|
|
 الوهمة شنو !
|
لاحظت قبل فترة واشهر مضت ظهور موقع تخصص فى لطم وشجب وادانه هذا الموقع الجميل والكريم وتخصص ذاك الموقع فى انتقاد بكرى ابوبكر وبعض الاشخاص بهذا الموقع ( وقد ساءنى ذلك ) ثم بعد فترة اختفى ذلك الموقع وظهرت مواقع عديدة باسماء مختلفة مرة سودانيز دوت اورغ ومرة سودانيز دوت نت ومرة ما عارف دوت هوت ودوك شوط - زى اسماء البيتزا - وحيث اننى يا اخوة يا كرام (معلم الله ) من ثقافة النت والفضاء المعلوماتى الرحيب فارجو ان تفيدونا يا سادة يا كرام الحاصل شنو و(الوهمة شنو ) زى ما بيقولو اصدقاءنا الشماسة وقصة المقولة انه وفى يوم اعفاء مبارك الفاضل المفاجى من منصبه تصادف ان وقف شماسيان - ارجو الا يقرئها احدكم شماس الدرجة الدينية او الوظيفة فى الكنيسة - فسال الاول الثانى وقد لاحظ تدافع الناس نحو اكشاك بيع الصحف - بالمناسبة صارت فى ذمة الله والوالى - وبحلقتهم على المانشيتات فساله ( اسمع يا مان الوهمة شنو الليلة فى دق كفر ولا شنو ..ويعنى بذلك مباراة بين الهلال والمريخ ) فاجاب الشماسى الثانى ( ابدا بس قالوا فى زول قرن - مسئول - دقس وعمل وهمة قامت الطارة كبست وشلعوه )
والترجمة على الشريط لمن لا يدرك تلك اللغة والتى بالمناسبة دخلت الجامعات فان النص يعنى ان هناك مسئول (قرن ) دقس اخطا عمل وهمة بمعنى تقعر وهاج وماج ،الطاره كبست معناه ان الحكومة بغضها وخيلها وبوليسها قد داهمت الرجل وشلعوه بمعنى اقالوه .
اها يا جماعة الخير واولهم (دفعة الــ500) الحاصل شنو بين كل والوهمة شنو بين كل (السودانيزيات ) دى كما ارجو ان انبه ان هناك كلامات وهمس وغمز مكثف ارجو ان نترفع عنه نحن معشر رواد كافة المنتديات والمنابر
|
|
 
|
|
|
|
|
|
|
 Re: الوهمة شنو ! (Re: محمد حامد جمعه)
|
أخي محمد حامد جمعه
أعجبتني لغة الرندوق التي تجيدها ، أنا لا أفهم من هذا الحاسوب غير كونترول وشفت شفت الشفتنه دي كيف وأضم صوتي إلى صوتك مناشداً أخوتنا خبراء الكمبيوتر أمثال أنور كنج وبقية الخبراء بالتنوير والإفادة
| |
|
|
|
|
|
|
|
|
|
Re: الوهمة شنو ! (Re: almulaomar)
|
شكرا يا (لنا ) كيفك وكيف اخبارك عساك بخير وعافية والحالة عند (Z ) يعنى تمام ودا تعبير جديد بالمناسبة عارفة البنات والصديقات بيسموهم شنو المثقافيتة بيقولو (نص ) والموظفين للموظفات (علاوة ) وناس قريعتى راحت موزعين بين (المراة ) و(الدامة )
| |
|
|
|
|
|
|
|
|
|
Re: الوهمة شنو ! (Re: محمد حامد جمعه)
|
| Quote: شكرا يا (لنا ) كيفك وكيف اخبارك عساك بخير وعافية والحالة عند (Z ) يعنى تمام ودا تعبير جديد بالمناسبة عارفة البنات والصديقات بيسموهم شنو المثقافيتة بيقولو (نص ) والموظفين للموظفات (علاوة ) وناس قريعتى راحت موزعين بين (المراة ) و(الدامة ) |
محمد يا أخوي سلام
إنت شايت على وين
| |
|
|
|
|
|
|
|
|
|
Re: الوهمة شنو ! (Re: إسماعيل وراق)
|
أخي إسماعيل وراق
يبدو أن أخونا محمد كان بيقرأ في مقال ورد على مقالي فجاء الرد هكذا ، وقد حدثت معي مرة في هذا المنبر وكلها كليك من الماوس أو إنتر وبعد كده الحلا بيل جيتس ما يحلك من إرجاع الرد أو مسحه لا ومعاها شكر كمان.
لك وللأخ محمد عاطر التحايا
| |
|
|
|
|
|
|
|
|
|
Re: الوهمة شنو ! (Re: almulaomar)
|
يا جماعة معليش بس قلنا نفرفش شوية ونفكها لان المنبر شايفو بقى صفحة تهانى وترحيبات بعدين (لنا ) قالوا (سندكالية ) قلنا نوديها للناس التحت شوية تعرف السنتهم ونطقهم
| |
|
|
|
|
|
|
|
|
|
Re: برلمة البرلوم محمد حامد جمعة يوم 4/12 و الشهود:الملا عمر ووراق و لنا (Re: محمد حامد جمعه)
|
محمد حامد شرطة بالضم أم بالفتح ، أنا لا هذي ولا تلك فلم أتشرف بالإنضواء تحت لواء الطلائع ولا الكديت ولا التجنيد الإجباري ولا العسكرية شرطة أم مباحثاً أم جيشاً ولا ما بتدعوه أخيرا والمسمي بالدبابين أو الدفاع الشعبي. كل ما في الأمر أخي أنني أجاور قشلاق البوليس أصحو على صهيل خيولهم وأنام على إيقاع فرق ضفادعهم التي إتخذت من بحيرات آسنة تحيط بهم من كل حدب وصوب مسكناً تخرج علينا منه ليلا أو قل وما أن يجن الليل حتى تشنف آذاننا بأصواتها وعزفها على جميع السلالم وفي جميع فصول السنة.
وإن عدتم عدنا
| |
|
|
|
|
|
|
|
|
 Re: الوهمة شنو ! (Re: محمد حامد جمعه)
|
محمد حامد جمعه
الوهمة ماعندك يافره000
لكن ماعرفناها وهمه شكل ورده ولا شكل قلبه 0
قايتو00
حبيناك من قلوبنا واخترناك ياحلو بى وهمتك دى000
لك حبى وودى والتقدير000
| |
|
|
|
|
|
|
| |
محمد حامد جمعه
almulaomar
إسماعيل وراق
lana mahdi
معتز تروتسكى
فيس بوك
تويتر
انستقرام
يوتيوب
بنتيريست