بعض الفتوات في امدرمان

محمود محمد طه: رحلة الكفاح والخيال
يا سوداني امريكا الان يمكنكم ارسال العفش و الشحن جوا و بحرا الي السودان
سودانيزاونلاين 20 عاما من العطاء و الصمود
عمومية بورداب الرياض الجمعة 31 يناير 2020 .. الدعوة عامة
مرحبا Guest
اخر زيارك لك: 01-24-2020, 07:18 AM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مدخل أرشيف النصف الثاني للعام 2004م
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
07-20-2004, 12:45 PM

shawgi badri
<ashawgi badri
تاريخ التسجيل: 04-26-2003
مجموع المشاركات: 622

للتواصل معنا

FaceBook
تويتر Twitter
YouTube

20 عاما من العطاء و الصمود
بعض الفتوات في امدرمان

    بعض الفتوات في امدرمان
    من اكثر الفتوات الذين اعجب بهم في امدرمان هما يوسف تهمه و ادم قطيه ، فكما اعجب بالممثل الامريكي دوستن هوفمان بسبب موهبته ، و ليس طول قامته و عضلاته و وسامته ، اعجب بهذين الاثنين لانهما لم يكونا من ضخام الجثه . و امتازا بالشجاعه و الاقدام و قوة الشكيمه مما جعل الجميع يحترومونهم و يهابونهم .
    يوسف تهمه سكن في فريق عتاله . و هذا حي صغير محصور بين فنقر و تامه و خور ابو عنجه جنوب طاحونة ام سويقو العباسيه . و هنالك تشابه بين ادم قطيه و يوسف تهمه الا انه كان لادم قطيه لحيه . و الاثنين يبدوا من ملامحهم انهما ليسا من شمال السودان .
    يوسف تهمه اشتهر بضربة الراس . و كان يشاع انه يمكن ان يكسر الطوبه براسه . و قيل في انه غضب من حمار رفسه فضرب الحمار راس فاقعي الحمار .
    و اختلف مع العربي احد اشداء المورده . و انتظره العربي في قهوة ابو ضهير المواجهه للخور لعدة ايام . و عكازه المضبب بين فخذيه . و ما ان مد يوسف تهمه راسه حتي رفع العربي عكازه و اهوي به لكي يسقط علي الحائط لان يوسف سحب رأسه بسرعه . و اشتبك الاثنان فتدخل الجميع و فصلوا بينهم . و بعد مده تصالحا و قال العربي ( يا يوسف انا مستنيك تلاته يوم قلته اول ما تجي داخل اكسر ليك راسك المجنن بيه الناس ده ، تجيني داخل متاوقه . ) فكان رد يوسف تهمه ( انا راسي ده ما بدخلو في حته الا اتاوق و اشوف الحاصل شنو ) .
    اول مره اصطدم بيوسف تهمه كنت في السادسه عشر . فلقد كدنا ان ندهس كلبه بسيارة صديقي الميكانيكي عثمان ناصر بلال . فخرج شاتما و قال لعثمان ( اقتلو عشان الحقك ليه . ) و عثمان يرد بادب ( معليش يا عم يوسف ، متاسفين يا عم يوسف .....) . و انا لم اكن اري امامي سوي رجل عادي الحجم يخالط راسه الشيب ، فرددت عليه متحديا و حاولت الخروج من السياره فامسك بي عثمان هامسا ( ده يوسف تهمه ) . و فجاه يظهر صديقنا التجاني حسين الذي كان يعمل كعجلاتي عند العمده و هو جار يوسف تهمه و قال ( يا عم يوسف ديل اخوانا لكن ما بعرفوك . ) . فنظر الي يوسف تهمه لفتره ثم ضحك هازا راسه .
    في منزل التجاني حسين و في يوم الجمعه 11/9/1964 اكرمنا اولاد العباسيه و المورده بحفل شاي في فريق عتاله قبل ان اغادر مع شقيقي الشنقيطي الي براغ و تلك اخر مره اشاهد يوسف تهمه .
    يوسف كان رجلا قوي الشكيمه . قاسيا كالدنيا التي عرفها . و عندما مات شقيقه الاصغر عبدالملك بالرغم من قوته و شبابه و بسرعه خياليه لدرجه انه طلب ماءا و عندما رجع يوسف تهمه بالكوز من الزير كان عبدالملك قد فارق الحياة فقال يوسف ( يعني ما كان ممكن يقاوم المرض لحدي ما اجيه راجع ، ناس ضعيفه ياخي ) .
    يوسف وهبه ميكانيكي يميل لونه الي البياض و هو ضخم الجثه و يسكن في الزقاق الموازي لشارع المورده في فريق ريد . و عندما كنت اقوم بطلاء باب الحديد في منزل صديقي مصطفي كوتبا جار خميس بنقز و هو اول من ادخل البنقز في السودان ، توقف الجوكر فقال له مصطفي ضاحكا ( قالوا يوسف تهمه امبارح جا ماري عليكم ) .
    و القصه ان يوسف تهمه دخل علي مجموعه من اولاد المورده و بعض الضيوف في اول الشهر و في اثناء لعب الورق ، و سكينه كانت باديه من تحت كم الجلابيه المرفوع و وضع القرجه علي راس فاروق وهبه و لمده طويله لم يتحرك اي انسان . و العرق كان يتجمع في ذقن فاروق و يسقط . و اخيرا جمع يوسف تهمه كل الفلوس و قال لهم ( انا طالع من سجن و بعد تلتله و تعب اللواء حمد النيل ضيف الله شغلني منجد بالمشاهره في المخازن و المهمات ، يوميه 40 قرش ، انتو هنا كل يوم كلمه طيبه ، اداك ، خش ... طويله ....قصيره . مافي زول يجي يوم يقول لي يا عم يوسف هاك ) .
    في نهاية التسعينات كان توئم الروح بله حزينا في العباسيه و ذكر لي في التلفون ان الموت قد غيب خيرة ابناء الحي في فترة قصيره و ذكر عبدالعظيم ابو سنينه و عبدالحميد عبدالقادر عمر الصادق شقيق الجنرال محمد عبدالقادر و حمد ود الحداد البناء و الذي كان شيوعيا و عاش في الصين لفتره . و هو الذي ايقظني في الصباح في يوم 25 مايو 69 ليقول لي ناس عبدالخالق عملوها . و رجب صهر بله و نصر جباره باك العباسيه ثم المورده ، و استدرك اخيرا و قال و قطيه كمان يا شوقي مات الله يرحمو . و عرفت انه يقصد الاخ عثمان الذي لقب بقطيه لانه كان ركيباً حريفا في لعب الورق . و قديما كان يقال لكل انسان يجيد لعب الورق قطيه . و لهذا كان قطيه شخصيه خرافيه في امدرمان .
    ادم قطيه اشتهر كرجل كسر منزلي . و كان متخصصا في كسر الدكاكين و كنا نسمع و نحن اطفال ان ادم قطيه يقبض علي الطبله المسوكره ليكسرها باصابعه . كما كان مخنجيا و يبيع البنقو في منزله شرق قبة الشيخ دفع الله او مستشفي التجاني الماحي .و كان يقال ان لكل رجل كسر طريقه خاصه و يستطيع رجل البوليس المتمرس ان يحدد من الذي قام بعملية الكسر .
    و الغريبه انني شاهدت العم ضرار ( شنب الروب ) و هو صول امدرمان المشهور و والد الاصدقاء و زملاء الدراسه في الكتاب و الثانوي حسن و حسين التيمان ، يحي ادم بود و ادم يقف و يرد علي التحيه باحسن منها . في احدي المرات و في سوق المويه لم يكف شخص من الكلام في القهوه بالرغم من تحذير ادم قطيه ، فصفعه ادم قطيه . فتدخل الناس و اصلحوا بينهم و اعتذر ادم قطيه لانه كان يواجه حكما بحسن السير و السلوك . فاصر الشخص علي الذهاب الي المركز . فتبعه ادم قطيه بالزقاق الطويل الذي يبدا من ميدان البوسته مارا بالبار نبيذ و بيره علي كيفك و صاحبه ابوستولو و ينتهي في شارع العرضه عند مركز الشرطه .
    و كان ادم يناشد المضروب بان لا يذهب الي الشرطه و عند نهاية الزقاق اقتنع ادم قطيه بان الشخص لن يغير رايه . و عندما دخلا المركز كان الشخص مغطي بالدم . و قال ادم لرجل البوليس ( يا امباشي ادي الراجل ده اورنيك ثمانيه . ) ، و عند السؤال مالو ، قال ادم داقينو و عند السؤال دقاهو منو ، رد ادم انا .
    ادم عندما اقتنع بان الشخص لن يغير رايه قال ( انا ادم قطيه يودوني السجن بي كف ، الناس تقول شنو ) .
    باب منزل ادم قطيه في الزقاق الضيق كان مخلعا . و كان مصنوعا من الخشب العادي في شكل الواح صغيره سبعه تمانيه . و في احدي الليالي المقمره دخل ادم الي الغرفه الداخليه ليحضر شيئا فطرق شخص الباب فقال صديقي و زميل الدراسه طه امام عبدالله ( اتفضل ) و ربما بطريقه عفويه . و دخل شخص ضخم القامه يرتدي عمامه ضخمه و بدأالحديث مع ابن عمتي عثمان عبدالمجيد علي طه . و فجأه يظهر ادم قطيه و يسال الرجل ( كيف تدخل بدون ما تدق الباب ؟) ، فقال الرجل ( انا ما دقيت لكن نقرشته ) . و كان الرد صفعه اطاحت بعمامة الرجل ( نقرشه اااه ،.ما ترفع عمتك دي خلي نور القمره دي يضربك في راسك . ) . و لم يتوقف الصفع و نحن في حالة ذهول .
    و اذكر بعدها ان طه قال ( الزول ده كعب ، ما نمشي ليه تاني ) .
    في 1964 كان ادم قد قبض عليه لان احد اللصوص قد ملاء حقيبه بما خف وزنه و غلا ثمنه . و بعد ان قفز من فوق الحائط طارده اهل المنزل . فالقي بالحقيبه تحت اقدام ادم قطيه الذي حملها و تقدم نحو اهل المنزل و ارجعها لهم . و وقتها كان ادم قد صار يسير بطريقه معوجه فلقد تعرض لطعنات هائله حطمت بعض ضلوعه .
    و عندما عرضت هذه القضيه علي قاضي جنايات امدرمان محمد صالح عبداللطيف زوج اختي ، سالني اذا كنت اعرف ادم . و ادم كان يقول بانه لم يكن شريكا و الا لجري هاربا . و عند السؤال لماذا لم يحاول الامساك باللص قال لمحمد صالح ( سعادتك ، اولاد النوبه ديل بجروا ذي القطر ، انا ما بقدر احصلهم ) . فطلبت من محمد صالح ان ياخذ الرافه بادم لان حالته الجسمانيه في السجن كانت ستجعل الكثيرين من اعدائه يفتكون به .
    قبل سنتين عندما كان دكتور عبدالمنعم بدري في زيارتي تذكرنا ادم قطيه و قال عبدالمنعم انه في ايامه الاخيره تدهورت صحته . و كان يجلس في طرمبة البنزين بالقرب من سينما امدرمان . و عندما يري ابناء امدرمان القدامي كان يرفع اصبعه مناديا فيترجلون و يعطونه ما يستطيعون ، و لم يكونوا يردون له طلبا ، رحمة الله عليهم و كلما اذكرهم وأذكر امدرمان ( تخنقني العبره ) .
    شوقي....
                  
|Articles |News |مقالات |بيانات

07-20-2004, 01:04 PM

mohammed alfadla
<amohammed alfadla
تاريخ التسجيل: 10-06-2003
مجموع المشاركات: 1589

للتواصل معنا

FaceBook
تويتر Twitter
YouTube

20 عاما من العطاء و الصمود
Re: بعض الفتوات في امدرمان (Re: shawgi badri)

    يا سلااااام يا أستاذ
    والله بشوف الناس عديل لما تحكي
    الله يديك العافية
    بالمناسبة أنا ذاتي ود أم درمان ،الموردة فريق ريد
    وهسع نحنا جيران برضو في اسكندنافيا،أنا في أوسلو وجيت مالمو كم مرة.. المرة الجاية بضرب ليك عشان نتونس face to face
                  
|Articles |News |مقالات |بيانات

07-20-2004, 01:28 PM

shawgi badri
<ashawgi badri
تاريخ التسجيل: 04-26-2003
مجموع المشاركات: 622

للتواصل معنا

FaceBook
تويتر Twitter
YouTube

20 عاما من العطاء و الصمود
Re: بعض الفتوات في امدرمان (Re: mohammed alfadla)

    محمد مرحب بيك فى اى وقت . فى نفس زقاق فاروق وهبه كان يسكن عمنا يوسف المأمون والد مأمون يوسف المأمون الذى كان معى فى تشسلوفاكيا والسويد والآن فى القاهره وهو رفيق الدرب الذى ساعد فى ان احتفظ بكثير من حكاوى امدرمان لاننا كنا نجترا . وكذلك يسكن ابن خالته الوجيه يوسف بدر فى نفس الزقاق .
    مصطفى سليمان احد المبعوثين من وزاره الماليه سأل مأمون فى براغ _ انت يا اخ مأمون من وين ؟ فقال مأمون . من الخرطوم اثنين . ووقتها كان السودانيين الذين يسكنون الخرطوم اثنين يعدون على الاصابع . وبعد ان استمرت السهره لاحظ مصطفى سليمان ان كلام مأمون يوسف ما ذى كلام ناس الخرطوم اثنين . فسأل مره اخرى . انت متأكد انت من الخرطوم اثنين ؟ . فقال مأمون اى بس لكن فى الآخر رحلنا حى الحديقه . ولم يرد ان يقول فريق ريد . وبعد الوصف الغير دقيق قالم مصطفى سليمان . طيب ما تقول لى المورده بس ونرتاح , انا حسيت من كلامك ده ما كلام ناس الخرطوم اثنين .
    نحنا يا ولدى يا محمد ناس امدرمان كلامنا كتُر .
    لك التحيه ...
    شوقى ...
                  
|Articles |News |مقالات |بيانات

07-20-2004, 01:29 PM

Anwar Ahmed
<aAnwar Ahmed
تاريخ التسجيل: 01-29-2004
مجموع المشاركات: 2052

للتواصل معنا

FaceBook
تويتر Twitter
YouTube

20 عاما من العطاء و الصمود
Re: بعض الفتوات في امدرمان (Re: shawgi badri)

    العم شوقي بدري
    السلام عليكم
    لا فض فوك و سلمت البنان التي خطّت التوثيق لاجيال قادمه و سلم فكرك الذي أبدع و أجاد الوصف و التصوير... استمر في نثر بستان ابداعتك وعطر زهرك وجمال همسك وننتظر سحر جديدك وعبق عبيرك وسلم لنا فكرك العطر وأحســاسك الراقي عناق الكلمة وحبر القلم يتوهج بين سطوور توثيقك...

    انور احمد
                  
|Articles |News |مقالات |بيانات

07-20-2004, 11:37 PM

Unabomber


للتواصل معنا

FaceBook
تويتر Twitter
YouTube

20 عاما من العطاء و الصمود
Re: بعض الفتوات في امدرمان (Re: Anwar Ahmed)

    الخال الحبيب شوقى

    طبعآ حلة الرباطاب بحى البوستة كانت كمثابة حلتنا التانية، أما الزقاق الضيق المضلم الواقع وراء بيوت ناس بشير الريح و الذى زكرته فى بوستك التانى فنعرفه حق المعرفة، ففى نهايته و على الكورنر المقابل منزل عائلتكم كان يوجد منزل مضروب بجير أصفر مكتوب عليه منزل أحرار، و قد كان هذا سببآ لى لمعرفة معنى الكلمة، أنا طبعآ بتكلم عن سنة 1985

    و أزكر أيضآ حلويات شوشة المصرى، فى الجذء الغربى لمنزلكم، و أزكر مرة طلعنا معه رحلة صيد غزلان فى منطقة غرب أمدرمان مرورآ بجبل جارى و عبورآ بمعدية ود حامد حيث كان يملك شوشة عربة لاندروفر و كان مغرمآ بالصيد سويآ كأفراد أسرتى، أما المرحوم عبد الرحمن البشير الريح، رحمة الله عليه، فكان بمثابة العم الفاضل و كنت أحترمه كثيرآ فقد كان دائم التبرع لمدرستى أمدرمان الأميرية، و لعل كل أسرة حى الرباطاب يزكرون خيره ببناء مسجد الحى عندما هدمته الأمطار، قريبك أحمد بدرى زوج أخت المرحوم عبد الرحمن المقيم بلندن صديق شخصى لى بالرغم من فارق السن بيننا، و هو شخص خفيف الظل و محبوب جدآ من الناس

    و أعود
                  
|Articles |News |مقالات |بيانات

07-27-2004, 09:40 AM

shawgi badri
<ashawgi badri
تاريخ التسجيل: 04-26-2003
مجموع المشاركات: 622

للتواصل معنا

FaceBook
تويتر Twitter
YouTube

20 عاما من العطاء و الصمود
Re: بعض الفتوات في امدرمان (Re: Unabomber)

    انا بومبر لك التحية والمودة
    شكرا علي مداخلتك وعلي تذكيري بالحلة واهل الحلة وامدرمان الحبيبة والله يبارك فيك وشكرا علي هذه الذكري.
                  
|Articles |News |مقالات |بيانات

07-27-2004, 09:38 AM

shawgi badri
<ashawgi badri
تاريخ التسجيل: 04-26-2003
مجموع المشاركات: 622

للتواصل معنا

FaceBook
تويتر Twitter
YouTube

20 عاما من العطاء و الصمود
Re: بعض الفتوات في امدرمان (Re: Anwar Ahmed)

    الابن انــور لك التحية والمودة
    شكرا علي مداخلتك وشكرا علي اهتمامك وهذا مايسعدنا ويدفعنا للكتابة.
    لك التحية والمودة...
                  
|Articles |News |مقالات |بيانات

07-21-2004, 09:01 AM

أحمد طه
<aأحمد طه
تاريخ التسجيل: 03-31-2004
مجموع المشاركات: 580

للتواصل معنا

FaceBook
تويتر Twitter
YouTube

20 عاما من العطاء و الصمود
Re: بعض الفتوات في امدرمان (Re: shawgi badri)

    أخى الاستاذ شوقى ........ لك تحياتى وحبى.
    حكاياتك عن أمدرمان ألهمتنى أن أقتفى أثرك وأكتب حكاوى كسلاويه
    لدى بوست جاهز طويل عن حقيبة الفن فى الابيض فى منتصف الستينات نشرته حلقات فى جريدة الاتحاد الاماراتيه وجريدة الاضواء السودانيه وانوى تضمينه البورد بعد النهو من حلقات عبقرية المكان فى درة شرق السودان...... ماتكتبه عن امدرمان هو مجهود يجد منا كل التقدير حتى المسكوت عنه كان يجب ان يقال ويحتاج لشخص جرىء وشجاع لان يقوله
    عالم أمدرمان التحتانى لاينفصل عن عالمها الفوقانى ..انها مدينة لها خصوصيتها وتميزها وماتكتبه انت يتحاشاه غيرك ومن هنا جاءت اهمية ماتقدمه للناس بلغة تعجبنى .. بعيدة عن الفذلكه اللغويه التى
    تفرغ الكلام من محتواه ..وماتكتبه انت لايكتب الا بهذه اللغة الطريفه المتميزه التى تدخل اليك مباشرة بلا استئذان... أرجو ان يجد ارشيفك طريقه الى النشر ولايكفى ان يظل قابعا فى اضابير سودانيزاونلاين....
    اعددت ماده عن شخصية فوز الامدرمانيه ... فوز حى السوق...وفوز ميدان الربيع.. فوز المورده < مبروكه > وفوز حى الزهور.. بذلت جهدا كبيرا وانا أحاول تجميع أطراف هذه الشخصيه المثيره للجدل ...
    محمد عبالجليل < الرب >كتب كتابا عن مبروكه لم اطلع عليه ... حكاية مبروكه تستحق ان ينتج عنهافيلما سينمائيامكتمل العناصر .. شخصيتها وصالونها وزيجاتها وموتها التراجيدى وقصرها الذى كان فى زمانه منيفا....ألاغرب من مبروكه الرب نفسه قد لايعرف البعض انه شقيق كروان السودان ابراهيم عبد الجليل ولكنه شخصيه متفرده ..غريبه ..
    اشتهر بزندقة ظريفه وكرم فياض ومنتدى جامع وكرسى للعرش يطل منه على الجميع وعنده كبير الجمل لم يكن الرب شخصيه هامشيه ولكنه كان موظفا معتبرا فى متشل كوتس ....أنت أفضل من يلقى الضوء على هذه الشخصيه الفريده ............... < وده طلب خاص >
    ولك التحيه والشكرمقدما
                  
|Articles |News |مقالات |بيانات

07-27-2004, 09:49 AM

shawgi badri
<ashawgi badri
تاريخ التسجيل: 04-26-2003
مجموع المشاركات: 622

للتواصل معنا

FaceBook
تويتر Twitter
YouTube

20 عاما من العطاء و الصمود
Re: بعض الفتوات في امدرمان (Re: أحمد طه)

    العزيز احمد طه
    يسيطر علي احساس بان لك قلب يسع العالم كله. انك احد الذين اقامو في داخلهم ضريحا للوطن الذي قضي وانتهي مع اختفاء الجميل والناس الحلويين. اتابع كتاباتك خاصة درة الشرق. ما يدهشني هو معرفتك بخبايا ام در وناس الرب في الموردة وعروس الرمال ودرة الشرق كسلا. معنا هنا في مالمو الاخ احمد مجذوب, من كسلا والده شايقي وكان متعهد الجيش قديما. وهو شقيق ختم الذي كان مشهورا بالقعدات والعود. ونتذكر معه قصص كسلا في الخمسينات والستينات. ومعنا مجموعة ضخمة من الاشقاء الاريتريين الذين سكنت قلوبهم كسلا. ساكتب يا احمد وساكتب عندما اجد الوقت ويسعدني انك والاخرين تكتبون وتذكرون البسطاء الذين هم ملح الارض واهل البلد.
    لك كل التحية...
                  
|Articles |News |مقالات |بيانات

07-21-2004, 09:20 AM

جمال السنوسي
<aجمال السنوسي
تاريخ التسجيل: 09-14-2002
مجموع المشاركات: 6369

للتواصل معنا

FaceBook
تويتر Twitter
YouTube

20 عاما من العطاء و الصمود
Re: بعض الفتوات في امدرمان (Re: shawgi badri)

    العم شوقي بدري

    أتابع بوستاتك بشغف وأقرأ كل تلك الذكريات الجميلة من زمن (حفرو البحر)

    يا حليل زمن كنا بنعرف فيهو الحلة وناس الحلة واهلهم الفي البلد الكانو بيجو في الاجازات ويقضوا معاهم الاجازة وخاصة ناس بورسودان
    لمن الواطة تحر عليهم ويجو الخرطوم لأهلهم وبقضوا معاهم الاجازة

    الآن ما عاد ذلك ممكنا فقد تجلس في شارع بيتكمليوم كامل وتحاول أن تتعرف علىالمارة فلا تجد نفسك تعرف اي احد منهم
    فمعارفك وجيرانك وأصحابك إما قد باعو البيت ورحلو أو هاجرو أو ماتو وأصبحوا في جوار الخالق عز وجل

    أتمنى أن تتحفنا بهذه الذكريات الجميلة دائما وربنا يديك الصحة والعافية



    جمال السنوسي
                  
|Articles |News |مقالات |بيانات

07-27-2004, 09:59 AM

shawgi badri
<ashawgi badri
تاريخ التسجيل: 04-26-2003
مجموع المشاركات: 622

للتواصل معنا

FaceBook
تويتر Twitter
YouTube

20 عاما من العطاء و الصمود
Re: بعض الفتوات في امدرمان (Re: جمال السنوسي)

    العزيز جمــــــال
    لك التحية..
    المجرسنا وكاتلنا ماهو الخوف من انو نرجع لي بلدا ولدتنا وربتنا ونلقي نفسنا اغراب. لحدي ما تركنا السودان ما شفنا هوية ولا اثبات شخصية وسافرنا شمال وجنوب ومحل مامشينا عرفنا ناس وعرفونا. لكن زي ماقلت لمن رجعنا في التمنينات لقينا الناس مابعرفو بعض وما بهتمو.
    زوجتي السويدية سألتني قديما عن سبب مهاتاتي بالسودان. فقلت لها السودان البلد الوحيد الكلو زول فيه مشهور ومعروفى. في اوربا اذا كان الانسان في مية شخص بيعرفوه كتير. انحنا الواحد فينا لمن يخلص الثانوي بكون اقل شئ بيعرف ليه تلاتة اربع زول بالاسم.
    في يونيو 1966 وانا في اجازة من اوربا. نزلني القطر في السوكي نص الليل بعد ان تأخر نصف يوم بسبب الامطار. وكل ما اعرفه عن السوكي ان العم ابوشقة حمد شقيق الحاج حمد في بيت المال تاجر في السوكي. فسالت عن منزله وطرقت الباب ولم يكن في المنزل سوي النساء وكان السؤال (منـو) وعندما قلت شوقي ابراهيم بدري ات الصوت من خلف الباب من ناس لم اقابلهم من قبل (ود امينة؟...اتفضل)هكذا كنا.
    وشكرا
                  
|Articles |News |مقالات |بيانات

07-21-2004, 09:32 AM

ABUHUSSEIN
<aABUHUSSEIN
تاريخ التسجيل: 08-14-2002
مجموع المشاركات: 32645

للتواصل معنا

FaceBook
تويتر Twitter
YouTube

20 عاما من العطاء و الصمود
Re: بعض الفتوات في امدرمان (Re: shawgi badri)

    عمنا شوقي

    تحية طيبة
    ما تحكيه عن أم درمان و ناس أم درمان يعتبر من تاريخ أم درمان الذي لا ينسى و فعلا أم درمان فيها شخصيات مميزة و حتى الفتوات كان لهم أيضا دور كبير في صياغة تاريخ جميل لهذه المدينة التى جمعت كل ألوان الطيف بين أحيائها القديمة و الجديدة

    أيضا من فتوات أم درمان الذين لا زال الناس يذكرونهم العم داموك و له من الحكايات التي يتناقلها الناس حتى اليوم
    أذكر من حكاوي داموك و كان لديهم وفاة في حي العمدة و له أقربائه يسكنون أمبده و تأخر معه أقربائه حتى ساعة متأخرة من الليل و عند عودتهم قابلهم الربابيط أو قطاع الطرق و أوقفوهم في الميادين الفاصلة بين العرضة و أمبده قبل أن تصبح منطقة إمتداد بيت المال حاليا و قاموا بتجريدهم من كل ما يحملون من مال و ساعات و في اليوم التالي عرف داموك الحكاية فقام بإرسال بعض أصحابه و بعد ساعتين جاء أصحابه و معهم كل المال و الساعات المسروقة بعد أن تلقى الربابيط علقة ساخنة

    العم شوقي لا زلنا نطمع في كرمك بسرد المزيد من ذكريات و حكاوي عن ناس أم درمان فالحديث عنها لا يمل بل و يزيدنا شوقا لسماع المزيد
    الله إديك العافية

                  
|Articles |News |مقالات |بيانات

07-27-2004, 10:02 AM

shawgi badri
<ashawgi badri
تاريخ التسجيل: 04-26-2003
مجموع المشاركات: 622

للتواصل معنا

FaceBook
تويتر Twitter
YouTube

20 عاما من العطاء و الصمود
Re: بعض الفتوات في امدرمان (Re: ABUHUSSEIN)

    عزيزي ابو حسيـــن
    لك التحية..
    انا وعبد الفتاح من اولاد مدني الذي توج معلم ملعوب في قهوة شديد في 1964 كنا اخر من قابلنا داموق في الزقاق خلف الجامع قبل الحكم الطويل الذي واجهه. ساعود لهذا الموضوع عند الكلام عن فتوات ام درمان عامة.
    لك التحية...
                  
|Articles |News |مقالات |بيانات

07-21-2004, 09:51 AM

essam&amal
<aessam&amal
تاريخ التسجيل: 11-15-2003
مجموع المشاركات: 2579

للتواصل معنا

FaceBook
تويتر Twitter
YouTube

20 عاما من العطاء و الصمود
Re: بعض الفتوات في امدرمان (Re: shawgi badri)

    استاذى شوقى بدرى

    انا غايتوا لو ما من ناس امدرمان ومن اعرق احيائها ( حى البوستة )كنت اخدت فكرة ما كويسة عنها .

    ام درمان الاصالة
    ام درمان الفن
    ام درمان الادب
    ام درمان الرياضة
    ام درمان الشعراء
    ام درمان العلم
    ام درمان ام درمان
    التاااااااااااريخ

    حدثنا عن هذه الاشياء شوية وطلعنا من اجواء الرباطين والفتوات
    على الرغم من حبك لهم .
    نريد الاشياء الجميلة عن ام درمان .
    ولك الود

    ام وضاح
                  
|Articles |News |مقالات |بيانات

07-21-2004, 09:57 AM

ABUHUSSEIN
<aABUHUSSEIN
تاريخ التسجيل: 08-14-2002
مجموع المشاركات: 32645

للتواصل معنا

FaceBook
تويتر Twitter
YouTube

20 عاما من العطاء و الصمود
Re: بعض الفتوات في امدرمان (Re: essam&amal)

    أم وضاح تحية طيبة

    شـنـو العـنـصـريـة ؟؟؟؟؟؟؟؟؟؟؟؟

    طيب إنتي ما من قـلـب أم درمان هاتي ما عندك عن حي البوسته
    الرباطاب
    الهبابيش
    الشوايقة
    و
    و
    و
    الحتة دي ما مليانة و فيها حكاوي كتيرة


    تحياتي
                  
|Articles |News |مقالات |بيانات

07-21-2004, 11:27 AM

essam&amal
<aessam&amal
تاريخ التسجيل: 11-15-2003
مجموع المشاركات: 2579

للتواصل معنا

FaceBook
تويتر Twitter
YouTube

20 عاما من العطاء و الصمود
Re: بعض الفتوات في امدرمان (Re: shawgi badri)

    والله دى ما عنصرية
    لكن عاوزين الحاجات الحلوة يا اخوى انا حكاوى الرباطين دى بتخوفنى
    كأنهم قاعدين بره .
    ابو حسين الليله مالك على مذكرنى اهلى الرباطاب والهبابيش
    انت من حى البوستة ولا شنو ؟؟؟
    عندى حاجات كتيرة لكن انا بقدر احكى زى عمى شوقى ولا عاوزين تضحكوا على .

    ام وضاح
                  
|Articles |News |مقالات |بيانات

07-22-2004, 04:41 AM

ابو مهند

تاريخ التسجيل: 06-09-2003
مجموع المشاركات: 0

للتواصل معنا

FaceBook
تويتر Twitter
YouTube

20 عاما من العطاء و الصمود
Re: بعض الفتوات في امدرمان (Re: shawgi badri)

    عمو شوقي يديك العافية
    ممكن تحكي لينا عن سوق الموية ومواقفه الطريفة
                  
|Articles |News |مقالات |بيانات

07-23-2004, 02:49 PM

shawgi badri
<ashawgi badri
تاريخ التسجيل: 04-26-2003
مجموع المشاركات: 622

للتواصل معنا

FaceBook
تويتر Twitter
YouTube

20 عاما من العطاء و الصمود
Re: بعض الفتوات في امدرمان (Re: ابو مهند)

    المعذره سأعود للتعليق باسهاب عندما يسمح الوقت . وارد على كل الاعزاء . ولتغفر لنا ام وضاح . موضوع القتله مواصله . عند عمل الكعك نضيف الملح لكى نبرز طعم الحلو . امدرمان هى الجمال والروعه . الملح هو هذه الحوادث المنفرده يا ام وضاح وهذا جزء من امدرمان لا يعرفه الا القليلين جداً وحاولت ان الفت النظر اليه كنوع من التوثيق . التحيه ...
    شوقى ...
                  
|Articles |News |مقالات |بيانات

07-27-2004, 10:04 AM

shawgi badri
<ashawgi badri
تاريخ التسجيل: 04-26-2003
مجموع المشاركات: 622

للتواصل معنا

FaceBook
تويتر Twitter
YouTube

20 عاما من العطاء و الصمود
Re: بعض الفتوات في امدرمان (Re: ابو مهند)

    ابو مهنـــد
    لك التحية
    شكرا علي المداخلة وسنكتب واتمني ان يعجبكم ما نكتب..
                  
|Articles |News |مقالات |بيانات

07-27-2004, 01:25 PM

حبيب نورة
<aحبيب نورة
تاريخ التسجيل: 03-02-2004
مجموع المشاركات: 18580

للتواصل معنا

FaceBook
تويتر Twitter
YouTube

20 عاما من العطاء و الصمود
Re: بعض الفتوات في امدرمان (Re: shawgi badri)

    شكرا يا أستاذ يا عظيم
    انا معجب بكل ما تكتبه
    من زكريات أمدرمانية في
    البورد والمرة الجاية أكتب
    لينا عن الازاعة و قهوة جورج
    مشرقي وناس الحوشين.... حسب
    معاصرتك للأحداث دي......
    جميل جداً ما كتبت مع أني كنت
    فاكرك بتتكلم عن البنوت مش الشفوت
    اول ما قريت العنوان هههههههههه
                  
|Articles |News |مقالات |بيانات

07-27-2004, 08:59 PM

ALMURADABI
<aALMURADABI
تاريخ التسجيل: 06-22-2002
مجموع المشاركات: 533

للتواصل معنا

FaceBook
تويتر Twitter
YouTube

20 عاما من العطاء و الصمود
بعض فتوات امدرمان (Re: shawgi badri)

    العم شوقي لك منى خالص الاحترام والتجلة

    سعدنا جدا بسردك التاريخي لفتوات امدرمان واظن انك نسيت كبس الجبة على سبيل الخطاء نأمل انو تحكى لينا عنه
    الموردابي
                  
|Articles |News |مقالات |بيانات

07-27-2004, 09:16 PM

أحمد طه
<aأحمد طه
تاريخ التسجيل: 03-31-2004
مجموع المشاركات: 580

للتواصل معنا

FaceBook
تويتر Twitter
YouTube

20 عاما من العطاء و الصمود
Re: بعض الفتوات في امدرمان (Re: shawgi badri)

    الاستاذ شوقى...... تحياتى

    اولا ان آسف على التأخير فى الرد لانى دخلت على المواصله ولم اجد ردا على مداخلتى حتى وجدت ردك الودود بعد ماالبوست اترفع مره اخرى ...وانا آسف مره تانيه على الخرمجه الغير مقصوده فى اضافة ردود فى مساحات فارغه نتيجة دقسه زى مابقولوا
    شكرا على اشارتك للاخ أحمد مجذوب ... اولا نحنا ابناء حى واحد وعلاقتى بأبناء اخته أولاد المرحوم عطا السيدحميمه جدا واذكر العم ختم بكل خير ولن أتجاوزه عند الكتابه عن الحياة الاجتماعيه فى كسلا وحى الميرغنيه .. وأحمل فى قلبى اجلالا كبيرا لشقيقته معلمة الاجيال الاستاذه عائشه مجذوب... أما أحمد لازلت أذكره بصلعته المميزه وفتوته واعرف الحكايات الكثيره عنهو عن جيله الذى لحقت به وصاروا ندمائى ...
    بلغه تحياتى وقول ليه أنا ولد طه محمد الحسن الصائغ ....وأمى وأبى
    من مواليد حى الميرغنيه...وكنت رئيس سابق لمجلس ادارة نادى الميرغنى الذى يضم كل أصحابه وأصحابى .. قرأت حديثك عنه مره وقصته مع المترجم المصرى ...له ولك خالص التحايا ... وشكرى
                  
|Articles |News |مقالات |بيانات

08-03-2004, 10:11 AM

shawgi badri
<ashawgi badri
تاريخ التسجيل: 04-26-2003
مجموع المشاركات: 622

للتواصل معنا

FaceBook
تويتر Twitter
YouTube

20 عاما من العطاء و الصمود
Re: بعض الفتوات في امدرمان (Re: أحمد طه)

    عزيزي احمد...لك التحية
    اعطاني ردك شحنة من كل ماهو طيب وجميل فلك الشكر...سابلغ رسالتك لاحمـد. احمد كان يقول لي ان احد شيوخ كسلا قال قديما انو ناس الختمية حيشحدو النار من ناس كسلا بمعني ان كل اطراف كسلا تلتحم وكان هذا التفكير بعيد بالنسبة لاهل كسلا. من المؤلم ان بالرغم من التطور الذي اصاب كسلا في السبعينات والتمانينات تتعرض كسلا للكارثة التي كان يمكن ان تتفادها الحكومة بقليل من الجهد. طوبي لاهل كسلا. لك التحية....شوقي
                  
|Articles |News |مقالات |بيانات


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de