بروفيسور ريو.... نعم سنقبل التحدي
بروفيسور ريو.... نعم سنقبل التحدي السلام عليكم.... بروفيسور هيونغ غيون ريو... أحد أعلام شعبة الكهرباء والالكترونيات وهندسة الحاسبات فى الجامعة التى أدرس فيها حالياً Chungbuk National University... مدير قسم البحوث..وعضو نشيط فى أكبر مؤسسة علمية للمهندسين الكهرباء والالكترونيات IEEE http://ieee.org/ أول مرة نلتقى كان مطلع العام الحالي 2004 وحينها كان فريق البحث الذى أنتمى اليه مقدم مشروع للمحافظة هنا "جونغ جو" وطبعاً لاننى المع كالنحاس هنا فى هذه المدينة التى عدد السودانيين فيها واحد فقط تمطرنى الاسئلة دوماً.... أنت من وين والسودان دا وين والخ.... وهنا الناس لا يتورعوا خجلاً لأن يطرحوا أسئلة جارحة مثل متزوج؟ ولا خصوصية زى عمرك كم... وكل سؤال له علاقة بثقافة الكوريين... بعد الاسئلة التقليدية...سئلنى عندك شنو هنا... -والله الفريق بتاعنا مقدم مشروع للمحافظة * بالله! طيب المشروع عن شنو -قعدت أشرح لمّا قلت الروب * يا أخى دى مشاريع وهمية ساكت...كلام فى الورق بس...تعال أوريك المشروع بتاعى المقدمينو الطلبة فى المعمل بتاعنا... صراحة المشروع مذهل وهو من الأشياء التى تستحق الدراسة والتطوير لأنها ممكن تساهم فى تقليل الفجوة بين الذين يعلمون والذين لا يعلمون "Transmission of Data over the Electricity Power Line" المشروع كتبت به بوست فى سودا دف حيث المتخصصين فى مجال الحاسب وقلت لعله يأخذ نصيبه من النقاش الجاد .... http://www.sudadev.net/forum/viewtopic.php?t=954&sid=f2...aef04ed151a9c920336a - والله فعلاً حاجة رائعة... * ياخى سيبك من الكلام بتاع قواعد البيانات وما ادراك...دى المشاريع البتنفع معاكم فى أفريقيا.... قلتا لى انت من ويين؟ - من السودان...يا خى بتعرف مصر؟ * نعم - بس...احنا "تحت مصر طوالى"..عرفتا * آآآآآآآآآآآآآآآآآآآآ....سوداااااااااااااان - الله يفتح عليك أنتهى اللقاء ومع السلامة.... ---------------------- مجتمع الجامعة فى كوريا...عامل زى الأسرة الواحدة...الكل حميم مع بعضه..مع الأختلاف فى الحميمية ما " بيننا" وبينهم... كل أستاذ بيعرف أخبار الباقين... ساعة الأكل مقدسة عند الكوريين ومن الأشياء التى تدل على تراحم الكوريين فى ما بينهم...وما بينهم وبين الغريب بينهم تانى سؤال بعد كيف الحال بيكون : أكلت؟؟؟ &معلومة غير مؤكدة: ذلك بسبب المجاعة التى خلفتها الحرب الكورية...لذلك يهتم الكوريين بمعرفة هل تناولت الوجبة ام لا...& وفى ساعات الوجبة تتم الونسة...بشكل شبه يومى...الطلبة بتكلموا فى مواضيع الدراسة المشتركة والاساتذة بتكلموا عن أداء الطلبة فى مجال البحوث... وان كنت أجنبى...فمؤكد انت معروف لديهم أجمعين.... مرت الايام.... وفى يوم 23 الشهر المنصرم... زار الجامعة سعادة سفير السودان بكوريا ..فى خطوة من شأنها زيادة عدد السودانيين فى المدينة من واحد فقط لا غير.... الزيارة كانت جميلة وخفيفة....وأدّت الغرض واكثر... طبعاً احنا فى جاه السفير ملوك .... قبل ايام قلائل.....كنت مبطون شوية....ومازال.... قابلت البروفيسور فى ممر ضيق....بادرته التحية كعادة الكوريين مع الإنحناءة التى تحمل فى طياتها الكثير من الحميمية... بعد رد التحية سألنى هل تناولت الوجبة؟ أجبته بالنفى... أستدرك الكلام...آآآآآآآ سمعت انك مريض الايام دى...كيفك الآن...فى تحسن؟ - والله فى تحسن الحمد لله * الله معاك - بروفيسور...مازلت معجباً بالمشروع القدموه الطلبة فى معملك * يا ابني دا مشروع صغير مقارنة بالمشاريع والاوراق العلمية التى تخرج بالعشرات من معملنا كل سنة - أتساءل لو فى المعمل بتاعكم فى طلبة أجانب؟؟ * نعم فى طلبة أجانب ... * لو عندك وقت تزور المعمل بتاعى الآن؟ - أكيد فى وقت * يلا .......... فى المعمل لقيت طلبة كوريين...وآخرين من الصين...وواحدة من فيتنام بعرفها... قدمنى للطلبة وتبادلنا البيسنيس كارد وسألتهم من عنوان صفحة الإنترنت تفاخر البروفيسر بالطلبة وبالمشاريع الشغالين فيها...وكنت مبسوط حينها.... احدى الطالبات من الصين...تضع صورة ابنتها الصغيرة فى مكتبها... سلمت وقالت سلام اليكم قلت ليها عليكم السلام....الله انتى تتكلمى عربي...قالت لا لكن لدي صديق من السودان فى الصين قلت ليها عظيم جداً....حصل لينا الشرف والله......على فكرة فى صينين كتار فى السودان * بالله - أيو...لأنهم جو ينقبوا عن البترول فى السوددان * هو السودان فيهو بترول؟ - نعم فيهو بترول وبكميات واعدة.... ربنا يوعدنا! ممممممممممممممممممم اها مع السلامة... ------------- اليوم بعد حضور أجتماع لمناقشة المشاريع المقدمة من كل فرق المعمل خلال الفترة الصيفية... رجعت الى مكتبى لإجد رسالة ملصوقة على شاشة الحاسب الآلى مكتوب فيها الرجاء الإتصال بالرقم:00000 الامضاء: قائد الفريق السابق أستغربت لأن الرقم يبدو داخل الجامعة... لو كانت قائد الفريق دايرانى فكان يا اما تتصل بى...يا اما تركت تلفونها الشخصى المهم أتوكلت على الله وأتصلت بالرقم: فاذا به مكتب البروفيسور * الو -أنور المتكلم * أهلاً...لو عندك زمن تمر على مكتبى؟ - أكيد فى زمن * مكتبى فى الطابق الرابع...غرفة رقم 00 - فى الحال بكون هناك ---------------- دخلت المكتب بعد التحايا.... * اه...جيت سريع! - .... * انا قلت بعد ما وريتك المعمل...أوريك لماذا المعمل دا معمل محترم... كان البروفيسور تبدو عليه علامات الزهو...بما اننى ابديت إعجاب منقطع النظير بالمشروع وبالطلبة والخ... * انا داير أوريك وأورى كل الناس المعمل بتاعنا دا معمل عظيم كيف؟ * شوف الكتاب دا....فيهو محصولنا من الأوراق العلمية لهذا العام....الأوراق التى قدمت ل IEEE وقبلت ونوقشت اكتر من 8 أوراق....والتى يتم مراجعتها بواسطتى انا اكثر من 6 حتى يتم ارسالها ل IEEE عارف بقول ليك بواسطتى انا ليييه؟ - ليه أخرج كتاباً آخر * لأنو انا عضو فى لجنة المراجعة الدولية زاتا * أى بحث علمى بطلع من هنا براجعو بنفسي....عشان كدا المعمل بتاعنا أكتسب سمعة عالمية... - والله حاجة جميلة * موش جميلة...دى حاجة خرافية * أقول ليك 8 أوراق على الأقل تقبل فى IEEE مافى أى بروفيسور تانى بعمل كدا هنا...وما أى بروفيسور غيرى هنا عضو فى لجنة المراجعة بتاعت IEEE - والله مفخرة للطلبة فى معملك * عندك 10 دقائق تتصفح فيها الكتاب بتاع الأوراق العلمية دى - ممكن آخذ نسخة؟ * لا يا حبيب...دى خاصة بالمعمل بتاعنا هنا لكن ممكن تشوف الصفحة بتاعت IEEE ونزل الحاجات من هناك...فقط أكتب أسمى هناك وحا تشوف النتائج كيف براك.... - والله عظيم...الحقيقة يا بروف...انا مبسوط جداًُ من نظام التوثيق دا والله يعنى بعد 10 أجيال..ممكن أى زول يلقى البحوث العملتها انت أو خريجى المعمل أنحنا فى السودان عندنا الواحد بيسمع باللقب العلمى فقط...عمرنا ما شوفنا بحوث.... - عشان كدا قولة يا دكتور دى عندنا ساهلة.... وكمان عندنا ان بقيت دكتور...الله قال بى قول الوزارات.... المعامل فااااااااااااضية والوزارات مليانة دكاترة....أى حاجة بس دكتور وباقى الدكاترة برّه البلد... * أيوه عارف الكلام دا... - تحديداً فى دول الذين لا يعلمون ......... - أتساءل يا بروف! كيف ممكن الطلبة الاجانب يلتحقوا بالمعمل بتاعك دا؟ * انا ما بقبل أى طلبة...الطلبة عندى لازم يكونوا مستوى عالى... الطلبة البقبلهم هنا...أتوقع منهم أوراق علمية لا تقل عن جودة الأوراق التى نقدمها الطالبة اللاقيتها من الصين دى جاية من أحسن جامعة فى الصين... بجث التخرج بتاعها من الماجستير كان ورقة علمية قبلت فى IEEE الآن بتعمل فى دكتوراه.... - نعم...مستوى عالى و لكن كيف يمكن لك ان تعاين الطلبة؟ * عبر صفحة الإنترنت التابعة للمعمل... جاءنى أحساس بدوى كدا...أنو البروفيسور نفش ريشو شوية... - يعنى أكلم الطلبة العندهم رغبة فى مواصلة دراسات عليا فى مجال البحث بتاعكم دا؟ * زى ما قلتا ليك احنا ما بنقبل أى زول هنا... - وانا كمان ما بكلم أى زول... يا بروفيسور..احنا مشكلتنا فى الفرص....مشكلتنا ما فى البلادة... أحنا ما معروفين ولا مشهورين لاسباب موضوعية كلنا فى السودان أقل من 40 مليون....ونسبة الأمية تزيد على نسبة الجهل... وفوق لى دا كلو المتعلمين فينا قاعدين يتشاكلوا فى السلطة.... دا غير النسبة القاعدة بره السودان وبقت غير سودانية.... لكن عندنا ناس كويسين والله....بس مافى ضؤ عليهم... يا بروفيسور....عندنا طبيب بيطرى محسوب من ضمن أحسن 2000 عالم فى القرن فى مجال الطب البيطرى وعندنا وعندنا وعندنا........... لكن دا ما مربط الفرس... * اها؟ - أحنا دايرين فرص تعليمية....دايرين كتب.... أوكد ليك يا بروف فى ناس كتار فى السودان لو لقو الفرصة....بيغيروا فى مجرى التاريخ * صحيح؟ - أى والله....وانت تشوف براك * يعنى نتوقع أوراق سودانية من المعمل بتاعنا الى IEEE - أتاكد وخلى فى بطنك بطيخة وكمان شمامة معاها ------------- مع السلامة (عدل بواسطة AnwarKing on 07-06-2004, 06:55 AM)

07-06-2004, 07:12 AM

AnwarKing

AnwarKing
تاريخ التسجيل: 02-05-2003
مجموع المشاركات: 11481

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: بروفيسور ريو.... نعم سنقبل التحدي (Re: AnwarKing)
أها يا أخوانا... المجال بتاع الزول دا هو - Digital Communictaion system - Design of communication circuit and system - Spread spectrum system - Wireless Communication System ( WLAN, GPS, RDS) - High performance PPL Design and application - OFDM system for WLAN and 4G mobile communication - AJ and LPI Technology - CDMA system design and Analysis -SDR and Multi-carrier Communication System - PLC (power line communication) and Home Networking العندو رغبة يراسلنى على الإيميل: [email protected]

07-06-2004, 10:04 AM

smart_ana2001

smart_ana2001
تاريخ التسجيل: 04-17-2002
مجموع المشاركات: 5695

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: بروفيسور ريو.... نعم سنقبل التحدي (Re: AnwarKing)
فوق للفائدة العامة

07-06-2004, 10:31 AM

aymen

aymen
تاريخ التسجيل: 11-25-2003
مجموع المشاركات: 708

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: بروفيسور ريو.... نعم سنقبل التحدي (Re: smart_ana2001)

الاخ انور كنج
تحية طيبة

Quote: * ياخى سيبك من الكلام بتاع قواعد البيانات وما ادراك...دى المشاريع البتنفع معاكم فى أفريقيا....
قلتا لى انت من ويين؟

دي بالانجليزي؟؟

ايمن بشري

07-06-2004, 10:51 AM

farda

farda
تاريخ التسجيل: 04-08-2003
مجموع المشاركات: 826

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: بروفيسور ريو.... نعم سنقبل التحدي (Re: AnwarKing)
* Anwar King يا عزيزي ، عايز أقول ليك إستمتعت كثير بسردك الروائي جداً وخفيف الظل لحوارك مع الدكتور أعلاه ، بالإضافة للدلالات المهمة الموجودة في ثنايا الحوار.... والطلعتا بيهو كالآتي: الإهتمام بالمعرفة والتعليم كوسيلتين للتقدم المادي مرتبط بشكل جذري بي طريقتنا (في ثقافتنا) في التعامل مع المعرفة والتعليم ذاتـُم! الثقافة التي يجب أن نعلي من شأنها في التعليم يجب أن تكون ثقافة الإلتزام وإحترام العمل والتحصيل والإنتماء الجذري للتجويد... ... يعني الهوس الواضح في علاقة الدكتور دة (ولو إنو غـيـــــَّــــاظ!) بالمادة البيدرِّسها لا يمكن وصفه بشيء آخر غير الـ (complete dedication)... آخيراً ، لست مهتماً بالمجالات المذكورة ولكن أردت أن أعلق على دلالات مناشدتك الهميمة والمهتمة بشأن مستقبل تعليم أجيالنا القادمة.... ولكن لدي طلب صغير (قد يتطلب منك تغيير مجال دراسك للخمس سنوات القادمة): عليك الله وإنت في بلاد كوريا دي شوف لي بلاي كيف جاءت مصادفة السلم الخماسي هذه والبشتركو فيها الكوريين والسودانيين ؟؟ (ولا أقول ليك ، خلينا نسأل الموصلي!) وأخيراً جداً : الله لي كـــوريا ، ولي شبـــاب كـــوريا كـــوريا تتعلَّى ، وتاني ما تِدلا...

07-06-2004, 11:20 AM

AnwarKing

AnwarKing
تاريخ التسجيل: 02-05-2003
مجموع المشاركات: 11481

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: بروفيسور ريو.... نعم سنقبل التحدي (Re: AnwarKing)
Farda... عملتها ظاهرة والله.... طيب يا سيدى...أوعدك انو حا أسأل ليك ان شاء الله.... العزيز أيمن...والله أسكت ساكت بس فى موضوع التفاهم هنا... مشكلة.... أنور

07-07-2004, 05:00 AM

Raja

Raja
تاريخ التسجيل: 05-19-2002
مجموع المشاركات: 16054

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: بروفيسور ريو.... نعم سنقبل التحدي (Re: AnwarKing)
فووووووق لمزيد من الفائدة.. أنور.. لك كل التحايا النضرة.. تخريمة: لازم تشيل ليك "خرزة زرقاء"..

07-07-2004, 09:20 AM

AnwarKing

AnwarKing
تاريخ التسجيل: 02-05-2003
مجموع المشاركات: 11481

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: بروفيسور ريو.... نعم سنقبل التحدي (Re: AnwarKing)
yediki al 3afia ya Raja... لا والف لا لحجب سودانيزاونلاين بواسطة هيئة الطيب مصطفى Anwar

07-10-2004, 04:03 AM

zola123

zola123
تاريخ التسجيل: 08-22-2002
مجموع المشاركات: 7

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: بروفيسور ريو.... نعم سنقبل التحدي (Re: AnwarKing)
.

12-07-2004, 11:38 AM

AnwarKing

AnwarKing
تاريخ التسجيل: 02-05-2003
مجموع المشاركات: 11481

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: بروفيسور ريو.... نعم سنقبل التحدي (Re: zola123)
شكراً يا زولة يا جميلة لرفع البوست... الى حد الآن أتصل بي شخص وااااااااااااااااااحد فقط ولم اتابع الى أين وصل ؟؟؟ الى الأرشيف ونم فى هدوء وسكينة... قال up قال.... أنور

[رد على الموضوع]

صفحة 1 „‰ 1: << 1 >>

احدث عناوين سودانيز اون لاين الان

اراء حرة و مقالات	Latest Posts in English Forum
Articles and Views	اخر المواضيع فى المنبر العام
News and Press Releases	اخبار و بيانات

الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة

About Us
Contact Us
About Sudanese Online

اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين

News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums

If you're looking to submit News,Video,a Press Release or or Article please feel free to send it to [email protected]