضى من مقلب غناى
والهدربه
وزحت مواعيد من مكان
ورطانه قافيه
وإختمار الفكره
فى ذهن الحقيقة المفرطه
غلبتنى فيك المحنه
والحيل البشيلك اتكسر
صاحى ونعاسك بالفريق
مارق يحوم
وتقوم تصارح (......) بالحاصل
يدفرك
ماوقعت الدنيا اتلافت حضورك
صبتك
الصباح شافك مصنقر
جنب رؤاك
هماهو كيف تقعد براك
الناس خديعه
الناس تطير
الناس بتخدش مستواك
سنسن
تعال سنسن كلامك
إحتضر
اعصر مخدات الألم
ارقد
تمهل فى الحضور
أرجع امش
قوم من عيونك
إرتعش
انصب كلامك جمله من شهد الدموع
(......) طلع
سواك طليق
فى دنيا اصغر من فضاك .... سواك....
لحن خامس:-
شدى حيلك فى المنافى
أرقدى عافى
وأفتحى الطرق الموديه للمرافىء
شدى حيلك وماتخافى
لو ظروفنا دعت نجافى
ولو قلوبنا
عليك تخفق
ماهو كافى
بيرجع الزمن القبيل
عشناهو صافى
شدى حيلك
ص
صحى نيلك
شربى الناس من هديرك
رجعيهم من غيابهم
كلميهم عن غليلك
وعن وطن سلبوه غيرك
|
|
 
|
|
|
|
|
|
|
|
Re: عثمان بشري صاحبنا , احمد محجوب ابن عوف صاحبك قال فيك قصيده (Re: Marouf Sanad)
|
لحن اوّل:
أشف من لوحتك عبقى
واعطر كل منفى
ومن مسامى أشبعك
نيلى الجميل
وافتح على دربك
خطوط
مامستحيل
لو سجلتنى اللحظة
مجنون بى فنونك
وإنت فى كل المسام
متنفسة وعبقك جميل....
لحن ثانى:
وجريت على الكانو
راجين المراكب فى طرف غربه ونزيف
مريوق لهاث حال البحر
والرمل مكسور الخواطر
ما إحتمال
لمة خواطر الماء
على كف ضيف
يانب فى ضمير اللحظة
يحلم بى طريق اقصر
مراكب
مويه
مشرع
ضو وسافر فى الموانىء وراح..
جريت
خبيت
مشيت
ووقفت فى نفس المحطه القصوى
تتناوب خواطرك
كيف كان الشاى
عندما أوحت اليك الأمسية؟
وزياره مقطوعة الخواطر
نادتك
ماجيت من بلادك
سابتك للغربة
وقلبك فيها ماعدم الخرير
جدول حواسك عزقتو وفتحت
على مويتك نهار
شتلك نجض
كيف كان البُن
عندما طقطق بخورو؟
تميل جنبك
تميل الدنيا كلها ليك
تقبّل اى وجهه
تعاندك الكلمات
تفج الطين وترسم فى الأرض لونا
وكيف كان الحال؟
لحن ثالث:
الموقف هزيل
جربندى من صلب الحنين مفروق
ومتعامى اليباس
فى الضيق
مشلهت بين فنون
والغربه اصلها كيف
رماديه
وغبار
كذاب بعيد من الأفق
والطين
يقين من مرة العدم
إنهزم
هذا التراب عن عمد
رمانى وفات
يقين ألمين
علىّ
ماهذا الوهم
على مين
تسدد فوهتك
ترمى التراب
تخرج كما
دخل الحنين عن عمد....
المّك عن قصد احميك
ابالغ فيك
اراك فى الشوف
ضُلمّه
وأمه
صنه
وخلق
وجنه ونيل
ويكفيك الحنين فينى
هذا الطين
عباره وضل
أخضر من جروف كل المنافى والحفر
أسمق ( يمد حد السما)
هذا الحنين يمتد مسافه
وكل أسفىاننى احتل فى الغربة المكان
مناوش
كلما- لمس – الوتر – احساسى- شالنى- الضيق- على- طرف- الحنين- ابكى----
وهذا الطين ---- جنين------- الماء------ كلنا نبكى-----كلما لمس الوتر-----
| |
|
|
|
|
|
|
|
|
|
Re: عثمان بشري صاحبنا , احمد محجوب ابن عوف صاحبك قال فيك قصيده (Re: Marouf Sanad)
|
,,,,,,,,,,,,,,,,,,,,
| |
|
|
|
|
|
|
|
|
|
Re: عثمان بشري صاحبنا , احمد محجوب ابن عوف صاحبك قال فيك قصيده (Re: جمال ادريس)
|
الاخ جمال ادريس
ا اجزل الشكر ,,,,نتمنى ان نري الاخ عثمان البشرى بيننا قريبا ,,فهو رجل ممتلئ بكل جميل ,,,نتطلع ان نراه يثري هذه المساحه شعرا وادبا ,,ويطربنا بفوضى نظمه
| |
|
|
|
|
|
|
| |
Marouf Sanad
مصطفى عجب
جمال ادريس
فيس بوك
تويتر
انستقرام
يوتيوب
بنتيريست