|
|
 خيمة ....صحبة الخير
|
بكل تواضع وتقدير وحب لجميع اعضاء هذا الحوش الفسيح ...اسمحوا لي
ان أنصب هذه الخيمة في وسط الدار ...نلتقي في ظلها احباب متصافين
مادين الايادي ...وبارمين طواقينا حبا في هذا الوطن ...نتناصح
ونتشاور في امور حياتنا كلها
لا اطيل
اقعدو عافية
|
|
 
|
|
|
|
|
|
|
 Re: خيمة ....صحبة الخير (Re: garjah)
|
اجمل سنين العمر هي ما لم نكن نحمل فيها من هم الا بقدر عصريتنا في أي ميدان نقضيها ...وخميسنا في اي سينما ومقيل جمعتنا
ولم نكن نعرف ان الحياة تدور لتجد نفسك في وسط طاحونة ...تلف وتلف دون رباط ....بالظبط زي الصامولة المحلوجة
الطريق الى المدرسة صباحا تشغلنا فيه كثير من الامور الصغيرة والكبيرة .... فاذا كان الفطور وحق الفطور من الامور الصغيرة فان حصة التسميع والعصرية التي كسبناها لعبا واضعنا فيها حفظ سورة المطففين كانت هما يدغدغنا املين ان لا يكون تسميعها اليوم....
كان اول ما نتمم عليه هو فطورنا القابع جوار كراساتنا يمسح عليها زيته ويحندكنا برائحته الشهية كانه يدعونا لالتهامه قبل حصة الفطور ...وكانت ايادينا تتلصص طريقها اليه لتاخذ قرمة وقرمتين قبل ان يضرب جرس الفطور.
وثاني ما نتمم عليه عدد كراساتنا وكتبناالتي كم ناءت اكتافنا الصغيرة بحملها في تلك الايام .
وثالث ما نتمم عليه هم رفاق الرحلة الى المدرسة .
كنا سربا من الجلاليب البيضاء لا نحمل من الهم الا هم يومنا الدراسي وعصريتنا كيف نقضيها.
| |
|
|
|
|
|
|
|
|
 Re: خيمة ....صحبة الخير (Re: garjah)
|
أخي قرجه متعك الله بالصحة والعافية وأدخلك جنة عالية قطوفها دانية حتى لا تتجرأ وتعمل ليك قناية طويلة تنتهي بسلكة معكوفة لزوم إسقاط فواكه الجنة كما كنت تفعل في جناين الشاطئ أو تستخدم النبلة.
بهذا تثبت للجميع بأنك هرم من إهرامات السودان فأنت من أفراد الدفعة التي نجت من ذلكم البوش في ذلك الصباح ولم يتأذي فيها غير طه القرشي الذي أصابه تسمسم من فتتكم تلك فأصبح مريضاً وأصبح موضوع مرضه درساً تتعاقب الأجيال على تعلمه وتعدى الأمر حالة كون طه مريض إلى ذهبه عند الطبيب. رحم الله طه القرشي
رائع وصفك لرحلتك الدراسية بالرغم من بخلك علينا بالكثير ، وهذه دعوة لك لمواصلة حديثك الشيق.
| |
|
|
|
|
|
|
|
|
 Re: خيمة ....صحبة الخير (Re: يازولyazoalيازول)
|
يازول
موش نورة عملت ضفاير وعندها نونة ...وخشت المدرسة
وزعلانة من جدها هشام شان ما سلم عليها
الملا عمر
شايف سيرة القراية ام دق بتعجبك ...واظنك كنت ممن لفوا العمة
وتابطوا شنطة الدمورية ولبسوا الشدة المغسلة بالصابون ...وجلسوا
على مزيرة المدرسة يختارون الزير البااارد ويقللون من قسوة الدوم
بضربه على اطراف صبة المزيرة عله يسهل كده .....واظنك كنت تملا
جيبا بالقونقليز والاخر بفول الحاجات ...وتصل البيت لتوزع ما تبقى
على اخوتك الصغار وهم فرحين بما اتيتهم به ...
كتب يوما صديقي ورفيق المدارس والمدارك / عادل عثمان ...عن تلك
الايام بانكليزية راقية ( قدر ما فتشت عنها في الارشيف لم اجدها )
يا ريت لو اسعفنا بها ....وعادل ...يا الملا وهشام ...توقف عن
امتاعنا بالانكليزية بعد ان عثر على كي بورد عربي ...
فيا عادل هل من عودة هل
| |
|
|
|
|
|
|
|
|
|
Re: خيمة ....صحبة الخير (Re: garjah)
|
العزيز قرجة
فالتبقي هذه الخيمة علي حواف واحة المنبر الوريفة ملجأ من لفح سموم تهيج من حين الي حين، وبهذا تضيف سبب اخر يقول بعظم اهمية هذا المكان الذين وجدنا فيه الالفة و الانس و الفائدة و كثر من الجمال الذي يفوق القبح الطافح احيانا و الامور بخواتيمها
يديك العافية و اتمني ان تجد فينا صحبة خيرة
| |
|
|
|
|
|
|
|
|
|
Re: خيمة ....صحبة الخير (Re: نصار)
|
ها هي خيمتك أخي قرجة يزينها أخونا وصديقنا وزميلنا العزيز نصار ، وأول الغيث قطرة ، ومقام نصار أكبر من مجرد قطرة إلا أنها قطرة خير وبشارة خير وبداية أتمنى على الجميع أن تدوم حباً وصداقة وصدقاً.
| |
|
|
|
|
|
|
|
|
|
Re: خيمة ....صحبة الخير (Re: garjah)
|
الحبيب قرجة
حبابك عشرة وحباب خيمتك الكبيرة
الخيم الزمن ده بقت مكيفة يا صاحبى وجواها اضاءة وثلاجات كمان..
اها ياخوى نحن عاوزين كانون الجبنة فى النص اول حاجة وخلى ريحة البن تعبق وتجيب الضهبان..
كدى الناخد لى انتكاية شوية واقوم اناضمك ثانى ..
| |
|
|
|
|
|
|
|
|
|
Re: خيمة ....صحبة الخير (Re: 7abib_alkul)
|
اهل الخير
حبابكم عشرة
خيمتكم ترد الروح
لى زمن ازازى بى برة لمن سيد الحوش-الله يديه العافية- رجع لى مفتاحى الرايح(الباس ورد)
قلت ادخل خيمتكم دى اشيل نفسى واشرب لى قهوة وموية باردة وعقبان امرق برة تانى
سلامات لكل اهلنا الحنان اهل الخير
تحياتى
| |
|
|
|
|
|
|
|
|
|
Re: خيمة ....صحبة الخير (Re: garjah)
|
الحبيب حبيب الكل
يطرشنى ياخوى ما سامع أى حاجة ..
تكون المشكلة فى جهازى يا ربى ولا شنو ؟؟؟
بالله افدنا ياخى..
والحقنا بالمشورة الفنية والنصيحة
| |
|
|
|
|
|
|
|
|
|
Re: خيمة ....صحبة الخير (Re: قرشـــو)
|
أخوي .. قرجة .. مودتي لك
ربنا يديك ألف عافية .. كثيرون ممن هجروا هذا المنبر كانت تجمعهم مثل خيمتك هذه وهي فعلاً أسلوب خفيف ويدخل السرور الى النفس .. حتى تهدأ النفوس المتشاجنة والخشونة الزائدة في البوستات التي حسب ظني لا تضيف شيئاً حين طرحها بذلك الأسلوب الاقصائي بين الأعضاء رغم أن العناوين تكون أحياناً مشجعةولكن طريقة الطرح والنقاش لا تشجع ولا تفيد
سلمت يا أخي .. وخيمتك إن شاء الله عامرة بأحبابها
| |
|
|
|
|
|
|
|
|
|
Re: خيمة ....صحبة الخير (Re: garjah)
|
قرجة الحبيب
قلنا ندخل نستظل بوجود الحلوين اللي في بوستك ده
حبيب الكل
سلامااات ... الغنية دي شغلها لينا كويس
دكتورة مهيرة
سلاماااات
نورت البورد يا غالية ... سمعنا بي مفتاحك الرايح.. علا مافي شيئ في الايد
اقعدوا عافية
| |
|
|
|
|
|
|
|
|
|
Re: خيمة ....صحبة الخير (Re: 3bdo)
|
قرجة أبو العباس
تحية و شوق
أنا مكجن الخيم لأسباب تتعلق بكثرة مكوثنا في الخيم بصحراء نجد في عز البرد ..
و لكن مادام الخيمة بتاعتك و الناس الحلوة دي هي السكان .. فأنا إعتبرني من القاعدين في نصها
أرقد عافية
| |
|
|
|
|
|
|
|
|
|
Re: خيمة ....صحبة الخير (Re: garjah)
|
أبو نورة
البيت محروس وستو تكوس ... ما مشكلة .. الشاي بسوي أنا ... علا الخيمة دي تاني ما تخلوها تصل الصفحة التانية وتقعدونا في الهجيرة
قريبي حبيبي ابو جهينة
نورت الخيمة ... واللي زيك ده اذا قعد فيها ياها اللي عمرت تب .. تاني بس اتونس معانا بي جاي
بي بوستاتك الظريفة ديك ... خلينا من المشاكل الكتيرة ديك نقوم ناخد لينا كرت اصفر كمان من عادل
| |
|
|
|
|
|
|
|
|
|
Re: خيمة ....صحبة الخير (Re: garjah)
|
الحبيب قرجة
احلوت الخيمة بالاحباب واسمح لى ان ارحب بالغالية الدكتورة مهيرة التى غابت طويلا وعادت لتنور الخيمة وتنور البورد فقد اشتقنا لها كثيرا ...
الف اهلا بالدكتورة مهيرة وحقيقة منورة يا ستى ...
| |
|
|
|
|
|
|
|
|
|
Re: خيمة ....صحبة الخير (Re: قرشـــو)
|
فوق اول حاجة
تاني حاجة نتمني ان نري العزيزة الي قلوبنا الاستاذة بت قضيم
والكاتبة الشفيفة شيري
ارحب بالدكتورة مهيرة بيننا مرة اخري واتمني ان نسعد بقلمك وقولة الحق.
| |
|
|
|
|
|
|
|
|
|
Re: خيمة ....صحبة الخير (Re: مريم بنت الحسين)
|
حباب الصديق مهاجر
حباب السمحة مريم بت الحسين
حباب صحبة الخير
أذكر حالة النشاط التي كنا فيها ونحن طلابا في المدرسة الابتدائية
وكيف كنا نتنافس في النشاط المدرسي
وحيث أن حظي في كرة القدم كان ضعيفا فلقد عوضته في جمعية الفلاحة المدرسية
وكانت حيضان زراعتي هي الأكثر اخضرارا وكذلك كانت دواجني الأكثر انتاجا
فلقد بنينا قفص الدواجن بأنفسنا حتى أسلاكه وشباكه وحيضانه اشتريناها نحن أعضاء الجمعية
ولم يسهم أستاذ واحد بفلس فيها
وكان ناظر المدرسة هو الأكثر اعجابا بنجاح مشروعنا
ولقد شهدنا المشروع سواسيوا ثم فراريجا ثم داجن يمشي ويطير
وكان في الايام الاولى يطلب منا أن نحضر له بعض الدواجن ليحملها
لبيته وكان ذلك في اخر اليوم الدراسي وهو يتأبط الصحف اليومية
الى أن حضرنا يوم سبت ووجدنا القفص وقد نقص خمسا من الديوك السمينة
ولقد كنت الاكثر غضبا بين زملائي
وذهبنا للسيد الناظر مشرف الجمعية واشتكينا له من الامر وتظاهر بالزعل لأجلنا
وفي حديثنا مع عم صديق غفير المدرسة عرفناأن السيد الناظر حضر ظهر الجمعة ومعه بعض أبنائه وانهم شوهدوا جوار قفص الدواجن
وكان أن دعوت فورا لاجتماع الجمعية وأعلنت أن الجمعية فرتقت وقسمنا عدد الدواجن على عدد الأعضاء وأخذ كل نصيبه وذهب به للبيت
في الصباح أحضرنا السيد الناظر لمكتبه والشرر يتطاير من عينيه
-انت الفرتقت الجمعية
-أيوه ياأستاذ كلنا اتفقنا نفرتقا
-وليه تعمل كده
-الجمعية حقتنا وكل واحد أخذ نصيبو
-أنا مش المشرف بتاع الجمعية
-أيوة لكن يا استاذ انت ما دفعت معانا
-مادفعت شنو ياولد جيب الخرتوش
وكان يجلدني بحرقة من فقد لذة اكل لحم الجداد الى الابد
| |
|
|
|
|
|
|
|
|
|
Re: خيمة ....صحبة الخير (Re: garjah)
|
ظللت لاكثر من اسبوع احاول الدخول لمنتديات سودانيات ولكن دون جدوى ....وكنت كل مرة ارجع السبب لكومبيوتري التعبان ...ولكن الحال استمر لاكثر من اسبوع مما اكد لي ان بالامر شيء
والغريبة ان حدث كهذا لم يجد تفاعل في منبر سودانيس اون لاين
فاذا كنا نعتبر سودانيات هي رئة اخرى نتنفس بها بعد الزحام الشديد الذي اصاب هذه الرئة وعدم تحمل البعض لنفسه والاخرين فما كان يجب ان يمر امر اغلاق سودانيات هكذا دون نقاش ؟
هل ذهبت سودانيات بفعل فاعل ؟
ولماذا ؟
| |
|
|
|
|
|
|
|
|
|
Re: خيمة ....صحبة الخير (Re: garjah)
|
Quote: وفي حديثنا مع عم صديق غفير المدرسة عرفناأن السيد الناظر حضر ظهر الجمعة ومعه بعض أبنائه وانهم شوهدوا جوار قفص الدواجن
وكان أن دعوت فورا لاجتماع الجمعية وأعلنت أن الجمعية فرتقت وقسمنا عدد الدواجن على عدد الأعضاء وأخذ كل نصيبه وذهب به للبيت
في الصباح أحضرنا السيد الناظر لمكتبه والشرر يتطاير من عينيه
-انت الفرتقت الجمعية
-أيوه ياأستاذ كلنا اتفقنا نفرتقا
-وليه تعمل كده
-الجمعية حقتنا وكل واحد أخذ نصيبو
-أنا مش المشرف بتاع الجمعية
-أيوة لكن يا استاذ انت ما دفعت معانا
-مادفعت شنو ياولد جيب الخرتوش
وكان يجلدني بحرقة من فقد لذة اكل لحم الجداد الى الابد
|
ود عمتى والله قطعتنا من الضحك الله يجازي محنك
حقيقي القصة رجعتنا للعصر الذهبي للتعليم فى السودان
وناظركم ماشفت لكين ورايك شنو فى نظار الزمن دول لا يربو
دجاج ولاتلاميذ الله يكون فى عونا وخلى بالك من نظار السياسة السرقو
دجاج البلد ولا خلو خلو لينا الدجاجة الصغيرة الحمراء
ولادجاجى يلقط الحب الذمااااااان ديك  زمنكم 
وبالمناسبة رايك شنو فى دجاج فقيه
| |
|
|
|
|
|
|
|
|
|
Re: خيمة ....صحبة الخير (Re: cola)
|
ود خالي
رغم اننا نلتقي بصفة دائمة تقريبا ....الا ان طلتك النادرة من خلال هذه الشاشة لها طعم خاص
انت عارف ناظرنا ده موجود في حياتنا الى اليوم فهو قد يكون رئيسك غير المنصف في العمل
وقد يكون جارك الذي يستغل الشارع على حسابو ....وقد يكون الجماعة الانت ذكرتهم فوق ديل
| |
|
|
|
|
|
|
| |
garjah
almulaomar
يازولyazoalيازول
نصار
7abib_alkul
قرشـــو
مهيرة
saifkeli
ابو جهينة
مهاجر
مريم بنت الحسين
cola
فيس بوك
تويتر
انستقرام
يوتيوب
بنتيريست