|
|
 البعد العاشر
|
فى البعد العاشر التقيتك
بتعقولى وبكل جنونى عرفتك
باحساس عميق كنبرات صوتك
احتضنتك
فأنا غريبه مثلك
رقيقه ومفتونه مثلك
أنا مجنونه مثلك
حياتى ملئ بأشياء وأشياء
كأعماق البحار
ملئ بالتجارب........ مثلك
أناأغوص فى أعماق بحارك
فى سموات وجدك أتسلق وأحلق
الحلم ........ الواقع
وأتوه فى حسنك ...أتعمق
أغالط نفسى ...أنكر مشاعرى
كل مقولات المفكرين فشلت
فى تفسير وجدى و وجدك
أراك أفرح
ولما ترانى يختل فكرك
أنا أكابر و أنت تنكر حبك
أحسه........ أعرفه
رغم انك تخبئه فى عمقك
أخبى أنا احساسى
أدفن شوقى في نفسى
فأنا لحسرتى لن أحظى بقربك
ولحسرتى أنا
لن أقوى على بعدك
حبوبتكم أمدر 
|
|
 
|
|
|
|
|
|
|
 Re: البعد العاشر (Re: Ana Zaty Omdur)
|
الرائعة أم در
شكراً لرشّّك لنا بعطر دواخلك الجميلة ، ولتواصلى تزيين هذا المكان من مثل هذا الجمال .
بعدين بصراحة قصّة حبّوبتنا دى كتيرة
كل وُدّى واحترامى
تحاياى للأسرة
| |
|
|
|
|
|
|
|
|
|
Re: البعد العاشر (Re: Ana Zaty Omdur)
|
نسيتى النقطه يا امدر
اكيد قاصده ممكن يتلجن
............
أخبى أنا احساسى
أدفن شوقى في نفسى
فأنا لحسرتى لن أحظى بقربك
ولحسرتى أنا
لن أقوى على بعدك
تسلمى يا باشمهندسه
| |
|
|
|
|
|
|
|
|
|
Re: البعد العاشر (Re: Ana Zaty Omdur)
|
رمضان كريم
وكل سنة وانتى طيبة
اللحن جاهز ياستى ، كمان نحن بنلعب ؟؟ بس قولى لى الحايغنيهو منو ؟؟ معز عمر بخيت وساب البلد !! (( كأنّو معز كان فنّان الجالية )) 
عزومتكم دى جد جد ولا عزومة مراكبية ؟؟ انا خلاص مسافر بعد كم يوم .
التحايا للياسمين فى حديقتك
ــــــــــــــــــــــــــــــــــــــــ
[email protected]
| |
|
|
|
|
|
|
|
|
|
Re: البعد العاشر (Re: لؤى)
|
أمدر يا ربوع سودانا
نحييك وأنت القائلة:
***
لمتين تهل لمتين تطل؟
تسقي الدواخل مهجتك
بعداً يزيد من شوقى ليك
قرباً يزيد بى فهمى ليك
حبا يزيد من فرحتك.
| |
|
|
|
|
|
|
|
|
|
Re: البعد العاشر (Re: Dr. Moiz Bakhiet)
|
| Quote: اللحن جاهز ياستى ، كمان نحن بنلعب ؟؟ بس قولى لى الحايغنيهو منو ؟؟ معز عمر بخيت وساب البلد !! (( كأنّو معز كان فنّان الجالية )) |
هووووووووووووووي يا لؤي
بس عشان أحييت أربعين حفلة وغنيت خمسة مرات في التلفزيون السويدي و ستاشر مرة في تلفزيون الجالية وعملت ثنائيات مع حمد الريح ومحمد ميرغني.. وعزفت لي انت طواالي تسويني فنان الجالية؟!!
بعدين أمدر عندها قصيدة تانية من ألحاني وعزفي على البنقز مع معاوية على الطبلة وبكري على الدونب وإنت على الأورغ وبشير بالملعقة على «البتاع» إن شاء الله ح نقدمها في مهرجان أورينتاليس في سكانسن في الصيف..
إيه رايك يا امدر ويجينا كمان أوسلي ضيف شرف!!
| |
|
|
|
|
|
|
|
|
|
Re: البعد العاشر (Re: Dr. Moiz Bakhiet)
|
| Quote: بعدين أمدر عندها قصيدة تانية من ألحاني وعزفي على البنقز مع معاوية على الطبلة وبكري على الدونب وإنت على الأورغ وبشير بالملعقة على «البتاع» |
و اوسلى على الكبريته
| |
|
|
|
|
|
|
|
|
 Re: البعد العاشر (Re: Ana Zaty Omdur)
|
| Quote: بعدين أمدر عندها قصيدة تانية من ألحاني وعزفي على البنقز مع معاوية على الطبلة وبكري على الدونب وإنت على الأورغ وبشير بالملعقة على «البتاع» |
ههههههههههههههههههههههههههههه
قلت لى بشير على شنو؟؟؟
جاهزين للحفله
لاكن أوسلى مايعتب بى هنا هو كدة مامريحنا
ياحلبل أيام زمان
كانت كلها بهجه, فرح وإنبساط
| |
|
|
|
|
|
|
|
|
|
Re: البعد العاشر (Re: Ana Zaty Omdur)
|
أم در عن اذنك تخريمة تانية اصلو انا عارفها الليلة دى ماحاتنتهى على خير
يامعز عرفنا بكرى والدُنب ، وعرفنا محمد ميرغنى وحمد الريح وووووو ، وعرفنا قصائد أم در والاورغان بس بشير ده خليت فنونو على الزمبارة وراويعو على الطبلة ومالقيت غير الاكسلافون الطبيعى ده تجيب سيرتو ؟؟ اعمل حسابك المعلقة دى آلة موسيقيّة معترف بيها من الكونسرفتوار واسأل يوسف الموصلى
ـــــــــــــــــــــــــــــــــــــ
[email protected]
| |
|
|
|
|
|
|
|
|
|
Re: البعد العاشر (Re: لؤى)
|
Quote:
حياتى ملئ بأشياء وأشياء
كأعماق البحار
ملئ بالتجارب........ مثلك
أناأغوص فى أعماق بحارك
فى سموات وجدك أتسلق وأحلق
الحلم ........ الواقع
وأتوه فى حسنك ...أتعمق
|
لذا يا أم در .. صرنا كلنا أم درمان مثلك .
تحية الابداع لك ..
وعبرك سلام بلا حدود لكل فرد في ام در
مدينة العبق التاريخي والألق الجميل .
خضرعطا المنان
| |
|
|
|
|
|
|
|
|
 Re: البعد العاشر (Re: خضر عطا المنان)
|
الحقيقة حاولت ان اجد ان هذا الكلام شعرا فلم اجده ..قد يكون قصيدة منثورة لا ادري ولكن اعتقد ان هناك الكثير من المجاملات في حق الادب في هذا البوست مثلا د معز شاعر يشار اليه بالبنان وايضا خضر كلامكم هذا يحسب عليكم يوما ..الاحتراف في كل شئ جميل هل تعتقد انه لو كان الفيتوري او سند طلبت شهادتهم في مثل هذه الاشعار كانوا ميالين للمجاملة علي حساب الادب ؟ فقط لان هناك علائق اجتماعية ..
قليلا من الاحترام للقراء...
| |
|
|
|
|
|
|
|
|
|
Re: البعد العاشر (Re: اساسي)
|
الأخ العزيز أساسي،
رمضان كريم
| Quote: مثلا د معز شاعر يشار اليه بالبنان وايضا خضر كلامكم هذا يحسب عليكم يوما .. |
أولاً قبل الدخول في أن هذا شعر أو غير شعر وهو موضوع آخر، هل وجدتني في هذا البوست أتحدث عن هذا النص في إطار كهذا؟!..
أنا ألقيت التحية وأوردت مقطعاً من نص آخر لأمدر.. ثم تحول الأمر لسمر رمضاني عائلي للحظات ثم عاد الآخرون للتداخل.. فما هي المشكلة إذن..
الشيء الأهم هو أنني لست ناقداً وإن طلب مني النقد أقول أن هذا إحساسي بهذا النص وليس أكثر ولا أعتقد أن الأخت امدرمانية كانت ترمي لذلك وعليه فلم أتطرق له..
أنا أتفق معك تماماً على وجود المجاملة هنا وهناك، ونصوص كثيرة ضعيفة للغاية تنشر في المنبر وتنهال عليها الإشادات واختيار مقاطع ساذجة في بعض المرات (QUOTE) وهو شيء ضار في اعتقادي، لكن إن لم يكن القارئ ناقداً فلينقل إحساسه الحقيقي بالسلب أو الإيجاب أو الإثنين معاً ولا يكتفي بالمجاملة.
أمدر عندما تود رأيي تقرأ لي نصها أو ترسله وهو السبب الأساسي يا أساسي الذي جعلني لا أحتاج أن أقرأ النص هنا برؤية نقدية أو ما شابه ذلك
وشكراً لك على طرح هذه القضية لأنها قضية هامة في هذا المنبر
والتحية مجدداً لأمدر
| |
|
|
|
|
|
|
|
|
|
Re: البعد العاشر (Re: Ana Zaty Omdur)
|
الأستاذ خضر لك التحيه لتفكيرك الدائم فى الوطن
ولقلمك الذى به تجاهد من أجل الوطن
وياله من جهاد
أمدرمان هى السودان
هناك الكثيرين من لوكانوا فى الوطن بقوا داخله
ولو فارقوه صاروا خارج الوطن
أنا الوطن داخلى جزء منى
هكذا أعيش وهكذا سأموت
لك مرة أخرى كل إعزازى
وتصوم وتفطر على خير
| |
|
|
|
|
|
|
|
|
|
Re: البعد العاشر (Re: Dr. Moiz Bakhiet)
|
Quote: هناك الكثيرون ممن لو كانوا
فى الوطن بقوا داخله
ولو فارقوه صاروا خارج الوطن
|
عزيزتي : أم در
ما تشيرين اليه هنا هو أحد أوجه مأستنا المتناسلة كلما عبر احدنا حدود الوطن الحبيب ... وتفرقت سبل المهاجر به وتقطعت جذوره بتربة
ذلكم الوطن المنكوب بمعظمنا دون غيرنا .
ولكن في المقابل هناك من يحمل الوطن في المهجر جرحا نازفا لا يتوقف عبر لواعج الحنين وأنات الشوق آناء وأطراف النهار .. وأنا أعتز بأنني واحد من هؤلاء دون مجاملة أو مواراة أو مواربة..
فهذا السودان عندي جرح لن يندمل الى ان تبرأ جراح أهلي فوق كل شبر من ترابه التي أنام وأصحو على رائحتها وعفارها ونسيم نيلها وهجير صيفها ورزاز خريفها واعتدال شتائها .
لك المودة .. والشكر لك لايقاظك كل هذه الأشجان يا أم در .
*********************************************************
عزيزي : اساسي
أتفق معك تماما في ما ذهبت اليه من مجاملات وما شابه .. ولكني أعتقد أنك ربما اختلط عليك الامر في ما قلته حول مداخلتي والحبيب معز: فهناك تقييم النص من وجهة نظر نقدية .. وهناك ما يمكن تسميته بــ ( تذوقية ) أوشعرية النص بما حواه من تعبير شاعري
أو حفنات من مشاعر ازاء ما يخاطبه الشاعر ( وهو هنا الوطن كما ترى ) .. وهذه تصبح ـ في نهاية المطاف ـ مسألة نسبية كما تعلم : أي ما لا تحس بجماله ربما يراه غيرك قمة في الجمال .. والعكس .
وهنا لن أزيد على ما قاله رفيق الحرف والكلم الجميل : معز.
ولك خالص مودتي
خضر عطا المنان
| |
|
|
|
|
|
|
|
|
|
Re: البعد العاشر (Re: Ana Zaty Omdur)
|
| Quote: بس لو قدرت على أوسلى تكون تب ما قصرت |
هو وينو طار وين؟!
هسة بكون غاطس ليهو في بوست ويجي مقلع بيهو في «طرائف البورد»..
النصيبة دة ما بنقدر يا امدر..
والله يغطينا من نوع مقالبو ديك..
| |
|
|
|
|
|
|
|
|
 Re: البعد العاشر (Re: Ana Zaty Omdur)
|
معز كدى كويس جايب سيرته مالك أهو جاك شد حيلك
*********************************************************
أوسلى أنا بديت أصدق كلام القالت إنك -------------
*********************************************************
حبيب نورة العزيز
والله أنا متلومه معاك لوم شديد  كل ما امر بى بوستاتك الجميله أقول أجى راجعه أعلق لكن الماوس
ليها رافع ( ماعندى كىبورد عربى بلقط الحروف بالماوس)
لك تحيه عطره
| |
|
|
|
|
|
|
|
|
|
Re: البعد العاشر (Re: osly2)
|
لمتين تهل لمتين تطل؟
تسقي الدواخل مهجتك
بعداً يزيد من شوقى ليك
قرباً يزيد بى فهمى ليك
حبا يزيد من فرحتك.
والفكره كانت فكرتك
يا ريت تكتبيها يا امدر
اعرف ان للكيبورد احكام ولكن حاولى
| |
|
|
|
|
|
|
|
|
|
Re: البعد العاشر (Re: Ana Zaty Omdur)
|
الأخ أساسى سلام ورمضان كريم
Quote: الحقيقة حاولت ان اجد ان هذا الكلام...........................
..................قليلا من الاحترام للقراء |
قول واحد
| Quote: كويس انكم اتفقتوا معاي د. معز وخضر |
قول اتنين
وقالوا التالته إيه؟؟؟ 
| |
|
|
|
|
|
|
|
|
|
Re: البعد العاشر (Re: Ana Zaty Omdur)
|
الاخت ام در ورمضان كريم عليك وتصومي وتفطري علي خير
بس ما فهمت | Quote: قول واحد وقول اتنين |
يعني شنو ..؟
الرجاء التوضيح ..؟
..!!؟
والحق يقال ان القصيدة المكتوبة في بوست اخر قمة في الروعة ولا تشبه الموجودة هنا ... هناك اللغة كانت متماسكة ويوجد موسيقي شعرية واضحة واظن بحر شعري ومعاني عميقة ...بعكس الكلام الموجود في هذا البوست ..وهنا لا اقصد ان اقيمك فلست بافضل بقدر ما كتبت احساسي تجاه الكلام المكتوب للعام
| |
|
|
|
|
|
|
| |
لؤى
osly2
Dr. Moiz Bakhiet
خضر عطا المنان
اساسي
حبيب نورة
فيس بوك
تويتر
انستقرام
يوتيوب
بنتيريست