|
|
 (اشــــارة ).... نص جديد للشاعر بابكر الدقوني
|
البنيات في عيونك همهمات ..
من دهب ..
عانقتني الدنيا بي مليون سبب..
وفرد خسارة ..
كرفست قلبي الاماني ..
وانتي يادوبك اشارة
في سبلات الوجود مشغولة بي اناناس مظنة
وزير محنة من البحر
في لحظة حر
جرت الغمامة المجري محريب ..
القلب الكبيب صنقر
وما دنقر نفس
غزلت طواقيهو الحريم
**************
قاعد سمح جوة
ما ممحوق ..
حرير شلة ولعل الريح
سنين وبروق ..
بتاً حسكنيت الحرقة
زي المرقة
جيبك خالي
قلبك مالي
مو مسروق ..
تدس همك وعلة وجعك المخروق
ترش الحمي في جسد الغنا السفروق
ولوٌح صوت اميمة ..
النيل وقف محلب
انهار من بوادي الدنيا كشفت موج
تحت سيقانا
خمسة بلود من اليابس ..
وستة بحور جرت عريانة
باقي القمرة زادخنقانه
والشمش رحلت ..
بقت دنيانا ايما ام
صباح سابح وليل متعنكل الحشمة
وكم لزمة بتحت صفق الضلمة الناس
وحراس العيون بالعمة
خبر ايه يا ولد مشدود !!
خبر ايه يا ولد ظنك !!
اظنك لسه ما مولود
فج بي حيلك التمتم
وبي مهلة علي السهلة
انضم ريدك المشهود
عجايب عاج ..تبر مسكوت
************
القاهرة
5اكتوبر 2004
|
|
 
|
|
|
|
جمال ادريس
فيس بوك
تويتر
انستقرام
يوتيوب
بنتيريست