|
بين البعاد والشوق -شعر-
|
بين البعاد و الشوق فترت خطاوينا و بقينا ما بنحوق والله ما بنحوق كبر الحنين ساعات و انشرّا في الساحات مرسال امانينا وطلعنا فوق لي فوق وقتين غلبنا الشوق خجلت خطاوينا وبقينا بس نشتاق لي زول اونسنا ومرات احجينا يدينا حبة زوق لو الحنين بصبر تصبر امانينا اصلو السفر ملحوق توب الفرح ملتوق ان كان بغتينا الا العمر ممحوق ملعون ابو الفرقة ان كان تهد الحيل وتزيد شكاوينا والغربة لينا تسوق بس..... بين البعاد والشوق تشهد اماسينا والله بشتاق ليك و حنيني ليكي بروق خليني افرح بيك مشوار سفرنا بروق
|
|
|
|
|
|