حزن تماضر النبيل ..

مرحبا Guest
اخر زيارك لك: 03-29-2024, 07:34 AM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مدخل أرشيف النصف الثاني للعام 2004م
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
11-01-2004, 04:10 PM

تراث
<aتراث
تاريخ التسجيل: 11-03-2002
مجموع المشاركات: 1588

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
حزن تماضر النبيل ..

    "انا قاااعدة" فعلا

    هذه المرة عاصرة "فراش البكا"

    بكا يا تراث ما خلونى ابكيه براى...

    اجمل ما تكون الاحزان عندما يتشايلها معك الحبان مثل توب القبايل...

    كل زول ماسك طرف ومغطين ليك شرك وحرك ...وبالينو ندى وراشينو حنين


    ما حسيت بانى براى ولايوم...ولا لحظة...

    ماحسيت بانو ابوى الفات فات...ولا مات

    حسيت برحمة دعوات الناس تتنزل على قبرو مطر..مطر برااااحة رطبانة ونسيمها عليل...رحمة رحمة رحمة

    بركة البعرفكم

    بركة البعرف كل الناس المنتشرين فى سطح الارض

    زول زول...

    بركة الما مت زمان وما جيت لى عند الباب ده ودقيتو

    بركة الهكر الشاف بى عينو محبتكم واخلاصكم وتواددكم وتعاطفكم

    يازول مافى دنس
    مافى حزن غير حزن طبيعى ...ومكتوب ..

    على زول مات بستاهل نحزن فى موته...لكن ما قدرنا نقاوم فقدو

    اهو بدا يتقمصنا ...روحو بدت تظهر تانى وتتقمصنا...

    حنمشى على منواله وايقاعه

    ونرش الدنيا ..زى ما بعمل كان ...فرحة وبعد الفرحة فرح
    متجدد كان
    رااااسخ ومتجدد...

    زى ما بتطلع كل يوم شمس جديدة على الدنيا ...وكانها تطلع للمرة الاولى...

    ده بس كان هو...

    اتقمصنى...واتقمصتو

    وبحاول اشع زى ما بتشع اوكاتو

    واحاول اضوى ...على بركات وهجو

    واحاول اتمدد بره مساحات "المفروض" "والعادى" ...على قدر ما اقدر اهزم محدودية امكاناتى واطوع فيها

    "قصورى الذاتى"...واتمدد..واوصل...

    بتمدد واوصل

    وما ندمانة على حاجة...

    وما زعلانة ولا غضبانة...

    بس فاقداه


    تماضر شيخ الدين - نقلاً عن بوست (الهكرز والحب) لتراث
                  

11-01-2004, 04:25 PM

طلال عفيفي
<aطلال عفيفي
تاريخ التسجيل: 06-20-2004
مجموع المشاركات: 4380

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: حزن تماضر النبيل .. (Re: تراث)

    حزن ناعم وعميق ..
    ومحنه وافيه ..

    تراث:
    ترى هل يمكن أن يكون الموت واحده من انجازات الانسان ؟

    فعمنا شيخ الدين كان موته كبيرا..


    ...
    طلال
                  

11-02-2004, 02:11 PM

تراث
<aتراث
تاريخ التسجيل: 11-03-2002
مجموع المشاركات: 1588

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: حزن تماضر النبيل .. (Re: طلال عفيفي)

    شكراً ياطلال
    شفت كيف تماضر جميلة ، حتى في الحزن وقد وصل مداه ؟
                  

11-04-2004, 03:28 AM

Tumadir
<aTumadir
تاريخ التسجيل: 05-23-2002
مجموع المشاركات: 14699

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: حزن تماضر النبيل .. (Re: تراث)

    تراث....

    طلال..

    شوفو حزن محجوب شريف على المرحوم عبد الكريم ميرغنى:


    يابا مع السلامة
    ولى سكة سلامة وللحزن المطير
    يا كالنخله هامة
    قامة واستقامة
    وهيبة مع البساطة واصدق مايكون
    راحة ايديك متل الضفتين
    ضلك كم ترامى
    حضنا لليتامى

    خبزا للذينا ..هم لا يملكون
    وبنفس البساطة
    والهمس الحنون
    ترحل يا حبيبى
    من باب الحياة
    لى باب المنون

    ياتلك الترامس
    وينو الصوتو هامس
    كالمترار يساسق
    ويمشى كما الهفيف

    ينده للبنية ويديها الحلاوة
    يمرق جنو منو محبوب الشقاوة
    يستنى النصيب الدفو والنداوة
    والشذى والعبير

    حيث الموية عذبة فى الوادى الخصيب

    الشمس البتطلع
    بلت منو ريقا
    والنجمة البتسطع فيهو تشوف بريقا



    شكرا لك يا تراث

    دائما تجملنى ...

    وهذا فقط نابع من جمال روحك الفياض

    وانت يا طلال

    يا ربيع هذا المكان وياسمينه..

    صدقونى ازداد باطرائكما قامة
                  

11-06-2004, 00:15 AM

محمد عبدالقادر سبيل
<aمحمد عبدالقادر سبيل
تاريخ التسجيل: 09-30-2003
مجموع المشاركات: 4595

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: حزن تماضر النبيل .. (Re: Tumadir)

    أرفع عزائي الحار اليك ايتها الاخت الكريمة تماضر
    والى هشام والى بقية اسرة شيخ الدين الكرام
    آلمنا الخبر والله
    وقد كنت على سفر لذا تأخرت التعزية
    فارجو قبولها عبر هذا البوست الرقيق يا تماضر ويا هشام
    وشكرا لك عثمان مسرح والى اماني والوليدات
                  

11-07-2004, 01:29 PM

تراث
<aتراث
تاريخ التسجيل: 11-03-2002
مجموع المشاركات: 1588

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: حزن تماضر النبيل .. (Re: محمد عبدالقادر سبيل)

    شكراً تماضر على طلتك الجميلة ، على النص الجميل لشاعرنا الجميل .
    شكراً محمد سبيل .. ليك وحشه .
    رحم الله فقيدينا الكبيرين : شيخ الدين وعبد الكريم ميرغني ، يرحم الله جميع امواتنا ببركة أواخر هذا الشهر الكريم
    .
                  


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de