|
Re: آه ..!! كم أنتي جميلة أيتها الشبكة العنكبوتية (Re: خالد أحمد عمر)
|
العم / ود قاسم لك التحية والإحترام وما هذا إلا سخريةً من هذا "الجيب الفاضي" وإنت سيد التعليق ، ريالات هنا تم توريدها لسوق الخضار ببحري وأصحاب العقار الذي نسكنه وجامعات بلدنا الكترت وبقينا نحن مع الكرفتة والجزمة الإسبانية "والفارغة يملاها الله" ، نحن فايتين دكين بالصبر . إنها دعوة فقط للتزود من النت بما نريد والخروج عن مألوف المواضيع بالمنبر .
صديقي /خالد والإجابة لديك عن السؤال !!
| |
|
|
|
|
|
|
Re: آه ..!! كم أنتي جميلة أيتها الشبكة العنكبوتية (Re: عمران حسن صالح)
|
أصبر أقيف يا بوستيني رقم واحد... وين رايح ؟ ... وين فايت ؟ ... ما تبقي حاسد! سيب الخَلِق يفضوا ليك أصلو المعارك بي هناك واقفة كيك Kick داك جمعة .. وداك فتحي وما في زول فاضي ليك خليني أسوِّق ليك واعمل ليك UP وحاول أقيف أصلو باقي ليك يومين وتمشي الإرشيف ... زِعلتَ ؟؟ ياخي لا !! طُق ياشين إنت قايل نفسك كاتبك مصطفي أمين ؟؟؟؟ّّّّ
| |
|
|
|
|
|
|
Re: آه ..!! كم أنتي جميلة أيتها الشبكة العنكبوتية (Re: عمران حسن صالح)
|
عمران يا صديقي كيف حالك فكرة التعلم التي تهز ركائز الجهل لا تقف عند حدود ولكن التنازع الذي يتخبطنا يتلف هذا الصبر اللازم للتعلم ... نحن يا داب في سنة أول نت الواحد عرف يخش سودانيز أون لاين كيف ........... تقول لي كرفتة نتعلمها من النت ....... ولو النت ده فيهو أي شي ، طيب ما تتعلم ترفع بوستاتك كيف بدون تقريص ! أو توريني موقع فيهو طبخة للويكة ..... والله الليلة لو شافوك فتحي وجمعة إلا يتلحوك ويخلو د.معز وخضر ........ سلام ياخ وواصل مواضيعك الجديدة
| |
|
|
|
|
|
|
Re: آه ..!! كم أنتي جميلة أيتها الشبكة العنكبوتية (Re: Sidig Rahama Elnour)
|
الحبيب صديق رحمة النور سلام
Quote: فكرة التعلم التي تهز ركائز الجهل لا تقف عند حدود ولكن التنازع الذي يتخبطنا يتلف هذا الصبر اللازم للتعلم |
وده المجننا عشان كدة خلينا نخدم الحوش ده بمواضيع مختلفة وإليك هذه الهدية من موقع سوداني يوصف ملاح الشرموط بالويكة وهذه مقتطفات منو .
Quote: ملاح الشرموط الابيض المقادير نصف كيلو لحم مفروم ناعماً - توم مفري - 2 بصلة كبيرة - 2 ملعقة سمن او زيت - ويكه - كسبرة - ملعقة سمن للقدحة - ملح - ماء - فلفل - كوب عصير طماطم ويمكن ان يستغني عنه الطريقة اولا يفري البصل ناعما ويضاف الي اللحم المفري والماء وقليل من الدهن وعصير الطماطم ويتبل ويسلق على نار حتى ينضج الجميع ثانيا : تضاف الويكه الناعمة قليلا قليلا حتى يغلظ نوعا مع التقليب الشديد او يفرك بالمفراكة ويترك يغلى حتى تنضج الويكة ثم يرفع من على النار ثالثا : تعمل القدحة اي يحمر التوم في السمن ثم يضاف اليه الكسبرة ويصب في الملاح رابعا : يقدم مع السكرة او العصيدة )
|
http://www.sudaneseonline.com/sudaniat/k.makulat.htm
| |
|
|
|
|
|
|
|