|
|
 سؤال محرج
|
ماذا تفعل اذا ندهت ليك خطيبتك/ زوجتك باسم خطيبها/زوجها القديم عن طريق الخطأ ماهو شعورك ؟ وماذا اذا تكرر هذا الفعل؟
سؤال صعب موش
اذا امكن واحد يساعدنا بقصة حصلت
|
|
 
|
|
|
|
|
|
|
 Re: سؤال محرج (Re: Khaalaleyaal)
|
في حالة زي دي تشيـــــــــــــل شيلتها وتفتش على نضارة شمس عشان تشوف بيها النجوم حقت عز الضهر...
ست البنيــــــــــــات...
| |
|
|
|
|
|
|
|
|
|
Re: سؤال محرج (Re: Khaalaleyaal)
|
فى الحالة دى تبقى ما عندك أى لازمة ...
قالوا زمان فى الامثال
ما الحب الا للحبيب الأول
يعنى ده بعد ما تكون نقلت فؤادك حيث شئت من الهوى
يعنى الاول ما بتغير
واخير الاخير ده يشوف ليه شغلة ثانية
لانه ما ليه مكان
والمكان محفوظ لى سيده
| |
|
|
|
|
|
|
|
|
|
Re: سؤال محرج (Re: Khaalaleyaal)
|
انا كمان اقوم انديها بى اسم خطيبتى الاولى او حبيبتى الاولى حتى اذا لم يكن عندى خطيبى اولى او حبيبة اولى او زوجة اولى اقتلع اى اسم بنت من راسى وانديها بهذا الاسم المزيف ....... على مبداء العين بالعين والسن والبسن والبادى اظلم
السمؤل
| |
|
|
|
|
|
|
|
|
|
Re: سؤال محرج (Re: Khaalaleyaal)
|
الاخت ميادة، شكرا على المرور
تشيل شيلتها يعني طلاق / فراق
وهل تستاهل المسألة ده التفكير ولو لي 24ساعة حتى
طيب لو اعتذرت
طيب لو كنتي انت مكانها وخطيبك/زوجك عمل نفس الشي ونده ليك باسم خطيبتو / زوجتو السابقة
| |
|
|
|
|
|
|
|
|
|
Re: سؤال محرج (Re: Khaalaleyaal)
|
خال العيال
سلام كبير
سؤال مهم
هناك حالة أعرفها لزوجة تردد إسم زوجها القديم بدافع الذعر الذي كان تعيش فيه و هي في عصمته ، فقد كانت تأخذ علقة بعد كل وجبة و أخرى نهائية قبل النوم ( زى الحبة
المنومة ) .. لذا فقد كانت تفزع عند مناداتها بغتة ، و أحيانا تقوم من النوم و هي تهذي بإسمه ( عليك الله يا فلان ... ) أها دي معذورة .. مش؟؟
مناداة القديم عن طريق الخطأ قد تحدث بتراكم معين في العقل الحاضر بأن يتم ربط القديم بالجديد بغرض المقارنة السريعة فيقفز الإسم القديم إن كانت المعادلة في غير صالح القديم هذا .. و يبقى الإسم الجديد ساكنا إن كانت المعادلة في صالحه ..
مثال على ذلك : أثناء النقاش .. لو تطرقت الزوجة إلى موضوع مع زوجها الحالي ، و أخذ النقاش منحى كان يأخذه النقاش مع زوجها القديم ، فلاشعوريا تقول له : كدة غلط يا فلان ( و تنطق الإسم القديم ) .. ليس حبا في القديم .. و لكن العقل الباطن لا زال يذكر القديم بهذا المنحى الذي ترفضه هي .. لذا تجدها قد أصابتها اللعثمة و تود أن تبلع ما نطقتْ به .. بعض الأزواج يعتقد بأنه ( الحزن القديم ، و على ضوءه يتم الطلاق ،، و البعض يبقيها في بيته تشفيا بأن يتفنن في تعذيبها ( ضربا أو تخويفا أو ظلما ) ..
و ينطبق ذلك على الرجل .. و لكن المرأة في هذه الحالة ضعيفة لن تجد وسيلة تنتقد بها زوجها على نطق إسم القديمة ( حتى و إن كانت لا تزال القديمة في عصمته ) ..
المخطوبة و التي فسخت خطوبتها .. و لا زال لسانها ينطق بالإسم القديم .. عليها مراجعة نفسها قبل أن تقدم على الزواج من الجديد .. لأن مناداتها للجديد بإسم القديم له دلالات كثيرة ، أقلها أنها لا زالت تمسك العصا من الوسط ، بل من الوسط الأقرب للقديم ، فعليها أن تراجع حساباتها قبل أن تقع الفاس على راس عباس ..
شكرا خال العيال
| |
|
|
|
|
|
|
|
|
|
Re: سؤال محرج (Re: ابو جهينة)
|
خليلو
بعرف واحدة صاحبة اختى عملتها.. العريس طوالى فسخ العقد
عشان كدا بنصح اى واحدى توحد الاسماء يعنى الحبيب الاول اسمه محمد تانى الجاين كلهم يكونو اسمهم محمد للضمان وعدم الدقسة..
| |
|
|
|
|
|
|
|
|
|
Re: سؤال محرج (Re: Khaalaleyaal)
|
يعني في زحمة الاولاد والطبيخ ويجي ينده ليك بي ميمي او نيني (اسم الدلع) بتاع زوجتو السابقة او احتمال تكون موظفة في مجال العمل ـ هل يقدر يفلت من مفراكة المطبخ وله صاج اللحمة... كدي فكري
| |
|
|
|
|
|
|
|
|
 Re: سؤال محرج (Re: Khaalaleyaal)
|
يا خال العيال...
| Quote: من مفراكة المطبخ وله صاج اللحمة |
قدر ماتبقى في النهاية ما بتفوت ليها خبتة مفراكة ولا صجة الصاج لكن انتو...
اححححححح خليها ساي تقعد عمرها كلو تحاول انها تثبت انا زلة لسان وبعد دة كلو من غير فايدة...
ست البنيـــــــــــــات
| |
|
|
|
|
|
|
|
|
|
Re: سؤال محرج (Re: Khaalaleyaal)
|
الاخ ابوجهينة اشكرك على المرور الطيب والايضاحات
لكن ارجوك اتحملني، انا قصدي من سؤالي شنو شعور الفرد لم تحصل الحادثة ده وما هو الموقف العادل الذي يمكن اتخاذه في نفس اللحظة، المبررات البتجي بعدها كتييرة فيها الحقيقي واللاحقيقي وممكن تصدق وممكن لأ
وبعدين ممكن تكون داير ترتبط بي زوله كانت بتعبد حبيبها الاول وفجأة اكتشفت خيانتو ليها، حتكون مصدومة العمر كلو.... هل انته حتتقبل بي دافع الشفقة هل حتساعدها في تخطي المسألة متجاهلا الاسم
| |
|
|
|
|
|
|
|
|
|
Re: سؤال محرج (Re: Khaalaleyaal)
|
عشان زي دا حبوباتنا ما كانن بيجيبن اسم بعلهن صراحةً لا القديم ولا الجديد
أنا غايتو حبوبتي لمن أتوفت " رحمة الله عليها" كان لمن تنادي جدي بتقول ليهو
هـــيييي.
| |
|
|
|
|
|
|
| |
Khaalaleyaal
قرشـــو
samwal ebrahiem
ابو جهينة
bayan
7abib_alkul
فيس بوك
تويتر
انستقرام
يوتيوب
بنتيريست