ما منعني من انزال هذا البوست في فترة تقلبه الاسبوع الماضي هو أنني لا اريد ان اذيدك جراحا علي جرح فقد عمك ( رحمه الله وأسكنه فسيح جناته ) ... فارجو أن تستحمل صراحتي في هذا البوست وان قسوت فيها احيانا ... ولا غرض لي الا بقاء ( حوشنا ) نقيا ورائعا كما كان سابقا
كم تعلم أخي بكري .. كان لي شرف متابعة هذا المنبر منذ تأسيسه وكنت اتابع هذا المنتدي كقارئ منذ ان كان اعضاءه لا يتجاوزون اصابع اليدين ... قبل أن أتجرا لاصبح عضوا فيه فيما بعد... حيث انني كنت اري نفسي صغيرا امام ما اولئك الاعضاء الرائعين ... الذين أسسوا معك هذا البورد .. واقول اسسوا لا اقصد بها الامور المادية اكثر مما اقصد بها استقطابهم للآخرين للمشاركة في هذا البورد عند تأسيسه وذلك بكتاباتهم ومشاركاتهم الرائعة .. وأخلاقياتهم الأروع ... اناس تتشرف بان تكون عضوا بينهم ... اسرة واحدة .. من كل الوان الطيف ... يختلفون بادب واحترام ... وانت تعلم السبب الرئيسي لانتقال معظم أعضاء سودان نت المحترمين للمشاركة في هذا المنبر نتيجة لما اصاب منبر سودن نت من افعال الهكر اللا أخلاقية آنذاك.
أين ذهب معظم هؤلاء .. لماذا امتنعوا عن المشاركة ... اقولها لك بصراحة .. لانك وجهت البورد (والذي يفترض به ان يكون حرا) ..وجهته باتجاه حددته أنت وحدك ..وبايعاذ من اصدقاءك الحزبيين وما هجمة تلك الفئات علي البورد بخافية علي أي متابع ... وفي ظروف محدده
لقد تنازلت عن أخلاقيات ومثل البورد حينما سمحت بنزول بوست ( خدر ) وصوره الخادشة للحياء بعد أن دافعت عنه تماضر والموصلي و شلتيهما ... اعدت علينا ما تركناه خلفنا في سودان نت من فعل الهكر .. اعدته الينا بفعل احد اعضاءك وعلي مرئي ومسمع منك .. وحينما قام أحد أعضاء لجنة المودريترز ( المنتخبين ) بحذف البوست ... اعتذرتم عن حذفه واعدتوا نشره.
المريود ( سونا ) ... ذلك الفنان المخلص الخلوق ... الذي كان يتحفنا باناقة تصاميمه لصفحة البورد الرئيسية من حين لآخر ... بعته هو + الخواض + ود الجيلي وآخرين ... بعتهم بشرنوبي حينما أيدت وجود بوسته ( الشطحة ) والذي كان محل اختلافهم الرئيسي معك ... ولم يعد هؤلاء للمشاركة الا لماما ... منذ ان سماهم ساخرا ( الركشات )...
ونلاحظ أنك تقف في صف المشاهير وأنت تظن انهم من يرفع لهذا البورد اسمه وسط المنتديات التي تتذايد يوما بعد يوم ... حتي وان اخطأ هؤلاء...
هل يعلم معظم اعضاء البورد اليوم أن هذا البورد كان بهيوما ما مودريترز منتخبين ... ومنهم ( الصادق , السارة , الريسة تغريد , فرلنكلي , هشام يازول , سونا , ووووو وكان لدينا عمدة اسمه قرشو )
وحينما تاتينا بمقترحاتك للمودريترز الجدد ... تورد أسماءا لا علم لنا بها وتتناسي القدامي أمثال فرانكلي وقرشو ... وما نلاحظه بصراحة أخي بكري هو انجذابك للأسماء اللامعة والأسماء التي تسبقها الحروف والأدباء والمغنيين علي حساب نخبة من الذين إستقطبوا الأعضاء للمشاركة في هذا المنبر حين انشاءه ووقتها لم يكن يعرف به أحد .. وما جذب الناس اليه هو عضويته الرائعة( آنذاك) ... وتأتينا بمقترحات كمودريترز لاعضاء بعضهم لم يفطموا بعد في المنتديات واغوارها.. وما اقصد بلم يفطموا هذه الا المدة الزمنية لعضوية بعضهم والذين لم يكملوا عامين في المنتديات
أخي بكري ... اوردت هذا لعلي اجد منك اذنا صاغية ... وادعوك لان تتمعن في ما كتبته اعلاه ولا أطلب منك ردا علي هذا البوست ... لا نريد المذيد من الجدل ...لقد كتبته ابتغاء المصلحة العامة للبورد لعلك تنتبه الي ما فيه بصدق وشفافية ووقوف صادق مع النفس.
وختاما أدعوك الي ان تتعامل معنا بصدق ... وان لا تغلق البورد مجددا بسبب ان فلانة قالت أو فلان فعل ... من أراد ان يذهب فنقول له وداعا والي لقاب قريب ان شاء الله لانه سيعود ان احب هذا ( الحوش ) من قلبه ... ومن خان اخوانه في البورد فلنقطع رأسه من هنا... ولكن بحقائق وأدلة ولا بآراء واجتهادات معظمها مكايدات سياسية ... بين طغمة نسيت ربها وظلمت هي تحكم البلاد .. , اخري باعت نفسها لأعداء الله مكايدة منها للفئة الأولي.
ودعوة الي انتخابات حرة للمودريتر وانتخابات حرة للجنة الحكماء والله أعلم
عبد المجيد
08-17-2004, 01:23 PM
يازولyazoalيازول يازولyazoalيازول
تاريخ التسجيل: 02-05-2002
مجموع المشاركات: 10210
والله كتر خيرك قلت كلام سمح شديد ، وأنا بأثنى على كل حرف كتبته ، وأقول لى بكرى ولى عادل فى المنبر ده فى ناس حلوين شديد هم الوضعوا اللبنات الأولى فيه ، طفشوا عديل لما شافوا المركب قرب يغرق ، وهسع أنا شايف فى بصيص أمل ،
عليكم الله الناس دى أدوها مقامها الصحيح ، وما تخونوا العشرة ، عشان الخائن (الله بخونو)
ضعوا الناس فى مقاماتها ، حتى يعودوا وهم راضين فرحين مستبشرين
وين ناس ودشداد وين الفاضل ، حليل الصادق حليل تغريد وغيرهم وغيرهم من الناس الحلوة شديد ، تشوف نقاء نفوسهم فى حروفهم حتى تخجل من كل الحروف
شكرا يا عبده ، الله يجبر بخاطرك
08-17-2004, 02:46 PM
altahir_2 altahir_2
تاريخ التسجيل: 11-17-2002
مجموع المشاركات: 3949
اعتقد ان من ضمن الاسماء المؤسسة ايضا الاخ الصديق عمـر رجب وربما يصبح السؤال اكثر منطقية وواقعية اذا سالنا لماذا لم يستمر هؤلاء النفر فى مسؤولياتهم الادارية ومنهم الاخ خالد الحاج لاحقا ؟
زي ما بتعرف يا هشام.. البورد ده انطلق بي ناس رائعين بمعني الكلمة .. ناس فاهمة ومهذبة وراقية في كل تصرفاتها حتي في خلافاتها رائعة.. بديتوا بداية جميلة للبورد وانتوا اللي خليتوا الناس تسعي لانها تنضم للبورد ده ... حسع وينم الاعضاء الرائعين ديل .
اتعودنا لينا كم سنة ..اول ما الكونكشن بتاع الكمبيوتر والنت يكتمل ... بنخش علي ( حوشنا ) طوالي .. بس بدينا نشعر انه ده ما ياهو حوشنا الزمان
علي قولك ... وين ود شداد وين الفاضل ووين شلة أبو ظبي الجميله ... اللي خلت هشام يبقي شاعر
الأخ الطاهر
سلامااات .. ويييينك ؟ .. ليك وحشة
علي قولك ... الرائع دوما عمر رجب نسيت اذكر اسمه ... الكبر حصل
08-17-2004, 11:42 PM
EMU إيمو EMU إيمو
تاريخ التسجيل: 02-16-2002
مجموع المشاركات: 2924
بالأمس كانت الضجة عن الشهادات المزورة واليوم نجد حتى تواريخ التسجيل مشبوهة بمعتى ان يعمل لك دعاية ترحيب في بوست بتاريخ اليوم ونفاجأ بأنك مسجل من عام 2002
والأسماء التي ذكرتها يا عبدو كانت محل إحترام من الجميع إلاّ من أبى وأضيف لهم الأخت عربية سعودية صاحبة الحجة والبرهان الأستاذ بناديها والأخ ودعزة صاحب الرأي المحترم وأما عن رمانة فقد تعرضت لمضايقات جعلتها لتنأى بنفسها
08-18-2004, 01:52 AM
Bakhaf Bakhaf
تاريخ التسجيل: 03-06-2002
مجموع المشاركات: 2434
دي ايام لاتنسي والله الناس فعلا كانت اكتر من اخوة ومواضيع في الصميم بالرغم من الاختلاف اللي كان بيحصل لكن زي عداوات الناس الحاصله الايام دي ما سمعنا بيها يازوول موش في انتخابات هنا بس كدي يعلنوها كان الناس دي كلها ما رجعوا وين عمك حسبو رمانة دومة الصادق وتغريد دكتور صلاح ضرار الحبيب المريود ( سونا لاحقا) الخواض عمر مهدي رقم صفر محسن المريخابي ديك الجن ودعزة (( الزوول ده والله له القدح المعلي في شهرة هذا البورد ))
يازوو اللستة دي طويلة لكن بيرجعوا وقريبا انشاء الله التحية لك وانتا تذكرنا بايام نتمني ان تعوود
سلامااات ... وينك يا اخوي مختفي ... كويس اللي ظهرت بالبوست ده ارجو انك تبلغ تحياتي لخالتك رمانة ... وقول ليها اخوانك اشتاقوا ليكي .. طلي سلمي علينا من وقت لاخر
بخاف الحنون سلامااات علي قولك .. الظاهر انو نحن ناس سدنة ..أو عجزنا وبنحن لي قديمنا دايما ... لكن قديمنا ما جد يستاهل يحنوا ليه ...
ود عزة الكتاب رمانة ذات الرأي السديد محسن صالحابي ( شرد من هزائم المريخ المتتالية ) ديك الجن أبو لسان بناديها ذو القلم الأحمر عمر رجب ( المحسي المبدع ) الصادق الراقي... الخدوم ... أخو الإخوان .. حبيبنا فرانكلي ... فرانكلينا الحبيب وبقية الحلوين
تعرفوا يا شباب ... انا دخلت البورد ده يا دوووب باعرف لي شوية حاجات في النت ... ومن دروس كانوا بينزلوها فرانكلي + الصادق + بكري أبو بكر ... اتعلمت حاجاااات كتيرة ... لامن اتفلست وعملت لي موقع كمان ... ما باقول الكلام ده لفشر أو كده ... لكن باقوله علشان احفظ للناس اللي علموني حقوقهم ... ونعرف الناس كانو مفيدين كيف زمان ومن بارينا السياسة ما بقي في البورد أي عمار
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
يازولyazoalيازول
altahir_2
EMU إيمو
Bakhaf
فيس بوك
تويتر
انستقرام
يوتيوب
بنتيريست