|
|
 المسطول والمسحلب
|
قال المسطول : يا فردة جاتنى مريم هنا
سأل المسحلب : مريم جاتك هنا ؟ ... مريم ياتا يا خوى ... الجابت كثافتك ولا مريم التانية .... ولا مريم الشالت شوقى الضاع فى كيس نايلون ... الحلوة بت الذين , ولا اقول ليك .. كيس النايلون دة ما تجيب طاريهو هسع ناس الكشة يقوموا يلخبطوا موازينا وسيك سيك معلق فيك .... قولى وين عطفك وينا جركانتك يا كيس نايلون مفتوق بالجنبة .... ياخ اما تسمعنى او تشتت .... اقول ليك مريم جاتنى تقول لى مريم كثافة ؟ ... دى ما قالوا وزعوها فى الخطة الجديدة ... انت عارف طلعت كم حتة ؟ امسك الحبل الجرجرونى وانا الجن البخلى الزول ينونى ... قالوا طلعت شمار فى مرقة ... مريم قالت مزيدا من الريد بتطلع حلة كوكو فى بوكسى لبن ... وتثاقفنا انا وهى .. اظنها انعتاق , واظنها كابوس مفرتق بالزردية ... ما اجملك يا فردة يا منقرضة منذ الاف السنين ... وقت حكيت ليها القصة الطارت ريش انقر ردها كيف ؟ رد زول بعاين فى قطية وبابا متاكا بحزمة شوق ... ردها مدهش يا سحلبة .. وكأنى قارنتها بين موناليزا مسكت ابرة بتنقش بيها قطيفة حب .. جيوكندا الكانت ماليانى قبل ما يشوفا السحار داك ... دة كان شاف مريوما كان غطّس حجرا ... شفت الزول السحار دة عمل فى البنية دى شنو ؟ خلاها لا قدرت تضحك ولا تبكى ولا تتلفت ... الله يختك يا ليوناردو ... نقطة نظام عام لو سمحت يا سطلة ... ليوناردو دة بتاع البرازيل ولا انا سكران ؟... ما انت قلت تثاقف .... دة دافنشى ... ومنّو قامت الشركة ختت شعار الداف الحايم وشايل حالنا بالكتاحة فى نص السوق .. تقول لى قريت جغرافيا ... اصمت برهة تحنان ... اسكت سكت ... الغبار .. الغبار .. العاساكر ... شوف الناس مقبوضة بالدس ... ومن نصهم مرقت طاشة وقاصدانى .. انا حلفتها ما تتكلم .. انا سكنتها فوق غيمات البرج البتألم ... بالله ... بتقول كلام ما بنقصدوا كمان ... سوأل اخير قبل الانحياز .. ممكن اتفضل .
مريم سألت : انا حلمت بيك فى العقل الباطنى ..
العقل الباطنى دة بيقع بى وين لعضم الضهر .
سحلبة شال جركانتو وشتت ...
فهمتو حاجة ؟
|
|
 
|
|
|
|
|
|
|
 Re: المسطول والمسحلب (Re: alfatih)
|
عزيزي الفاتح
انا ممكن افهم حاجة لو انت ممكن تشرح لينا العلاقة بين حمى الانتخابات الامريكية وحمى الانقلابات السودانية
اتخيل آخر أنقلاب في السودان كان غدا مع صلاة الجمعة
وكل انقلاباتنا السابقة كانت فجر مع صلاة الصبح
غايتو العلاقة بين الصلاة والانقلابات علاقة مبهمة وغير معروفة
والخيل تجقلب زي الشرا في القندول
(عن النص وبصورة جادة تصوير بليغ لحالة مجتمع منهمك في خيال بديع وصورة حية لواقع معاش قبل التغيير للاٍسوأ عندما لم يجد الافضل)
جمال
| |
|
|
|
|
|
|
|
|
|
Re: المسطول والمسحلب (Re: alfatih)
|
الحميم جمال السنوسى
حمى الانتخابات الامريكية زى ما قال لى المسحلب انها حمى صفراء بتاخد لون مكياج مبهرج بالدعاية وفن الممكن ...
وحمى انقلاباتنا دى حمى فيها كتاحة وغبار عيار 21 بس ما ذهبى
اتخيل قمت من النوم لقيت الاذان طلع فى دبابة وطلع الكرسى الفوق فى القصر .... فى احتمال واحد للمقارنة بين الانقلاب والصلاة .. ويبدو انو الناس الجايطة مع البندقية ديل فقراء او ماسكين السبح طول الليل ويبقى المحك ... حسب تحليل المسحلب
تسلم عزيزى للمرور فوق سطوح البوست
| |
|
|
|
|
|
|
|
|
|
Re: المسطول والمسحلب (Re: alfatih)
|
الحبيبة
الاديبة لنا
ما اجمل التثاقف
شفتى المسحلب دة لغتو كيفنها ؟
وما شفتى لغة المسطول شكلها كيف لكن !!
حياك الله ومددى الحرف فوق سطح الورق
كى نعترك مع دندناتك هنا
راجين معاك
تسلمى ومحبتى لك
| |
|
|
|
|
|
|
|
|
|
Re: المسطول والمسحلب (Re: alfatih)
|
هناك قاعدتان مشهورتان في الفلسفة
الأولى تقول (تعرف الأشياء بأمثالها)
والقاعدة الثانية تقول (تعرف الأشياء بأضدادها)
المجنون في التعريف السائد هو شخص يمارس أعمال غريبة أو قل بطريقة إعتباطية الأمر الذي يترتب عليه ضرراً عليه وعلى المجتمع من حوله ، وعكس ذلك تعريف العاقل الذي يمارس الأعمال أو أى عمل بحكمة تعود بالنفع على المجتمع وعلى نفسه.
فهل العالم الآن يقوم بالأعمال المفيدة أم العكس ، أكيد أن إجابتي شخصياً أنني وبرغم أن ما يقوم به أو ما يحدث في العالم من حولي أعمال ضاره تحلق الأذي بالمجتمع وبفاعلها إلا أنني أحسب نفسي عاقلاً إلا أن جوابي هو أن ما يحدث في العالم الآن هو الجنون بعينه ، ولو قلنا أن عالمنا عالم عقلاء فيه بعض المجانين فلماذا يموت آلاف البشر يومياً بسبب الفقر والمرض والجوع والحروب هنا وهناك ، كل تلك الممارسات المجنونة هي نتيجة لأفعال الإنسان تركت العالم شظايا ورماداً ودماء ودموعاً وأشلاء ومعوقين .
يبقى الجنون ليس حكراً على من يقفز في الشارع، ويتسلّق الجدران ويشقّ ملابسه ويلوّث بدنه، فإن المجنون أيضاً هو من يضرّ نفسه ويضرّ الآخرين وما أكثر هؤلاء في العالم اليوم.
| |
|
|
|
|
|
|
|
|
|
Re: المسطول والمسحلب (Re: alfatih)
|
العزيز والرائع
الملا عمر
ينقسم العالم الى فئتين
الاولى مساطيل واعتبرهم هاربين من واقع مؤلم الى دنيا زاخرة بالجمال من خلال رؤية محددة يستشفونها حسب المزاج .
الثانية وديل هم بيت القصيد ما اكثرهم وهم المسحلبين وهؤلاء لا يعنون الجنون... فقط تواروا عن الجنون لفترة وجيزة واذا الواحد ركّّز شوية فى الجهة اليسرى طوالى بيشتت .
بعدين انت ما شفت الزول السألوهو عن ناس السودان .... قال ليهم عشرين فى المية بيتكلموا فى الموبايل والباقين بيتكلموا براهم وديل جزء من السحلبة يعنى حبة روقة كدة الفلة بتشتت .
بالنسبة لكلامك عن هل العالم كله عقلاء وفيهو مجانين ؟
انا بقول ليك العالم كله مجانين بس فيهو شوية عقلاء ...
تسلم عزيزى للطلة الحلوة دى وربنا يكفيك شر الخدمة الالزامية وشر المسحلبين .
| |
|
|
|
|
|
|
|
|
 Re: المسطول والمسحلب (Re: alfatih)
|
العزيز ايهاب
اتخيل المساطيل والمسحلبين ديل
الناس بتتجاهل ابداعهم ويحاولوا
الهروب من الوقوف برواقة وتحليل
انسجة خيالهم الواسع والمبهر دة
تسلم يا اصيل على المرور من هنا
| |
|
|
|
|
|
|
|
|
|
Re: المسطول والمسحلب (Re: alfatih)
|
الاخ الفاتح
ما فهمنا اى شئ.. لكن فى اسماء اشخاص هنا واماكن حقيقية.. نرجو ان تنوه كما ينوه كتاب القصص الخيالية ان الاسماء الواردة فى هزه القصة لا علاقة لها باى اشخاص فى الحياة الواقعية، والامر كله صدفة فى صدفة خير الف من اى ميعاد او مسينجر او مطارات او موبايلات!
والاسماء التى تشبه اسماء حقيقية هى:
مريم
حلة كوكو
فردة
ليوناردو
البرازيل
دافنشى
| |
|
|
|
|
|
|
|
|
|
Re: المسطول والمسحلب (Re: alfatih)
|
العزيز عادل عثمان
قلت لى ما فهمت حاجة ؟
انت عارف جمال السنوسى فوق قال شنو ؟
الخيل تجقلب زى الشرا فى القندول
بعدين اتحداك تقعد معاهم وتصل لطريق واسع
بالنسبة للاشخاص والامكنة مع فروق الازمنة
ما لم يقتضى السياق ..... تكون للكلمات ...
صدر تحت تو
تسلم يا اصيل
| |
|
|
|
|
|
|
|
|
|
Re: المسطول والمسحلب (Re: alfatih)
|
الاديبة الرائعة سوما
ترجمتى للجايين عشانا
لغة الحرف الاصيل
نورتى للعتمة الطريق
بنغيمات الخميل
ضويتى فى جوانا رعشة
ساقياها بحرف الجليل
وكنا فرشنا السكة ورود
تسلمى يا مبدعة على المرور من هنا
واقول ليك سر ... عليك الله ما تطولى الغيبة
| |
|
|
|
|
|
|
|
|
|
Re: المسطول والمسحلب (Re: alfatih)
|
العزيز وليام اندريا
والله ضحكتنى شدييييد
انت عارف انا بتخيل فى مساطيل بلدنا
اتارى البلد دى مفتوحة والناس هنا
كلها مزغللة مالا ...
اخوك نسى ...
لا دة موضوع جدير بالكتابة .. مساطيل عبر القارات
وما وراء البحار ... الرئيس هنا مسطول ومسطول
شكرا ليك مرتين
| |
|
|
|
|
|
|
|
|
|
Re: المسطول والمسحلب (Re: alfatih)
|
يقول قائد القوات الانتحارية فى العراق ... ان قواته قد فقدت السيطرة والاعصاب بقت بايظة شديد
يعنى زى تلقى الواحد اذا ماشى براهو فى زقاق ولا شارع يتلفت براهو زى الحرامى .. او الرايحة ليهو
غنماية فكت البيرق ... يعنى زى مرات كتيرة اكون ماشى وداخل فى نفس الحالة بتاعة الجنود المجرمين
ديل ... بتلفت من دون سبب ... اتارى انا قلت السبب شنو ؟ وعرفتو ليك ...
كنت ببحث عن الملا عمر ... اجارك الله من الشتيت ... واللفيت ... او كما قال المسحلب الطفشى
شكرا ليك مرتين لرفع البوست والذكرى ..
تسلم اكتير على هالطلى .. زى ما قال مسحلب شامى
شكرا عزيزى لرفع البوست
| |
|
|
|
|
|
|
|
|
|
Re: المسطول والمسحلب (Re: alfatih)
|
ادروب ود الخطيب
يا حليلك ...
دى بلد السحلبة ... بلد مفتوحة زى الراكوبة
المسحلبين والمطوفشين والمطوفشات ...
قالوا ليه الجنوب كيف ?
قال ليهم كويس ... فوق منقة وتحت كبنقة
شكرا ليك يا رائع
| |
|
|
|
|
|
|
|
|
|
Re: المسطول والمسحلب (Re: alfatih)
|
أخي الفاتح في واحد فاكه منو قال الكلام التالي بس في ناس رجحت أن يكون القائل مسطول سطله شديدة وأنا مع الرأي الأول إنت رأيك شنو
ولاَّدةٌ خَلَّدَتهـا منْ رَوَائعــنَا
قَصِيدَةٌ تحْفظُ الأَجْـيَالُ مَغْزَاهَا
وَعبل يَا لَشُموخٍ ظَــلَّ يسْكُنُهَا
زَهْواً بمَا عَـنْتَرُ العَبْسِيُّ غَنَّاهَا
وهند مَا أَنجزَتْ وَعْداً لِشَاعِرِهَا
لَكِنَّـهُ بجِـمِيلِ الوَصْـفِ أَغْـنَاهَا
وَنُعْمُ في لَيلَةِ الدّوْرَانِ فَاتنَةٌ
مجَنّهَا في لقاءِ الحُبِّ أُخْتَاهـَـا
وَفَوْزٌ مِــنْ جَنَّةِ الفِرْدَوْسِ مَقْدَمُهَا
وَعِـنْدَهَا شَهَوَاتُ الرُّوحِ رُمنَاهـَـا
جِنَانُ حَجَّتْ فَسِرْنَا في زكائبها
نَرُومُ في جَنَبَاتِ البيْتِ قُرْباهَــا
وَغَـيْرُهُــنَّ كَثِيرٌ قَدْ تدَاوَلها
سمْعُ الزَّمانِ حَكَايا مَا نَسينَاهَا
فَاعْجَبْ لمَشْمُولةٍ بِالحبِّ سَـيّدَةٍ
عَلى القلوبِ وَ تنسَى مَا وهبناها
لوْ حِينَ ثَارتْ بِنَّا الأَحْلاَمُ ثوْرَتهَا
تجَاوَبتْ لَتهَاوى سُورُ مخْبَاهَا
لَكنَّهَا رَقدَتْ في الظِلِّ وَادِعَةً
وَفَضَّلتْ خَاطِباً مِنْ بعْضِ قُرْباهَا
كل المجانين منا أين واحدة
منكن نرفع في الأكوان ذكراها
أها يا الفاتح يا أخوي ، ناس الجنني وجن العزابه ، والجنن عبد القادر ، وأكتبوي حاجب من الخربني خراب يدخلوا مجتمعين أو منفريدين من الباب العالي بتاع ناس دعد وهند وعبله وغيرهن ولا برضو في ladies & gentelmen في هذا الشأن.
| |
|
|
|
|
|
|
|
|
|
Re: المسطول والمسحلب (Re: alfatih)
|
العزيز الملا عمر
الزول دة فاكة منو صامولة ابو لستك
اتمنيت الحقو ... حتى وان لم استطع ... اجدعو
بعدين فى هذا الشان .. فى لاياديس وجناتل احسبهم بالمتر
بس كمان عجبنى اسم المكسر الطاشم (
السالم دعد ... يعنى شنو ?
يخربنى كان فهمت معناه ..
لك القونقليز
| |
|
|
|
|
|
|
| |
alfatih
جمال السنوسي
lana mahdi
almulaomar
ايهاب
Adil Osman
willeim andrea
Adrob wad Elkhatib
اساسي
فيس بوك
تويتر
انستقرام
يوتيوب
بنتيريست