|
|
 الليلة جيت شايل الفرح -عامر الأمير
|
الليلة جيت شايل الفرح
الليلة جيت شايل الفرح وقصدك تعوضني اللفات
أديتني حنية عيون مالقيتها قي أقرب صلات
أديتني إحساس بعمر حاضنو الربيع ونسايمو جات
يوم كنا في جلستنا ديك نحكي ونعيد الزكريات
********
ماتشيل مع الحنية هم وتخاف من الأيام تدور
وتخاف يغيرني الزمن وأعبر بدون عينيك بحور
أنا روح بتعرف عزتك وزيك كمان زايد شعور
أنا بيك منورة آه دنيتي لليلة ما هلا عليها نور
*******
خليتني ليه عيشت الشقا قبال أعرفك من زمان
كم مرة لاقيتك أنا وصرحت ليك بالريد كمان
من بدري ليه ماقلت لي أنا قلبي ليك مليان حنان
وبالريد كمان صارحتني خليتني أغالب في الزمان
شكراً لإدارة البورد لإفراد موقع لي مع البورداب
أتمنى أن أسعد الجميع بحضوري ومشاركاتي وأن أكون أخ للجميع أحمل معهم هموم الوطن الجريح وأشاركهم الفرحة ...
عامر الأمير
|
|
 
|
|
|
|
|
|
|
 Re: الليلة جيت شايل الفرح -عامر الأمير (Re: عامر الأمير)
|
عامر تحياتي
وجودك إضافة ثرة للبورد
وأنا واثق من أننا موعودون منك بالجميل يا جميل
لم يكن لدي الوقت الكافي في الأيام الفائتة لولوج البورد .. لكن وجود اسمك أجبرني لإلقاء التحية والترحيب على الأقل ..
مليون سلام ومراحب !!!
| |
|
|
|
|
|
|
| |
سجيمان
saif massad ali
محمد اشرف
أبو ساندرا
محمد الامين احمد
عبد الباقي الجيلي
زول ساكت
برير اسماعيل يوسف
Elsadiq
الصادق خليفة
إسماعيل وراق
فيس بوك
تويتر
انستقرام
يوتيوب
بنتيريست