|
|
 اعتذار الى سارى الليل وآخرين
|
عزيزى سارى الليل لك عظيم التحيه . وكثيرا من الاعتذار . لاننى لم اتمكن من الرد عليك مباشره بعد موضوعك الذى تطرقت فيه لمجموعتى القصصيه المشبك . وشكرا لاطراءك للكتاب . لك العتبى الى ان ترضى وتغفر يا سيدى .
الحقيقه انا افلى البورد عده مرات ولكن للنعام ما ببقه الجرى والطيران فأنا لا اكتب بل استجدى وقت الآخرين وكرمهم . والحراش ما كاتال . ومره اخرى اعتذر لكل اللذين يتداخلون معى ولا اتداخل معهم كثيرا . والامر ليس تتقلاً او صلفاً فهذه الاشياء لا استطيع ممارستها حتى اذا دخلت درس عصر . ولكن مداخلاتى تكون بالتفكير وكحل الكى بورد والتحسر . وكلما اطمع فيه تسامحكم وتفهمكم . وشكرا جزيلاً ..
شوقى ....
|
|
 
|
|
|
|
|
|
|
|
Re: اعتذار الى سارى الليل وآخرين (Re: shawgi badri)
|
الخال شوقي
سلامات و مشتاقين
بالله يا خال لو لقيت ليك زول يكتب؛ عليك الله احكي لينا شوية عن الهاشماب كحي و ناس؛
و عن اعمامنا صلاح عبد الماجد احمد و محمد عبدالقادر عمر الصادق رحمهم الله.
و من يخطر على بالك من سكان هذا الحي العريق.
و لك الود و التقدير
| |
|
|
|
|
|
|
|
|
|
Re: اعتذار الى سارى الليل وآخرين (Re: Hussein Mallasi)
|
العزيز ملاسى ... شكرا على المداخله طلبك جميل خاصه سيره الأخ البطل محمد عبد القادر عمر الصادق . والهاشماب حى لى فيه كثير من الذكريات والافكار تتزاحم فى الراس . ولكن البحث يجرى الآن عن ضحيه لكى يقوم بالكتابه . وسأكتب لك .
شكرا وتسلم ...
شوقى ....
| |
|
|
|
|
|
|
|
|
|
Re: اعتذار الى سارى الليل وآخرين (Re: shawgi badri)
|
يا أستاذ شوقي لك الود و الاحترام متابعه كل كتاباتك الجميلة و التي أتمنى ألا يمنعنا الكيبورد من تذوق رحيق الذكريات الدسمة بها.
أقترح عليك و الى حين العثور على الضحية المنشودة للكتابة أن تحاول الطباعة بالماوس و الكيبورد الموجودين على صفحة المنبر الحر. هل تصدق أن كل كتاباتي المنشورة بالمنبر كتبتها بهذه الطريقة. هي قد تكون مرهقة في الأول لكن صدقني مع مرور الوقت سوف تتعود عليها.
| |
|
|
|
|
|
|
|
|
|
Re: اعتذار الى سارى الليل وآخرين (Re: Nada Amin)
|
بنتنا العزيزه ندى ...
قالوا حموها الكلوميت شدت العرقى . انا كدى ما خلصان دايره يا بت اخوى تدخلينى غابه ماوس وهاوس , هو انا كان بعرف قدر ده العاجبنى شنو فى انتظار الناس . فى قصه قديمه فى امدرمان واحد ساكن جمب ناجيريين وامورهم ماشه ما شغالين لكن ماكلين وشاربين لمن اطمأنوا ليهو وروهو انه عندهم جنى فى قزازه لمن يحتاجوا اى حاجه بيجيبها ليهم . صاحبنا فرك القزازه جاهو الجنى قال ليهو عاوز وعاوز وعاوز وعاوز وبيت ثلاثه طوابق فى الرياض . الجنى قال ليه انا بتاع طلبات صغيره وقت انا بعمل بيوت ثلاثه طوابق فى الرياض العاجبنى شنو فى سكن القزاز .
انا يا بت اخوى كان بقدر على ده ما كنت سويتوا زمان العاجبنى شنو فى الشحده .
لكى التحيه ...
شوقى ...
| |
|
|
|
|
|
|
|
|
|
Re: اعتذار الى سارى الليل وآخرين (Re: Ahmed Al Bashir)
|
احمد ود اخوى ..
سويت عمك فاكهه . كلام عجبنى بس لكن رفاقتى ناس العباسيه زمان طليق راس خروف البعاتى وبارود وكرك وكدومبوس كان سمعوا الكلام ده ما حأخلص منهم . يا سيدى كتاب امدرمان انا ذاتى كايس ليهو طبعاً نحنا الكتب دى ما بنشيل منها قرش ولا بنقبل وكل زول بطبع وببيع . فى امدرمان انت بتبنى البيت وبسكنوهوا الناس الثانيين .
لكن سمعت ببيعوهوا عند مكتبه عزه لصاحبها نور الهدى ممكن تكلم ود امى النخيل يتصل بمحجوب شريف الشاعر فى الاحفاد الثانويه ممكن يساعدو . وسلم على عبد الرحيم وانا منتظر تلفونكم ..
لك التحيه ...
شوقى ...
| |
|
|
|
|
|
|
| |
shawgi badri
Hussein Mallasi
Ahmed Al Bashir
sari_alail
فيس بوك
تويتر
انستقرام
يوتيوب
بنتيريست