كتب الكاتب الفاتح جبرا المتوفرة بمعرض الدوحة
|
|
 شخصيتك ...من ترتيبك العائلي!!!!
|
أثبت البحث العلمي بما لا يجد مجالا من الشك ان ترتيب المواليد في العائلة الواحدة يحدث فارقا كبيرا في شخصية المولود، فهذا الترتيب يحدث آثارا سلبية وايجابية حسب كونه الأول او الأوسط او الطفل الوحيد، وذلك كما سوف نرى من هذه الدراسة الشائقة.
فالطفل الوحيد لديه طاقات هائلة يمكن ان يحرك بها العالم، فهو دائما مندفع تجاه مهام يريد إنجازها، ولديه وعي تام بما حوله ومنظم ولكن في نفس الوقت يحب الاعتماد على الآخرين. يحب ايضا الأفكار الجديدة والتفاصيل ويشعر بالراحة تجاه تكليفه بالمسؤوليات. وعلى الناحية الأخرى نجد نفس هذا الطفل الوحيد صعبا في التعامل، وخاصة في علاقته الزوجية وهو معظم الوقت لا يغفر ولا يسامح وملحاح ويكره الاعتراف بأخطائه ولا يتقبل النقد في معظم الأحيان ويمكن جرح مشاعره سريعا.
أما الطفل الأول فهو قائد بطبيعته، فالطفل الأول انتج رؤساء الولايات المتحدة ورواد الفضاء والتنفيذيين، وذلك بأعداد ضخمة، وهو يعلم انه متفوق ولذلك يتصرف على هذا الأساس وأحيانا يكون عدوانيا، وهو محدد ودقيق في كل ما يفعله خاصة المواعيد ويحب الالتفات الى التفاصيل الدقيقة، وهو يريد الأشياء ان تنفذ بنجاح من أول مرة، وهو لا يحب المفاجآت. ولكنه أي الطفل الأول متقلب المزاج واحيانا كثيرة يفتقد الحساسية في التعامل مع الآخرين ويرفض ان تكون «لا» هي الاجابة وأحيانا يظهر للآخرين انه يعرف كل شيء وهو يجيد اصطياد أخطاء الآخرين.
أما الطفل الأوسط فهو طفل اجتماعي ويعيش حياته لإرضاء الناس وفي معظم الأحيان يكره المواجهة واحتياجه الرئيسي هو جعل محيط الحياة من حوله يسير بهدوء ورفق، حتى ان شعاره هو «السلام بأي ثمن».. الطفل الأوسط طفل هادئ ولطيف وواقعي ومستمع جيد لكل ما يقال وماهر جدا في رؤية كل جوانب المشكلة وشغوف جدا لجعل كل من حوله سعيدا، وهذا ما يجعله مفاوضا جيدا يجيد الحلول الوسطى.
ولكن على الرغم من انه ليس مثل الطفل الأول فيما يتعلق بالأهداف والدوافع إلا انه يحب كثيرا التعامل مع الأشخاص الذين ينتمون الى ترتيب الطفل الأول أو على الأقل يشعر بالسعادة معهم.
والطفل الأوسط يجد صعوبة بالغة في وضع الحدود وهو ليس ماهرا في اتخاذ القرارات، خاصة تلك التي سوف تهاجم الآخرين وهو يميل دائما الى لوم نفسه عند فشل الآخرين.
أما آخر المواليد، فهو ما يجعل هذا العالم يشعر بالمرح والسعادة وهو رائد في هذا المجال، يحب كثيرا تسلية الآخرين وإضحاكهم، وهو ايضا سريع البديهة ومضياف واجتماعي يمتلئ بالطاقة وخاصة في وجود اشخاص آخرين ولا يخشى خوض التجارب ولكنه يمل بسرعة ويخاف من الشعور بالنبذ والاهتمام القليل به، وربما تفشل علاقات كثيرة له وذلك لأنها لا تقابل توقعاته المذهلة والتي يكون في أساسها بالفعل ان تكون علاقة مرحة.
هذه الدراسة يمكن ان تساعدنا على فهم أنفسنا.. وتساعد كثيرا المقبلين على الزواج لتأمل المواصفات التي تطلبها في شريك العمر.. وهل هو الوحيد.. أو الأول أو الأوسط أو الأخير.. وقل لنا ماذا حدث!
عبد الله باجبير
نقلا عن الشرق الأوسط
اها يا جماعة رأيكم شنو؟؟؟؟؟
|
|
 
|
|
|
|
|
|
|
|
Re: شخصيتك ...من ترتيبك العائلي!!!! (Re: Raja)
|
رجاء :
كل التحايا.. والود.. وكثير شوق ..ووين اراضيك...
[شايفة خاشي من الأول في التخريمه لكن البوست حقنا ما مشكله.. اها نجي بعد داك للتخريمات...
كدي تختاري البريحك وشوفي نفسك تابعه لياتو نص ..الاول.. ولا الأخير ولا الفي النص ....ودي زي مشلكة عبد الله فوق دايرة اخصائي علم نفس..
| Quote: اها من الصباح قاعدة اشوف انا في النص ولا لأ.. لقيت الموضوع قاسي.. لأن عددنا زوجي .. دي يحلوها كيف...؟ |
تخريمة اخيرة : لو اتقسمت حايكون برجك برج الإبتسامة..
خالص الود,,,
| |
|
|
|
|
|
|
|
|
|
Re: شخصيتك ...من ترتيبك العائلي!!!! (Re: Ehab Eltayeb)
|
ايهاب الطبيب ، شكرا للبوست الظريف ومسألة الشيخصية من المواضيع الشيقة التى يلهث الكل لمعرفة كنه هذه الشخصية وحل لغزها اذ نجد البعض يقرأهامن الابراج واخرين من فاكهتك المفضلة ، وحتى الاسنان والابتسامة هي الاخرى تدخل في تحليل الشخصية ورغم ان لكل انسان بصمته التى لاتتكرر الا ان هناك اشياء محيرة في هذا الكون ، ترسم تفاصيل الشخصية، وهذه معلومة جديدة التى اتيت بها في هذه الدراسة ، ورغم انا اطباء النفس يعتمدونها في تحليل مرضاهم النفسيين وتحليل شخصياتهم ، وتكاد تنطبق على الكثير مننا حت في السودان تجد ان البكر مدلع واشهر مقولة في البكر - البكر قالو برموه في البحر - واخر العنقود الحتالة فحدث ولا حرج واظن انها مساءل متعلقة بالتربية اذا ان الاول يجد اهتمام امثرمن الازم ويدلعوه كتير ، وكذلك الحتالة حتى اشتهر بسلوك معين وصار مثار للتندر -ها الحتالة دا -
والحمد لله نحنا ناس النص ، يا رجاء رغم اننا ما شاءالله عددزوجي وزمان الناس عاد بحسبو اليهم الدوا ساي ، واكيد المسالة عند الخواجات محددة بواحد واتنين وعلى الاكثر 3 .
| |
|
|
|
|
|
|
|
|
|
Re: شخصيتك ...من ترتيبك العائلي!!!! (Re: عشة بت فاطنة)
|
الاخ ايهاب ازيك يا باشا
موضوع جميل جدا ومفيد ازيدك علم وصدق لماكتبت , في الجامعة زميلتي كانت واحدة عند والديها فصدقني كانت نشطة وانجزت اثناء الدراسة رخصة قيادة الطيران وهي تدرس معي الاقتصاد العام,خلصت الاقتصاد العام سجلت في الجامعة لدراسة علم الاجتماع وحاليا تدرس قانون. وشخصي الضعيف اوسط يحب الاجتماعيات ويتحاشي المشاكل ,ولكن هل من مزيد وليت القوم يكتب كل منهم تجربته
| |
|
|
|
|
|
|
|
|
|
Re: شخصيتك ...من ترتيبك العائلي!!!! (Re: عشة بت فاطنة)
|
| Quote: االبكر مدلع واشهر مقولة في البكر - البكر قالو برموه في البحر - واخر العنقود الحتالة فحدث ولا حرج واظن انها مساءل متعلقة بالتربية |
عشة بت فاطنه:
لك التحية.. والشكر علي المرور ..والأضافات الجيدة..
لكن يا اختي ما اتلومتي معانا شديد.. تجدعينا البحر عدييييييل
واوافقك الرأي في إن الموضوع بعتمد علي التربية والتنشئة التي يمر بها الطفل.. ثم بعد ذلك الظروف التي يتعرض لها.. والبيئة التي يعيش فيها...
تخريمة:
معليش ما عندنا صور.. عشان نكرمك بيهن ونقدم ليك الشاي..
خالص الود,,,
| |
|
|
|
|
|
|
|
|
|
Re: شخصيتك ...من ترتيبك العائلي!!!! (Re: عشة بت فاطنة)
|
البكر أوالبكري زي بكري الجبنه برمي الراس
والحتالةهي الحثالة وكفي بها وصفا
الوحيد خلاني وحيد الفراقو حار شديد
الوسيط اعتقد انه متوازن غير حاد ولا متطرف وقد يصل الى درجة لا يكون له رأي طالما تكلم البكر والحتالة وحمي الوطيس بينهما وحان تغليب رأي اي منهما
الوحيد جميل لو كان صيني او هندي
| |
|
|
|
|
|
|
|
|
|
Re: شخصيتك ...من ترتيبك العائلي!!!! (Re: اسامة الخاتم)
|
| Quote: و لكن هل ينطبق الامر على الجنس, ذكر او انثى يعنى |
اسامة الخاتم
تحياتي ..وكيف الحال اتمني ان تكون بخير..
شكرا للمرور..
بسؤالك دا بدخلنا مع في مشاكل مع الجندريات ...اسه بجو اتلمو فينا..
ننتظر اهل الإختصاص ليفتونا في هذا الامر..
خالص الود,,,
| |
|
|
|
|
|
|
|
|
|
Re: شخصيتك ...من ترتيبك العائلي!!!! (Re: اسامة الخاتم)
|
الاخ أيهاب .. موضوع شيق .. و دائما الناس تبحث عن مفاتيح لشخصياتها و شخصيات الاخرين ...
أنا طبعا من ناس الوسط (و نحن عدد زوجى برضو بالمناسبة يا رجاء).. أعتقد انه الطفل الاوسط يميل للهدوء و البحث عن راحة الاخرين ..و احيانا على حساب نفسه مما يجعله فى حالة عدم هدوء داخلى ...
لكن اعمل حسابك ... الاوسط فعلا حليم و لايحب المشاكل .. لكن لما "يقوم" ... الله يكفيك شره.....
و كما قال الرسول"ص" .."اتقوا غضبة الحليم" (و ليصححنى احد اذا كان فى الحديث اى خطأ)....
عشان كده الناس ما مفروض "to take him/her for granted"...ابدا.....
و أتفق معك فى قصة "البكر" هذه D عندى و احد منهم فى البيت ..  :
| |
|
|
|
|
|
|
|
|
|
Re: شخصيتك ...من ترتيبك العائلي!!!! (Re: Outcast)
|
OUTCAST:
اهلا وسهلا ..ونورتي البوست... واوافقك الرأي انه الكلام ما بنطبق علي كل الناس ..لكن شذوذ القاعدة هو ما يثبت القاعدة.. بحيث ان لكل قاعدة شواذ
Quote: عشان كده الناس ما مفروض "to take him/her for granted"...ابدا.....
و أتفق معك فى قصة "البكر" هذه D عندى و احد منهم فى البيت .. |
لكن اتلومتي مع البكر.. بعد الكلام الفوق دا كلو تجي تأكدي كلام عشة بت فاطنه..
عشان انتو الإتنين في النص ..وايديكم في المويه الباردة..
تسلمي ..ورمضان كريم...
| |
|
|
|
|
|
|
|
|
|
Re: شخصيتك ...من ترتيبك العائلي!!!! (Re: Ehab Eltayeb)
|
Quote: ايها ب ما تقول لي بكر؟
غايتو البكر اهلو تعبانين ..هكذا تقول امي لاختى الكبيرة ، لانها بترمي الكلام ، مع انو رمي الكلام دا مشهورة بيه الاسرة كلها .. تسلم |
عشة و
OUTCAST
وبقية المتابعين ...رمضان كريم
بعدين رمي كلامكم دا سمح ..انشاء الله كل الناس بترمي زي كلامك الجميل دا...
بالمناسبة نحن كنا في جامعة السودان عاملين لينا جمعية بكور[ ما الناس البتصحي بدري ]وكان الفرد كلهم بكور
عشان كدا حانسجل ليكم بكوركم معانا في الجمعيية دي...
تحياتي...
وتصوموا وتفطروا علي خير,,,
| |
|
|
|
|
|
|
|
|
|
Re: شخصيتك ...من ترتيبك العائلي!!!! (Re: Ehab Eltayeb)
|
الأخ العزيز إيهاب،
أنا نمرة اتنين لكني الأول في الأولاد يعني خاتف لونين
أنفع أكون رئيس اجتماعي؟؟! 
أما في الأبراج فأنا مولود يوم 21 أغسطس يعني بين الأسد والعذراء فأحياناً ينتهي برج الأسد في 20 أغسطس وعندها أكون في برج العذراء.. أما في أغلب الأحيان ينتهي برج الأسد في 24 أغسطس فأكون أسداً..
يعني بصراحة خاتف برجين برضو يعني أملك قوة الأسد ووداعة العذراء.. شفتني كيف؟؟!
دة طبعاً غير برج الحمامتين (يا رجاء) لووووووووووووول  
| Quote: فالطفل الأول انتج رؤساء الولايات المتحدة |
يا ربي جورج بوش بكر؟؟!
| |
|
|
|
|
|
|
|
|
|
Re: شخصيتك ...من ترتيبك العائلي!!!! (Re: Dr. Moiz Bakhiet)
|
اهلا وسهلا بدكتور معز:
| Quote: يعني بصراحة خاتف برجين برضو يعني أملك قوة الأسد ووداعة العذراء |
معني الكلام دا انو خاتف لونيين وبرجين ..دائما بكون مبدع.. وفنان..
لكننا بإعتبارنا اعضاء باحدي جمعيات البكور حانعتبرك معانا عشان يكون معانا مشاهير...
وبالمناسبة انا من برج الاسد ايضا 16 اغسطس..
موضوع الحمامات دا نحن مافاهمين فيه حاجه.. عشان كدا انت ولا رجاء واحد فيكم افهمنا
وجورج بوش دا ..انا ما بردعشان نحن في كرش الفيل
رمضان كريم يا دكتور وشكرا للطلة
| |
|
|
|
|
|
|
|
|
|
Re: شخصيتك ...من ترتيبك العائلي!!!! (Re: Ehab Eltayeb)
|
اتولموتو معانا ..
الحتالة برموا كيف ؟
اها انا الحتالة والفرق بيني وبين الاكبر مني 7 سنوات
يكونوا رموني وبعدين غيروا رايهم ؟ لووووووول
يا دكتور جورج بوش دا بكر وحتالة في وقت واحد بكون لووول
تسلم ايهاب علي البوست الخفيف الظل
ورمضان كريم
| |
|
|
|
|
|
|
|
|
|
Re: شخصيتك ...من ترتيبك العائلي!!!! (Re: 3mk-Tango)
|
عمك تنقو العزيز
شكرا للمداخلة.. وتصوموا وتفطروا علي خير..
والحال بقي من بعضو البكر مع الحتالة
الجماعة خاشين فينا شمال طبعا ديل ناس النص ناس عشة واوتكاست ورجاء
| Quote: يا دكتور جورج بوش دا بكر وحتالة في وقت واحد |
LOOOOOOOOOOOOOOOOL
خالص التحايا
| |
|
|
|
|
|
|
|
|
|
Re: شخصيتك ...من ترتيبك العائلي!!!! (Re: بلدى يا حبوب)
|
تحياتى للجميع وكل عام وانتم بخير
البيئه والمجتمع والاسره لهم الدور الاكبر فى تربية
وتطبيع كل منا .. وفى اعتقادى الغدوه لها اثر كبير جدا
فى تحديد مساراتنا وعجن طينتنا الا ان كل هذا لايمنع من اننا
فى السودان نضع اعتبارات لترتيب المولود بين اخوته .. وكثيرا
ماتعاركنا ونحن صغار كل منا يغيظ الاخر بترتيبه فى الاسره
واذكر اننا نقول ( من الثوابت ) ان البكر عوير والحتاله البطاله وكانوا
يسموننا نحن اهل الوسط ب ( حشو البطن ) اى لا فائده ترجى منا وهكذا
وكانت جدتى لامى عليها الرحمه لديها مقولة فى ذلك ...
( اخوى الكبير طلع عوير .. واختى البكريه طلعت ضكريه ) حيث معظم
البنات البكور يلعبن مع الاولاد غالبا ...
عموما فى اتقادى ان المولود الاول ( الاكبر ) بغض النظر عن
النوع له لمسات واضحه فى تحديد مسار بقية افراد الاسره .
ولكم مع الود احترام
ديك الجن
| |
|
|
|
|
|
|
|
|
|
Re: شخصيتك ...من ترتيبك العائلي!!!! (Re: DEEK_ALJIN)
|
| Quote: ( اخوى الكبير طلع عوير .. واختى البكريه طلعت ضكريه ) |
LOOOOOOOOOOOOOOOOOOOOOOOOOL
ديل الجن:
سلامات ..وشكرا للاضافات الثرة..
Quote: عموما فى اعتقادى ان المولود الاول ( الاكبر ) بغض النظر عن
النوع له لمسات واضحه فى تحديد مسار بقية افراد الاسره |
واوافقك الرائ تماما في هذه النقطة
رمضان كريم مع كل الود
| |
|
|
|
|
|
|
|
|
|
Re: شخصيتك ...من ترتيبك العائلي!!!! (Re: Ehab Eltayeb)
|
| Quote: أما الطفل الأول فهو قائد بطبيعته، فالطفل الأول انتج رؤساء الولايات المتحدة ورواد الفضاء والتنفيذيين، وذلك بأعداد ضخمة، وهو يعلم انه متفوق ولذلك يتصرف على هذا الأساس وأحيانا يكون عدوانيا، وهو محدد ودقيق في كل ما يفعله خاصة المواعيد ويحب الالتفات الى التفاصيل الدقيقة، وهو يريد الأشياء ان تنفذ بنجاح من أول مرة، وهو لا يحب المفاجآت. ولكنه أي الطفل الأول متقلب المزاج واحيانا كثيرة يفتقد الحساسية في التعامل مع الآخرين ويرفض ان تكون «لا» هي الاجابة وأحيانا يظهر للآخرين انه يعرف كل شيء وهو يجيد اصطياد أخطاء الآخرين |
سبب آخر عشان تنتخبوني... ... انا البكر يا جماعة والبنت الوحيده...
بنت الحسين
| |
|
|
|
|
|
|
|
|
 Re: شخصيتك ...من ترتيبك العائلي!!!! (Re: EMU إيمو)
|
Quote: أنا وإخوتي لا نقبل القسمة على 3
ولكن أنجبتنا ثلاث نساء
إثنان توفاهم الأجل
والأحياء نصفهم ذكور وهم سبعة
أين نجد نفسي من بين السبعتين؟ |
الاخ إيمو:
تحياتي..ورمضان كريم ..
كلامك دا غلوتية عديييل.. دايره ليها زول اكون فاطر.. ولا بالليل..
بعد دا علي كيفك محل ما داير تختار..
كل الود,,
| |
|
|
|
|
|
|
|
|
|
Re: شخصيتك ...من ترتيبك العائلي!!!! (Re: Ehab Eltayeb)
|
| Quote: فالطفل الوحيد لديه طاقات هائلة يمكن ان يحرك بها العالم، فهو دائما مندفع تجاه مهام يريد إنجازها، ولديه وعي تام بما حوله ومنظم ولكن في نفس الوقت يحب الاعتماد على الآخرين. يحب ايضا الأفكار الجديدة والتفاصيل ويشعر بالراحة تجاه تكليفه بالمسؤوليات. وعلى الناحية الأخرى نجد نفس هذا الطفل الوحيد صعبا في التعامل، وخاصة في علاقته الزوجية وهو معظم الوقت لا يغفر ولا يسامح وملحاح ويكره الاعتراف بأخطائه ولا يتقبل النقد في معظم الأحيان ويمكن جرح مشاعره سريعا. |
ياخواني أنا شايفة ناس الدنيا ديل كلهن ما بعترفو بي غلطهم تبقي عيليّ أنا بس،،
كشف الحال شنو فينا من الصباح الليلة،،
أنا بريئة ،،
بس عجبني الجزء ما قبل الأخير،،لأني شكلي غنماية الله في برسيمو،،
الدراسة العلمية دي شكلها أقرب لي الأبراج و دأيماً مشكره و مختوتة في السما بيها لمن ما بعرفني بعد مرات،،
إيهاب إزيك،، بس مالو لو صافيتنا إنت،، و شوية عدلت أسع كدي طفشتهم كلهم مني،،
| |
|
|
|
|
|
|
|
|
|
Re: شخصيتك ...من ترتيبك العائلي!!!! (Re: Soumeta)
|
| Quote: إيهاب إزيك،، بس مالو لو صافيتنا إنت،، و شوية عدلت أسع كدي طفشتهم كلهم مني،، |
الرائعة سوميتا:
رمضان كريم ..
وانتي شكلك حا تنافسي بت الحسين للرئاسة ..انا بعمل ليكم المناظرة
وياستي ولا يهمك الكلام الاخير دا اعتبريه مافي.. وما تشتغلي بيه
بالمناسبة قطعنا فيك اشراقة وانا امس ..والمشكله مافي ماسنجر عشان نوريك الحاصل..
كل التحايا لاهل ايوا الرائعين...
| |
|
|
|
|
|
|
|
|
|
Re: شخصيتك ...من ترتيبك العائلي!!!! (Re: Ehab Eltayeb)
|
| Quote: بالمناسبة قطعنا فيك اشراقة وانا امس ..والمشكله مافي ماسنجر عشان نوريك الحاصل.. |
يخسي و يخسي و تاني يخسي،،تقطع فيني مع إشراقة صحبتي من وراي،،
كلمتني و ألله إقطع المسنجر أنا زمان هاتيت بي وقفتا دي و شكلو قطيعتكم صعب تتعرض في مسنجرات راوية،،
لكن كلمتك؟ أموت و أعرف القطيعة ،،رايك شنو؟
و بعدين أنا هدية و ضية،،، مريوم حلاوة الدوم أدتني وزارة آد الدنيا،، ما بقدر علي نضمي السودانيين الكتير ده،،بكرة غبينة مني ساي إسووني شنو ما بعرفو و شنو ما بعرفو،،أشتري دماغي و أتربع في الوزارة ،،و أتونس مع الرئيسة مباشرة،،
أعرف القطيعة كيييف؟ وزيرة خبارة،،
| |
|
|
|
|
|
|
|
|
|
Re: شخصيتك ...من ترتيبك العائلي!!!! (Re: معتز تروتسكى)
|
الحبيب معتز:
لك التحايا علي التوقيع.. وتشكر..
| Quote: تقريبا لقيت اغلب اوصافى بس ترتيبى خليهو فى سرك |
من ما قلته خليه في سرك شكلك كدا عامل عمله... يعني لاميهن كلهن ..
ما مشكله معاك بت الهسين.. وسوميتا..
سؤال حبيب نورة لسه ما صام???
loooooooooooool
خالص الود,,
| |
|
|
|
|
|
|
|
|
|
Re: شخصيتك ...من ترتيبك العائلي!!!! (Re: Ehab Eltayeb)
|
| Quote: أما الطفل الأول فهو قائد بطبيعته، فالطفل الأول انتج رؤساء الولايات المتحدة ورواد الفضاء والتنفيذيين، وذلك بأعداد ضخمة، وهو يعلم انه متفوق ولذلك يتصرف على هذا الأساس وأحيانا يكون عدوانيا، وهو محدد ودقيق في كل ما يفعله خاصة المواعيد ويحب الالتفات الى التفاصيل الدقيقة، وهو يريد الأشياء ان تنفذ بنجاح من أول مرة، وهو لا يحب المفاجآت. ولكنه أي الطفل الأول متقلب المزاج واحيانا كثيرة يفتقد الحساسية في التعامل مع الآخرين ويرفض ان تكون «لا» هي الاجابة وأحيانا يظهر للآخرين انه يعرف كل شيء وهو يجيد اصطياد أخطاء الآخرين |
كم هو مظلوم الطفل الاول
فى كل حركاته و سكناته يجد عبارات:"انت الكبير"،،"انت العاقل"تسبقه
-ده عن تجربة طبعا-
حكت لى امى حفظها الله اننى كنت شغوفة بصداقة اصدقاء ابي واللعب معهم لان طفولتى خاصة المبكرة منهاتزامنت مع تحضير الوالد للماجستير ولم يكن فى الغربة وقتها اطفال فى مثل عمرى ، والى الآن لا زالت تلك اللعنة -ان جازت لى التسمية -تطاردنى حيث لى صديقات من مختلف الاعمار
يقول علماء النفس يا ايهاب ان الفترة الزمنية بين الطفل الاول و الثاني لا ينبغى ان تزيد عن العامين حتى لا ينشا الكبير مدللا اعتماديا على الآخرين و يتعلم معنى المشاركة.
اخى الحبيب ايهاب
كم هو بوست غنى لك شكرى و كل عام و انت بخير
| |
|
|
|
|
|
|
|
|
|
Re: شخصيتك ...من ترتيبك العائلي!!!! (Re: lana mahdi)
|
الاخت العزيزة لنا مهدي:
| Quote: يقول علماء النفس يا ايهاب ان الفترة الزمنية بين الطفل الاول و الثاني لا ينبغى ان تزيد عن العامين حتى لا ينشا الكبير مدللا اعتماديا على الآخرين و يتعلم معنى المشاركة. |
لك الشكر علي الاضافات الثرة لهذا الموضوع...
Quote: كم هو مظلوم الطفل الاول
فى كل حركاته و سكناته يجد عبارات:"انت الكبير"،،"انت العاقل"تسبقه
-ده عن تجربة طبعا- |
دا كلام جميل ..اكتشفنا بكر جديد معانا
لك خالص الود.. ورمضان كريم,,
| |
|
|
|
|
|
|
|
|
|
Re: شخصيتك ...من ترتيبك العائلي!!!! (Re: Ehab Eltayeb)
|
ايهاب الطيب رمضان كريم
اتذكرت موضوعك وانا اقرا في موضوع قبل يومين في جريدة خليجية ، تتكلم عن تحليل الشخصية وفك غموضاتها عن طريق الخط ، فعن طريق رسمك للحروف هل هي كبيرة صغيرة معرجة تميل الى اسفل اولاعلى يجون انك طموح او غيرذلك ومن رسمك للصاد والضاد بشكل دائري او مثلث ايضا يعرفون انك قلق او مستقر وكذلك بخيل او كريم من كبر الحروف وضيقها والخ الدراسة ..
| |
|
|
|
|
|
|
|
|
|
Re: شخصيتك ...من ترتيبك العائلي!!!! (Re: عشة بت فاطنة)
|
عشة بت فاطنه[ بت امي]
تحياتي ..ورمضان كريم.. شكرا للمرور وتذكرك لنا..
والموضوع اصبح شيق ويمكن تأويله علي عدة اوجه :
-عن طريق الابراج..- واخري من الكف كقراءة الكف ..
-واسلوب الكتابة وطريقتها تلك الطريقة التي اوردتيها ويا ريت لو كان نقلتي لينا الموضوع هنا لتعم الفائدة ...وغيرها مما ستظهره لنا الايام...
لك الشكر والتحايا...
وبالمناسبة كنت ناوي امر علي بوست ست الشاي لكن اذكرت رمضان قلت بزيد لي الصداع فبجيه بالليل...
تحياتي للاسرة ..وتصوموا وتفطروا علي خير,,
| |
|
|
|
|
|
|
|
|
|
Re: شخصيتك ...من ترتيبك العائلي!!!! (Re: عشة بت فاطنة)
|
عشة بت فاطنه[ بت امي]
تحياتي ..ورمضان كريم.. شكرا للمرور وتذكرك لنا..
والموضوع اصبح شيق ويمكن تأويله علي عدة اوجه :
-عن طريق الابراج..- واخري من الكف كقراءة الكف ..
-واسلوب الكتابة وطريقتها تلك الطريقة التي اوردتيها ويا ريت لو كان نقلتي لينا الموضوع هنا لتعم الفائدة ...وغيرها مما ستظهره لنا الايام...
لك الشكر والتحايا...
وبالمناسبة كنت ناوي امر علي بوست ست الشاي لكن اذكرت رمضان قلت بزيد لي الصداع فبجيه بالليل...
تحياتي للاسرة ..وتصوموا وتفطروا علي خير,,
| |
|
|
|
|
|
|
| |
Ehab Eltayeb
omer almahi
Raja
WaD OmI
عشة بت فاطنة
saif massad ali
اسامة الخاتم
Outcast
Dr. Moiz Bakhiet
بلدى يا حبوب
إيمان أحمد
Safa Fagiri
مريم بنت الحسين
EMU إيمو
Soumeta
معتز تروتسكى
lana mahdi
فيس بوك
تويتر
انستقرام
يوتيوب
بنتيريست