والله ما عارف أقول ليك شنو .... نادية (بتّ اللذين أحبهم) دي ورطتني في بوست غريب والله ... غايتو يا حبيبنا الله يبارك فيك .. ومع إنها في السعودية علّ بحب أسميها عربية .. سيّارة دي بتزكرني بالسيّارة في قصة سيدنا يوسف.
عليكِ الله يا نادية حسي ده خبر يفتحو ليهو بوست؟؟؟؟
غايتو أقول شنو خير إن شاء الله يا نادية يا بت عثمان مختار يعتّرك ليك الفرح في كل خطوة. ويخدّر ليك يااااااا رب، وعقبال ما أشوفك راكبة الخنزيرة .. قولي آمين
07-31-2006, 02:19 PM
Tragie Mustafa Tragie Mustafa
تاريخ التسجيل: 03-29-2005
مجموع المشاركات: 49964
والله لقيتك طيبّة وعلى نيّاتك .. هو منو القال ليكِ كانت عندي عربية قديمة عشان أسلّفها ليكِ؟ ما شايفة نادية فرحانة كيف؟ دي عليكِ الله فرحة بتاعت (تاني عربية)؟
بس ما مشكلة بشوف ليك عربية secondhand تمشي بيها حالك. أوكي؟
Quote: مبروك (الأتومبيل )، وربنا يحفظك من كل شر، وسوق براحه ، وأعمل حسابك من الرادار ورجال المرور ، وأهم حاجة المرايات والفرامل ، والبوري .. أهم شي البوري
الأخ محمد عبد الله هارون
والله وما تقول لي الأيام دي متشددين في حكاية السرعة القصوى دي، وأنا بعيد عنّك أقل من 180 ما بقدر أمشي .. غايتو ربك يستر .. ومن ناحية البوري ما تخاف، مركّب ليهو بوري لومينا
07-31-2006, 04:29 PM
DKEEN DKEEN
تاريخ التسجيل: 11-30-2002
مجموع المشاركات: 6772
Quote: بعدين العربية جاز يا نادية عثمان يختي .. جاز مابنزين ..
دكين يا ختري كيفك يا (وغد) ..
كل مرّة تبهرني بي خيال وشطحة من شطحاتك الغريبة حسي عليك الله منو القال ليك إنو العربية جاز ما بنزين؟ ولا ما عارف إنو البنزين رخّصو ؟؟؟ يا سيدي إن شاء الله يبارك فيك، وعقبال ما أشوفك راكب ليك كامري 2007م تجميع مقديشو
07-31-2006, 09:06 PM
عزالدين محمد عثمان عزالدين محمد عثمان
تاريخ التسجيل: 07-13-2006
مجموع المشاركات: 1280
عدّول يا لزيز .. كيفك وكيف الجماعة إن شاء الله الجميع بخير
يا سيدي الله يبارك فيك، وإن شاء الله أول مشوار حيكون لبيتكم ... لو ما كنتو رحلتو حتّة تانية وعلى فكرة يا عدّول .. العربية دي عربية عزّابية 100% وسيبك من الكلام المغتغت وفاضي وخمج بتاعك ده بس ما تسألني مظلّل العربية لي شنو لو بتاعت عزّابة
08-01-2006, 07:47 AM
حمزاوي حمزاوي
تاريخ التسجيل: 10-10-2002
مجموع المشاركات: 11622
جزاك الله خيرا وأنت تقدمين هذه الدعوة للتآلف والتصافي وتؤكدين أن الاختلاف لا يفسد للود قضية . والاختلاف لن يختفي ونحن نتناول الشأن العام بالحوار. لكن يجب أن يبقى الاحترام بيننا. _________ مبارك السيارة يا هشام بالتقوى والسعادة. بهذه المناسبة أنت مدعو لزيارتي بالظهران (مشوار سفر بين الظهران والدمام) عشاء أو غداء من مطبخي أنا مع العلم نفدت بهارات الزقني. الحبشي
ياخي الصورة بتاعتك دي عملت لي إحباط بالجد هو عليك الله لو كان عندي لاندكروزر .. كنت حكلّم نادية وأنا عارف نزعتها البرجوزاية ديك؟؟؟ على العموم أديني عشرة عشرين سنة وإن شاء الله اللاندكروزر بتجي الله يديني ويديك طولة العمر بس
Quote: مبارك السيارة يا هشام بالتقوى والسعادة. بهذه المناسبة أنت مدعو لزيارتي بالظهران (مشوار سفر بين الظهران والدمام) عشاء أو غداء من مطبخي أنا
محمد E سليمان
بالجد نفسي أقابلك وأقعد معاك .. أحس إنو في كلام كتير داير أسمعو منك والنت مضيّعك شديد يا أبو حميد .. والظهران فركة كعب على كل الأحوال .. أديني الوصف بالكامل في الماسنجر .. وإن شاء الله في أول فرصة حجيك ناطي
Quote: جزاك الله خيرا وأنت تقدمين هذه الدعوة للتآلف والتصافي وتؤكدين أن الاختلاف لا يفسد للود قضية . والاختلاف لن يختفي ونحن نتناول الشأن العام بالحوار. لكن يجب أن يبقى الاحترام بيننا.
اؤمن جدا ان لنا وطنا يسعنا جميعا لو اننا جعلنا من الاحترام المتبادل (رغم الاختلاف) ديدنا ومنهجا !
وسيظل الاحترام بينناماحييت اخى محمد والف مرحبا بك دوما
08-02-2006, 10:08 AM
هشام آدم هشام آدم
تاريخ التسجيل: 11-06-2005
مجموع المشاركات: 12249
Quote: اها, نحن بنعز النبى,, و من غير حلفان كان لازم نبارك, لهشام آدم بس وين باقى الشمار ماركة العربية,, لونها (من برة و من جوة)
الأستاذة والصديقة الغالية بحق غادة عبد العزيز
إنتِ كمان طلعتِ بتاع شمار يا غادة ؟؟ حتّى إنتِ يا بروتوسّة؟؟؟
على العموم يا ستي العربية CHEVOROLET AVEO موديل 2006 ولونها أسود ومن جوّا رمادي دايرة رقم اللوحات كمان ؟؟؟ الله يبارك فيك يا غالية وتسلم شديد على المباركة
أنا طبعا عندي هواية جمع العربات ومواصفاتا وموديلاتا ..
فداير اعرف حاجة قبل ما ابارك ..
العربية دي المحرك بتاعا قوتو كم حصان ؟؟ ولا اساسا قوة المحرك ما بتقاس بالحصين الزمن دا ؟؟ ولا أمكن ادوهو العربية ومحركا ناقص حصان واحد عشان يتمو براهو ؟؟
يعني داير معلومات زي دي ....
لو امكن يعني ..
شنكل :
لقيتي لي الشقة القلت ليك دايرا على شارع النيل ولا عملتي نايمة !!
08-01-2006, 11:45 AM
هاشم نوريت هاشم نوريت
تاريخ التسجيل: 03-23-2004
مجموع المشاركات: 13622
Quote: جزاك الله خيرا وأنت تقدمين هذه الدعوة للتآلف والتصافي وتؤكدين أن الاختلاف لا يفسد للود قضية . والاختلاف لن يختفي ونحن نتناول الشأن العام بالحوار. لكن يجب أن يبقى الاحترام بيننا.
انت براك داير تصافى من اول الزعل لزومو شنو؟
08-01-2006, 01:03 PM
elham ahmed elham ahmed
تاريخ التسجيل: 12-22-2005
مجموع المشاركات: 465
نادية وهشام أنشاء الله عاد يا يمة يباركو ليكم الحجة والزوغة الهرجة أنو كمان حبوبتي أشتروا ليها نضارة جديدة أمبارح كنت بتشكي و بتبكي ليها زمن نجضتني نجاض قبورة ( بتعرفي القبورة!!؟) اها نسوان الحلة والجيران والبجي يقول سلام تسوي خدام وتاكلة الشغلانة في النضارة المابتشوف أمبارح جابو ليها النجاضة .. أقصد النضارة وحاتك يا غالية القروش الصرفناها في الببسي والشاي والسكر والبن للنسوان البجن يباركن لو خشينا بيهن في صندوق بتول جارتنا كان هسة بقينا في بورصة ناسداك والفاينانشال تايمز يعني حبوبة دي لو أشتروا ليها عربية ما خلاس بتلحقنا أمات طه النبي عاملة شنو يا كعبة آآآآآآآآآآي كعبة عِلا مشرّفة يا قولي معقولة ياخ أقل حاجة تخلي سفرك حتي لو أيميل أقلّوا وناس الدنيا الله يديهم بونية وقع ليك العربي دة!!!!!!!
08-04-2006, 01:42 AM
showgi idriss showgi idriss
تاريخ التسجيل: 08-07-2005
مجموع المشاركات: 440
الأستاذه ناديه تسلمي قاصد الشعبيه.. اصلي طولت منها لي اكثر من خمسه سنين بعيد عنها وبمسك في اي واحد مشي في شوارعها واشترى من سوقها وزار مركزها الصحي وصلى في جوامعها.. اشوفها الآن من خلاله وهل مازالت كما تركناها ام تغيرت.. ولكي ودي عزالدين
08-07-2006, 02:39 AM
إدريس البدري إدريس البدري
تاريخ التسجيل: 07-31-2006
مجموع المشاركات: 943
Quote: قاصد الشعبيه.. اصلي طولت منها لي اكثر من خمسه سنين بعيد عنها وبمسك في اي واحد مشي في شوارعها واشترى من سوقها وزار مركزها الصحي وصلى في جوامعها.. اشوفها الآن من خلاله وهل مازالت كما تركناها ام تغيرت.. ولكي ودي عزالدين
ياسلااااااااااااااام انا زاتى طولت لى منها سنة !!
انت بيتكم وين من الجامع والسوق ؟!!
08-07-2006, 08:49 AM
Muna Khugali Muna Khugali
تاريخ التسجيل: 11-27-2004
مجموع المشاركات: 22503
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
أحمد الشايقي
هشام آدم
Tragie Mustafa
فيصل محمد خليل
معتز تروتسكى
.
.
حبيب نورة
فيصل نوبي
bint_alahfad
عزالدين محمد عثمان
هاشم نوريت
غادة عبدالعزيز خالد
Mohamed E. Seliaman
Sobajo
حيدر حسن ميرغني
ناذر محمد الخليفة
elham ahmed
Mohammed Haroun
showgi idriss
Sahar Abdelrahman
إدريس البدري
keiga2000
Muna Khugali
فيس بوك
تويتر
انستقرام
يوتيوب
بنتيريست