|
|
 إتبلورة دمعه – بماسبة العيد وكل عام والكل بألف خير
|
مهداه لكم جميعا أيها البورداب وأيها الزوار الكرام
وأيضا مهداه لأمير شرف الدين (مدني) ومبارك حسن (السوكي) صديقا ديموفلي أين ما كانو
إتبلورة دمعه
كانت جافه كانت ناشفه
إلا الحاله ما واقفه
تدور أيام ... أيام وراها شهور
تدور وتدور
زايله دي الخربانه
إلا فيها منانه
فيها العيد وأعظم قصه
في صباح العيد
كنت بعيد براي وحيد
قلت أكنس ... لع
قلت أفرش ... لع
قلت أصبح ... لع
قلت أعيد ... لع
قلت أكنس أفرش أصبح
أشيل الشاي أمشي الخلوه أعيد
أعمام خلان
أصحاب وأهل
كيمان كيمان
صغار وكبار
صفاره حلاوه
صباحه حلاوه
شمسه تبكر جد فرحانه
عيونه الزهرة ديك نديانه
طيورة تبارك ما طربانه
لانه العيد والابسه جديد
بالفرحه نغني نشيد
مبروك مبروك صباح العيد
يعود علينا يعود بكل جديد
ألف الحله ولافي العمه
والشاله فوق كتفي
أدفر باب وأفتح باب
أقالد داك وأسالم داك
كأنه سنين ما شفته حلتنا
ولا شفت الفيها شن حاصل
نكون شله
كنا أمس فى الخور
وهاك يا ونسه
تغمز مرة تفوت مرة
والشايله العلبه بنيت الحله
صباحك عيد صباحك عيد
تفضه تشيله تمشي تجيب
ونحنه بعد البطن ملايان الجيب
إلا وحاتكم برضها قصه
وبرضو صباح العيد
فى صباحه إتبلورة دمعه
قلت أعيد ... لع
قلت أصبح ... لع
قلت أفرش ... لع
قلت أجرها نومه
لقيت أنفاسي مكتومه
لقيت أطرافي محمومه
لقيت عيوني مهمومه
والدمعه ديك محتومه
عايزة تفيض
قلت أسليها بالذكرى
لقيت نفسي ليها أزيد
قلت أناجيها تتصبر
تبعد عن دريبي بعيد
لقيته عنيده في الإصرار
وكل ما مرة ماشيه تزيد
أسكت مين وأهدهد مين
شوقي كتير وحزني كبير
للفي الجروف
والدارة عامرة
صديرن زي جنا الوزين
بنوتا ما يعرفن صد
يعرفن سي
والشبال غزير وسمين
يبكي الميت الغلبان
مبكي طنبوري سنين
ناس تبارك لسع ما إتلاقت
وناس يباركو عقد
حليل توهان الفاقد الإتنين
أكتم صوتي مابقدر
أشوف الدمعه دايرة تتحدر
الخفقان جوة القليب يزيد يكتر
أسال غيري كيف الحال ألقه وجيه إتعكر
سوألي سوأل وكان باركت إتكسر
مافي بديل غير ما نحنه نتصبر
بكرة نعود نعيد الفرحه للإتنين
يكون الفرح بينا أكبر
نبارك العيد ونرقص البنوت الزغرودة تتفجر
أمانينا نقول آمين ... نقول آمين
إنشاء الله يالأحزان ما يبقالك قليبنا البر
تتوهي بعيد تقوصي بعيد
ما جالبالنا غير الشر
قولو آمين إنشاء الله الدمعه ماتكبر
إلا للأفراح
والفرح بالعيد يكون سكر
والفرح بالعيد يكون سكر
ديموفلي 1992
طارق ع الأحمدي
|
|
 
|
|
|
|
|
|
|
|
Re: إتبلورة دمعه – بماسبة العيد وكل عام والكل بألف خير (Re: Tarig Sidahmed)
|
صرخه00
جميعنا نقف على حنين وذكرى00
و
عندما نقف على الاطلال يشتعل فينا الحنين بلهب الذكرى 00
*المشوار والاختيار كثيرا مايبدو صدفه وحقيقه عندما يتسع الافق تضيق العبارة فالموقف اكبر من ان تحصره كلمات00
كل عام وانتم بخير والسنه دى قبل الجايه تتحق امانيكم00 Tarig Sidahmed
00
جميل ياطيب جمال00
لكن مانع الوصل 00
..................
فارق لاتلم00
انا اهوى الالم00
| |
|
|
|
|
|
|
| |
فرح
nour tawir
معتز تروتسكى
Raja
فيس بوك
تويتر
انستقرام
يوتيوب
بنتيريست