كتب الكاتب الفاتح جبرا المتوفرة بمعرض الدوحة
|
اللوتري جا.. والجديد شديد
|
السلام عليكم..
أخوكم هنا وقع ليهو لوتري المنتدى الحر بعد طول عناء، فالرجاء الترحيب والتهنئة
الاسم: أيمن جبارة الله الخضر العنوان: دبي الوظيفة: مهندس اتصالات GSM - باناسونيك الشرق الأوسط خريج جامعة الإمارات العربية المتحدة - هندسة اتصالات 2004 رئيس رابطة الطلبة السودانيين بجامعة الإمارات 2000-2001 سكرتير عام الرابطة 1999-2000 (الدورة الأولى) و 2002-2003
على سيرة اللوتري.. قالو خمسين شايقي وقع ليهم ليهم اللوتري مشو أمريكا سكنو في حتة سموها اللوتراب (مع المحبة للإخوة الشوايقة أولاد البلد بالبورد)
|
|
|
|
|
|
|
|
Re: اللوتري جا.. والجديد شديد (Re: أيمن جبارة الله الخضر)
|
مرحب بيك يا جديد وآمل أن تكون إضافة إيجابية للبورداب وما تبقى وجعة وتمشي على زقاق الشكل والدشمان البي ورا داك وخليك معانا هنا في الشارع العام...
وبعيد يا أخوي مسألة الشايقية دي : السوط كله فوق ضهري مش طرفه بس!!!!!
وقالوا واحد بوردابي أدوهو بيتين في الجنة/ قام باع واحد وأجر التاني وسكن مع جماعة عزابه في النار.......
| |
|
|
|
|
|
|
Re: اللوتري جا.. والجديد شديد (Re: Sidig Rahama Elnour)
|
niewbie الله يبارك فيك.. غايتو إنت بعد دا بقيت 230 مشاركة .. أنا النيوبي
راشد الجميل لو على الدولارات أصلو ما تشيل هم.. صاحبك برااااااااااي وانشالله نكون ألطف عليكم من النسيم زاتو
الشايقي ود البلد هو أحلى ما في البورد الشكل والمناقرة والمشاغلة اللطيفة مع ناس دينق ورودا وعادل عبدالعاطي وهوبفل.. بس الشكل اللذيذ البيخلي الناس تتفاعل وتتحمس وتفكر.. ما الهجوم الشخصي الما عندو معنى سلامتك من السوط يا أخوي وسلامتك من طرفو.. قالو الطرف دا أحر من السوط كلو
العزيزة يمنى أفتخر بترحيبك بي
الأخ صديق البورد منور بأهلو وناسو.. ما بتقصر
| |
|
|
|
|
|
|
Re: اللوتري جا.. والجديد شديد (Re: أبو ساندرا)
|
Quote: شليقية وزنوج وبجه وحلب |
عمنا أبو ساندا نعلّو أنا مع الحلب
بالمناسبة أنا من عرب رفاعة قبيلة اللحويين فرع النيل الأزرق سنار.. يعني عرب أولاد حرام زي ما قال مولانا جون قرنق
العزيز محمد أشرف وأنا كمان أتمنى إقامة طيبة بينكم.. شكراً ليك
الأستاذة لنا.. وافر الاحترام وترحيبك بي فخر لي ومنورين براكم والله
| |
|
|
|
|
|
|
Re: اللوتري جا.. والجديد شديد (Re: أيمن جبارة الله الخضر)
|
دا بوست اللوتراب ؟؟؟؟
ياأخوي اللوتري زمان كان بالواسطة وبرضوف فيه إشكال
لكن مع المطالبة بزيادة العدد ليصل إلي 50 الف بقى الباب مفتوح ساااااكت في السهلة
وبشوف اللوتراب كتاااااار قاعدين يتضرعوا بي جاي
أرحب بيك ولا ترحب بي ياأيمن
لوترابي جديد
عامر الأمير
| |
|
|
|
|
|
|
|